ئاشپەز مۇنبىرى
مۇۋەششەھ
(ئاشپەز تورى قۇرۇلغانلىقىنىڭ تۆت يىللىقىغا بېغىشلايمەن)
ئالقىشىم بىر سەن ئۈچۈن، سۆزۈمدە ئاشپەز مۇنبىرى،
چاقنىدىڭ چولپان بولۇپ،سۆيگۈمدە ئاشپەز مۇنبىرى.
شىجائەتتە ئۈلگە ئۆزۇڭ،يولباشچىم بولۇپ كەلدىڭ،
سەن ئۈچۈن يازدىم شېئىر، كۆيۈمدە ئاشپەز مۇنبىرى.
پارلىدىڭ مۇنبەر ئارا،قۇياش كەبى نۇرلار چېچىپ،
ساڭا چەكسىز ھۆرمىتىم، ئۆزۈمدە ئاشپەز مۇنبىرى،
ئەجرىڭ بىلەن تېپىپ نۇسرەت ،تارتتىڭ ھەممە مەيلىنى،
سەن ئۈچۈن شادلىق نۇرى ، كۆزۈمدە ئاشپەز مۇنبىرى.
زۇق ئېلىپ كۈلدۇق خوشال،ساڭا باغلاپ ئىشتىياق،
بىرلا سەن ھەمراھ ماڭا،كۈنۈمدە ئاشپەز مۇنبىرى.
مېھنىتىڭ ئالەمچە باردۇر،ئۆگۈتۈپ مىڭ خىل تاماق،
قاينىدى ئېسىل تائام،ئۆيۈمدە ئاشپەز مۇنبىرى.
ئۇيغۇرۇمنىڭ تائاملىرى تاپتى ھۆرمەت سەن بىلەن،
تارىدىڭ ئالەم ئارا،كۆرۈمدە ئاشپەز مۇنبىرى.
ناشتلىقتىن كەچلىككىچە بار سېنىڭدە ھەممىسى،
بىلمىگەنگە ئۆگىتەر ،تۈزۈمدە ئاشپەز مۇنبىرى.
بىلىم –ھۈنەر بۇلىقىسەن ، تۈگمەس ھېكمەت كانى ھەم،
بىلمىگەن بىلسۇن دىگەن، ھۆكۈمدە ئاشپەز مۇنبىرى.
ئىزدىنىشتىن يوللار ئېچىپ، ئۆتتى تۆت يىل مەنىلىك ،
قايىللىق ئاشتى ساڭا،كۆڭلۈمدە ئاشپەز مۇنبىرى.
راسلىدىڭ ئىسىل سورۇن،بارچە تورداش كۈلدى خوشال،
سەن ئۈچۈن كۆيدى يۈرەك،كۆكسۈمدە ئاشپەز مۇنبىرى.
ئىزلىرىڭدىن گۈللەر ئۈنۈپ،تاپقۇسى مەڭگۈ رۇناق ،
ياشنىغىن ئەجرىڭ بىلەن ،ئۈنۈمدە ئاشپەز مۇنبىرى.
