HTC HD2 ئۈچۈن ئۇيغۇرچە ئاندرويىد (مەشغۇلات سىسېتمىسى)

ئەسسالامۇئەلەيكۇم.
ئۆتكەندە مەن بلوگدا hd2 نىڭ ئۇيغۇرچە مەشغۇلات سېستىمىى ھەققىدە ئۇچۇر بەرگەن ئىدىم.بۈگۈن بۇ مەشغۇلات سېستىمىسى رەسمى تارقىتىلدى.
مەزكۇر سېستىمە يېڭىلاش بولىقى ئۇيغۇريۇمشاق دىتال ئىجادىيەت تورى تەجىربىخانىسى تارقاتقان nexus one يانفۇنىنىڭ يادرو قىسمى بىلەن ساينوگېن 7.ئاينىڭ 29.كۈنى تارقاتقان android 2.3.5نىڭ hd2نۇسقىسىنى بىرىكتۈرۈش ئارقىلىق ۋۇجۇدقا چىقىرىلدى.
ئۇيغۇريۇمشاق دىتال ئىجادىيەت تورىنىڭ ئۇيغۇر ئاندرويد ئىشلىرى ئۈچۈن كۆرسەتكەن تىرىشچانلىقلىرىغا چىن كۆڭلىمدىن رەھمەت ئېيتىمەن.
شۇنداقلا ئەسلى روم ھۆججىتىنى ھەقسىز تارقاتقان ساينوگېنغىمۇ رەھمەت ئېيتىمەن.
مەزكۇر روم ياسىلىپ بىرنەچچە كۈن سىناق قىلىندى بۇجەرياندا رومنى سىناش ئىشىدا يېقىندىن ھەمدەمدە بولغان ئالىپ تورىدىن ئالىپ ئەپەندىگە ھەم تەشەككۈر.
مەزكۇر رومدا ئۇيغۇرچە تىل بولىقى بار ئۇيغۇرچىنى يۈز پىرسەنت قوللايدۇ. ئۇيغۇرچە توربەتلەرنى نورمال كۆرگىلى بولىدۇ. ئۇيغۇرچە ئۇچۇر يازغىلى بولىدۇ.
ئۇيغۇرچە تىل بولىقىنى ئۇيغۇر يۇمشاق دىتال ئىجادىيەت تورى تەمىنلىگەن رومدىن يۆتكەپ ئىشلەتكەن، ئۇيغۇر يۇمشاق دىتال ئىجادىيەت تورى تەجىربىخانىسىدىكى قېرىنداشلار ئامان بولسۇن.
ئەمدى نەق گەپكە كەلسەك مەزكۇر ئۇيغۇرچە سېستىما بولىقى چۈشىدىغان htc hd2 يانفونلىرى زاۋۇتتىن چىقىشتا windows mobile 6.5 سېستىما ھالەتتە بولىدۇ.شۇڭا مەزكۇر رومنى قاچىلاشتىن بۇرۇرن سېستىما قاچىلاش قوللانمىسىنى تەپسىلى كۆرۈپ مەشغۇلات قىلغايسىز.
رومنى كەمىنە كۆرەش بىرىكتۈرۈپ ياسىغان، سېستىما قاچىلاش دەرىسلىكىنى ئالىپ تورىدىن ئالىپ ئەپەندى.(بىلىكتىكى ئالىپ ئەنۋەر)miui تورىدىكى مۇناسىۋەتلىك دەرىسلىككە ۋە ئۆزىنىڭ ئەمەلىي قاچىلاش جەريانىدىكى تەجىربىسىگە ئاساسەن تەييارلىغان.
پەقەت قوللانما بويىچە مەشغۇلات قىلسىڭىزلا wm6.5 HTC HD2يانفونىڭىز ئۇيغۇرچە مەشغۇلات سېستىمىسى قاچىلانغان ئاندرويد يانفونىغا ئۆزگىرىدۇ.
مەزكۇر سېرستىما بولىقىغا adw . go قاتارلىق ئېكران پروگرامملىرى قاچىلانغان go بىر خىل چىرايلىق كۆرۈنۈپ قوشۇپ قويدۇم. ئەمما ئۇنى ئىشلەتكەندە قىسمەن جايلاردا ئېنگىلىزچە بولىۋېلىش ئەھۋالى كۆرۈلىدۇ.
لېكىن ئېكرانغا قايتىش ۋاختىدا adw نى تاللاپ قويسڭىز نورمال ئۇيغۇرچە بولىدۇ.
ئۇندىن سىرىت بۇ سېستىما بولىقىغا ئۇيغۇرچە ھەرىپ تاختا(كىرگۈزگۈچ) قوشۇلمىغان.بۇنى قوشۇمچە ھۆججەتتىن چۈشۈرىۋالسىڭىز بولىدۇ.
قېنى ئەمىسە ئەمدى بىرنەچچە پارچە نەق مەيدان رەسىملىرىدىن ھۇزۇرلىنىپ بولۇپ سېستىمىنى چۈشۈرۈپ دەرىسلىكتە دىيىلگەن بويىچە مەشغۇلاتنى باشلىسىڭىز بولىدۇ.
بۇھەقتە چۈشەنمىگەن جايلار بولسا يازما ئاستىدا ئىنكاس شەكلىدە قالدۇرۇڭ. ۋاقىت چىقىرىپ قانائەتلىنەرلىك جاۋاب قىلىمز.
يەنە بىرمەسىلىنى دىيىشنى ئۇنتۇپ قاپتىمەن، ئادەتتە ئۆزگەرتىلگەن روملار نى قاچىلىغاندا ئانچە مۇنچە مەسىلىلەر كۆرۈلىدىكەن. مەنغۇ يولۇقۇپ باقمىدىم.
ئەگەر ماۋۇ رومدا بىرەر مەسىلەبايقىسىڭىز بۇيەردىكى ئەسلىدىكى ساينوگېننىڭ تەمىنلىگەن رومىنى چۈشۈرۈپ بىرقېتىم قاچىلاڭ . يانفون نورمال قوزغالغاندا ئۆچۈرۈپ قايتىدىن مەن بىرىكتۈرۈپ ياسىغان رومنى قاچىلاڭ . شۇنىڭدا ھېچقانداق مەسىلە چىقمايدۇ.
ئۇيغۇرچە ئاندرويد سېستىمىلىرىنىڭ مەنبەسىنى بىرلىككە كەلتۈرۈش ئۈچۈن بۇسېستىما بولىقىنى ئۇيغۇر يۇمشاق دىتال ئىجادىيەت تورى تەجىربىخانىسىنىڭ توربىكىتىدىن چۈشۈرۈڭ.
ئۇيغۇرچە يېزىۋاتقان كۆرۈنۈش


