كۈلەمسىز يا يىغلامسىز....(ئوقۇپ قويۇڭ)

turayigiti

ئۆتكەندە ئايالىم بىلەن بالىلىرىمىز چوڭ بولسا قايسى مەكتەپتە ئوقۇتۇش  توغۇرلۇق پاراڭلىشىپ قالدۇق.مەن دىدىم؛بالىلىرىم چوڭ بولۇپ مەكتەپ يېشىغا يەتكەندە چوقۇم ئۆزىمىزنىڭ مىللىي سىنىپلىرىغا ئوقۇشقا بىرىمەن.ئايالىم:مەن دەسلەپتە تېخى بالىلىرىمىزنى خەنزۇچە مەكتەپتە ئوقۇتساق بولامىكىن دەپ ئويلىغان،لېكىن بىر ئىشنى ئاڭلاپ بۇ خىيالىمدىن ۋاز كەچتىم دەپ مۇنداق بىر ئىشنى دەپ بەردى.

ئايالىمنىڭ مەھەلىسىلىك بىر بالا ،ھازىر تولۇق ئوتتۇرىدا ئوقۇمدىكىن،خەنزۇچە مەكتەپتە ئوقۇيدىكەن.بىر قېتىم بۇ بالا ساۋاقداشلىرى بىلەنمۇ ئەيتاۋۇر بىر نەچچەيلەن قەيس غوجام مازىرىنى كۆرۈپ چىقىپتۇ.ئۆيگە قايتىپ كېلىپ ئاتا-ئانىسىغا بۇ ئىشنى دەپ بېرىپتۇ.ئاتا ئانىسى خۇش بولۇپ بالىسىدىن سوراپتۇ؛

-بالام،ئۇ يەرگە كىرىپ شۇنداقلا قايتىپ چىقتىڭىزمۇ ياكى ئاز-تولا سۈرە-ئىمانلاردىن ئوقۇپ چىقتىڭىزمۇ؟

بالىسى؛-ھېچنىمە بىلمىگەچكە <ئامىتابا،ئامىتابا>دەپ قويۇپ چىقتىم....

ئاڭلاپ بىر ھازاغىچە نىمە دىيىشنى بىلەلمەي قالدىم....

ئەتراپىمىزدا ئۇرۇق-تۇغقانلىرىمىزدىن،دوست-بۇرادەر،تونۇش-بىلىشلەردىن خەنزۇچە مەكتەپتە ئوقۇغانلار ،ئوقۇۋاتقانلار خېلىلا بار.لېكىن بۇنداق ئىشنى تۇنجى قېتىم ئاڭلىشىم.ئويلاپ قالدىم،بىرى بولغانكەن يەنە بىرىنى ھەتتا ئۇنىڭدىنمۇ جىقىنى يوق دىگىلى بولامدۇ؟سۆزلىسەم گەپ ئۇزىراپ كەتكۈدەك،قالغىنىنى تورداشلار ئۆزى چۈشىنىۋالار.......

aypari0111

مەنمۇ بارلىق ئاتا-ئانىلاردىن ئۆز بالىسىنى ئانا تىلىدا ئو قۇتىشىنى ئۈمىد قىلىمەن بۇنداقلارنى مەن كۆپ كۆرگەن    ئاللا  رەھمەت  قىلسۇن

bowak

ئەھۋالدىن قارىغاندا ئۇلار ئۆيلىرىدە تاماق يەپ بولۇپ دۇئا قىلمايدىغان ئوخشايدۇ. ئائىلىدە تاماق يىيىشتىن بۇرۇن قول يۇيۇش ئاندىن «بىسمىللاھى رەھمانىررېھىم»دەپ تاماق يىيىش،تاماق يىيىلىپ بولغاندا چوقۇم چوڭلار دۇئاغا قول كۆتۈرىپ «قۇرئان»ئايەتلىرىدىن بىرياكى بىر قانچىنى ئۆنلۈك ئوقۇپ «ئامىن»دىيىش كېرەك.شۇنداق بولغاندا بالىلارنىڭ قۇلۇقىغا كىچىكىدىن  سىڭىپ تۇرىدۇ.

bowak

گۇناھنى بالىغا قويۇش مەنچە ئەقەللى ئىش ئەمەس،ھەممىنى ئۆزىمىزدىن باشلىشىمىز كېرەك!
مەكتەپ مۇھىم،ئەڭ مۇھىمى يەنىلا ئائىلە تەربىيىسى ۋە  ئائىلە مۇھىتى!

parasat

مىنكاۋخەن بالىلاردىلا ئەمەس ئۆز ئانا تىلىمىزدا ئوقۇپ چىققان بالىلىرىمىزدىمۇ دۇا قىلىشنى بىلمەيدىغان ئەھۋاللار بار،شۇڭا ھەدىسىلا مىنكاۋخەن بالىلارنى ئەيىبلەۋەرمەي،بالىلارغا كىچىكىدىن باشلاپ قائىدە -يوسۇنلارنى ئۈگىتەيلى،مىنكاۋخەن بالىلار تۇغۇلۇپلا «مەن خەنزۇچە مەكتەپتە ئوقۇيمەن» دەپ جىدەل قىلىپ يىغلىمىغاندۇ؟

ansari37

مۇشۇنداق خەنزۇ مەكتەپلىرىدە بالىلىرىمىزنى داۋاملىق ئوقۇتساق، كېيىن گۆشنىمۇ خەنزۇ قاسساپلاردىن ئېلىپ يەيدىغان بولىدۇ .

dowajin

يىغلىسىڭىزمۇ--  ئۆزىڭىزدىن ئاغرىنىپ يىغلاڭ  ،،كۆلسىڭىزمۇ  ئۆزىڭىزدىن   كۆرۆڭ،  سەبى بالىلاردا گۇنا يوق ،  ھەممىسىگە سىز ئاتا-ئانا  بولغۇچى ئەيىپلىك ،  ئاتا-ئانا پەرزەنتلەرنىڭ بىرىنجى مۇئەللىمى،  شۇنداقلا مەڭگۆلۆك مۇئەللىمى ھېساپلىنىدۇ   ،  بۇ نۇقتىنى   ھەرگىز ئۇنتۇپ قالماڭ   !!!!!!!!!

weli

نىمىلا دىمەيلى ئائىلە تەربىيەسى ھەممىدىن ئۈستۈن. بۇنىڭغا دىققەت قىلمىغان ئاتا-ئانا ئۆزىدىن كۆرگەي!!!
مەنمۇ بىرەر موللامدا سۈرە ئايەت ئۆگىنىپ باققان ئەمەس، لىكىن نامازنىڭ ھاجىتىدىن چىقىمەن، دادام مەن ئىسىمگە كەلسەم تاماقنى بىسسمىللا دەپ قولىغا ئىلىپ، دۇئا قىلسا ئۈنلۈك قىلىپ ناماز ئوقىسا ئۈنلۈك ئوقۇپ قۇلىقىمىزغا سىڭدۈرۈۋىتىپتىكەن.