ئايدار-يېرىم كېچە

Aydar

	كىچە ئۆز قاراڭغۇلىقىنى چاچماقتا مېنىڭ ئىچىمگە مەن جىمجىت قوللىرىمدا سىيلايمەن كۆڭۈل جاراھەتلىرىمنى كۆڭۈل تارتۇق قالغان كۆيۈك يارىسىدە بىر يۈرەكنىڭ ئەلەم خاتىرىسىدەك ياكى ئىسسىق ياز كۈنلىرىنىڭ بىر تال ياپرىقىدەك ئېقىپ چۈشەر ئەسلىمىلەردىن رىئال تۇرمۇشنىڭ ھەر بىر قېتىغا مېنىڭ ياپراق بولۇپ باققۇم بار تەسبىھ ئېيىتقۇم بار ھەر بىر كۈنۈمگە مۇھەببەت بىر ئامانەت ئۇنى قوبۇل قىلار ھەر يۈرەك ئۆسۈمىگە تۆلەپ ھاياتنى چىغىرتماقگۈل سۆسۈن رەڭلىك ھاياتلىق ئۇنىڭدا قۇياش نۇرى يايرايدۇ تىنماي مەن شۇ گۈلگە ئوخشىدىم كىچە نۇرىنىڭ قاراڭغۇلىقىدا كۆڭۈللەرنىڭ بىر تال قېتىدا....

Aydar

	سۈكۈتكە تولدۇم، سۈكۈت مېنى ئىچكى قاسرىقىم خىيالىمنى ئوراپ تۇرىدۇ قارسىز كۈنلەردە ئاسمانغا قاراپ سېغىنىمەن قارلىق كۈنلەرنى سېغىنىمەن تەنھا ئۆزۈمنىڭ ئەڭ يۇشۇرۇن ئازابلىرىنى بىمەنە باھار پاتقاق كوچىلاردا قىلىدۇ جەۋلان سۈكۈت ئاۋازى، يۇمران بىخلار باھار كۈنلىرىگە قالىدۇ ھەيران ئىچكى جاراھەتتەك كۆكلىگەن دەرەخ جىمجىتلىقتەك ئېچىلغان گۈللەر بىر تۈپ سېرىننىڭ تۈۋىدە تۇرۇپ باھار كۈنلىرىمنى قىلىمەن قىياس

Aydar

	قومۇلدا قار يېغىپتۇ رىسالەت مەردان قومۇلدا قار يېغىپتۇ تېلىفۇندا كۆرگەندەك بولدۇم ئاق قارنى دادام قويلارغا ئوت بىرىدۇ، ئاپام ھويلىدا ئاق پاختەكتەك قارلارنى تازلايدۇ مەن تېلىفۇندا ئاق قاردەك ئاق يوللۇق بولۇڭلار دەيمەن تاراتى تاغلىرى ئارتىدۇ رومال ئىشىك ئالدىمىزدىكى ئۆرۈكلەر قاردا چىچەك ئاچقاندەك تۇرىدۇ خوشال -مەردان، ياڭاقلار مۇزلاپ قالارمۇ؟ -مۇزلىماس، مەن ئۇلارغا باغلىدىم لاتا ئۇلار قول قوشتۇرۇپ تۇرىدۇ كائىناتنىڭ  سوۋغىلىرىغا ئۇلار جاپالىق ئىشلەيدۇ ھالال چىشلەيدۇ ئاپام شائىر بولماقچى ئىدى ياڭاق دەرەخلىرىنىڭ ئاپىسى بولدى دادام ئوقۇماقچى ئىدى باغۋەنچىلىكتە ئوقۇدى بۇغدايلارغا ئورغاقچى بولدى ئاھ، دادا، ئاپا يىراق يەرلەردىن سالام ئېيتىمەن خوشال بولۇڭلار، خوشال ياشاڭلار دەپ تىلەيمەن ،،،،تىلەيمەن...

