ۋىجدان سورىقى

رەھمەتۇللاھ

	ئەسلى زۆھرە دىگەن بايقۇشنىڭ ئوينىغان ئۇيۇنلىرى ئىكەندە . . . دوستىغا ئىشەنگۈچە پۇقىغا ئىشەنگەن ئەۋزەل. ماۋۇ يۇسپاخۇن رەسمى ۋىجدان ئازابىغا قالىدىغان بولدى

قەمبەرنىسا

	3    زۆھرەنىڭ تۇغۇلغان كۈنى ئىنتايىن قىززىدى. تۇغۇلغان كۈن ئۆتكۈزۈش ئۇيغۇرلارنىڭ ئەنئەنىسى ئەمەسلىكىنى نەچچە قىتىم دەي دىدىميۇ، ئەمما ئۇنىڭ بۈگۈنكى كۈنىدە كۆڭلى يېرىم بولۇپ قېلىشىنى خالىماي گەپ قىلمىدىم. بۇ سورۇندا مۇنبەردىكى ياۋايى يەنى رۇستەم ئىسىمىك دوستىمىزمۇ بار ئىدى. ئۇنىڭ بىلەن مۇنبەر، تېمىلار توغىرسىدا كۆپ پاراڭلاشتۇق. ئۇمۇ كونا ئەزالاردىن بولۇپ، مۇنبەرگە قوشقان تۆھپىسى مېنىڭكىدىن قىلىشمايتتى.    - زۆھرە، ئاز بولسىمۇ سوۋغامنى قوبۇل قىل !    رۇستەمنىڭ سوۋغىسى زۆھرەگە يارىغان بىلەن مىنىڭ ئاچچىقىمنى كەلتۈرۈپ قويغانىدى. قانداق بىر ئوغۇل بالا ياخشى كۆرگەن بىر قىزغا يات بىر كىشى ئۈزۈك سوۋغا قىلىپ، بارمىقىغا سىلىپ قويسا خاپا بولمايدۇ دەيسىز. قاتتىق كۈنچىلىكىم تۇتۇپ كەتكەن بولسىمۇ، ئۇنى دوستلىرىنىڭ ئالدىدا چۈشۈرگۈم كەلمەي جىمجىتلا ئولتۇردۇم. سوۋغاتلار ئۆز لايىقىدا ئىگىسىگە  بېرىلگەندىن كىيىن سورۇن تارقىدى. زۆھرەنىڭ تاتلىق گەپلىرى بىلەن ئۇنىڭ بىلەن بىللە بىر كىچە كوچا ئايلاندۇق. مۇشۇ تاپتا مەندىن بەختلىك ئادەم بار دىيىلسە مەن ھەرگىز ئىشەنمەيتتىم. كۈچلۈك بىلەكلىرىم بىلەن ئۇنىڭ نازۇك مۈرىسىنى قۇچاقلاپ كىتىۋىتىپ، كەلگۈسىمىز ھەققىدە تۈگىمەس پاراڭلىرىمىزنى قىلىپ تاڭ ئېتىپ كەتكىنىنى تۇيماي قاپتىمىز. ئۇ ئالدىراپ-تېنەپ ئۆيىگە ماڭدى. چۈنكى ئۇپۇق تەرەپ سۇس ئاقىرىپ تاڭ ئېتىۋاتقانلىقىدىن دىرەك بىرىۋاتاتتى.    - سەن بىلەن بۇ بىر ئاخشامنى بەك مەنىلىك ئۆتكۈزدۈم. ئەمدى دادام، ئاناملارنىڭ تىل-ھاقارىتىگە چىدايمەن. چۈنكى بۇنىڭدىن كىيىن سىز ھامان مەن بىلەن بىللە .    زۆھرەنى ئۆيىنىڭ ئالدىغىچە ئەكىلىپ قويۇپ ئۇنىڭ بىلەن خوشلاشتىم. ئەتتىگەنلىك بىلەتنى ئىلىپ يۇرتۇمغا تىزراق قايتىپ ئانامغا كۆرۈنمىسەم ئانام ئەنسىرەپ قالاتتى. تىز-تىز قەدەملەر بىلەن بېكەتكە قاراپ يول ئالدىم.    - ۋاي يۈسۈفقۇ بۇ ؟ سىزنى قانداق شامال ئۇچۇرۇپ كەلدى؟    ئالدىراپ مېڭىپ ئالدىمدا تۇرغان ئالىمنى كۆرمەي ئۆتۈپ كەتكىلى تاسلا قاپتىمەن.    - سالام ئالىم، سىزنىمۇ كۆرگىلى بولىدىكەن ھە ! بىر ئايدىن بېرى تىلىفۇنىڭىزنى ئاچمىدىڭىز. مۇنبەردىمۇ كۆرۈنمىدىڭىز. بالىلاردىن سوراپمۇ ئىز-دىرىكىڭىزنى قىلالمىغانىدىم. ئەجەپ ياخشى ئۇچرىشىپ قالدۇق دىسە.    - زۇلەيخانى يوقلاپ كەلگەنمىدىڭىز؟ ھە ئۇ مىنىڭ چوڭ ئانام بىلەن بىر ياتاقتا يىتىپ داۋالىنىۋاتىدۇ. جۈرىڭە مەن باشلاپ باراي.......    ئالىمنىڭ مېنىڭ ئىشلىرىمدىن خەۋىرى بولمىغاچقا مىنى تارتىپ دوختۇرخانا ئىچىگە ئەكىردى. كۆڭلۈمدە مېنىڭ پاك سۆيگۈمنى ئەرزىمەس قاتارىغا چىقىرىپ، ماڭا ھاقارەت قىلغان بۇ قىزنى تازا تىللاپ ئۆچۈمنى ئىلىۋالغۇم كەلدى. شۇڭا ئۈن-تىنسىزلا ئۇنىڭغا ئەگەشتىم.    - زۆھرە بەك ياخشى قىز ئىكەن. ئۇنىڭ بىلەن يۈرىۋاتقىلى تۆت ئاي بولدى. زۇلەيخا دوختۇرخانىدا يېتىۋاتقان 15 كۈندىن بېرى، تاماق توشۇپ ياخشى قاراۋاتىدۇ.....    ھەيرانلىقتىن كۆزلىرىم چەكچىيىپلا كەتتى. ئالىمنىڭ دىگىنى قايسى زۆھرەدۇ؟ مېنىڭ زۆھرەيىم ئەمەستۇ ئىلاھىم .    - نېمە گەپ قىلماي جىمىپلا كەتتىڭىزغۇ. ئۇ << مېنىڭ نەسىر يىزىش قابىلىيىتىمگە يۈسۈف-زۇلەيخا ھەر ئىككىلىسى قايىل >> دەپ سۆزلەپلا كەتتى. بۇ راسمۇ ؟ ئىككىڭلار بىر يىلدىن ئارتۇق مۇھەببەتلەشتىڭلار. قانچىلىك رومانتىك بولغان بولغىيتى بەك ھەۋىسىم كىلىدۇ. زۇلەيخامۇ ھازىرغىچە شۇنچىلىك بىھۇش ھالەتتە ياتسىمۇ سىزنىڭ ئىسمىڭىزنى ئىغىزىدىن چۈشۈرمەيۋاتىدۇ.    ئالىمنىڭ گىپىدىن ئەجەپلەندىم. زۆھرە مەن بىلەن يۈرىۋاتاتتىغۇ ! زۇلەيخا توي قىلىپ بولغىلىمۇ ئاز كەم يىرىم بولۇپ قالغانغۇ ! ئەجەپ زۆھرە ئەمدى ئالىم بىلەن يۈرىۋاتقان بولۇپ چىقتى. زۇلەيخا ھازىرغىچە مىنىڭ ئىسمىمنى ئىغىزىدىن چۈشۈرمەيمىش....تۈفى بۇزۇق، ئەرگە تىگىپ تۇرۇقلۇق يات ئەرلەرنى ئويلىسا ، ئىرىگە تۇزكورلۇق قىلسا ئۆلۈممۇ ھەق ئۇنداق ئايالغا. ئالىمغا مىنىڭ گىپىمنى قىلىپ بىرىپ ياخشىچاق بولىۋالغان بىلەن ئەمەلىيەتنى ھەرگىز يوشۇرالمايدۇ. ئالىمغا ھەممىنى دەيمەن. ئىچىمدە مۇشۇلارنى پىچىرلاپ ئالىمغا قارىدىم. ئۇنىڭغىچە ئۇنىڭغا تېلىفۇن كەلدى.    - قاراڭ يۈسۈف، كىمنىڭ گىپىنى قىلسام شۇ. زۆھرە تىلىفۇن قىپتۇ. ئۇنىڭ ئوماقلىقىنى قاراڭ - ئۇ شۇنداق دەپلا تىلىفۇنىنىڭ ئىكرانىدا لىپىلداپ يورۇۋاتقان زۆھرەنىڭ سۆرىتىنى ماڭا كۆرسەتتى.