قاراڭ ماۋۇ ئۇيغۇرچە يوللانغان قىسقا ئۇچۇرلارغا.





ماۋۇ msn دىكى ھالەت

تۆۋەندىكىسى بىرقسىم سىلەرقىززىقىدىغان كۆرۈنۈشلەر.








تاسقاپتۇ ئۇنتۇلۇپ قالغىلى توركۆرگۈچتىكى توربەتلەر.
ماۋۇ مىنىڭ يازمىلىرىم.


ئالىپ تورىدىن بىركۆرۈنۈش.









بىلىكتىن بىر كۆرۈنۈش


گوگۇلدىن بىر كۆرۈنۈش







ئۇيغۇرچە لۇغەتتىن بىر كۆرۈنۈش

ئەمدى رومنى چۈشۈرۈڭ.



ئېلىخەتتىن بىر كۆرۈنۈش



ئۇيغۇرچە رومنى چۈشۈرۈش مەنزىلى.
ئەسلىدىكى ئۆزگەرتىشىتىن بۇرۇنقى روم ھۆججتىنى بۇيەردىن چۈشۈرۈڭ.

ئۇيغۇرچە كىرگۈزگۈچ
latinime.apk

قاچىلاش دەرسلىكى

رەسىم ياكى چۈشۈرۈش ئادېرسى كۆرۈنمىسە، ئەزالىق نامىدا كىرسەڭلار ئاندىن كۆرۈندۇ

ئاندرويىدنىڭ ئۇيغۇرچىنى يادروسىدىن قوللىغىنى بىر دەۋر ياراتتى

مۇبارەك بولسۇن، ھارمىغايسىلەر!

مۇشۇ Rom نى يېڭىلاپ Office نىڭ Android نەشىرىنى قاچىلىساق Word, Excel دىكى خەتلەر ئۇيغۇرچە نورمال كۆرۈنەمدۇ ؟

بەك ياخشى بوپتۇ

لىكىن ھەممە يەرلىرى ئۇيغۇرچە ئەمەسمۇ قانداق؟
ھەممە يەرلىرى ئۇيغۇرچە بوپ كەتسە بەك ياخشى بولاتتى

Nurdan يوللىغان ۋاقتى  2011-8-23 11:21
مۇشۇ Rom نى يېڭىلاپ Office نىڭ Android نەشىرىنى قاچىلىساق Word, Exc ...

دەل شۇنداق.
Office نىڭ Android نەشىرىنى قاچىلىساق Word, Excel دىكى خەتلەر ئۇيغۇرچە نورمال كۆرۈندۇ.
بۇنىڭ ئۇيغۇرچىنى قوللىشى كومپىيۇتېردىن ياخشى ھازىر.

akkaptar يوللىغان ۋاقتى  2011-8-23 11:31
لىكىن ھەممە يەرلىرى ئۇيغۇرچە ئەمەسمۇ قانداق؟
ھەمم ...

