ئاناڭغا ئالايساڭ كور بولۇر كۆزۈڭ [ئۇلىنىشنى كوپىيەلەش]

<<  ئاناڭغا ئالايساڭ كور بولۇر كۆزۈڭ >>
   ئەي يىگىت ئاناڭنىڭ بالىسى ئۆزۈڭ،
    ئاناڭغا تارتىپتۇ قاش بىلەن كۆزۈڭ.
    ئاناڭنىڭ ئاق سۈتى تومۇرلىرىڭدا،
    ئاناڭ بار نۇرانە ئالمىدەك يۈزۈڭ.
    ئاناڭسىز كۈلمەيدۇ بەخىت يۇلتۇزۇڭ ،
    ئاناڭسىز زۇلمەتلىك كىچە كۈندۈزۈڭ.

ئويلاپ باق! كىم سىنى يۈدۈپ چوڭ قىلدى؟
كىم ساڭا بىر ئۆمۈر بەردى؟  مىھرىنى .
كىم سىنىڭ بەختىڭنى قۇتلۇق ئوڭ قىلدى؟
كىم ساڭا قۇربانلىق قىلدى ؟ زىھنىنى.
دەل ئاناڭ پۈتۈنلەي ئۇنۇتما !!!ئۆزۈڭ  ،
ئاناڭغا ئالايساڭ كور بولۇر كۆزۈڭ .

ئەرزىمەس ئىش ئۈچۈن قىلما ئاڭا دوق،
ئەقلىڭنى تاپقاندا ئاناڭ بۇندا يوق .
پۇشايمان ئىلىكىدە تۆكسەڭمۇ ياشلار،
جان ئانا دەپ يۈتسەڭمۇ قانچە ھەسىرەت - چوغ.
تاپالماي قالىسەن قەبرىگە قاراپ،
تىكلىگىن ئاناڭنى مەڭگۈ ئۈلگە تۇغ.

ئەسلىدە شۇ ئاناڭ قامەتلىك ئىدى ،
ياش چېغىدا كۆزلەردىن ئالار ئىدى ئوت.
شىجائەت- غەيرەتلىك ، ئامەتلىك ئىدى.
يار ئىدى قەدەمدە ئاڭا چەكسىز قۇت،
سەن ئۇنى   رەنجىتىپ سىلكىمە توۋلاپ،
ئەيىبلەپ كۈن بويى ھوۋقۇشتەك ھۇۋلاپ.

شۇ ئاناڭ چۆللەرنى بوستان ئەيلىگەن،
بوستاندا بۇلبۇللار خەندان ئەيلىگەن .
شۇ ئاناڭ ياراتقان جەننەتنى كۆپلەپ،
شائىرلار يالقۇنلۇق داستان ئەيلىگەن.
سەن شۇڭا بىر ئۆمۈر قىلمىساڭ ھۆرمەت،
ياغدۇرار ئەل ساڭا ھەر قاچان نەپىرەت.

بىل ئاناڭ يىغلىسا يىغلايدۇ جاھان ،
ئاناڭنىڭ كۆز يېشى بولار سەل- قىيان.
ئاناڭنى قاقشاتساڭ ۋىجداننىڭ سوتى،
سوتلايدۇ ئاقىۋەت، بولىسەن ۋەيران.
ئاناڭغا مۇلايىم بولسۇن!! گەپ-سۆزۈڭ،
قاقشاتساڭ مۇقەرەر كور بولۇر كۆزۈڭ.



ئۈرۈمچى كەچلىك گىزىتىدىن ئېلىندى

      ئانىنىڭ قەدرىنى ئانا بولغىنىمىزدا ئاندىن بىلىدىكەنمىز،
كونىلارنىڭ‹ئانا دىگەننى ھاپاش قىلىپ ھەرەمگە پىيادە 7 قېتىم ئاپارسىمۇ ئازلىق قلدۇ › دىگىنى راسكەن.  بۇرۇنقى ئاشۇ جاپالىق شاراىتتا قانداق باققان بولغىيتى بىزلەنى ......

ئانا رازى ئاللاھ رازى.

  

ھەقىقەتەن مەزمۇنى مول شېئىركەن،‹جەننەت ئانىلارنىڭ ئايىغى ئاستىدا›، تېمىڭىزغا رەھمەت.

ياخشى يېزلىپتۇ تىمىڭزغا  رەخمەت

بەك ياخشى يېزلىپتۇ تىمىڭزغا كۆپ رەخمەت .

ناھايىتى ياخشى يېزىلغان شېئىر ئىكەن، ئانىلارنىڭ دۇئاسىنى ئالغانلارنىڭ ھەممە ئىشلىرى ئوڭ بولسۇن خۇدايىم...

بەلەن گەپكەن

تۇلمۇ  ياخشى  شىېركەن    ھارمىغايسىز   ،،،،،