قېيىنئانا [ئۇلىنىشنى كوپىيەلەش]

قېينئانىلار ئائىلىدە كۆپنى كۆرگەن بولىدۇ، يىللارنىڭ ئۆتىشى بىلەن ئائىلە باشقۇرۇش تەجىربىسىمۇ ئاشىدۇ. شۇ سەۋەبلىك كېلىنلىرىڭىزگە بىلگەنلىرىڭىزنى ۋە تەجىربىلىرىڭىزنى ئۆگىتىڭ.
سىزنىڭمۇ قىزلىرىڭىز بولسا كۈنلەرنىڭ بىرىدە سىزدىن ئايرىلىپ باشقىلارغا كېلىن بولۇپ كېتىدۇ. سىز قىزىڭىزنىڭ راھەتتە تۇرمۇش كەچۈرشىنى ئارزۇ قىلىسىز، ياخشى تۇرمۇش كەچۈرسە خۇشال بولىسىز، جاپا تارتسا قېينانىلىرى خورلىسا قايغۇرىسىز، ھەتتا كۆز يىشى قىلىسىز. ئۇلارمۇ ئوخشاشلا قىزلىرىنىڭ راھەتتە ياشىشىنى ئۈمۈد قىلىدۇ. ئەكسىچە گەپ-سۆزلەرنى ئاڭلاشنى خالىمايدۇ. شۇڭا سىز ئۆزىڭىز خالىمىغاننى باشقىلارنىڭمۇ خالىمايدىغانلىقىنى ئويلاپ، كېلىنىڭىزگە مېھرىبان بولۇپ ئۇلارنى ئۆز قىزىڭىزدەك كۆرۈڭ.
بىزدە بەزىبىر قېينئانىلار باركى، ئۆز قىزلىرىنى بەكمۇ ئەتىۋارلايدۇ، ئۇلارنىڭ كۆزىگە قاراپ، سىزغان سىزىقىدىن چىقمايدۇ. نېمە دىسە شۇنىڭغا ئىشىنىدۇ، دېگىنىنى قىلىپ بىرىدۇ، قىزى قىلىشقا تېگىشلىك ئائىلە ئىشلىرىنى ئۆزى قوپۇپ قىلىدۇ. يىمەي يېگۈزۈپ، كىيمەي كىيگۈزىدۇ. ئەمما كېلىنلىرىگە كەلگەندە ئىش باشقىچە، كېلىنلىرى ئازراق ئىشنى بۇزۇپ قويسا ياكى قىلالماي قالسا، ‹قانداق ئائىلىدە چوڭ بولغان بولغىيتتى، شۇنچە بولغۇچە ئانسى مۇشىنچىلىك ئىشنىمۇ ئۆگەتمەپتىكەن› دېگەندەك سۆزلەرنى قىلىپ كېلىنلىرىنى ئەيىپلەيدۇ، كېلىنلىرىنىڭ قىلغان ئىشلىرىدىن، ماڭغان تۇرىقىدىن، قىلغان سۆزى، كىيگەن كىيىملىرىدىن قۇسۇر، ئەيىپ تېپىپلا تۇرىدۇ. پۇرسەت كەلسە ئوغۇللىرىغا يامان كۆرسىتىپ چاقىدۇ، ئوغۇللىرى خوتۇنىنى ئويلىغاندەك ئەدەپلەپ بەرمىسە ‹خوتۇنىنىڭ كەينىگە كىردى› دەپ ئۇلارنىمۇ قوشۇپ ئەيىبلەپ توقۇمىنى  قارنىغا ئالىدۇ-دە ‹خوتۇنۇڭدىن ۋاز كەچمىسەڭ بىزدىن ۋاز كەچ› دەپ قاراپ تۇرۇپ بالىلىرىنى ئەيىبلەيدۇ، ئازابلايدۇ، بۇنىڭ بىلەن ئاددى ئىشلار ئۈچۈن بىر ئائىلىنىڭ بەختى نابۇت بولىدۇ، نارسىدىلەر يىتىم بولىدۇ.
ھەي ھۆرمەتلىك قېينئانىلار بىزمۇ ئائىلىمىزنىڭ ئاتا-ئانىمىزنىڭ ئەتىۋارلىق قىزلىرى ئىدۇق، بىز سىلەردەك 20-30 يىللىق تۇرمۇش تەجىربىسىگە ئىگە ئەمەس، شۇڭا بىزدىن مەلۇم سەۋەنلىكلەر ئۆتىلىدۇ، شۇڭا بىزگە مىھربانلىق ۋە كەڭ قورساقلىق بىلەن مۇئامىلە قىلىپ بىزگە ھەقىقى ئانىنىڭ مىھرىنى ئاتا قىلىڭلار! چۈنكى بىز تۇغۇلۇپ چوڭ بولغان ئائىلىمىزدىن، ئاتا-ئانىمىزدىن ئايرىلىپ يىڭى بىر ئائىلىگە كىردۇق، بىز كۆيۈنۈشكە، غەمخۇرلۇققا مۇھتاج!!!!

