- جۇغلانما
- 2861
UID4305
تىزىملاتقان2011-11-21
ئاخىرقى قېتىم2015-3-16
توردا971 سائەت
ئالىي ئەزا
- نادىر
- 0
- جۇغلانما
- 2861
- ئاقچا
- 0
|
بۇ يازمىنى ئاخىرىدا فەخرىي تەھرىرلىگەن. ۋاقتى 2014-6-19 22:41
ئەسسالامۇ ئەلەيكۇم ئالپ تورىنىڭ ئەزىز ئىشتىراكچىلىرى ، ھەممىڭلارغا ئاللاھنىڭ سالامى ، رەھمىتى ۋە بەرىكىتىنى يوللايمەن ، ھەم ئالپ مۇنبىرىنىڭ كۈندىن كۈنگە گۈلىنىپ مىللىتىمىز يانفۇنچىلىقى ئۈچۈن بىر كىشىلىك ھەسسىسىنى قوشۇۋاتقان ئوت يۈرەك ئوغلانلىرىمىزغا رەھمەت ئېيتىمەن . يېقىندىن مۇنبەردە Arduino ھەققىدە مەزمۇنلار كۆپىيىپ قالدى ، ھەقاچان كۆپىنچىڭلار Arduino نى مۇنبەردىكى e-chewendaz ئەپەندىمنىڭ تېمىلىرى ئارقىلىق بىلدىڭلارغۇ دەيمەن ، مەنمۇ دەل شۇلارنىڭ بىرى . دەسلەپ مەن e-chewendaz ئەپەندى «مەن Arduinoغا ئاشىق» دېگەن كىتاپنى تارقاتقاندا سېتىۋېلىپ تەپسىلىي كۆرۈپ چىقتىم ، كۆرۈش جەريانىدا شۇنى بايقىدىمكى ، ئۆگەنگەننى ئەمەلىيەتكە بىرلەشتۈرۈش ۋە ئۆگەنگەنلىرىنى پۇختىلاش ئۈچۈن چۇقۇم Arduino تاختىسىدىن بىرنى سېتىۋېلىپ ، بىر تەرەپتىن ئۆگىنىپ بىر تەرەپتىن ئەمەلىي تەجرىبە قىلىشنىڭ زۆرۈرلىكىنى ھېس قىلدىم، شۇنىڭ بىلەن Arduino غا بولغان ئوتتەك قىزىقىشىم سەۋەبلىك بۇ يەردىن Arduino UNO R3 تاختىسىدىن بىرنى سېتىۋالدىم ، يەنە شۇنىڭغا يانداشتۇرۇپ ئېنفرا قىزىل نۇرلۇق ئادەم بەدىننى سەزگۈچ مودىلى ، ئاۋاز سەزگۈچ مودىلى ، ئېنفرا قىزىل نۇرلۇق توسالغۇنى سېزىش مودىلى ، يورۇقلۇق سېزىش مودىلى ، IC FRID كارتا ئوقۇش مودىلى ، ئۇلترا ئاۋازلىق ئارىلىق سەزگۈچ مودىلى ۋە مۇقىملاش جازىسى ، كۆك چىش مودىلى قاتارلىق مودىللارنى سېتىۋالدىم ،
              
ۋە e-chewendaz ئەپەندى Arduino-توردىن كېرەكلىك دىتاللارنى سېتىۋىلىش توغرىسىدا دېگەن تېمىسىدىكى تەمىنلىگەن ئادرىستىن ئايروپىلان قۇيرۇق قانات ماتورى ، تۆت خانىلىق ۋاقىت كۆرسېتىش رەقەم لامپىسى ،قوش يوللۇق L9110 ماتور قوزغىتىش مودىلى ، nokia5110 سۇيۇق كىرىستال ئېكران ۋە ئېكران مودىلى ، قوش يوللۇق رېلى مودىلى ، ۋە بىر قانچىلىغان ئۇلاش سىمى ۋە رەڭلىك LED لامپىلارنى سېتىۋالدىم.
