يەكشەنبىلىك يۇمۇرلار [ئۇلىنىشنى كوپىيەلەش]

ئاستىمغا بېسىۋالغان

               خىزمەتچى خادىم ئىشقا كېچىكىپ كەپتىكەن ، باشلىق ئۇنىڭدىن سوراپتۇ :
              نېمىشقا كېچىكىپ قالدىڭىز ؟
              خۇتۇنۇم ئون يۈەننى يوقۇتۇپ قويغان .
              شۇنىڭ ئۈچۈنما ؟
              راسا ئىزدىدى دەڭە .
              خۇتۇنىڭز ئىزدىگەن بولسا ، سىز نېمە قىلدىڭىز ؟
              پۇلنى مەن ئاستىمغا بېسپ ئولتۇرۋالغانىدىم .


                                                        بالام ، ماڭا خوش دېگىن

              بىر يىگىت تاللا بازىردا مال ئېلىۋاتسا ، بىر موماي ئۇنىڭغا راسا تىكىلىپ قارىۋېتىپ دەپتۇ :
              ۋىيەي ، سەن ئۆلۈپ كەتكەن ئوغلۇمغا ھەجەپ ئوخشايدىكەنسەن بالام ، ئېغىر كۆرمىسەڭ ، مەن ماڭغاندا < خەيرى - خوش ئانا > دەپ قول پۇلاڭلىتىپ قويساڭكەن .
             يىگىت مومايغا ئىچ ئاغرىتىپ قولىنى ئىگىز كۆتۈرۈپ دەپتۇ :
             خەيرى - خوش ، ئانا !
             مومايمۇ ئىشىكتىن چىقىپ كېتىۋېتىپ ئۈنلۈك توۋلاپتۇ :
             خوش ، بالام !
             يىگىت سودىسىنى پۈتتۈرۈپ ئىشىكتىن چىقىشىغا مۇلازىم ئالدىنى توسۇپ دەپتۇ :
              ئەپەندى ، ئاپىڭىز ئالغان نەرسىلەرنىڭ پۇلىنى تۆلىۋېتىڭ .


                                                          ئۇزۇن چاچ قۇيۇشنىڭ سەۋەبى

             بىر قىز يەنە بىر قىزدىن سوراپتۇ :
             ھېچ چۈشىنەلمىدىم ، مۇشۇ كۈنلەردە نېمىشقا ئەرلەر ئاياللارنىڭكىدەك ئۇزۇن چاچ قۇيىۋالىدىغاندۇ ؟
             بۇنىڭ چۈشىنەلمىگۈدەك نەرى بار ؟ ئەگەر سۆيگىنى ياكى ئايالى ئۇلارنىڭ كىيمىدىن ئۇزۇن چاچنى تېپىۋالسا ، ئۇلار كۈلۈپ تۇرۇپ : < بۇ مېنىڭ چېچىم > دېيەلەيدۇ - دە .


                                                             بالىنىڭ جاۋابى

              كېچىسى سېيىپ قۇيدىغان بىر بالىنى دادىسى نا ئۇستا تېۋىپقا  كۆرسىتىپتىكەن ، تىۋىپنىڭ دورىسىنى يىگەن بالىنىڭ ئاشقازىنى بۇزۇلۇپ ، دائىم ياندۇردىغان بوپقاپتۇ .
            قانداقراق بالام ؟ - دەپ سوراپتۇ دادىسى ، دورا مەنپەت قىلغاندەكمۇ ؟
           قالتىس مەنپەت قىلدى - دەپتۇ بالىسى ، سېيىپ ياتىدىغان ئادەمنى قۇسۇپ ياتىدىغان قىلىپ قويدىڭىز .


                                                                         تېخنىكا

           ئۈچ دوختۇر ئۆز تېخنىكىلىرى ھەققىدە ئۆزئارا تالاش- تارتىش قىلىشىپ قاپتۇ :
           مەن بىر كىشىنىڭ بىلىكىنى ئۇلاپ قويغان ئىدىم ، ئۇ ھازىر ئاتاقلىق كالتەك توپ ماھىرى  دەپتۇ بىرىنچىسى .
           مەن بىر كىشىنىڭ پۇتىنى ئۇلاپ قويغان ئىدىم ، ئۇ ھازىر داڭلىق ئۇزۇنغا يۈگرەش تەنھەركەتچىسى دەپتۇ ئىككىنچىسى .
           سىلەرنىڭ ھېچقانچە ئىش ئەمەسكەن ،- دەپتۇ ئۈچۈنچىسى :
           مەن بىر دەلدۈشنىڭ چىرايىنى كۈلۈمسىرەپ تۇردىغان قىلىپ تۈزەپ قويغان ئىدىم ، ئۇ ھازىر پارلامېت ئەزاسى .


  

ۋاي بۇ يۇمۇرزارلىققا ئايلىنىپ كىتىپتىغۇ ھىي ، كۈلۈپ ئۆتۈرۋىتىپتىمەنغۇ، كۈلكە دىگەننى