ياخشى ئىنكاسلارنى يېزىپسىلەر. بولۇپمۇ ئائىشە توغرا دەپتۇ.
بۇرۇن بەزى كېلىنلەرنىڭ ئاغزىدىن قېينىئانىسىنىڭ ھازازۇللىقىنى ئاڭلاپ ‹نېمىشقا شۇنداق بولىدىغاندۇ› دەپتىم، قېينىئانىلىق قىلىش ئەسلىدە كېلىننى تەربىيلەپ پىشۇرۇش دېگەنلىككەن، چۈنكى ياش قىزلار ئوقۇش بىلەن بولۇپ ئائىلىدە تۇرىدىغان ۋاقتى ئاز بولغانلىقتىن ئانىسىدىن ئۈگەنگىنى يىتەرلىك بولماي تۇرۇپلا تۇرمۇشلۇق بولىدۇ، يېڭى بىر ناتونۇش ئائىلىگە كىرىپ بىر مەھەل تەمتىرەيدۇ، بۇ جەرياندا قېينىئانىلار ئۆز ئۆيىنىڭ ئەنئەنىسىنى ئۈگەتمەكچى بولىدۇ، بۇنى بەزى كېلىنلەر خاتا تونۇپ ‹مىنى ئىشقا سالدى، قېينىئانىلىق قىلدى‹ دەپ زارلىنىدۇ، بەزىلىرى بولسا توغرا تونۇپ نۇرغۇن ئىشلارنى ئۈگىنىۋالدىم دەپ قاراپ ماسلىشىپ بېرىدۇ.
گەپ ھەر قانداق ئىشنى ئاڭلىقلىق بىلەن تونۇشتا بولىدۇ، كەڭ قورساقلىق، ئەپۇچانلىق بولمىغان ئائىلىدە قېينىئانا - كېلىن ماقراسى قۇرۇمايدۇ. قېينىئانا بەك يول قويىۋەتسە بەزى كېلىنلەر ھەددىدىن ئېشىۋالىدىغان ئىشلار ھازىر كۆپ كۆرۈلىۋاتىدۇ، چۈنكى ھازىرقى ئائىلىلەردە بىر ياكى ئىككىلا ئوغۇل بار، قېينىئانىلارمۇ ئاڭلىق، شۇڭا ياشلارنىڭ ئالدىراشلىقىنى ۋە ئۇلارنىڭ تەجرىبىسىزلىكىنى كۆزدە تۇتۇپ ئاڭلىقلىق قىلسا كېلىنلىرى  تەرىپىدىن بوزەك قىلىنىۋاتىدۇ...
شۇڭا قېينىئانىلارمۇ كېلىنلەرمۇ ھەر ئىككى تەرەپ بىر بىرىنىڭ ئىززەت - ھۆرمىتىنى قىلىشىپ ئوتتۇرىدىكى يىگىتنى خىجالەتتە قويماي چىرايلىق ئۆتۈشى كېرەك.

ھازىرنۇرغۇن ئائىلىلەردە كېلىن بىلەن قېينئانىنىڭ ئورنى ئالمىشىپ قېلىۋاتىدىغۇ تاڭ...
نىكاھلىنىش ئىشىدىمۇ ياخشى قىزلار ئاسمانغا پىچاق ئاتىدىغان يىگىتلەرگە، ئاغزى ئىتتىك،بىشەم قىزلار بولسا ئەخلاقى ياخشى،قۇلىقى يۇمشاق،كېلىشكەن يىگىتلەرگە .........
نىم بولاپ كېتىۋاتىدۇ بۇ جاھان........ئاللاھىم ھەممىگە بىر ئۆزەڭ قادىرسەن

