HTC HD2 گە Rom يېڭىلاپ ئاندرويىد قاچىلاش دەرسلىكى

ئاندرويىدقا ئۇيغۇرچىنى يادروسىدىن  قوللىتىش مۇۋاپىقىيەتلىك بولغاندىن كېيىن، ئەسلى Windows Mobile6.5 قاچىلانغان HTC HD2 غا ئۇيغۇرچىلاشتۇرۇلغان ئاندرويىد رومنى قاچىلاش مۇۋاپىقىيەتلىك بولدى. HTC HD2 نىڭ ئۇيغۇرچە رومى پات ئارىدا تارقىتىلدۇ.  ئەمما WM6.5 قاچىلانغان يانفوننى يېشىش ۋە ئاندرويىدنى قاچىلاش نىسبەتەن مۇرەككەپ مەشغۇلات بولۇپ، ئازراقلا خاتالىق كۆرۈلسە يانفون قوزغالمايدۇ. مەن تۆۋەندىكى ئۇسۇل ئارقىلىق قاچىلدىم.

1-قەدەم: ئاۋال يانفوندىكى ۋە سىغىم كارتىسىدىكى بارلىق مۇھىم ھۆججەتلەرنى كومپىيۇتېرغا زاپاسلىۋېلىڭ. تېلفون دەپتىرنىمۇ زاپاسلىۋېلىڭ.
يانفوننى سانلىق مەلۇمات سىمى ئارقىلىق كومپىيۇتېرغا ئۇلاڭ.
بۇ يەرنى بېسىپ روم يېڭىلاش قورالىنى چۈشۈرۈڭ
ئارخىپتىن يىشىپ، copy_to_sd نىڭ ئىچىدىكى ئىككى تال ھۆججەتنى sd كارتىنىڭ غول مۇندەرىجىسىگە كۆچۈرۈڭ.
قاچىلماقچى بولغان ئاندرويىد رومنى Zip ھالەتتە (يەشمەيلا)  sd كارتىنىڭ غول مۇندەرىجىسىگە كۆچۈرۈڭ.

2-قەدەم: ئەمدى يانفوننىڭ يېشىلگەن، يېشىلمىگەنلىكىنى تەكشۈرمىز. يانفوننى تاقاپ، بېقىندىكى ئاۋاز تۆۋەنلىتىش كۇنۇپكىسنى بېسىۋېلىپ تۇرۇپ ئاچساق ئۈچ رەڭ ھالەتتە ئېچىلدۇ. تۆۋەندىكى رەسىمدىكىدەك.


رەسىمدە كۆرۈنگەندەك ئىككىنجى قۇردا HSPL دېگەن خەت بار بولسا يىشىلگەن (تۈرمىدىن قاچۇرۇلغان) بولىدۇ.
يېشىلگەن بولسا بىۋاستە 3-قەدەمگە ئۆتۈپ كەتسەك بولىدۇ.
يېشىلمىگەن بولسا مۇنداق يېشىمىز:
يانفون كومپىيۇتېرغا ئۇلانغان ئەھۋالدا يوقىردا چۈشۈرگەن روم يېڭىلاش قورالىدىكى HSPL2_RUN.exe نى ئىجرا قىلىپ، چىققان كۆزنەكتىن 2.08.HSPL نى تاللاپ كېيىنكى قەدەمنى باسىمىز.

بىر ئازدىن كېيىن يانفون ئېكرانىدا We Hacked it دىگەن خەتلەر كۆرۈنسە يېشىش مۇۋاپىقىيەتلىك بولغان بولىدۇ.

3-قەدەم: MAGLDR يېتەكلىگۈچىسىنى قاچىلاش
يانفون كومپىيۇتېرغا ئۇلانغان، يانفون ئۈچ رەڭ ھالەتكە كەلگەن ئەھۋالدا روم يېڭىلاش قورالىدىكى MAGLDR111\ROMUpdateUtility.exe نى ئىجرا قىلدۇرمىز.


رەسىمدىكىدەك تاللاپ، كېيىنكى قەدەمنى باسىمىز.

