-
مېنى يوقىتىپ قويدىڭىز
كوچىڭىزغا كىرمەيمەن ئەمدى،
خازانلارغا بەرگۈم يوق ئازار.
خازان ئەمەس يۈرەكتۇر بەلكىم ،
زاېر-زار يىغلاپ ئۇ يەردە ياتقان.
تەسەللى دەپ تەرمەيمەن چىچەك،
مەيلى چۈشسە تۆكىلەر يەرگە.
دەرتلىرىمنى بىرىمەن سۆزلەپ ،
چۈشۈمدىكى ناتونۇش ئەرگە.
يېىڭىزغا كەلمەيمەن قايتا،
سىملار چىگىچ ئۇلانماس تىلىفۇن.
ئىزلىرىمىز ئۆچتى شامالدا،
<<ھېلىقى دەرەخ >>قىسقاندا بويۇن.
ئاسمىنىڭىز مۇڭلىنار ئايسىز،
كۆلىڭىزدە قاغجرايدۇ سۇ.
كۈيلىرىڭىز ياڭرايدۇ تەنھا،
ھايات دىگەن بەلكىم مۇشۇ شۇ.
گۈللەر ئەمدى ئۈزەر ئۆزىنى،
چۈشلەر ئەمدى كۆرەر ئۆزىنى،
مەن يوقاتتىم ئازاپلىرىمنى ،
سىز يوقىتىپ قويدىڭىز مېنى.