ئانا تىل مەكتەپلىرىنى قۇرۇش

tadubeg

ئەينى ۋاقىتتا ئىزدىنىشتا مۇشۇھەقتە چۈشكەن ئىنكاسلاردىن ئوبدانراق پايدىلىنىپ باقساڭلار....

kanoniyol

بۇ ئورۇننىڭ كىنىشكە رەسمىيەرلىرى تولۇق بولۇپلا قالماي ھۆكۆمەت ئۆزى سالغان داچە بىنا بولغاچقا  بىخەتەرلىك ،ئوت ئۆچۈرۈش ئۆلچەملىرىگە  يىتىشىدە مەسىلە يوق كۆرۈلدى ، ھەم ئۇ يەرنىڭ ئىگىسىمۇ بىزنىڭ  بىر بالىلار باغچىسى ئىچىش ئويمىزنى ئاڭلاپ بۇ خەيىرلىك ئىش ئۈچۈن ئورۇننى ئۇزۇن مۇددەت ھەتتا 10 يىل ۋاقىتمۇ بىرەلەيدىغانلىقىنى ئىيىتتى  

Bilgier

ئالدى بىلەن مەكتەپ قۇرۇشقا زۆرۈر شەرتلەر نىمىكەن،  شۇنى ئايدىڭلاشتۇرۇپ كۆپچىلىككە بىلدۈرۈپ قويۇڭ، شەرتلەرگە تولۇق چۈشىدىغان يەرلەرنى كۆپچىلىكمۇ بىرلىكتە ئىزدەشسۇن.

kanoniyol

باھىسنىڭ مۇۋاپىق بولغانلىقى ،بولۇپمۇ كىچىك ھويلىسىنىڭ بولىشى ئاقىللار مەكتىپى سۆزدىن يىنىپ ھازىرغىچە بىزگە ئۇچۇرغان ئەڭ مۇۋاپىق جاي بولغاچقا بۇ يەرنى ئىجارىگە ئىلىش سەمىيمىتىمىزنى ئىپادىلەپ زاكالەت تاپشۇرۋەتتۇق گەرچە بۇ ئادەم بىزگە قىزىقىپ تۇرغان بولسىمۇ ئۇنىڭغا كۆپ ئۇچۇر دىيەلمىدىم ھەتتا دىگەن ھامان بۇ ئادەم گىپىدىن دەرھال يىنىۋالىدىغاندەك كۆڭلىم بىئارام بولدى
بۇ ئەندىشدە بولىۋاتقانلقىم ئۆزەمنىڭ ئۇغۇردەك روھى ھالەتكە چۈشۈپ قالغانلىقىمنىڭ دەلىلى بولغاچقا شۇ تاپنىڭ ئۆزىدە تىخىمۇ  بەك بىئارام  بولماقتىمەن  

tumaq

خېشۈن قورۇسىنىڭ ئۇدۇلىدا «ماھارەت قوش تىللىق بالىلار يەسلىسى» دەپ بىر يەسلى بار. يەسلى رەسمىيىتى پۈتمىگەن، ئەمما يەسلى ئەسلىھەلىرى تولۇق. ئىگىدارى قۇربانجانغۇ دەيمەن، ئىشقىلىپ خوتەنلىك بالا. شۇ كىشى بىلەن ئالاقىلىشىپ باقامسىلەر يا؟ ھېلى تېلېفون نومۇرىنى تېپىپ يوللاپ قوياي.

Bilgier

kanoniyol يوللىغان ۋاقتى  2013-4-4 20:15
باھىسنىڭ مۇۋاپىق بولغانلىقى ،بولۇپمۇ كىچىك ھويلىسىنى ...

ئاخىرىغىچە دادىل قەدەم ئالالايدىغانلىقىڭىزغا ئىشىنمىز. قىلىۋاتقان ئىشىڭىزنىڭ ھۆكۈمەتنىڭ تەستىقى ئاستىدىكى ۋە خەلقنىڭ قوللىشى ئاستىدىكى توغرا ئىش ئىكەنلىكى مەلۇم بولغاندىن كىيىن، ئارتۇقچە ئەندىشىلىنىشنىڭ ھاجىتى يوق، بىرەر پۇتاق ۋە يوچۇم بولمىسىلا ئىشلار يۈرۈشۈپ كىتىدۇ....

