- ئەكبەر قەھرىمان
- يوللانغان ۋاقتى: 2014-02-28
- كۆرۈلۈش سانى: قىتىم
- مەزمۇن مەنبەسى: ئاقيول تورى
- چولپان تەۋەلىكى:ئۇيغۇر چولپانلار
- 728*15 googlead
ئەكبەر قەھرىمان
ياش ناخشىچى ئەكبەر قەھرىمان 1972-يىلى 6-ئاينىڭ 13-كۈنى ئۈرۈمچى شەھىرىدە تۇغۇلغان. دادىسىمۇ ئۈرۈمچىدىكى داڭلىق ناخشىچى بولۇپ، گىتار، ئاكاردىيون چېلىشقا ماھىر ئىدى. ئەكبەر دادىسىنىڭ تەسىرى بىلەن كىچىكىدىن تارتىپ گىتار چېلىشقا ئىشتىياق باغلىغان بولۇپ، گىتار چېلىشنى بەك ياخشى كۆرەتتى.
ئەكبەر 1985-يىلى ئۈرۈمچى ياش-ئۆسمۈرلەر سارىيىدا مۇزىكا تەربىيىلەش سىنىپىغا قاتناشقان؛ 1986-يىلى شىنجاڭ جىياڭشۈن خۇسۇسىي گىتار مۇزىكا، سەنئەت مەكتىپىدە بىلىم ئاشۇرغان؛ 1987-يىلى تولۇق ئوتتۇرا مەكتەپنى پۈتتۈرگەندىن كېيىن، يۇقىرى نەتىجە بىلەن شىنجاڭ سەنئەت ئىنستىتۇتىنىڭ مۇزىكا فاكۇلتېتىغا ئوقۇشقا كىرگەن؛ 1991-يىلى ئوقۇشنى ئەلا نەتىجە بىلەن پۈتتۈرۈپ، شىنجاڭ مۇقام ئانسامبىلىغا مۇزىكا ئەترىتىگە خىزمەتكە تەقسىم قىلىنغان؛ 1993-يىلى بېيجىڭغا بېرىپ گىتار كەسپىي بويىچە بىلىم ئاشۇرغان؛ 2002-يىلى شىنجاڭ سەنئەت ئىنستىتۇتىدا مۇزىكا ئىجادىيەت كەسپىي بويىچە بىلىم ئاشۇرغان.
ئەكبەر 1990-يىلدىن ھازىرغىچە نۇرغۇنلىغان ناخشا-مۇزىكىلارنى ئىجاد قىلغان بولۇپ، نەچچە ئونلىغان ئۈنئالغۇ لېنتىسى، CD ، VCD ۋە MTV ئىجادىيەت ئەسەرلىرىنى نەشىر قىلىپ تارقاتتى ۋە چوڭ تىپتىكى سەنئەت كىچىلىكلىرىگە قاتنىشىپ، شىنجاڭدىكى ھەر مىللەت خەلقىنىڭ قىزغىن قارشى ئىلىشىغا ئېرىشتى. ئۇنىڭ 2002-يىلىدىكى ئىجادىيىتى «ۋەتەن ناخشىسى» شىنجاڭ خەلق رادىئو ئىستانسىسى بىلەن ئاپتونوم رايونلۇق مۇزىكانتلار بىرلەشمىسى بىرلىكتە ئۆتكۈزگەن «لوڭقىسى» ناخشا-مۇزىكا ئىجادىيەت مۇسابىقىسىدە ئەلا نەتىجىگە ئېرىشكەن؛ 2005-يىلى 10-ئايدا شىنجاڭ خەلق رادىئو ئىستانسىسى شىنجاڭ ئۇيغۇر ئاپتونوم رايونىنىڭ قۇرۇلغانلىقىنىڭ 50 يىللىقىنى تەبرىكلەش مۇكاپاتلىق پائالىيىتىدە، ئۇنىڭ ئىجادىيىتى «دۇنيا» ئايرىم-ئايرىم ھالدا ئىجادىيەت ۋە ئورۇنلاشتا 1-دەرىجىگە ئىرىشكەن.