قەمبەرنىسا

	ھەيرانلىقتىن تۇرۇپلا قالدىم. مۇشۇ دەقىقىدە تىلىم گەپكىمۇ كەلمەيۋاتاتتى. بۇ قانداق ئىش بولۇپ كەتتى ئەمدى. تېخى تۈنۈگۈنلا ئۇنىڭ تۇغۇلغان كۈنىدە شۇنداق قىزغىن ئولتۇرغان ئىدۇق. ئاخشام بىر كېچە كوچا ئايلانغان. تاتلىق پاراڭلارنى قىلىشقان ئەمەسمىدۇق....    زۆھرە بىلەن يۈزلىشىش ئۈچۈن كەينىمگە بۇرۇلۇشۇمغا ياندىكى ياتاقتىن يىغا-زارە كۆتۈرۈلدى.    - جېنىم قىزىم زۇلەيخا، ئۈن گۈلۈڭنىڭ بېرى ئىچىلمىغان ئىدى. نىمانچە شور پىشانە يارىلىپ قالغان بولغىيتىڭ....    زۇلەيخا ! زۇلەيخا ئۆلۈپ كەتكەن ئوخشىمامدۇ؟ دەقىقە تىزلىكىدە كۆڭلۈمدىن كەچكەن ئويدىن ئۆزۈممۇ تىترەپ كەتتىم. ئالىمنىڭ تارتىشتۇرىشى بىلەن *-نۇمۇرلۇق كىسەللەر ياتىقىغا كىردۇق. ياتاققا ئىككىلا كارىۋات قويۇلغان. بىرسىدە ئالىمنىڭ چوڭ ئانىسىمىكىن دىدىم يېشى خىلى چوڭراق بىر ئايال ياتاتتى. ئىشىك تۈۋىدىكى بۇ كارىۋاتتىكى كىسەلنىڭ يۈزى ئاق كىرلىك بىلەن يىپىپ قويۇلغان. كارىۋات گىرۋىكىگە بىشىنى قويۇپ يەردىلا تىزلىنىپ ئولتۇرغان ئوتتۇرا بويلۇق بىر ئايال ئاۋازىنى بولۇشىغا قويىۋىتىپ يىغلاۋاتاتتى. ئۇنىڭغىچە يان تەرەپتە تۇرغان زۇلەيخانىڭ دادىسى ئايالىنى بەزلەپ بىر نەرسىلەرنى دەپ پىچىرلىۋىدى ئۇ ئايال ماڭا ئىتتىكلا قاراپ يىشىنى سۈرتتى.    - بۇ زۇلەيخانىڭ سىزگە قالدۇرغان ئامانىتى ئىدى. ئىككى سائەت ئىلگىرى كەلگەن بولسىڭىز ئۇنى كۆرەلەيتتىڭىز. ئەمدى ئۇ يوق. مەڭگۈلۈككە ئۇيقۇغا كەتتى. بىچارە شور پىشانە قىزىم.....    ماڭا قالدۇرۇلغان ئامانەت زۇلەيخانىڭ تىلىفۇنى بىلەن قارا تاشلىق بىر خاتىرە ئىدى. ئۇلارغا گەپ-سۆز قىلماستىن ياتاقتىن چىقتىم. ئەينى ۋاقىتتا زۇلەيخاغا كۆڭلۈمنى ئىزھار قىلىپ بولۇپ، بىر كۈن مۇنبەرگە كىرەلمەي ئازاپلانغان بولسام، ھازىرمۇ زۇلەيخانىڭ ئامانىتى مىنى شۇنداق ئازاپقا قويىۋاتاتتى. ئالىمنىڭ زۆھرە توغىرسىدا ئىيىتقانلىرى ئىچىمنى تېخىمۇ  ئاچچىق قىلىۋاتاتتى. دوختۇرخانا ئىچىدىكى بىمارلار ئارام ئالىدىغان كىچىككىنە گۈللەككە كىلىپ پىنھان بىر جاينى تاپتىم. تۇنجى بولۇپ تېلىفۇننى ئاچتىم. مىنىڭ نۇمۇرۇمغا ئۇرۇلغان تىلىفۇن سانى 100 قېتىمدىن ئىشىپ كەتكەن. يوللىغان ئۇچۇرمۇ خىلى كۆپ ئىدى. تېخىمۇ تىڭىرقىغان ھالدا خاتىرىنى ئاچتىم. بىرىنچى بىتىگە مىنىڭ سۆرىتىم چاپلانغان ئاستىغا << زۇلەيخانىڭ يۈسۈفى >> دەپ چىرايلىق يېزىلغان ئىدى. گاڭگىرىغان ھالدا خاتىرىنى ۋاراقلاشقا باشلىدىم.    خاتىرىدە زۇلەيخانىڭ يېقىنقى يىرىم يىلدىن بۇيانقى ماڭا ئاتاپ يازغان شېئىرلىرى بار ئىدى. ئەڭ ئاخىرىدىكى 5-6 ۋاراق خەت ئالاھىدە دىققىتىمنى تارتتى.      < سالام چىن قەلبىمدىن سۆيگەن يۈسۈف، قانداق ئەھۋالىڭىز؟ سىزنى شۇنچىلىك سىغىنغان بولساممۇ، سىزگە نەچچە يۈز قېتىملاپ تىلىفۇن قىلغان بولساممۇ سىز بىلەن ئالاقىلىشالماي بەك تىت-تىت بولدۇم. سىغىنىش ئوتلىرىمنى ئۈنچە قىلىپ دەپتەرگە تىزدىم. سىزنىڭ مېنى ھامان يوقلاپ كىلىدىغانلىقىڭىزنى، چىن سۆيگۈ ھارارىتىدىكى قولىڭىز بىلەن قوللىرىمنى تۇتۇپ تۇرۇپ << مەن يۈسۈف، سىز زۇلەيخا، يۈسۈف-زۇلەيخا، بۇ ئىككىمىزنى ھىچكىم ئايرىۋىتەلمەيدۇ >> دېيىشىڭىزنى كۈتتۈم. دادامنىڭ يۈزسىزلىك بىلەن سىلەرنىڭ ئالدىڭلاردا مېنى ھاقارەتلىشى بىلەن سىزگە قېيمىغان ھالدا ئۆيگە قايتىپ كەلدىم. دادام تىلىفۇن ئىشلىتىشىمنى چەكلىدى، دۇكانغىمۇ بارغىلى قويمىدى. ئۈچ كۈنگىچە ياتاق ئۆيۈمدىن چىقماي يىتىۋالدىم. ئەمما يەنىلا سىز ئۈچۈن ھايات ياشىشىم كىرەك ئىدى. ئەمما ئۆيۈمدىكىلەرنىڭ ماڭا باشقىچە سىلىق مۇئامىلە قېلىشىنى مىنىڭ كىسىلىمدىن قورققان بولسا كېرەك دەپ چۈشىنىپتىمەن. سىز بىلەن ئايرىلىپ سەككىز كۈندىن كىيىنكى دۈشەنبە كۈنى مىنىڭ تويۇم بولدى. ئانام ئەتتىگەندە يىنىمغا كىرىپ بۈگۈن مېنىڭ تويۇم بولىدىغانلىقىنى ئىيىتقاندا قاتتىق ئازاپلىنىپ كەتتىم. يۈرىكىمنىڭ قانچىلىك ئازاپلانغانلىقىنى ئۆزۈممۇ بىلمەيمەن. ئانام بىلەن قاتتىق دىيىشىپ قالدىم. ئۇنىڭغا قانۇن ھەم شەرىئەتتە نىكاھتا ئەركىنلىك بار ئىكەنلىكىنى ئىيىتتىم. ئانام ماڭا بىر مۇنچە يىلىنىپ يالۋۇرغاندىن كىيىن چىقىپ كەتتى. كۆرۈڭ مېنىڭ بىچارىلىكىمنى، ئۆزۈم چىن دىلىمدىن سۆيگەن كىشى بىلەن تۇرمۇش قۇرالمىسام ياشىغىنىمنىڭ نېمە لەززىتى ! قانغۇچە يىغلىدىم. بىر چاغدا كۆزۈم ئىششىپ ھىچنىمىنى كۆرەلمىگۈدەك بولۇپ قالغاندا ھويلىدا بىرسىنىڭ << قۇدىلار كەلدى، يۈرۈڭلار ئالدىغا چىقىمىز >> دىگەن ئاۋازىنى ئاڭلاپ ئۆزۈمگە كەلدىم. ئۆزۈم تونۇمىغان، بىلمىگەن بىر كىشى بىلەن توي قىلىش مەن ئۈچۈن ئۆلۈمدىنمۇ ئېغىر ئازاپ ئىدى. شۇڭا ئۆينى ئاختۇرۇپ دورا سالىدىغان قاپنى ئالدىم. مەن تۇغما يۈرەك كىسىلى بولغاچقا تېنىممۇ ئاجىز ئىدى. شۇڭا ئۆيدىن دورا ئۈزۈلمەيتتى. قانداق دورا ئۇدۇل كەلسە چىقىرىپ قولۇمغا لىقلىدىم ئاندىن ئىغىزىمغا سالدىم. چۈنكى كۆز ئالدىمدا سىزنىڭ سىمايىڭىز نامايەن بولۇۋاتاتتى. پاك ئىپپىتىم، پاك سۆيگۈم بىلەن سىزگىلا تەئەللۇق بولسام دەپ ئويلايتتىم. ئاز ۋاقىتتىن كىيىن ئاشقازىنىم ئىچىشىشقا باشلىدى. چىشىمنى چىشىمغا چىشلەپ بەرداشلىق بەردىم. يەنە بىر ئاز ۋاقىتتىن كىيىن ئانامنىڭ ئىشىكتىن ماڭا تاماق ئىلىپ كىرگىنىنى غۇۋا كۆرگەندەك بولدۇم .....    