ozhan1982

ئەسسالامۇ-ئەلەيكۇم،قانۇني يول قېرىندىشىم،ئۇلۇق اللاھ سىزنىڭ ۋە بىزنىڭ ھەممە ئىشلىرىمىزنى ئاسان قىلسۇن،سىزنى يامان كۆزلەردىن ساقلىسۇن،سىز ۋە گۈلەن ئىككىڭلار ئەڭ ئۇلۇق ئىشنى قىلدىڭلار ھەم قىلۋاتسىلەر ۋىجدانى ئويغاق ھەر بىر ئۇيغۇر سىلەرنى قوللايدۇ،بىز سىلەردەك ئەقىللىق،ئوت يۈرەك يىگىتلەرگە بەك مۇھتاج،سىلەر ھازىرقى دەۋىردىكى مەمتىلى ئەپەندى سىلەرگە  يەنە ئابدۇخالىق ئۇيغۇر،لۇتپۇللا مۇتەللىپ ۋە باشقا قېرىنداشلار  مەدەت بولسۇن

Bilgier

ئايرىمچە بۇ بىر سودا. مۇتلەق كۆپ ساندىكى خەلقنىڭ ئېھتىياجى ئانا تىلدىكى يەسلىلەرگە چۈشتى، مۇشۇ ئېھتىياجنى قاندۇرۇش ئۈچۈن ئانا تىل يەسلىيلىرىگە مەبلەغ سېلىندى. بۇ بىر خۇسۇسى ئىگىلىكتىكى كارخانىۋى مائارىپ. ئانا تىلدا تەربىيلىنىشنى ئاساس قىلىدىغان  مائارىپ تۈرىگە مەبلەغ سېلىنسا ئاممىنىڭ زور دەرىجىدىكى قوللىشى بۇ كارخانىنىڭ تەرەققىياتىنى ئىلگىرى سۈرىدۇ.
كارخانا تەرەققىي قىلىپ زورايسا، مۇستەھكەم ئاساسقا ئىگە چوڭ  شىركەتكە ئايلىنىدۇ....شۇڭا خەلقنىڭ ئەمەلى قوللىشى بەكمۇ مۇھىم.  

musapirman

ھازىرقى دەۋىردىكى مەمتىلى ئەپەندى سىلەرگە  يەنە ئابدۇخالىق ئۇيغۇر،لۇتپۇللا مۇتەللىپ
............................................................................................................................
ياراتقان  ئۇلۇق  ‹‹ ئاللاھ  مەدەت  قىلسۇن  ››  ئۈلۈك  تىرىككە  مەدەت  قىلالمايدۇ .

  يەرگە دەسسەپ  تۇرالمىساڭ  ئەگەر  مەھكەم ،
  قويمىغايسەن  ئاشۇ  يولغا  ئەسلا   قەدەم .
  كىرەر  بولساڭ  ھەر ئېھتىمال  ھازىرى بول ،
  كۆزلىگەيسەن چىقماق  ئۈچۈن بىر توغرا يول.

  كەلىلە ۋە دېمىنەدىن .

kanoniyol

مىنى  بىئارام قىلغان يەنە بىر نۇقتا بىز ئۇقۇشقان يەردە بالىلار باغچىسى ئاز ئەمەسكەن ،باغلارغىمۇ نامراتلارغىمۇ بالىلار باغچىسى باركەن لىكىن پىڭ دىڭ شەن رايونىدىكى ئۇيغۇر بالىلار ھەقىيقەتەن شۇنداق بىر مائارىپ ئورنىغا مۇھتاج ئىكەنتۇق،بۇنداق ئەھۋالدا ھەقيقى ئىھتىياج بار يەردىن ئاتلاپ ئۆتۈپ  بۇيەردە ئوقۇغۇچى تالىشىپ سەتلىشەرمىزمۇ ؟ ..دىگەندەك سۇئاللار بولدى لىكىن گۈلەن ھەقىيقى مەنىدىكى بىر بالىلار تەرەقىيات مەركىزى شىنجاڭدىلا ئەمەس پۈتۈن جۇڭگودىمۇ كام ئىكەنلىكى ھەققىدە دىگەنلىكىنى ئويلاپ  پىڭ دىڭ شەن  رايوندىكى مۇھتاجلىق بۇ يەردىمۇ مەۋجۇت دەپ چۈشىنىپ تۇردۇم . ئاللاھ خالىسا بىزئەتىراپتىكى بالىلار باغچىلىرنى غىدىقلاپ ئۇلارغا ئاكتىپ تەسىر كۆرسىتىمىز . ھەتتا باشلانغۇچ مەكتەپ قۇرۇش باسقۇچىغا ئۆتكەندىمۇ ئانا تىلدىكى مائارىپنىڭ ۋەئىلمىيلاشقان قوش تىللىق مائارىپنىڭ ئۈلگۈلىرىنى يارىتىپ دۆلەت ئىگىلىگىدىكى باشلانغۇچ ئوتتۇرا مەكتەپلەرگە ئوخشاش ئىجابى  تەسىر كۆرسىتىمىز دەپ  
ئويلايمەن