Aydar

	دادا سېنى سېغىندىم دادا سېنى بەكلا سېغىندىم كۆز ياز بولۇپ بالقىدى ئازاپ مەيدەمدە بىر نەرسە كۆيدى لەپىلدەپ تېلىفۇندا ئاۋازىڭنى ئاڭلاپ دادا، دادا، جان دادا ئىسىڭدە بارمۇ مەن تۇغۇلغان چاغ خوش بولغانمۇ شۇ كۈنى بەكلا قوللىرىڭدا ۋىلىقلاپ كۈلسەم كىتەر دىگەنمۇ يىراق-يىراققا سەن يەنىلا ئۈمىد ئىلكىدە سەن يەنىلا مەندەك سەپىرا سەن يەنىلا قىرىق ياشلىقتەك ئېتىزلاردىن كەلمەيسەن يانا دادا سېنى سېغىندىم بەكلا كۆز يېشىمدا يازدىم مىسىرا سېغىنىشتا ئۆكسۈيمەن ئۇزاق سالامەت بول دەيمەن پەقەتلا

Aydar

	بازار ئايلىنىش ھاۋا ئىسسىپ قاپتۇ كۆڭلىدە بىخ چىقىرىپتۇ يوپۇرماقلار كىشىلەر كوچىلاردا يۈرەر ئايلىنىپ مەن يۈرىمەن يۈرىكىمدە ئالما سېتىۋاتقان، توخۇ كاۋىپى پىشۇرىۋاتقان قېتىق سېتىۋاتقان ....قىزلارنىڭ كۆڭلىدە نىمە خىيال بار؟ بەش بالىسى بىلەن تاشلانغان ئايال ئىسسىق ھاۋاغا قاقلىنار ئۇزاق ئالدىدىكى نەشپۈتتەك كۈتۈش ئۇنى قىينار تەگىسىز پىراق. سۈپۈرگىدەك تال-تال ئۈمىدلەر ئىسسىق ھاۋادا خېرىدارسىز پارغا ئايلىنار. مەن ئايلىنىمەن ...ئايلىنىمەن تىنماي بازا قاينايدۇ كىشىلەر يايرايدۇ ئەمما نىمىنى ئويلايدۇ؟ بىلگىلى بولمايدۇ.

Aydar

	قىشنىڭ ئاخىرى قىش ئاپئاق رومال ئارتقان ناتىۋان ئايال باھار يېشىل گۈلچەمبىرەك تاقىغان مەسۈم قىز مەن ئاسمانغا باقتىم ئۈمىدتە ئاسمان ماڭا باقتى بىر پەسكە قىشنىڭ ئاخىرقى كۈنلىرى دېرىزىدىن قاراپ يىراققا ئۇنتۇيمەن ئۆزۈمنىڭ پەرىشانلىقىنى مەن بىر قۇرۇت قىش باغرىدا ئىسسىق ئۆمىلىگەن مەن بىر تال يالىڭاچ دەرەخ خازانلاردىن يازنى ئىستىگەن قىش كۈنلىرى دۈشمەننىڭ ھىجايىغىنىچىلىك ئاپتاپ بىخ چىقىرىشنى ئويلىشىۋاتقان دەرەخلەر مەن بۈگۈن كۆچۈرگەن ئۈچ تەشتەك كاكتۇس ئارچىگۈل ۋە باشقىلار قىشنىڭ كەلگەنلىكى ۋە كەتكەنلىكىنى ئۇنتۇلدۇرۇپ مېنى خوش قىلىشقا تىرىشىدۇ. مەن خوش مەن خوش ئاپتاپسىنىۋىتىپ.... ئۇھسىنىۋىتىپ،،،،،

anar

	توۋا ،مېنىڭ كۆڭلۈم بەكلا بۇزۇلدىغۇ

ئىپارئاي

	ادا سېنى سېغىندىم بەكلا كۆز يېشىمدا يازدىم مىسىرا سېغىنىشتا ئۆكسۈيمەن ئۇزاق ''''''''''''''''''''''''''''''''''''''''''''''''''''''''''''''''''

رەھمەتۇللاھ

	دادا سىنى سېغىندىم    بەك ھېسياتلىق چىقىپتۇ  ئۇقۇۋاتقان ۋاقتىڭىزدا يازغانمىدىڭىز ؟ بەلكىم كۆزىڭىزدە ياش يازغان بولغىيدىڭىز  يىغلاپ تۇرۇپ يازغان نەرسىنى يىغلاپ تۇرۇپ ئۇقۇيدۇ. يۈرەكتىن چىققان سۆز يۈرەككە تىگىدۇ دىگەندەك

زۆھرە

	نىمانداق بىر- بىرىدىن ئېسىل يېزىلغان شېئىرلار بۇ~~ دادا دېگەن شېئىرىڭىز يۈرەككە تەگدى