ئەتتىرگۈل قىيىقچا تەييارلاش ئۇسۇلى [ئادىرسىنى كۇچۇرۇش]

ئەتتىرگۈل قىيىقچا تەييارلاش ئۇسۇلى    

                                                     گۈلنۇر ئابلىمىت  (ئارچا)

   ئەسسالامۇ ئەلەيكۇم مۇنبەر ئەھلى، ياخشىمۇ سىلەر! بۇنىمۇ ئۈگۈنۈپ قويغاننىڭ زىيىنى يوق دەپ قاراپ يوللاپ قويدۇم.
      


    خۇرۇچلىرى:   ئاق ئۇن ئىككى كىلوگرام، تۇخۇم 16 دانە، ئاق شىكەر 100 گرام، سۇ ماي 3 كىلو گرام ئەتراپىدا (خورايدىغىنى بىر جىڭ).
    ئېتىش ئۇسۇلى: ئالدى بىلەن بىر قاچىغا  تۇخۇمنى چېقىپ تەييارلىۋالىمىز، ئاندىن ئۇنغا ئاز - ئازدىن تۆكۈپ باشقا ھېچقانداق نەرسە ئارلاشتۇرماستىن نۇرمال چىڭلىقتا خېمىر يۇغۇرىمىز، 10 - 15 مىنۇت تىندۇرغاندىن كېيىن ياڭاق چوڭلۇقىدا ئۇششاق زۇۋۇلا ئۈزۈپ بىردىن - بىردىن تەكشى ھەم نېپىز يايىمىز، چوقۇم يۇمۇلاق چىقسۇن. ئەگەر مۇمكىن بولسا ئەتراپىنى چوڭراق چىشلىق غالتەكسىمان كەسكۈچ بىلەن گۈل چىقىرىپ كېسىۋالساق كۆركەم چىقىشقا پايدىسى بار. قازانغا ماي قۇيۇپ ياخشى داغلاپ تىمپۇراتۇرىسىنى تەڭشىۋالغاندىن كېيىن يېيىپ تەييارلىغان خېمىرنى قىززىق مايغا سالساق ۋىژىلداپ چېچەكلەيدۇ(قاتۇرىۋەتمەڭ)، مايدا ئۇزاق تۇرغۇزمايلا يەنە بىر تەرىپىنى ئۆرۈپ ئىككى سېكونتتىن كېيىن سۈزىۋالىمىز - دە   دەرھال قاتلاپ ئۈستىگە شېكەر سېپىپ  يېرىم ئاي  شەكلىدە قاتلايمىز، يەنە شېكەر سېپىپ بىر تەرىپىدىن باشلاپ يۆگىسەك كونۇس شەكلىگە كېلىدۇ. ئاشۇنداق بىر - بىرلەپ پىشۇرۇپ باسۇن تەخسىنىڭ ئەتراپىنى بويلىتىپ تىزىمىز( ئوتتۇرىسىغا بىر چىنە كۆمتۈرمىسەك ياخشى تىزىلمايدۇ)، ئىككىنچى قاتىرىنى سەل ئىچكىرى تىزىمىز، ئۈستىگە چىققانچە ئوتتۇرىغىراق تىزىپ تولدۇرساق خۇددى بىر دەستە سېرىق ئەتتىرگۈل  بولۇپ كۆرۈنىدۇ.
   ئەسكەرتىش: قېيىقچا قازاندا قېتىۋالسا ياكى ئالغاندىن كېيىن قۇرۇپ قالسا قاتلاش قىيىن بولىدۇ، شۇڭا مايغا سېلىپ ھۈنجۈ سالغاندىن كېيىنلا دەرھال سۈزىۋالىمىز. پىشماي قېلىشتىن ئەنسىرىمەڭ، چۈنكى جىلىتنى ھەم تەكشى ھەم نېپىز ئېچىۋالىسىز.
    ئالاھىدىلىكى: تەمى تاتلىق، چۈرۈك، رەڭگى سۇس سېرىق، شەكلى كۆركەم بولۇپ ھېيتلىق داستۇرخىنىڭىزنىڭ كۆركى بولالايدۇ.

     تىمىلىرىم باشقا مۇنبەرلەرگە كۆچۈرۈلسە نامسىز چۆگىلەپ يۈرۈيدىكەن،  < باشقا يەرگە كۆچۈرسىڭىز ئەجرىمنى ھۆرمەت قىلىپ ئىسمىمنى ئۆچۈرىۋەتمەڭ!>
ئەسكەرتىش بەرمەيلا ئۆچۈرۋەتمىگەن بولساڭلا باشقۇرغۇچىلا!

ۋاھ  نىمانداق چىرايلىق يىيشكە كۈزى قىيمىغدەك ئادەمنىڭ

ئاللا خالىسا چوقۇم بىر سىناپ كۆرىمەن ! قۇربان ھېيىتتا ۋاقىت يەتمەي قىپ بولالمىغان ئىدىم . رەھمەت

ياخشى تىمىكەن،،،،،،جاپاچېكىپسىز رەھمەت ئەجرىڭىزگە،،،،،،،،،،،،،،،،،،

رەخمەت سىزگە ئارچا .مەن بۇنى ئىزدىگىلى خىلى ئۇزاق بولغان ئىدى .

تۇز سالمايدىكەن مىز ھە!
بەك ئوخشىغاندەك قىلدۇ

مەنمۇ بەك ئامراق بۇ قىيىقچىغا.ئارچا خانىمنىڭ تېمىلىرى بەك چۈشۈنۈشلۈك،داۋاملىق مۇشۇنداق ئېسىل تېمىلىرىڭىزنى ئايىمىغايسىز

شۇنداق، تاتلىق تائاملارنىڭ كۆپۈنچىسىگە تۇز سالمايمىز.

بەك ياخشى