شامىل شاكىر

شىنجاڭ ھەربىي رايون سەنئەت ئۆمىكىنىڭ يۇقىرى ئاۋازلىق ئاتاقلىق ياش ئۆزبېك ناخشىچىسى، رىياسەتچى، تونۇلغان ئىجادىيەتچى، پۈتۈن ئارمىيە بويچە مۇزىكا ساھەسىدە ئالاھىدە تۆھپە مۇكاپاتىغا ئېرىشكۈچى، دۆلەتلىك 1- دەرىجىلىك ئارتىس شامىل شاكىر 1976- يىلى گۇچۇڭ ناھىيىسىدە ئەسكەرلىككە قاتناشقان. ئۇ قىسىمدا جەڭچى، كاتىپ، پەيجاڭ، مۇئاۋىن كومىسسار، كومىسسار قاتارلىق ۋەزىپىلەرنى ئۆتىگەن. ئۇ تۆۋەندە رېۋىزىيە كومىسسارى بولغان مەزگىلىدە، خىزمەتتىكى تۆھپىسى ئالاھىدە بولغانلىقى ئۈچۈن، ئىككى يىل ئۇدا 3- دەرىجىلىك خىزمەت كۆرسەتكەن ئىلغا كوممىسسار بولغان.

1984- يىلى 12- ئايدا، شىنجاڭ ھەربىي رايون سەنئەت ئۆمىكىنىڭ يالغۇز كىشىلىك ناخشىچىسى بولغان. 1986- يىلى ناخشىچىلار ئەترىتىنىڭ باشلىقى بولغان.

1995- يىلىدىن 1997- يىلىغىچە ئازادلىق ئارمىيە سەنئەت ئىنستىتۇتىدا بىلىم ئاشۇرۇپ، پروفېسسورى لى شۇاڭجياڭنىڭ تەربىيىسىدە بولغان.

1981- يىلى پۈتۈن ئارمىيە بويچە ئۆتكۈزۈلگەن سەنئەت بايرىمىدا<< مەن قىسمىنىڭ ناخشىچىسى >> ناملىق ناخشىسى ئورۇنداش ۋە ئىجادىيەت تۈرى بويچە ئىككى تۈردە 1- دەرىجىلىك مۇكاپاتقا ئېرىشكەن.

1984- يىلى لەنجۇدا پۈتۈن ئارمىيە بويچە ئۆتكۈزۈلگەن سەنئەت مۇسابىقىسىدە، < مېنىڭ ناخشام> < مېنىڭ راۋابىم> قاتارلىق ناخشىسى ئورۇنداش، ئىجادىيەت قاتارلىق ئۇچ تۈردە 1- دەرىجىلىك مۇكاپاتقا ئېرىشكەن.

1985- يىلى < بادام دوپپا> < شىنجاڭ ياخشى > ناملىق ناخشىلىرى مەملىكەت بويچە 1- دەرىجىلىك مۇكاپاتقا ئېرىشكەن.

1989- يىلى < قاراۋۇلخانا ۋە مەن> ناملىق ناخشىسى پۈتۈن ئارمىيە بويچە ئۆتكۈزۈلگەن مۇسابىقىدە ئورۇنداش 2- دەرىجىلىك ۋە ئىجادىيەت 3- دەرىجىلىك مۇكاپاتقا ئېرىشكەن.

1992- يىلى 6- نۆۋەتلىك پۈتۈن ئارمىيە بويچە ئۆتكۈزۈلگەن سەنئەت مۇسابىقىسىدە< قىسمىدىكى ھەپتە ئاخىردىكى كېچىلىك> ناملىق ناخشىسى ئورۇنداش ۋە ئىجادىيەت قاتارلىق ئىككى تۈردە 1- دەرىجىلىك مۇكاپاتقا ئېرىشكەن.

1994- يىلى شىنجاڭ خەلق سارىيىدا ئىككى قېتىم چوڭ تىپتىكى يالغۇز كىشىلىك ناخشا كېچىلىكى ئۆتكۈزۈپ مۇۋەپپەقىيەت قازانغان.

1996- يىلى مەملىكەت بويچە بېيجىڭدا ئۆتكۈزۈلگەن < كۇڭ فەن سىنگە مەدىھە تېمىسىدىكى ناخشا مۇسابىقىسى>دە ئېيتقان < سېغىنىش> ناملىق ناخشىسى ئورۇنداش ۋە ئىجادىيەت قاتارلىق ئىككى تۈردە ئالتۇن مۇكاپاتقا ئېرىشكەن.

1996- يىل 7- ئايدا، بېيجىڭ خەلق سارىيىدا ئۆتكۈزۈلگەن < شياڭگاڭنىڭ ۋەتەن قوينىغا قايتىشى> سەنئەت كېچىلىكىگە قاتناشتى ھەم < جۇڭگو مىللىي ناخشىلىرى مۇزىكا كېچىلىكى> گە قاتنىشىپ، پۈتۈن مەملىكەت بويچە ئەڭ تەسىر كۇچىگە ئىگە ناخشىچىلارنىڭ بىرى بولۇپ مۇكاپاتلىنىدۇ.

ئۇنىڭ 18 ناخشىدىن تەركىپ تاپقان < غەربى رايون بۈركۈتى> ناملىق MTVپلاستىنكىسى تارقىتىلدى. بەش نۆۋەت جياڭ زېمىن، لى پىڭ، خۇ جىنتاۋ قاتارلىق دۆلەت رەھبەرلىرىنىڭ قوبۇل قىلىشىغا ئېرىشتى.