ئايدار-يېرىم كېچە

Aydar

	بۇ شېئىرلارنى بۇلتۇر خىزمەت يۆتكىلىش ئۇختۇرۇشىنى كۈتكەچ يازغان ئىدىم.

غۇنچەقىز

	سۈكۈتتە باش سۆرىتىڭىزگە قاراپ ئولتۇرۇپ قالدىم،دادامنى-ئانامنى سېغىندىم...شېئىرىڭىزنى ھەم سېغىندىم...قۇياشقا قاراپ ‹ئۇلارغا سالىمىمنى يەتكۈز!›دەپ قويدۇم

مودەن

	ھەجەپ بىر قىسما بولۇپ قالدىم،،دادامنى سىغىندىم...لىكىن...ئۇ.....       بىر-بىرسىدىن ئېسىل شېئرلارنىيىزىۋاتىسىز جۇمۇ

ئاھۇ

	ئادەمنىڭ يۈرىكىدە ئوت بولغىنى ياخشى،شېئرلار مەي بولىدۇ مۇشۇنداق ....سۈيۈنۈپ،ھوزۇرلۇنۇپ ئوقۇدۇم.

ھۆرىيەت

	دوستۇم ،قولىڭىزغا دەرد كەلمىسۇن ! سىزنى غېرىپسىندۇرۇپ  ،قۇمۇلنى سېغىندۇرۇپ قويغانلىقىمدىن خىجىلمەن . سىزنى يوقلاپ تۇرسام بولاتتى ،كەچۇرۇڭ! سىزگە ئۇتۇق ۋە مۇۋەپپەقىيەتلەر يار بولسۇن ! بارلىق شېئىرلىرىڭىز [دادا سېنى سېغىندىم ] دەك تېتىملىق بولغاي!

Aydar

	سەھەر ئۆزىنىڭ نۇرىنى چاچتى مېنىڭ جىمغىنە تۇرغان قەلبىمگە. مەن خوشال ئۆزۈمدىن موشۇ كۈنلەردە. ئاتقان تاڭغا، يۇلتۇزغا رەھمەت مەندىن ئۇلارغا چەكسىز مۇھەببەت. ھەمدۇسانالار بولسۇن تۈگىمەس، مەندە بىر ئوت بار پەقەتلا ئۆچمەس. مەن ئۆزۈملىكىمنى ئەسلىدىم، ئۆز-ئۆزۈمدىن كىمسەن دەپ سورىدىم. سەھەر يورۇۋاتاتتى، تاڭ ئېتىۋاتاتتى پارلاق نۇرغا سالام دىگەندە چەكسىز كەتكەن قۇملۇقلار بېشىنى ئىگىپ، سۈزۈك سەھەرنى كۈتىۋالدى. تاڭ ئېتىشقا ئاز قالغان ۋاقتا مەجنۇنتاللار قەددىنى ئەگدى.

Aydar

	جۈمە جۈمە كۈنى قۇياش تىكلەندى ئاسمانغا دەرەخلەر شىۋىرلىدى بۇلۇتلار تەسبىھ ئېيتتى. بىر ئايال بالىسىنى يىتىلەپ كوچىنىڭ ئۇ بېشىدىن يىتىپ كەلدى. كىشىلەر قاينايدۇ، قاينايدۇ تاۋۇزلار قىزىل ئۇرۇقلىرىنى چاچار زىمىنغا ئادەملەر ئۈمىدىنى باغلار ئېتىزغا شاپتۇل چىچەكلىگەن پەيىت ھەرىلەر ئويغۇنار، تۇرار كارۋىتىدىن مەن تۇرىمەن ئىلھام بېغىدىن. جۈمە كۈنىدىكى قۇياش جۈمە كۈنىدە پاتار ئۈمىد، ئىشەنىچ، ئارمان ئىلكىدە.

Aydar

	يېرىم كېچىدە يالغۇز ئولتۇرۇپ يۆلەندىم جىمغىنە تىكەنلىك گۈلگە. ئايسىز ئاسمانغا قارىدىم ئۇزاق ئاسمان قارىيىۋاتاتتى، مېنى ئېزەتتى قانلىق ئەسلىمە. مەن نىمىلەرنى ئەسلىدىم، قويدۇم نىمىلەرنى يىغلاپ سېغىندىم. نىمىلەرگە دىدىم خەيىر-خوش نىمىلەرنى ئۈن-تىنسىز سۆيدۈم. كىچە قاراڭغۇلىقى ماڭا قارىدى، مەن ئۇنىڭغا يۆلەندىم ئۇزاق. مەن بىلمەيمەن نىمىگە كۈلدۈم كىملەر ماڭا سالغاندۇ پىراق. چىراغ نۇرى، بىر تال پەرۋانە بىر گۈزەل چۈش، يىراق پەرغانە گۈزەللىكنى ئىزدىمە، ئىزدىمە ئۆز-ئۆزۈڭنى چۈشۈڭدىن ئىزدە. يۈرەكلەرگە ئۈمىد تولىدۇ شۇنداق گۈزەل باھار كۈنلەردە. يىغلاپ ئەسلىسەممۇ ھەممىنى كۈلۈپ ياشايمەن قۇياشلىق كۈندە. ئەسلىمە--بىر تۇتام گۈلدۈر مەن بوشلۇقتىن يەرگە تاشلىغان....

Aydar

	ئانار سۈيى ئىچىش ئانار سۈيىنىڭ قىرتاق، سۈزۈك تەمى ئۆتتى تىلىمنى غىدىقلاپ بىر پەس ئۈچبۈرجەك قۇتىدىكى قىزىل سۇيۇقلۇق مىۋە سۈيىدۇ، كۆز ياش، قان ئەمەس. ئانار سۈيىنى ئوتلاۋىتىپ ئانار شېخىنى قىلىمەن قىياس دەرەخلەردىن ساڭگىلىغان مىۋىلەر نامەلۇم بىر قولدا ئۈزۈلەر، سىقىلار، ئىزىلەر ھەتتا مەن گويا ئانار سۈيىگە ئايلاندىم تىپىمەن ئەينەك تامنى، شەكىلسىز قولنى يۈرىكىم تىتىرەيدۇ، ئۈنۈم ئۆچىدۇ، ئادەملەر ئىچىدە سىزەلمەيمەن ئۆزۈمنى خىرامان يالغۇزلۇقۇم مېنى قورشاپ ئالغان چاغدىلا ئاپتاپتا قىزىرىپ پىشقان ئانار دانىسىدەك ئۆزۈمگە سۆزلەيمەن بۇ ئان.... ئانار سۈيى...ئاھ....ئانار سۈيى مېنى كەچۈرگىن ئۇسساپ كەتكەنلىكىم ئۈچۈن بىر تىنىقتىلا ئىچىۋەتتىم سېنى ئىچىۋەتكەندەك گۇيا تۇرمۇشتا نۇرغۇن ئازاب، ئۈمىد، كۈتۈشنى...

ئەسمەتۇللاھ

	ئايدارخاننىڭ شېئىر خالتىسى تىشىلىپ كىتىپتۇ بۈگۈن . ئانار پىشماستا شەربەت سۇنغىنىڭىزغا رەھمەت .