شۇنىڭ بىلەن سېتىۋالغان نەرسىلىرىمنىڭ تېزراق كېلىشىنى تۆت كۆزۈم بىلەن كۈتتۈم ، ئاخىرى بىر ھەپتىدە سېتىۋالغان نەرسىلىرىم كەلدى ، ھاياجان ئىچىدە قاپنى ئاچتىم ، بۇ بەسەي ھەقىقەتەن تەپسىلىي ئىش قىلىدىغان نەرسىكەن ، ھەر بىر نەرسىنىڭ ئىسمى ، باھاسى ، ئىشلىتىش ئورنى قاتارلىقلارنى تالونغا تولدۇرۇپ ئەۋەتىپتۇ ، ھەم يەنە نۇرغۇن نەرسىلەرنى قوشۇپ ئەۋەتىپتۇ ، يەنە 2.5 گىگابايت ئەتراپىدا پايدىلىنىش ماتىرىياللىرى ( خەنچە ) قاچىلانغان نۇر دېسكىسىنى قوشۇپ ئەۋەتىپتۇ ، شۇنداقتىمۇ مەن بۇ ماتىرىياللارغا قانائەت قىلماي مال تاپشۇرىۋېلىشنى مۇقىملاشتۇرۇشتىن بۇرۇن ئۇنىڭ بىلەن ئالاقىلىشىپ يەنىمۇ نۇرغۇن ماتىرىياللارنى يوللاپ بېرىشنى ئېيتتىم، ئۇ قوشۇلدى ۋە يەنە 1 گىگابايت ئۆپچۆرىسىدىكى ماتىرىياللارنى يوللاپ بەردى ، شۇنىڭ بىلەن ئۇ بەسەيگە ياخشى باھا ۋە بەش يۇلتۇزنى بېرىپ جەمئىي 265.5 يۈئەننى ئۇنىڭغا ئۇرۇپ بەردىم.... ( e-chewendaz ئەپەندى تەمىنلىگەن ئادرىستىن سېتىۋالغان نەرسىلەرنى بىرنەچچە كۈندىن كېيىن سېتىۋالغان ، شۇڭا ئۇ نەرسىلەر ئىنشائاللاھ ئەتىلەردە قولۇمغا تىگىپ قالارمىكىن.)
كەچتە ئىشلىرىمدىن بىكار بولغاندىن كېيىن ، Arduino بىلەن بىر ھەپىلىشىپ باقاي دەپ كومپيۇتېرىمغا جاۋا مۇھىتىنى ھازىرلاپ Arduino تاختىسىنى كومپيۇتېرىمغا تونۇتۇپ Arduino IDE نىڭ ئەڭ يېڭى نەشىرىنى چۈشۈرۈپ قاچىلىدىم، ھەم ئۆزۈمنىڭ ھازىرقى كومپيۇتېر سەۋىيەم بىلەن Arduino بىلەن ھەپىلىشەلەيمەن دەپ ئويلىغان ئىدىم، ئەمما بۇ ۋاقىتتا تولىمۇ ئەپسۇسلاندىم، نىمە ئۈچۈن دەمسىلەر ؟ مەندەك ھېچقانداق كومپيۇتېر تىلىنى بىلمەيدىغان بىر قارا قورساق ئۈچۈن Arduino IDE غا كود يېزىش ۋە بۇ كودلارنى Arduino تاختىسىغا يوللاش ۋە ئىجرا قىلدۇرۇش مەن ئۈچۈن بىر چەتئەللىككنىڭ ئالدىدا مەقسىتىمنى بىلدۈرەلمىگەندەك قىيىنغا چۈشتى ،تەييار كودنى Arduino IDE كىرگۈزۈشنىمۇ بىلمىدىم، ھەتتا Arduino تاختىسىغا LED نى قانداق ئۇلاشنىمۇ بىلمىدىم، ھەممە نەرسە تەييار ئەمما مەن ھېچنىمە قىلالمىدىم، بۇ چاغدا كۆڭلۈم تولىمۇ يېرىم بولدى ، ئۆزۈمنىڭ كۆزى ئوچۇق قارىغۇ ئىكەنلىكىمدىن تولىمۇ ئۆكۈندۈم ، ... ئەمما پۇشايمان قىلغان بىلەن ئورنىغا كەلمەيدۇ دە ، چوقۇم شۇ پۇشايمانغا ئورۇن بەرمەسلىك لازىم ، ( شۇڭا تەۋسىيەرىم ، مەيلى قانداقلا بولمىسۇن بىلىم ئۆگىنەيلى ، بىلمەسلىك ئەيىپ ئەمەس ، سورىماسلىق ئەيىپ ، بىلمىگەننى بىلگەندىن سوراپ ئۆگىنەيلى ) ئەمدى قانداق قىلىشىم كېرەك ؟ شۇنىڭ بىلەن e-chewendaz ئەپەندىم بىلەن ئالاقىلىشىپ تەلىم ئېلىشنى ئويلىدىم، دە Arduino چ چ توپى 316836607 غا كىرىپ قارىسام e-chewendaz ئەپەندىم توردا يوق ئىكەن ، چۈنكى بۇ ۋاقىت بەكلا كىچە بولۇپ كەتكەن ئىدى، شۇنىڭ بىلەن بۇ توپتىكى ‹‹ يىگانە ›› ئىسىملىك توردىشىمىزغا ياردەم سوراپ خەت يازدىم ، ( مۇنبەردىكى ئىسمى ‹‹ يۇمشاق دېتال ›› )
