Arduino-توردىن كېرەكلىك دىتاللارنى سېتىۋىلىش توغرىسىدا

ئەسسالامۇ ئەلەيكۇم ئالىپ تورىدىكى بارلىق ئېلېكتىرون،Arduino ھەۋەسكارلىرى! ھەممىڭلارغا كەمىنە ئېلېكتىر چەۋەندازدىن ئوتلۇق سالام!
«مەن Arduino غا ئاشىق» نامىلىق كىتابىم ئىلان قىلىنىپ،ھازىرغىچە كۆپلىگەن قېرىنداشلىرىمنىڭ ياخشى باھاسىغا ۋە قوللىشىغا ئېرىشتى،ئىنشاھ ئاللاھ! مېنى قوللىغان بارلىق قېرىنداشلىرىمغا چۇڭقۇر رەھمىتىمنى بىلدۈرىمەن.
كىتاب ئىلان قىلىنىپ،نەزىرىيىۋى بىلىم جەھەتتىكى شارائىت ھازىرلانغان بولسىمۇ،ئەمما كۆپچىلىك قېرىنداشلىرىمىزنىڭ قولىدا ئەمەلى تەجرىبە قىلىشقا كىتەرلىك دىتاللار بولمىغانلىقى ئۈچۈن،تەجرىبە ئىشلىيەلمەي ئاردىينۇ ئۈگىنىش مەسلىسىدە قېيىنچىلىق تۇغۇلدى،قېرىنداشلىرىمىز يانفۇن،چ چ توپى ئارقىلىق مېنىڭ مۇناسېۋەتلىك قاتتىق دىتاللارنى تەمىنلىشىمنى كۆپ قېتىم دىگەنىدى،بىراق،مەندە يىتەرلىك مال مەنبەسى بولمىغانلىقى ئۈچۈن،ئۇنىڭ ئۈستىگە ئىلگىركى تىمامدا ئوتتۇرىغا قويغان «كىچىك ئېيىقچاق» ئاردىينۇ توك يول تاختىسىنى قايتۇرۋەتكەنلىكىم تۈپەيلىدىن كەڭ ھەۋەسكار قېرىنداشلىرىمنى مال بىلەن تەمىنلەشكە ئامالسىز قالدىم،لىكىن كۆپچىلىككە ئۆزۈمنىڭ چۈشىنىشى ئاساسىدا توردىن مۇناسېۋەتلىك دىتاللارنى قانداق سېتىۋىلىش توغرىسىدا تېما يازىدىغانلىقىمنى ئوتتۇرىغا قويغان ئىدىم،بۈگۈن مۇشۇ ئىش توغرىسىدا تىما يېزىپ ئولتۇرۇپتىمەن.(ئاساسلىق قىلىپ تاۋباۋ تورىدىن ئاردىينۇنىڭ مۇناسېۋەتلىك دىتاللارنى سېتىۋىلىش تەجرىبەمنى ئوتتۇرىغا قويماقچىمەن،بەلكىم بەزى توردىن مال سېتىۋىلىپ باقمىغان ياكى سېتىۋىلىشنى بىلمەيدىغان قېرىنداشلىرىمىزغا يەنىلا قېيىنچىلىق بولۇشى مۈمكىن،قېرىنداشلىرىمىز بار يەردە سىلەرنىڭمۇ مەسىلىلىرىنىڭ ھەل بولۇپ كىتىشكە ئىشەنچىم كامىل،پەقەت بولمىسا ئۆزىمىزگە تايىنىمىز)
1.ئاردىينۇنىڭ تەجرىبە تاختىسىنى سېتىۋىلىش توغرىسىدا
كىتابمنى كۆرگەن بولساڭلار ياكى ئىلگىركى تىمام «ئاردىينونىڭ قۇرۇلمىسى» دا،مەن ئاردىينۇ توك يول تاختىسنىڭ ھەرقايسى تېپى توغرىسىدا جەدىۋەللەشتۈرۈلگەن پارامىتېر چۈشەندۈرۈشىنى ئوتتۇرىغا قويغانىدىم،بۇ يەردە يەنە بىر قېتىم ئوتتۇرىغا قويۇپ ئۆتەي.