بۇ ھالەتكە كەلسە مۇۋاپىقىيەتلىك بولغان بولىدۇ.
يانفوننى قايتا قوزغاتساق ماۋۇ رەسىمدىكىدەك بولسا MAGLDR يېتەكلىگۈچىسى مۇۋاپىقىيەتلىك قاچىلانغان بولىدۇ.


4-قەدەم: MAGLDR كۆزنىكىدىن 4.USB Flasher دېگەن تۈرنى تاللايمىز. (يانفوننىڭ بېقىندىكى ئاۋاز كۇنۇپكىسى ئارقىلىق يۆتكەپ، يېشىل كۇنۇپكىنى باسساق بولىدۇ)


روم يېڭىلاش قورالىدىكى Recovery\DAF.exe نى ئىجرا قىلدۇرمىز. كېيىنكى قەدەمنى بېسىۋەرسەك بولىدۇ. Waiting for USB connection دىگەن خەت كۆرۈنسە Recovery نى قاچىلاۋاتقان بولىدۇ.


تۆۋەندىكى رەسىمدىكىدەك كۆرۈنسە مۇۋاپىقىيەتلىك بولغان بولىدۇ.


5-قەدەم: MAGLDR كۆزنىكىگە قايتىپ 1.Boot AD SD نى تاللايمىز. ClockMod Recovery تىزىملىكى كۆرۈندۇ.


ئۇ يەردىن install zip from sdcard دېگەننى تاللايمىز. ئاندىن choose zip from sdcard دىگەننى تاللايمىز. بۇ چاغدا بىز بىرىنجى باسقۇچتا كۆچۈرۈپ قويغان روم ھۆججىتى كۆرۈندۇ، شۇنى تاللايمىز. مەسلەن: Alip Android.zip   ئاندىن كېيىنكى قەدەمدىكى YES نى باسساق رومنى يېڭىلاشنى باشلايدۇ.


Install from sdcard complete دىگەن خەت كۆرۈنسە يېڭىلاش مۇۋاپىقىيەتلىك بولغان بولىدۇ. ئالدىنقى باسقۇچقا قايتىپ بېرىپ reboot system now نى باسسىڭىز يانفون قايتا قوزغىلدۇ. ئەمدى قوزغالغىنى ئۇيغۇرچە Android

قاچىلاش بولىقى يوققۇ ئالىپ ئەپەندىم،تىمىنى بىر كۆرۈپ شۇنداق خوش بوپ كېتىپتىمەن تېخى

ئاۋۋال قاچىلاشنى ئۆگىنىپ، پىششىقداپ تۇرۇڭلار. HTC HD2 نىڭ ئۇيغۇرچە رومى پات ئارىدا تارقىتىلدۇ.
مەنمۇ مۇشۇ روم يېڭىلاشنى ئۆگىنىپ بولغۇچە يانفوننى نەچچە قېتىم بۇزۇپ، ئىچىدىكى مۇھىم نەرسىلەرنى يۈتتۈرۈپ دىگەندەك بەك تەستە قىلغان.

ئالىپ ئەپەندى..ئۇيغۇرچە hd2 rom نى تېزرەك چىقارسىڭىز بولاتتى...بىز ئۆگىنىپ بولدۇق سېستېما قاچىلاشنى..زادى قاچان يوللىنىدۇ..ئېنىق ۋاقتىنى دەپبەرسىڭىزمۇ بولاتتى..بەك تەقەززا بولۇپ كەتتۇق...

ئاۋۇ رەسىمدىكى ‹18 ئاۋغۇست› نىمىگەپ ئۆزى؟

uggame يوللىغان ۋاقتى  2011-8-19 17:48
ئاۋۇ رەسىمدىكى ‹18 ئاۋغۇست› نىمىگەپ ئۆزى؟

ئۇيغۇرچە تەرجىمىسىدە بىر تال سىزىقچە ئايرىلىپ قالغاندەك قىلىدۇ. 18-ئاۋغۇست دىگەن گەپ.

زادى قاچان تارقتىسىلە؟

ئالىپ ئەپەندى بامۇ سىز...ئېنىق جاۋاپ بەرسىڭىز بولاتتى...