ئېسىمنى بىلسەم دوختۇرخانىدا كىسەل كارىۋىتىدا يىتىمتىمەن. مەن توي قىلىدىغان يىگىتنى شۇ ۋاقتا كۆردۈم. ئۇنىڭ قەددى-قامىتى، چىراي-تۇرقى سىزدىن قىلىشمىسىمۇ، ساپ مۇھەببەت چىراي تاللىماس دەپ، مەن ئەزەلدىن چىرايغا ئاشىق بولىدىغانلاردىن ئەمەس ئىدىم. شۇڭا ئۇنىڭ يىنىمغا كىلىپ كۆيۈنۈپ گەپ قىلىشىنى قوپاللىق بىلەن رەت قىلىۋەتتىم. تىنىم بەكلا ئاجىز بولغاچقا دوختۇرخانىدا بىر ئايدىن كۆپرەك يىتىشقا مەجبۇر بولدۇم. ئەمما شۇ ۋاقىتلاردىمۇ سىزنىلا ئويلاپ يۈردۈم. ئارىلىقتا زۆھرە كىلىپ مۇنبەر ئەھۋالىدىن خەۋەردار قىلىپ تۇردى. سىزنىڭ مېنىڭ تويۇمدىن بەك ئازاپلىنىپ كىتىپ مۇنبەرگە كىرمىگەنلىكىڭىزنى شۇڭا مۇنبەردە تېمىلارنىڭ تەستىقسىز تۇرۇپ كەتكەنلىكىنى ئىيىتتى. مەن ئۇنىڭغا مۇنبەر ئىسمىم ھەم مەخپىي نۇمۇرۇمنى ئىيتىپ ماڭا ۋاكالىتەن مۇنبەردە تېما تەستىقلاپ قويۇشىنى ئۆتۈندۈم. ئۇ ئىنتايىن ياخشى قىز ئىكەن. بەك يېقىن دوستلاردىن بولۇپ كەتتۇق. ئۇ كەلگەندە ئۇنىڭ تېلىفۇنىنى سوراپ نەچچە قېتىم تىلىفۇن قىلغان بولساممۇ سىزنىڭ تىلىفۇنىڭىزنى پەقەتلا ئالالمىدىم. تىلىفۇن ئۇلانمىغانىدى. سىزنىڭ مېنى چىن قەلبىڭىزدىن ياخشى كۆرىدىغانلىقىڭىزنى بىلگەچكە، سىزنى چوقۇم مىنى كۆرگىلى كىلىدۇ دەپ ئويلىدىم. ھەمدە زۆھرەگە ھازىرقى ئەھۋالىمدىن خەۋەردار قىلىپ قويىشىنى ئۆتۈندۈم.    دوختۇرخانىدىن چىقىپ تويۇم بولغان ئۆيگە كىلىن بولۇپ باردىم. بۇ مەجبۇرىي قىلىنغان توي بولغاچقا، ئۇ يىگىتكە بەك قوپال مۇئامىلە قىلىپ ئۇنىڭ ماڭا يىقىن يولىشىنى چەكلىدىم. ئەمما بۇ ئامالىممۇ ئۇزۇنغا بارمىدى. 15 كۈندىن كىيىن ئۇنىڭ قاتتىق بىسىمى بىلەن بىر كىچىدىلا ئۇنىڭ خوتۇنىغا ئايلىنىپ بولغانىدىم. بۇ خورلىنىش ماڭا ئىنتايىن ئېغىر كەلدى. يەنىلا ياخشى ئامال ئۆلىۋىلىش ئىدى. ئۇ مېنىڭ جىسمىمغا ئېرىشكەن بىلەن پاك قەلبىمگە مەڭگۈ ئېرىشەلمەيتتى. قەلبىم، چىن سۆيگۈم پەقەتلا سىزنىڭ ئىدى. ئىككىنچى قىتىم دورا ئىچىۋاتقان ۋاقىتتا ئۇ كىرىپ قىلىپ ۋاقتىدا دوختۇرخانىغا ئاپىرىلدىم. يەنە ھايات قالغانىدىم. ئەسلى سىزگە تولۇق پاك پىتى تەئەللۇق بولغان بولسام ياخشى بولاتتى. ئەمما ھازىر مەن بۇلغانغانىدىم. ئۆزۈمنىڭ رازىلىقىسىز بۇ توي مەن ئۈچۈن توي ئەمەس ئىدى. ئانامنىڭ كۆز يېشى قىلىپ، ماڭا بەرگەن ئاق سۈتىنى پەش قىلىپ تۇرۇپ يېلىنىشى بىلەن ئۇنىڭ ئۆيىگە يەنە قايتىپ كەلدىم. ئەمما بۇ قېتىم دوختۇرخانىدا ياتقاندا زۆھرە بىلەن پەقەتلا ئالاقىلىشالماي سىزنىڭ خەۋىرىڭىزنى ئالالمىدىم. ئۆزۈم بۇلغانغان بولساممۇ، سىزنى ھەرۋاقىت ياد ئېتىپ كىلىۋاتاتتىم. ئۈچىنچى قېتىم ئۆينىڭ تورۇسىغا ئېسىلىپ ئۆلىۋىلىشنى ئويلىدىم. چۈنكى ئۇ مېنىڭ دورا يەۋىلىشىمدىن قورقۇپ ياتاق ئۆيىمىزدە دورا قويمايتتى. ئاتا-ئانىسىنىڭ دورىنى قەيەرگە قويىدىغانلىقىنىمۇ ئۇقالماي ئاخىرى مۇشۇ ئامالنى ئىزدەپ تاپتىم. ئەمما ئۆينىڭ تورۇسى بەك ئېگىز ھەم زامانىۋى ئۇسلۇبتا ياسالغان بولغاچقا بۇ ئامالىممۇ كارغا كەلمىدى. پىچاق .....