                                        مىنىڭچە بىزمۇ قېينئانىمىزنى ئۆز ئانىمىزدەك كۆرسەك، ئۇلارمۇ چۇقۇم بىزنى قىزىدەك ياخشى كۆرىدۇ ،مەن كىلىن بولغان 4يىل جەريانداقېيىنئانامنى ئۆز ئانامدىنمۇ ئارتۇق كۆرۈپ كەلدىم، بۇ جەرياندا مەن ئانامدىن ئالمىغان بىلىم ۋەمېھىرنى . ...................ئالدىم.             مۇشۇنداق ياخشى ئەسەرنى  ئاشۇنداق بىرقىسىم قېينئانا،كىلىنلەر ئوقۇغان بولسا كاشكى!!!!!!      

ئائىشە  ئىنكاسىڭىز ، بىر دادىنىڭ توي قىلغان ئوغلىغا قىلغان سۆزى دىگەن تېمىدىكى دادىنىڭ سۆزلىرىدەكلا ئورۇنلۇق بوپتۇ

بۇ قانىداق گەپ بۇپ كەتتى

تويدىن بۇرۇن ئايالىنىڭ ئۆزىنىڭ ئۆيىدە ياشاپ كەلگەن، ئۆيىمىزنىڭ تۇزىنى يېمىگەن ھەتتا بىر تېمىم سۈيىنىمۇ ئىچىپ باقمىغان، پەقەت مۇھەببەت ئۈچۈن ئۆزىنى تۇغۇپ قاتارغا قوشقان، يېمەي يىگۈزۈپ، كىيمەي كىيگۈزۈپ چوڭ قىلغان ئاتا-ئانىسىدىن، ئۆزى چوڭ بولغان ئائىلىدىن ئايرىلىپ، ئۆزىنىڭ بارلىقىنى، كېيىنكى ئۆمرىنى ساڭا بىزگە تاپشۇرۇپ، ساڭا ئايال، بىزگە كېلىن بولدى، بىزنى ئاتا-ئانا قاتارىدا كۆردى، سېنىڭ قېرىنداشلىرىڭنى قېرىنداش قىلدى، دەپ بىز ئۇنىڭغا ياخشى مۇئامىلە قىلماي، كىمگە ياخشى مۇئامىلە قىلىمىز، ئۇنىڭغا ياخشى مۇئامىلە قىلمىساق ۋىجدانىمىزغا يۈز كېلەلەيمىزمۇ؟ ئادەم ۋىجدانىدىن ئايرىلسا ئۇنى ئادەم دېگىلى بولامدۇ؟
قول قولنى يۇيسا ،قول يۇزنى يۇيىدۇ.

ۋاي تەڭشەلمىگەن جاھان بۇ ، ياخشى قېينىانىلارغا ، ياخشى كىلىنلەر ئۇچىرىمايدۇ،
ياخشى كىلىنلەرگە ياخشى قېينى ئانىلار ئۇچىرىمايدۇ ،  ھازازۇل قېينى ئانىلارمۇ يوق ئەمەس
جەددال كىلىنلەرمۇ يوق ئەمەس ،
بىچارە ئانامنىڭ مىھىربانلىقىغا تۆت كىلىنىنىڭ بىرى ياخشى چىققان بولسا نىمە دەي
كىلىنلەرنىڭ خاپىلىقىدىلا مەزگىلسىز قېرىپ كەتتى . شۇڭىمۇ ئالدىمدىن ئۆتكەچكە مۇشۇ كۈنگىچە
ئۆيلەنمەي ئولتۇرۇپتىمەن

مىنىڭچە ھازىر كۆپ كىشلەر ئاڭلىق بولۇپ كەتتى،قىزلارمۇ قىيىن ئانىلىرى قانچە يىقىن كۆرسە،شۇنچە ياخشى كىلىن بولۇشقا تىرشىدۇ،بىراق قىيىن ئانىلارنىڭ كەتكۈزۈپ قۇيۋاتقان يىرى كىلىن ئالدىدا قىزىنى ماختاش،قىزىنى ئاۋۇ ئىشنى قىلىپ بەردى،ماۋۇ نەرسىنى ئىلىپ بەردى دەپ داڭلاش،قىزىنى بەك ۋاي دىيىش،شۇنىڭ بىلەن كىلىنلەر بىر مەزگىل قۇرسىقىنى كەڭ تۇتىدۇ،بىراق داۋاملىق كەڭ تۇتالماي رەنجىيدۇ،