مۇشۇ جەدىۋەلنى تەپسىلى كۆرۈپ چىقىپ،تاختىنىڭ ئىچكى سىغىمى يەنى پروگرامما ساقلاش سىغىمى،ئۇلىنىش ئىغىزى سانى،پروگىرامما چۈشۈردىغان USB ئۇلىنىش ئىغىزى بارمۇ يوق دىگەندەك بىر قاتار پارامېتىرلار،توردىكى باھاسى ۋە ئۆزىمىزنىڭ ئەمەلى ئېھتىياجىغا ئاساسەن سېتىۋالساق بولىدۇ(ئاردىينۇ تاختىسنىڭ ئىتالىيەدە ئىشلەنگەن ئىمپورت قىلىنغىنى ۋە جۇڭگۇدا ياسالغانلىرىمۇ بار،ئالدىنقىسى قىممەت)،دەسلەپكى ئۈگەنگۈچىلەرگە Arduino UNO (ئەڭ كەڭ قوللىنىلۋاتقىنى) بىلەن Arduino  NANO (چاققان،ئەپچىل تىپى،باھاسىمۇ ئەرزان) نى تەۋسىيە قىلىمەن،ئەڭ كىچىك تىپلىقى Arduino mini pro تىپىلىقى ئەڭ ئەرزان ھەم كىچىك بولسىمۇ،بۇنىڭغا ئادەتتە پروگىرامما چۈشۈرۈشكە ئايرىم چۈشۈرۈش مودىلى(توك يول تاختىسى بۆلىكى) سېتىۋىلىشقا توغرا كىلىدۇ ھەم ئۇلىنىش پۇتلىرىغا سىمنى كەپشەرلەپ ئىشلىتىسىز،ئاۋارچىلىقى كۆپ،سىز ئۇستا بولۇپ پىشىپ يىتىلگەندە،ئىنتايىن كىچىك تىپتىكى توك يولى ئورنىتىشقا ئىھتىياجلىق بولغاندا ئاندىن تاللارسىز.

بۇنىڭدىن باشقا Arduino نىڭ يېڭىدىن چىقىۋاتقان تېخىمۇ كىچىكلەشتۈرۈلگەن،بېۋاستە كومپىيۇتىرىنىڭ USB ئېغىزىغا سانجىپ پروگرامما چۈشۈرىدىغان تىپلىرىمۇ بار،بىراق بۇلارنىڭ تېخنىكىلىرى تېخى پىشىپ يىتىلمىدى ھەم بىر ئاز قىممەت،ئەھۋالغا ئاساسەن سېتىۋىلىشىڭىزنى تەۋسىيە قىلىمەن.سېتىۋالغاندا تاۋباۋ تورىنىڭ ئىزدەش كۆزنىكىگە بىۋاستە ئاردىينۇ تاخـتا تىپىنى كىرگۈزۈپ ئىزدەپ سېتىۋالسىڭىز بولىدۇ.
2.ئاردىينۇنىڭ تەجرىبە تاختىسى ۋە قوشۇمچە دىتاللىرىنى يۈرۈشلەشكەن ھالدا سېتىۋىلىش
تاۋباۋ تورىدىكى بەزى تىجارەتچىلەر خىرىدارلارغا قولايلىق يارىتىش ئۈچۈن تەجرىبىگە مۇناسېۋەتلىك تەجرىبە تاختىسى،سەزگۈچ،ئىكران،رېلى،قارشىلىق،ئېلېكتىر ماتور قاتارلىقلارنى مەلۇم دەرىجىدە توپلاشتۇرۇپ،ئوخشاش بولمىغان باھادا تەمىنلىگەن(يەنى يېڭى ئۈگەنگۈچىلەر تىپى قوشۇمچە دىتاللىرى ئاز،باھاسى ئەرزان دىگەندەك)،شۇڭا تاۋباۋ تورىنىڭ ئىزدەش رامكىسىغا «套件Arduino »  دەپ كىرگۈزۈپ ئىزدەتسىڭىز ئوخشىمىغان باھالاردىكى يۈرۈشلەشكەن تەجرىبە دىتاللىرى كۆرنىدۇ،باھاسى،ئۆزىڭىزنىڭ ئىھتىياجىغا ئاساسەن سېتىۋالسىڭىز بولىدۇ.