پىچاقتا تومۇرۇمنى كىسىۋىلىپ ئۆلۈشنى ئويلىدىم. ئانىسىنىڭ دىققەت قىلمىغان ۋاقتىدىن پايدىلىنىپ پىچاقنى ياتاق ئۆيۈمگە ئەكىرىۋالدىم . جىددىيلىشىپ كەتكەنلىكتىن ئىشىكنى ئىچىدىن ئېتىپ قويۇشنى ئۇنتۇپ قولۇمدىكى پىچاق بىلەن سول قولۇمنىڭ تومۇرىنى كىسىشكە باشلىدىم......    ئانا....ئۇنىڭ ئانىسىنى چاقىرغان ئاۋازىنى سۇس ئاڭلىغاندەك بولدۇم....    ھوشۇمغا كەلسەم يەنە كىسەل كارىۋىتىدا يېتىمتىمەن. نېمىشقا بەزىلەر ياشاشنى خالايدۇيۇ، ئەمما ۋاقىتسىز ئۆلۈپ كېتىدۇ. نېمىشقا بەزىلەر ئۆلەي دەپمۇ ئۆلەلمەيدۇ دەپ ئۆزۈمدىن قانچە قېتىملاپ سورىدىم. تەلىيىمگە مۇنبەردىكى ئالىمنىڭ چوڭ ئانىسى بار ياتاققا ئورۇنلىشىپ قاپتىمەن. ئۇ زۆھرە بىلەن يۈرىۋاتقىلى خىلى بولغانلىقىنى ئىيتىپ، تېلىفۇن قىلىپ ئۇنى چاقىرتىپ كەلدى. ئەمدى مەن بىلەن مەجبۇرىي توي قىلغان ئۇ يىگىت ( ئۇنىڭغا ئۆچلۈكۈمدىن ئېرىم دىگۈم كەلمەيدۇ ) مەندىن قەتئىي ئۈمىدىنى ئۈزۈپ سوتتا مەن بىلەن ئاجىرشىپ كىتىپتۇ. بۇ خەۋەرنى زۆھرەدىن ئاڭلاپ، ئېنتايىن خۇشال بولدۇم. ئاجىز تېنىم بۇ خۇشاللىققا بەرداشلىق بېرەلمىگەندەك پات-پات ھوشۇمدىن كىتىپ يۈرگىنىمنى كۆرگەن ئانام بىلەن دادام بىشىمدا پايپىتەك بولۇشقا باشلىدى. ئانام ئۆزىنى ئەيىپلەپ يۈردى. مىنىڭ ئىلتىماسىم بىلەن دادام تىلىفۇنۇمنى ماڭا قايتۇرۇپ بەرگەن ۋاقىتتا شۇنچىلىك خۇشال بولدۇم. چۈنكى سىزنىڭ ئاۋازىڭىزنى ئاڭلىيالاتتىم، سىز بىلەن قانغۇچە پاراڭلىشالايتتىم ئەمەسمۇ ! دادام بىلەن ئانام بېشىمدا تۇرىۋالغاچقا خىجىل بولۇپ تېلىفۇن ئۇرالمىدىم. ئۇنىڭغىچە زۆھرە كەلدى.    - ئاداش تىلىفۇن نۇمۇرىنى ساقلاپ بىرەي، ئۇرۇشقا ئاسان بولىدۇ. ئۇنىڭ ئۈستىگە داداڭ ئاناڭ خەت ئوقۇيالمىغاندىكىن يۈسۈفنىڭ ئىسمىنىمۇ ئوقۇيالمايدۇ. ئۇ ۋاقىتتا ئۇچۇر يېزىشساڭمۇ ئۆزۈڭگە قولايلىق ئەمەسمۇ ! - دېدى ئۇ ئانام بىلەن دادام دوختۇرنىڭ يىنىغا چىقىپ كەتكەن پۇرسەتتىن پايدىلىنىپ.    - رەھمەت زۆھرە بەك ياخشى ئىكەنسە، سېنى يەنە ئاۋارە قىلىدىغان بولدۇم - تىترەپ تۇرغان ئاجىز قوللىرىم بىلەن بىلەن تىلىفۇنۇمنى ئۇنىڭغا ئۇزاتتىم. نەچچە قېتىم تىلىفۇن قىلغىنىمنى ئۆزۈممۇ ئۇقمايمەن. يازغان ئۇچۇرلىرىممۇ جاۋاپسىز قالدى. مۇشۇ تاپتا ساق بولغان بولسام، يۇرتىڭىزغا بېرىپ ھالىڭىزدىن خەۋەر ئالسام دەپ ئويلاپ كەتتىم. ئەمما ئۆز ھاجىتىمدىنمۇ چىقالمايۋاتقان بولغاچقا ئامالسىز قالدىم.    بايا تىلىفۇنۇمغا سىزدىن ئۇچۇر كەلگىنىنى كۆرۈپ شۇنچىلىك خۇشال بولدۇم. ئەمما ئۇچۇرنى ئىچىپ ئوقۇپ ھوشۇمدىن كىتىپتىمەن. سىزنىڭ مەندىن بۇنچىلىك خاپا بولغانلىقىڭىزنى ئويلىماپتىمەن. ئەمما بىلىپ قېلىڭ يۈسۈف، جىسمىمغا باشقىلار ئىگە بولغان بىلەن قەلبىم ھامان سىزنىلا سۆيۈپ كەلدى. ھازىر قولۇم تىترەپ خەتنىمۇ تۈزۈك يازالمايۋاتىمەن. بۇ ئامانىتىمنى ئانام سىزگە بەرگەن ۋاقىتتا بەلكىم مەن بۇ رەھىمسىز دۇنيا بىلەن مەڭگۈلۈك خوشلاشقان بولارمەن. لىكىن