بۇ توردىشىمىز دەرھاللا جاۋاب قايتۇردى ۋە ماڭا ئېرىنمەستىن زېرىكمەستىن بىلمىگەن جايلىرىمنى چۈشەندۈرۈشكە باشلىدى ، مېنىڭ بۇ ھەقتە سەۋىيەم نۆل ئەمەسمۇ ؟ ھېچقانداق ساۋادى يوق بىر ئادەمنىڭ ساۋادىنى چىقىرىش قانچىلىق جاپالىق ۋە مۈشكۈل ئىكەنلىكىنى بىلىسىلەر .... ( مۇشۇ مۇناسىۋەت بىلەن ‹‹ يىگانە ›› قېرىندىشىمغا چوڭقۇر رەھمىتىمنى بىلدۈرىمەن ، چۈنكى ئۇ كېچىنى كېچە دېمەي ، كۈندۈزى ئىشلەپ چارچاپ كەتسىمۇ كىچىسى ئارام ئالماي ماڭا مەن بىلمىگەننى ئۆگەتتى ... ھەم e-chewendaz ئەپەندىمگىمۇ رەھمەت ئېيتىمەن ، چۈنكى ئۇ ماڭا Arduino نى تونۇتتى ۋە Arduino غا بولغان قىزىقىشىمنى قوزغاتتى ، ۋە بىز ئۈچۈن نۇرغۇن پايدىلىق تېمىلارنى يوللاپ بىزنىڭ نەزەر دائىرىمىزنى كېڭەيتتى ، بۇنى ھېچقايسىڭلار ئىنكار قىلالمايسىلەر ... ھەم يەنە مەزكۇر ئالىپ توپىنى قۇرغۇچىغا، باشقۇرغۇچىلارغا ۋە مۇنبەردىكى بارلىق تورداشلىرىمغا رەھمەت ئېيتىمەن ، ئاخىرىدا مىنى مۇشۇ ئىشلارغا مۇۋەپپەق قىلغان ھەممىنى بىلگۈچى ، ھېكمەت بىلەن ئىش قىلغۇچى ، مۆئمىن بەندىلىرىگە مېھرىبان ، ئاسىي بەندىلىرىگە ئازابى قاتتىق بولغان ، ھەممە شەيئىنىڭ رەببى بولغان كېرەملىك رەببىمگە كۆپ تەشەككۈرلىرىمنى ئېيتىمەن )،،،،
قېرىندىشىم ‹‹ يىگانە ›› نىڭ سەۋىرچانلىق بىلەن ئۆگىتىشى ئاستىدا Arduino تاختىسىغا ئاددىي بولغان بولغان LED نى چاقنىتىش كودىنى يېزىشنى ئۆگەندىم ، بۇ جەرياندا قېرىندىشىم ‹‹ يىگانە ›› ماڭا Arduino IDE دىكى ھەربىر قۇر كودنىڭ مەنىسى ، ئىشلىتىلىشىنى تەپسىلىي ئۆگەتتى ، ھەم Arduino تاختىسىدىكى ھەر بىر پۇتنىڭ ئىشلىتىش ئورنى ۋە قوشۇمچە ئۈسكۈنىلەرنى ئۇلاش ئۇسۇللىرىنى ئۆگەتتى . ئىككىمىز پۈتۈن بىر كىچىنى Arduino ھەققىدە پاراڭلىشىش ۋە كود يېزىش بىلەن ئۆتكۈزدۇق ، بۇ جەرياندا ئىككىمىز يەنە نۇرغۇن قىزىقارلىق تەجرىبىلەرنى ئىشلىدۇق ، شۇ چاغدىلا مەن پروگراممىرلارنىڭ جاپاسىنى ھەقىقىي بىلىپ يەتتىم، چۈنكى سىز ئىشلىتىۋاتقان مەلۇم بىر پروگرامما ياكى ئەپلەر پروگراممىرلىرىمىزنىڭ ئاشۇ قۇمدەك كودلارنى ، سان سىفىرلارنى بىرمۇ بىردىن كىرگۈزۈش ئارقىلىق قان تەر بەدىلىگە ۋۇجۇتقا كەلگەن ... ئەگەر ئىشەنمىسىڭىز سىزمۇ سىناپ بېقىڭ ، .. بىر چاغدا قارىسام بامدات ناماز ۋاقتى بوپ قاپتۇ ، شۇنىڭ بىلەن ئىككىمىز خوشلاشتۇق ، مەنمۇ تاھارەت ئېلىپ نامىزىمنى ئوقۇپ رەببىمگە كۆپ سانا تەسبىھلارنى ئوقۇدۇم پەيغەمبىرىمىز مۇھەممەت مۇستاپا سەللەللاھۇ ئەلەيھى ۋەسسەللەمگە دۇرۇت ۋە سالاملارنى يوللىدىم ....