3.ئاردىينونىڭ مۇناسېۋەتلىك دىتاللىرىنى ئايرىم سېتىۋىلىش
كىتابتا بايان قىلىنغاندەك ئاردىينۇنىڭ مۇناسېۋەتلىك سەزگۈچلىرى،قوشۇمچە دىتاللىرى ئىنتايىن كۆپ،ئەرزانلىرى 1،2يۈەندىن يۇقىرىسى 1000يۈەنگىچە، ئەرزان دىتاللار ئىنتايىن كۆپ،بىراق بۇلارنى ئايرىم-ئايرىم تور دۇككىنىدىن سېتىۋالغاندا كىراسى ئىشىپ كىتىپ،«ئىشىكىدىن توقۇمى قىممەت» بولۇپ قىلىشى تۇرغانلا گەپ،شۇڭا تەۋسىيەرىم،ئالدى بىلەن سىز سېتىۋالماقچى بولغان دىتاللارنى كۆڭلىڭىزدە تۇرغۇزۋىلىپ،تاۋباۋنىڭ ئىزدەش رامكىسىغا «Arduino 传感器» دەپ كىرگۈزۈپ ئىزدىتىڭ ۋە ياكى سىزگە لازىملىق دىتالنىڭ ئىسىمىنى «Arduino» دىگەن خەت بىلەن قوشۇپ كىرگۈزۈپ ئىزدىتىڭ(ئەسكەرتىش:بەزى سەزگۈچلەر،قۇشۇمچە دىتاللار ئاردىينۇنى قوللىماسلىقى مۈمكىن،شۇڭا چوقۇم مۇشۇ خەتنى قوشۇشنى ئۇنتۇپ قالماڭ)،كۆرۈنگەن دۇككانلارنىڭ خالىغان بىرنى ئىچىپ دۇككاندىكى بارلىق ماللارنى كۆرۈپ چىقىڭ،بەلكىم شۇ دۇككاندىن سىز ئىزدىگەن ماللارنىڭ ھەممىسى بار بولۇشى مۈمكىن،مۇشۇ ئۇسۇلدا باشقا دۇككانلارنىمۇ كۆرۈپ،باھاسىنى ئۆز-ئارا سېلىشتۇرۇپ،ئاخىرىدا باھاسى مۇۋاپىقكەن دىگەن دۇككاندىن لازىملىق دىتاللارنىڭ ھەممىسىنى بىر يوللا سېتىۋىلىڭ،بۇنىڭدا تاۋباۋنىڭ «مال سېتىۋىلىش ھارۋسى» دىگەن ئىقتىدارىدىن پايدىلانسىڭىز بولىدۇ.سىز مەزكۈر دۇككاندىكى سېتىۋالماقچى بولغان دىتالنى تاللايسىز،ئاندىن بىۋاستە سېتىۋىلىشنىلا باسماي،تۆۋەندىكى رەسىمدە كۆرىستىلگەندەك:

«مال سېتىۋىلىش ھارۋسى»غا قوشۇشنى بېسىپ،لازىملىق دىتاللارنى بىر-بىرلەپ سېتىۋىلىپ،ئەڭ ئاخىرىدا ھېساپ بوغۇپ سېتىۋالسىڭىز بولىدۇ،بۇ ئۇسۇلدا ئاساسلىق قىلىپ بارلىق ماللىرىڭىز بىرلا كىرا ھەققى بىلەن كىلىدىغان بولغاچقا كىرا ھەققىنى تىجىيەلەيسىز.
تۆۋەندە مەن تاۋباۋدىكى دۇككاندىن سېتىۋالغان دىتاللار:

مەزكۈر دۇككاننىڭ كۆرۈپ بىقىش ئادرىسى
ئاردىينۇنىڭ ئىدىيىسىدە ئامال قىلىپ كونا ئېلېكتىرون دېتاللىرىدىن قايتا پايدىلىنىشىنى تەۋسىيە قىلىدىغان بولغاچقا،بەزى LED لامپا،قارشىلىق،كوندىنساتۇر،رېلى،ئېلېكتىر ماتور دىگەندەك ئەتراپىمىزدىكى كونا ئېلېكتىرون دىتاللىرىدىن تاپقىلى بولىدىغان نەرسىلەرنى ئۆزۈڭلارنىڭ ئىزدەپ ھەل قىلىشىڭلارنى،پەقەت تاپقىلى بولمايدىغان دىتاللارنىلا توردىن سېتىۋىلىشىڭلارنى تەۋسىيە قىلىمەن.
ئاردىينۇنىڭ مۇناسېۋەتلىك دىتاللىرى ئىنتايىن كۆپ،قېرىنداشلىرىمىزنىڭ قارىغۇلارچە سېتىۋالماسىتىن،مەلۇم بىر قۇرۇلمىنى لاھىيەلەپ،ئىشەنچى تۇرغۇزغاندىن كىيىن ياكى چۈشەنچىمىزنىڭ چۇڭقۇرلىشى،ئىھتىياجىمىزغا ئاساسەن سېتىۋىلىش تەكلىپىنى بىرىمەن.
ھازىر تاۋبادىكى سودىگەرلەرنىڭمۇ باھار بايرىمىلىق دەم ئىلىشى تۈگەپ دۇككانلىرىنى ئېچىشنى باشلىدى،شۇڭا بۇ تېمىنى خىلى بۇرۇن يېزىشنى ئويلىغان بولساممۇ،بۈگۈن يېزىشنى مۇۋاپىق كۆرۈپ يازدىم،مەنمۇ بىر ئاددىي ئۈگەنگۈچى بولغاچقا،بەلكىم بۇ تەكلىپ،تەۋسىيەلىرىمنىڭ سىلەرگە كۆپ ياردىمى بولماسلىقى مۈمكىن،لىكىن ئازىراق بولسىمۇ ياردىمى تىگىپ قالسا مەن شۇنىڭدىن رازى.توردىن مال سېتىۋىلىش تەجرىبىسى بار قېرىنداشلىرىمىزنىڭ تېخىمۇ ياخشى تەكلىپ-پىكىرلىرى بولسا،قېرىنداشلىرىمىزدىن ئايمىغاي.```
توردىن مال سېتىۋىلىش ئىمكانىيىتى يوق قېرىنداشلىرىمىزنىڭ ئالدى بىلەن ئۆزلىرىنىڭ ئىزدىنىپ مال سېتىۋىلىشىنى ئۈگىنىشىنى،پەقەت بولمىغاندا قېرىنداشلىرىمىزدىن ياردەم سورىشىنى،يەنە شۇنداقلا سودىغا پىششىق دوستلىرىمىزنىڭ بۇنى بىر سودا پۇرسىتى بىلىپ،مۇناسېۋەتلىك دىتاللارنى سېتىش سودىسى بىلەنمۇ شۇغۇللىنىپ بىقىشىنى تەۋسىيە قىلىمەن،مەن ئۆزۈم يالغۇز بولغاچقا كۆپ ئىشلارغا يىتىشەلمەيدىكەنمەن،شۇڭا قېرىنداشلىرىمىز مەندىن رەنجىمگەي.
ھازىرچە ۋاقىت ۋە باشقا ئىشلار تۈپەيلى مەخسۇس ئولتۇرۇپ ئاردىينۇنىڭ مۇناسېۋەتلىك سەزگۈچلىرىنى تونۇشتۇرۇشقا پۇرسەت بولمايۋاتىدۇ،ئاللاھ خالىسا پات ئارىدا مۇشۇ توغرىسىدىمۇ تېما يازىمەن،شۇڭا قېرىنداشلىرىمنىڭ ھازىرچە مېنى ئەيىپكە بۇيرىماسلىقىنى سورايمەن.
بىز ئۆز-ئارا ئۈگىنىشكە،ھەمكارلىشىشقا مۇھتاج! قېرىنداشلىرىمىزنىڭ ياخشى تەكلىپ-پىكىرلىرىنى،قىممەتلىك بىلىملىرىنى،تەجرىبىلىرىنى ئايىماسلىقىنى سورايمەن!
ھۆرمەت بىلەن:ئېلېكتىر چەۋەنداز
2014-يىلى ھۇتنىڭ 9-كۈنى يېزىلىدى
سەمىمي ئەسكەرتىش: بۇ تېما مەخسۇس Arduino  ئۈچۈن يېزىلدى،شۇڭا باشقا جەھەتتىن ياردەم سورىماقچى بولغان قېرىنداشلىرىمىزنىڭ ئالىپ تورىنىڭ ياردەم سەھىپىسگە ياكى مۇناسېپ ھالدىكى باشقا تېمىلارغا ئىنكاس يېزىشىنى،قالايمىقان ئىلان ۋە ياردەم خاراكتىرلىك ئىنكاسلارنى يازىماسلىقىنى سەمىمىيلىك بىلەن ئۆتىنىمەن.