ئۇ دىگەن خەنزۇچە يۇمشاق دېتاللارنىڭ كۆرۈنۈشى. يادروسى ئۇيغۇرچە، سىرتتىن قاچىلانغان خەنزۇچە دېتاللار خەنزۇچە كۆرۈندۇ شۇ. لازىملىق دېتاللارنىڭ ھەممىسنىڭ ئۇيغۇرچىسى بولمىغاچقا بەزى خەنزۇچە دېتاللارنىمۇ ئىشلىتىمىز.

ئالپ ئەپەندى، مەن بىر مەسىلىنى سورىۋالاي، ئاۋۇ رەسىملەرگە قارىسام، ئالامەت چوڭ چىقىپتۇ، بۇ تېلېفۇندا تارتقان سۈرەتمۇيا؟ ئەگەر تېلېفۇندا تارتقان سۈرەت بولسا تېلېفۇننىڭ ئىكران بۇنداق چوڭ ئەمەستۇ؟؟؟؟؟؟؟

PengiYar يوللىغان ۋاقتى  2011-8-23 13:25
ئالپ ئەپەندى، مەن بىر مەسىلىنى سورىۋالاي، ئاۋۇ رەسىمل ...

رەسىملەرنىڭ چوڭ كۆرنىشىنىڭ سەۋەبى مەزكۈر تىلفۇننىڭ ئىكىراننىڭ ئىنقلىقى دەرىجىسى يۇقىرى بولغاچقا،تىلفۇندا تۇتقان رەسىممۇ تەبىئيكى چوڭ بولىدۇ.مىنىڭ بىلىشىمچە شۇنداق.

PengiYar يوللىغان ۋاقتى  2011-8-23 13:25
ئالپ ئەپەندى، مەن بىر مەسىلىنى سورىۋالاي، ئاۋۇ رەسىمل ...

ئەلۋەتتە تېلفوندا تارتىلغان سۈرەت. ئۇنداق جېق رەسىمنى فوتوشوپتا ئىشلەيدىغانغا نەدە ۋاقىت.
ئېكراننىڭ ئېنىقلىقى 800*480

مەن ھەپىلىشىپ يۈرۈپ تېمىدا دىيىلگەن باسقۇچلارنى تاماملاپ يانفۇنۇمنى ئۇيغۇرچىلاشتۇرىۋالدىم ، قاچىلاش جەريانىدا يولۇققان مەسلەم بولسا 4-قەدەمدىكى USB Flasher نى تاللايدىغان كۆزنەك كۆرۈنمەيلا كىيىنكى باسقۇچقا ئاتلاپ كىتىدىغان ئەھۋال كۆرۈلدى ، يەنە بىر مەسىلە بولسا Recovery\DAF.exe  نى ئىجرا قىلغاندىن كىيىن يانفۇننى تونۇماي خاتالىق ئۇچۇرى چىقىۋىلىپ بەك ئاۋارە قىلدى ، ئاخىرى مەسلىنىڭ سەۋەبىنى خەنزۇچە بېكەتلەردىن ئىزدەپ باقسام windows 7 مەشخۇلات سىستىمىسىدىكى كومپىيوتۇرلار بىلەن قاچىلىسىڭىز يۇقارقىي مەسلە كۆرۈنمەيدىكەن ئەمما XP  سىستىمىدىكى كومپىيوتۇردا قاچىلىسىڭىز يۇقارقىي مەسلە ئۇچرايدىكەن ، بۇنىڭ ئامالى سىز قاچىلىغان Microsoft ActiveSync ياردەمچى قورالىنىڭ تەڭشەش رايونىغا كىرىپ 连接设置 دىكى بارلىق تاللاشلارنى بېكار قىلۋىتىپ ئاندىن Recovery\DAF.exe  نى قوزغۇتۇپ قاچىلىسىڭىز مۇۋاپىقىيەتلىك قاچىلىنىدىكەن.
دەسلىۋىدىكى USB Flasher دىگەن جاي كۆرۈنمەيلا كىيىنكى قەدەمگە ئۆتۈپ كېتىدىغان ئەھۋالغا يولۇقسىڭىز يانفۇننى قايتا قوزغاتقاندا قوزغۇتۇش كونۇپكىسىنى بېسىپلا قويىۋەتمەي ئۇزاق بېسىپ تۇرسىڭىز ئاندىن كۆرۈنىدىكەن.
يۇقارقىي مەشخۇلاتلارنى بىر قېتىم قىلسىڭىزلا نەقەدەر ئاسان ئىكەنلىكىنى ھىس قىلدىكەنسىز.
ئاخىرىدا بۇ سىستىمىنى ۋۇجۇدقا چىقىرىشقا كۈچ چىقارغان بارلىق ئەزىمەتلىرىمىزگە تەشەككۈر بىلدۈرىمەن!

نىمە دىگەن پەيزى.  ئۇيغۇر يېزىقى ئەمدى، زامانىۋى ئالاقە ۋاستىسى بولغان ئانجىرويىد سېستىمىلىق يانفۇندا ئىشلىدى . ئەجەپ خۇشال بۇلىۋاتىمەن.بۇ يانفۇندىن بىرنى ئالسام بۇلىدىغان بولدى،دە!