قەلبىمدە يەنىلا سىزنى سىغىنىمەن. سىزگىلا تەئەللۇق بولغان - زۇلەيخا >    زۇلەيخانىڭ خاتىرىسىنى ئوقۇپ غەزەپتىن يېرىلغۇدەك بولۇپ كەتتىم. خەتنىڭ ئاخىرقى قۇرلىرى ئىنتايىن رەتسىز قالايمىقان ئىدى. مېنىڭ پاك مۇھەببىتىمگە بۇزغۇنچىلىق قىلغان بىر ئالۋاستىنى نەچچە ئايدىن بېرى ياخشى كۆرۈپ يۈرۈپتىمەن . زۇلەيخا نامىدا مۇنبەرگە كىرىپ تېما يوللىسا، تۇنجى سۆيگۈم بىلەن ياخشى كۆرگەن پاك بىر قىزنى تىللاپ يۈرۈپتىمەن. ھەم ئۇنىڭدىن يۈز ئۆرۈپتىمەن. مەن نېمانچە يۈزسىز ھە !!.......    شۇ ۋاقىتتا تاڭ يورۇشقا يىقىن مەن ھاجەت قىلىشقا كەتكەندە، زۆھرەنىڭ تېلىفۇنۇمنى تۇتۇپ تۇراي دەپ ئىلىپ قالغانلىقى يادىمغا كەلدى. ئەسلى پەردە ئارقىسىدىكى پىلانلىغۇچى سەن ئىكەنسەندە، زۇلەيخانىڭ تېلىفۇنىغا مىنىڭ نۇمۇرۇمنى كىرگۈزۈپ بەرگەن بولۇپ، نۇمۇرۇمنى قارا تىزىملىككە كىرگۈزۈپ قويغىنىڭنى تېخىمۇ ئەقلىمگە سىغدۇرالمايۋاتىمەن زۆھرە. سەن ئالۋاستىمۇ ياكى ئادەممۇ ؟    دوختۇرخانىنىڭ جەسەت يۆتكەش ماشىنىسىغا ئاۋايلاپ سىلىنغان زۇلەيخا ئۆيىگە ئىلىپ بېرىلدى. جامائەت قاتارىدا بېشىمغا سەللە كىيىپ ھازىدار بولۇپ تۇردۇم. ھازىرلا بېرىپ زۆھرەدىن ئاچچىقىمنى چىقىرىۋىلىشنى ئويلىغان بولساممۇ، ئاچچىقىمغا ھاي بەردىم. زۇلەيخانى يەرلىكىدە تىنىچ ياتقۇزۇپ قويغاندىن كىيىن ھەممە ئىشنى بىر تەرەپ قىلىۋىتىپ، بولۇنغان ئىشلارنى ئالىمغا دىيىشنى ئويلىدىم.    زۇلەيخا سىلىنغان جىنازىنىڭ باش تەرىپىنى كۆتۈرۈپ كىتىۋاتىمەن. چوڭ جامەگە بېرىش ئۈچۈن زۇلەيخا ئاچقان دۇكاننىڭ ئالدىدىن ئۆتۈشكە توغرا كىلەتتى. ئۇنىڭ دۇكىنىغا چوڭقۇر مىھرىم بىلەن قارىدىم. ئىلگىرى كەلگەن ۋاقىتلىرىمدا ئۇنىڭ دۇكىنىدا نەچچە سائەتلەپ پاراڭلىشىپ ئولتۇرغىنىمىز يادىمغا كەلدى. كىتىۋىتىپ سەل نېرىدىكى بىر دۇكانغا رۇستەمنىڭ كىرىپ كىتىۋاتقانلىقىنى كۆردۈم. يۈرىكىم قارت قىلدى. چۈنكى زۇلەيخا زۆھرە بىلەن دۇكىنى بىر يەردە ئىكەنلىكىنى ماڭا ئېيتىپ بەرگەنىدى. پەرەز قىلغىنىمدەك رۇستەم كىرىپلا زۆھرەنىڭ يىنىدىلا ئۇنىڭ قوللىرىنى تۇتۇپ ئولتۇرغىنىغا كۆزۈم چۈشتى. بولىۋاتقان بۇ رىئاللىققا بەرداشلىق بېرەلمەيۋاتاتتىم. زۆھرەنىڭ بىرلا ۋاقىتتا مەن، ئالىم، رۇستەم ئۈچىمىزنى ئالداپ كولدۇرلىتىپ يۈرگىنى ئەقلىمگە سىغمايۋاتاتتى. ئاچچىقتىن بولسا كىرەك، قولۇمدىكى جىنازا سەل مىدىرلاپ كەتكەندەك قىلىۋىدى. يېنىمدىكى زۇلەيخانىڭ ئېرى ( زۇلەيخانىڭ دادىسى قۇلىقىمغا پىچىرلاپ ئۇنىڭ كىملىكىنى ماڭا ئېيتىپ بەرگەنىدى ) مەندىن ئۆزى كۆتۈرۈشنى تەلەپ قىلىۋىدى. غەزەپ بىلەن ھومايغىنىمنى كۆرۈپ گەپ قىلمىدى.....     