ئەسسالامۇ ئەلەيكۇم،يەتتە قىزلىرىمدىكى بارلىق دوستلار ! (جۇلالىق)تىن سىلەرگە ئوتلۇق سالام! بۇ سالامنى كېچىكىپ بەرگەن بولساممۇ يەنىلا قۇبۇل قىلغايسىلەر. ھەممىڭلارنى دائىم ئەسلەپ تۇردۇم. ئاخىرى بىر يەرگە جەم بولدۇق. تور توختاپ قېلىپ دوستلىرىمىز بىلەن بولغان ئالاقىمىزمۇ ئۈزۈلۈپ قالدى.مۇشۇ جەم بولمىقىمىزمۇ ئاسانغا چۈشمىدى. دوستلىقىمىزنى مەڭگۈ قەدىرلەيلى. يەتتە قىزلىرىمدىكى بارلىق دوستلارنىڭ دوستلۇقى مەڭگۈلۈك دوستلۇق. تور ئەسلىگە كېلىپ يەتتە قىزلىرىمدىكى قىسمەتداشلار يەنىلا بىر يەرگە جەم بولدۇق. بۇنىڭدىن كېيىن قول تۇتۇشۇپ بىللە ئالغا ئىلگىرىلەيمىز. ھەممەيلەننىڭ مەنزىلى بىر. سەزگۈرلىكى ئېشىپ كېتىش مىكرو ھېكايە: ئابلىز ئىبراھىم دولان ــ‹‹ئوغرىنىڭ يۈرىكى پوك-پوك›› ــ ئۇيغۇر خەلق ماقالى بىر بالا ئۆيىدە ئويۇنچۇق ئويناۋاتاتتى. بىر كەمدە كىرىسلودا گېزىت ئوقۇپ ئولتۇرغان دادىسى ئويۇنچۇق ساقچى ماشىنىسىنىڭ توختىماي غۇيۇلدىغان ئاۋازىدىن قاتتىق چۆچۈگىنىچە چاچراپ ئورنىدىن تۇرۇپ كەتتى. گويا ئۇنىڭ كۆز ئالدىغا قولىدا كويزا كۆتۈرۈۋالغان ئىككى ساقچى پەيدا بولۇپ، ‹‹سەن چېرىكلىك،خيانەتچىلىك،پارىخورلۇق جىنايىتى بىلەن قولغا ئېلىندىڭ›› دەپ ئۇنىڭ قولىغا كويزا سېلىپ ئېلىپ ماڭىدىغاندەك تۇيۇلۇپ كەتتى - دە، شۇئان قان بېسىمى ئۆرلەپ، ھوشىدىن كېتىپ ئارقىسىغا ئۇچۇپ چۈشتى ۋە ئاغزىدىن كۆپۈك يېنىپ، جاۋغىيىغا سىرغىشقا باشلىدى. بالا بۇنىڭغا دىققەت قىلمىغاچقا خىيالىدا يوق ئويۇنچۇق ماشىنىسىنى ئويناۋەردى. بىر كەمدە ئاپىسى ئاشخانا ئۆيدىن بىر تەخسە قورۇمىنى كۆتۈرگىنىچە چىقىپ كەلدى ۋە ئۆيدىكى بۇ پاجىئەنى كۆرۈپ ‹‹ۋايجان...›› دېگىنىچە قولىدىكى تەخسىنى يەرگە تاشلىۋەتتى. ‹‹چاڭ›› قىلىپ تەگكەن تەستەكتىن بالىنىڭ كۆزىدىن ئوت چاقناپ كەتتى. ئۇ شۇھامان يىغلاشقا تەمشەلدىيۇ، ئاپىسىنىڭ غەزەپلىك چىرايى ۋە دادىسىنىڭ قېتىپ كەتكەن يۈزىگە قارىغىنىچە شۈمشىيىپ توختاپ قالدى. ئاپىسى ئۇنىڭ قولىقىنى سوزغىنىچە ۋارقىراشقا باشلىدى: ــ ھەي ياغاچ قۇلاق، گەپ ئاڭلامسەن-ئاڭلىمامسەن زادى؟ مەن ساڭا نەچچە قېتىملاپ دېدىمغۇ، داداڭ ئۆيدە بار چاغدا ئويۇنچۇق ساقچى ماشىنىسى ئوينىما دەپ؟ مانا قارىغىنە، داداڭنىڭ يەنە سەزگۈرلۈكى ئېشىپ كېتىپتۇ... شىنجاڭ مەدەنىيىتى ژۇرنىلى. 2010-يىل 1-سان. |
|
 |
