ئېيتىڭلار بۇ بايرام كىملەردىن قالغان؟
("بايرام"-ئاتالمىش ئاشىق-مەشۇقلار بايرىمىغا قارىتىلغان)
كىملەرنىڭ بايرىمى؟ كىملەر ئات قويغان؟
قاچاندىن ئەجداتلار بولغان خىرىستىئان؟
"ئاشىق ھەم مەشۇق" دەپ تارقىتىپ يالغان،
رەقىپلەر دېپىغا ئۇسول ئوينىغان،
ئېيتىڭلار بۇ بايرام كىملەردىن قالغان؟
ئاتالمىش"بايرام"غا خۇمار بەزىلەر،
"بايرام "دەپ بوكىنى ئاتار بەزىلەر،
"بايرام "دەپ ئىپپىتىن ساتار بەزىلەر،
"بايرام "دەپ ناخشىغا قاتار بەزىلەر،
ئېيتىڭلار كىملەردۇر ئەسلىدىن تايغان؟
قىز قەلبى ئوۋلىنار بىر تال گۈلگىلا،
بىر كەچلىك سۆيگۈدىن ئوخشار كۈلگىلا،
باشلىنار مۇھەببەت ھەتتا يولدىلا،
دىمەيدۇ بىرەرسى "ئۇيات"بولدىلا،
ئېيتىڭلار شۇنداقلار ئادەممۇ ھايۋان؟
بىر كۈنلۇك ئاشىقلار چىقىپ شىكارغا،
ئايلىنار نەپسىچۇن ھەتتا چاكارغا،
كەتمەيدۇ ھىلىسى ھەرگىز بىكارغا،
ئالدىراپ چېپىشار ھەتتا ياتارغا،
ئېيتىڭلار كىملەركىن ئۇلار بۇلغىغان؟
شەھۋەتنىڭ كوچىسى ئېچىلىپ داغدام،
ھاياسىز ،نادانلار قىلىدۇ بايرام،
بىر مۇدھىش رىئاللىق ياسايدۇ قاينام،
ئەخلاقسىز قىلمىشتىن ئېلىشىپ ئىنئام،
ئىيتىڭلار كىملەردۇر شۇنداق بۇزۇلغان؟
"بايرام "دەپ بۇزۇلسا ئىمان ئېتىقات،
باسمامدۇ ئەۋلاتنى غەپلەت قاتمۇقات،
قىلمىغىن "بايرام" دەپ ئەمدى تەشۋىقات،
ئاتالمىش "بايرام"نى بولدى بەس يوقات،
ئېيتىڭلار بۇ بايرام كىمدىن تارالغان؟
"بايرام"دەپ بۇزۇلۇپ ئەخلاق -دىيانەت،
قىلمايلى سۆيگۈگە ھەرگىز خىيانەت،
ئەسلىنى ئۇنتۇشتۇر ئېغىر جىنايەت،
يۇرەكتە ساقلىنار سۆيگۈ –مۇھەببەت،
ئېيتىڭلار بۇ بايرام تۈگەيدۇ قاچان؟
بايرامدۇر بىزلەرگە نۇرۇز ۋە ئايەم،
بايرام دەپ بىز كۈلسەك كۈلىدۇ ئالەم،
ساداقەت بابىدا بىز بولساق ھاتەم،
بىز كۈلۇپ رەقىپكە بولىدۇ ماتەم،
ئېيتىڭلار بۇ بايرام كىملەردىن قالغان.
مەنبە"ئۆز قەلىمىم
2012.2.13