ۋە ئەلەيكۇم ئەسسالام…… مەن بۇ نەرسىنى ئانچە چۈشۈنمەيمەن لىكىن تىمىلىرىڭىزنى داۋاملىق ئۇقۇپ تۇرىۋاتىمەن ……بولسا ئالاقىلىشىش ئادىرسىڭىزنى قالدۇر سىڭىز مۇشۇ ardoniu توغرىسىدا يول كۆرسەتكەن بولسىڭىز ……مەنمۇ بارغانچە قىزىقىپ قېلى ۋاتىمەن

شۇ مۇمكىن بولسا بىرەر چ چ توپى قۇرۇپ قويسىڭىز ، ئۆز ئارا پىكىرلەشسسەك بولاتتى .

ئەسسالامۇ ئەلەيكۇم قېرىندىشىم ياخشى تېمىلىرىڭىز ئۈزۈلۈپ قالمىسۇن ، سىزدىن سوراپ باقسامardoniu ئارقىلىق كومپىيوتېر بولمىغان شارائىتتا كومپىيوتېر ئېكرانىنى ھەرخىل شەكىلدىكى ئۇيغۇرچە خەتلەر چىقىدىغان قىلغىلى بولامدۇ؟

چ چ ياكى ئۈندىداردا بىر توپ قۇرۇپ نۇمۇرىنى قالدۇرۇپ قويسىڭىز بىلەلمىگەن ئىشلارنى سىزدىن سۇراپ ئۆگىنىۋالساق

شۇ مۇمكىن بولسا بىرەر چ چ توپى قۇرۇپ قويسىڭىز ، ئۆز ئارا پىكىرلەشسسەك بولاتتى .

ئەسسالامۇ ئەلەيكۇم قېرىندشىم! ئاردىينونىڭ چ چ توپى ئاللىبۇرۇن قۇرلۇپ بولغان،قارىغاندا سىز ئىلگىركى تېمىلىرىمغا دىققەت قىلمىغان ئوخشايسىز.يەنە بىر قېتىم دەپ بىرەي: 316836607

ۋە ئەلەيكۇم ئەسسالام…… مەن بۇ نەرسىنى ئانچە چۈشۈنمەيمەن لىكىن تىمىلىرىڭىزنى داۋاملىق ئۇقۇپ تۇرىۋاتىمەن ……بولسا ئالاقىلىشىش ئادىرسىڭىزنى قالدۇر سىڭىز مۇشۇ ardoniu توغرىسىدا يول كۆرسەتكەن بولسىڭىز ……مەنمۇ بارغانچە قىزىقىپ قېلى ۋاتىمەن

ئەسسالامۇ ئەلەيكۇم قېرىندىشىم ئاردىينونى چۈشەنمىگەن بولسىڭىز،چۈشىنىشنى خالىسىڭىز ئالىپ تورىدا ئاپتۇماتىك كونتىرول قىلىش دەيدىغان بىر سەھىپە بار،شۇ يەردىكى يازمىلارنى كۆڭۈل قويۇپ ئوقۇپ چىقىسىڭىز چۈشىنىپ قالىسىز.
سەھىپە مەنزىلى[url]/forum-174-1.html[/url]