ئەسسالام ئالىپ ئەپەندىم،htc g6ئۇيغۇرچەromيوقمىدۇ؟

ئۇيغۇرچە ئاندرويدا ئاي نامى ئېنگىلىسچە ئېلىندىمۇ؟ ياكى ئۆزىمىز تاللىيالامدۇق؟
ئاۋۇ رەسىمدىكى ئاۋغۇسنى دەيمەن.

6-قەۋەتتىمۇ ئوخشاش سوئالدىن بىرى تۇرىدۇ......
ئەگەر مۇمكىن بولسا مۇشۇنى ئۆز تىلىمىزغا توغرىلىۋەتسەككەن... بىكادىن بىكار ئۆزىمىزنىڭ تىلىدا ئىپادىلىگىلى بولىدىغان نەرسىنى زورلاپ باشقا تىلدا ئاتىغاندىن كۆرە دەيمەن.

ئۇقۇشماسلىق بولمىسۇن، سىلەرنىڭ ئەجىرىڭلارنى كۆرۈپ تۇرىۋاتىمىز، پەقەت خاتا يېرىنى كۆرسىتىپ بەردىم خالاس

alip يوللىغان ۋاقتى  2011-8-18 21:16
ئاۋۋال قاچىلاشنى ئۆگىنىپ، پىششىقداپ تۇرۇڭلار. HTC HD2 نىڭ ...

ھە ئالىپكا مەن devدىكىلەرنىڭ دىگىنى بويىچە مۇشۇدەرىسلىكنى تەييارلاپ ئاندىن رومنى تارقاتماقچى بولغان.سىزگە كۆپ رەھمەت،مىنىڭ بىرمۇنچە ئىشىمنى يىنىكلىتىپسىز .دەرىسلىك پۈتۈپتۇ.
ئەمدى dev دىكىلەرنىڭ دىگەنلىرى بويىچە رومنى يەنە بىر قۇر تەرتىپلەشكە تۇتۇش قىلايلى،
سىزدىكى رومدا ھازىرغىچە بىرەر مەسىلە بايقالدىمۇ يا.
رومنى قانۇنلۇق قىلىشنىڭ يولىنى سارۋان ئەپەندىم تولۇق دەپ بەردى،ئەمدى شۇ بويىچە قايتىدىن يەنە بىر جايلاشتۇرۇپ تارقاتساق بولىدۇ.
ئۇف ھاردۇق چىقىدىغانغا ئازقالغان چېغى...

暗香（维） يوللىغان ۋاقتى  2011-8-19 17:48
ئالىپ ئەپەندى..ئۇيغۇرچە hd2 rom نى تېزرەك چىقارسىڭىز بولا ...

رومنى ياساپ (يەنى باشقىلار باشقا يانفۇن ئۈچۈن تۈزگەننى ئۆزگەرتىپ)hd2 قاچىلاپ سىناق قىلىپ رازىمەنلىك باسقۇچىغا كەلدۇق.
ئەمدى يەنە بر قىلىدىغان كىچىككىنە بىر ئىش چىقىپ قالدى،
يەنى ئۇنى قانۇنلۇقلاشتۇرۇش   مۇناسىۋەتلىك ئۇستازلارنىڭ دىيىشىچە مەلۇم دىتاللار قاچىلىنىو قالسەا بولمايدىكەن،
شۇڭا قاتا ياسىماقچى، بەلكىم ھېيىتلىق سوۋغا قىلىشىمىز ياكى ئۇندىن بۇرۇن ئىشلىتىشكە تاپشۇرىشىمىز مۇمكىن.
يوقى بار بولدى يەن ئازراق سەبىر قىلغايسىلەر،

mzp009 يوللىغان ۋاقتى  2011-8-19 20:49
ئۇيغۇرچە ئاندرويدا ئاي نامى ئېنگىلىسچە ئېلىندىمۇ؟ ياك ...

ئاۋغۇست، يانىۋار دەپ خەلقئارالىق ئاتىلىشىمۇ بار.
تومۇز، چىللە، ئوغلاپ دەپ ساپ ئۇيغۇرچە ئاتلىشىمۇ بار. قالغىننى يانفونغا قاچىلىسىڭىز چۈشىنىسىز.