تۆۋەندە مەن سىلەرگە شۇ كېچە ئۆگەنگەن بىلىملىرىم ئارقىلىق ئۆزۈم قول سېلىپ ئىشلىگەن بىر قانچە تەجرىبىلىرىمنىڭ سىنلىق كۆرۈنىشىنى ۋە كودلارنى ھوزۇرۇڭلارغا سۇناي .....
1. LED چىراقنى چاقنىتىش
كودى:- int a = 13;// ulinix putinh 13 kilip balgilax
- void setup()
- {
- pinMode(a, OUTPUT);// ulinix putiga tok berix oquk
- }
- void loop()
- {
- digitalWrite(a, HIGH);// qirak yenix
- delay(1000);// 1 sikunt saklax
- digitalWrite(a, LOW) ;// qirak oqux
- delay(1000);// 1 sikunt saklax
- }
كودى:- int a = 12;// ulinix puti = 12
- int b = 13;// ulinix puti = 13
- void setup()
- {
- pinMode(a, OUTPUT);
- pinMode(b, OUTPUT);
- }
-
- void loop()
- {
- digitalWrite(a, HIGH);
- delay(50);
- digitalWrite(a, LOW);
- delay(50);
- digitalWrite(a, HIGH);
- delay(50);
- digitalWrite(a, LOW);
- delay(100);
- digitalWrite(b, HIGH);
- delay(50);
- digitalWrite(b, LOW);
- delay(50);
- digitalWrite(b, HIGH);
- delay(50);
- digitalWrite(b, LOW);
- delay(300);
- }
كودى:- int BASE = 2 ; //第一顆 LED 接的 I/O 腳
- int NUM = 6; //LED 的總數
- void setup()
- {
- for (int i = BASE; i < BASE + NUM; i ++)
- {
- pinMode(i, OUTPUT); //設定數字I/O腳為輸出
- }
- }
- void loop()
- {
- for (int i = BASE; i < BASE + NUM; i ++)
- {
- digitalWrite(i, LOW); //設定數字I/O腳輸出為"低"，即逐漸關燈
- delay(200); //延遲
- }
- for (int i = BASE; i < BASE + NUM; i ++)
- {
- digitalWrite(i, HIGH); //設定數字I/O腳輸出為"低"，即逐漸開燈
- delay(200); //延遲
- }
- }
پايدىلىنىش ماتىرىياللىرىنى يوللاپ قوياي دېسەم ، توردىن ماتىرىيال چۈشۈرسە ئاتتەك تېز چۈشكەن بىلەن تورغا ماتىرىيال چىقارسا تاشپاقىدەك ئاستا ماڭىدىكەن ، شۇڭا ۋاقىت چىقىرىپ بىر كۈنى ھەممىنى يوللاپ قوياي، ئەمما ھەممىسى خەنچە ، سىنلىق ئۆگىنىش ماتىرىياللىرىمۇ بار ، پايدىلىنىپ قالارسىلەر.....
ئەسكەرتىش : بۇ تېما مەلۇم بىر شەخسىي غەزەر بىلەن يوللانمىدى ، ھەم ئۈستىدىكى تاۋباۋ تور ئادرىسىنى ئېلان قىلىش ئۈچۈنمۇ يولانمىدى ، پەقەت ۋە پەقەت ئۆزۈمنىڭ شەخسىي قىزىقىشىم سەۋەبلىك ئۆزۈمنىڭ باشتىن ئۆتكۈزگەنلىرىمنى سىلەر بىلەن ئورتاقلىشىش ئۈچۈن يوللاندى ، ئۆزۈمنىڭ توردىن نەرسە سېتىۋېلىش تارىخىم ئۇزۇن ھەم مال سېتىۋېلىش سوممام زور بولغانلىقى ھەم توردىن مال سېتىۋېلىشتا مول تەجرىبىگە ئىگە بولغانلىقىم ئۈچۈن ( تۆۋىنى نەچچە يۈەن ، يوقۇرىسى نەچچە ئونمىڭ يۈەنلىك نەرسىلەرنى سېتىۋالغان ، ھازىر توردىن مال سېتىۋالغان پۇل سوممام 100 مىڭ يۈەنگە باراي دەپ قالدى ، ئاساسەن كىيم كېچەكتىن باشقىنى توردىن سېتىۋالىمەن ) تورداشلارغا توردىن مال سېتىۋېلىشتا ياردەم بېرىش مەقسىتىدە يوللاندى. بىز ئۆز-ئارا ئۈگىنىشكە،ھەمكارلىشىشقا مۇھتاج! شۇڭا كۆڭۈلنى غەش قىلىدىغان مۇناسىۋەتسىز ئىنكاسلارنى يازماسلىقىڭلارنى سورايمەن.... ئۈندىدار ۋە كىيۇ كىيۇ : 646280980
|
|
دېۋان تالىشىش