كۆزۈمدىن يامغۇردەك تۆكۈلىۋاتقان ياشلار ئاياق ئاستىمغا تامچىلىماقتا. يۈرىكىم قاتتىق ئازاپتىن پارە-پارە بولۇپ كىتەي دەپ قالغانىدى. زۇلەيخانىڭ نامىزى چۈشۈرۈلۈپ، يەتتە كەتمەن توپا بىلەن ئېتىلىپ بولغاندىن كىيىن، موللامنىڭ مۇڭلۇق قىرائىتىگە قۇلاق سالغاچ قاتتىق ياش تۆكتۈم. بىر ناتىۋان قىزنىڭ ۋاقىتسىز كىتىپ قالغانلىقىغا قايغۇردۇم.    جامائەت بىر-بىرلەپ تارقاپ كىتىشكەندىن كىيىن، زۇلەيخانىڭ دادىسى كىلىپ ئاستا بىلىكىمدىن يۆلىدى.    - تۇرۇڭ ئوغلۇم. سىزنىڭ بۇنداق ياخشى يىگىت ئىكەنلىكىڭىزنى بىلگەن بولسام، زۇلەيخانى سىزدىن ئايرىۋەتمەيتتىم. ئالىمنىڭ چوڭ ئانىسى مىراجىخان بىلەن كىچىك ۋاقتىمىزدا بىر مەھەللىدە چوڭ بولغان ئىدۇق. ئۇنىڭ ئىيتىپ بېرىشىچە ئالىم سىزنى بەك چوڭ سۈپەت ئىسىل بالا دەپ تەرىپلەپ بېرىپتۇ. نەچچە كۈندىن كىيىن بەك پۇشايمان قىلدىم. مانا ھازىر زۇلەيخامۇ كىتىپ قالدى. ئەمدى .....ئەمدى نېمىلا دىگەن بىلەنمۇ بىكار.......    ئۇ ئادەمنىڭ كۆزلىرىدىن تۆكۈلگەن ياش مېنى تىخىمۇ ئازاپلىۋەتكەنىدى.    - رەھمەت سىلىگە ئاكا، زۇلەيخا شۇنداق ئەخلاقلىق ياخشى قىز ئىدى. ئەمما ئارىدا بەزىلەرنىڭ سۇقۇنۇپ كىرىۋىلىشى بىلەن ئۇنىڭغا باشقىچە قاراشتا بولۇپ كەپتىمەن. بۈگۈن ئۇنىڭ خاتىرىسىدىن ھەممىنى كۆردۈم. ناۋادا كۆڭۈللىرىگە كەلمىسە مەن ئۇنىڭغا يۈرەك سۆزلىرىمنى دەۋالسام بوپتىكەن.    زۇلەيخانىڭ دادىسىنىڭ ياشلىق كۆزلىرىنى سۈرتكەن پېتى كىتىۋاتقانلىقىنى كۆرۈپ زۇلەيخانىڭ قەبرىسىنى قۇچاقلىدىم. ئۇنىڭ قەبرە توپىسىنى كۆزۈمگە سۈرتتۈم.    - مېنى كەچۈرۈڭ جېنىم زۇلەيخا، زۆھرە قىلغان ئىشلىرىغا تۇشلۇق ئەدىپىنى يېمەي قالمايدۇ.    ئاۋازىم بارغانسىرى بوغۇلۇپ كىتىۋاتاتتى. ۋىجدانىم مېنى سوراق قىلماقتا. ئۇ سورىغان سۇئالغا ئۆزۈم جاۋاپ بېرەلمەي قېينىلىۋاتاتتىم. ئاۋازىمنى بولۇشىغا قويىۋىتىپ ۋارقىرىدىم.    - كىشىلەر نىمانچە رەزىلدۇ ! بىزنى نېمىشقا پاك مۇھەببىتىمىزدىن مەھرۇم قىلىدۇ.....    قاتتىق ئاۋازدىن چۆچۈپ كەتكەن نېرىدىكى قۇشقاچلار پۇررىدە ھاۋاغا كۆتۈرۈلدى. مەن زۇلەيخانىڭ قەبرە توپىسىنى قۇچاقلىغان پېتىم ۋىجدانىم سورىغان سۇئالغا جاۋاپ ئىزدەۋاتاتتىم.      تۈگىدى. 2012 - يىلى 8- ئاينىڭ 19- كۈنى قاغىلىق

anar

	زۆھرە ‏تولىمۇ يامان قىزكىنا ،شۇنچە ئادەملەر بىلەن تەڭ ئارلىشىپ ھىچكىمگە ئۇختاتماي ....ۋۇييۇ  ‏غۇنچە قىزنىڭ دىگىنىنى مەنمۇ ئويلاپ قالدىملا

باتۇرچەۋەنداز

	ئاخىرى تۈگىدى ھى، بەركەتلىك بۇلۇڭ

گۈلسەنەم

	يىگىتنى ئەقىدىسى بوش، ئۆزىگە ئىشەنچى يوقلىقىدىن باشقىلارنىڭ ئويۇنچىقى بوپ كەتكەننى ئاز دەپ بىر ياش قىزنىڭ ۋاقىتسىز ئۆلىشىگە سەۋەپ بولدى دىسە مېنىڭچە ئارتۇق كەتمەس. بەزىدە باشقىلارغا بەك ئىشىنىپ كېتىشمۇ كۆڭۈل كۆزىنى قارىغۇ قىلىپ قويىدىكەن،  بۇ زۆھرە دېگەننىڭ قانداق پىلىتكىسى باردۇ يىگىتلەرنى شۇنداق تېز كەلتۈرۈپ، ھەرتەرەپتە قونچاقتەك ئوينىتىۋېتىدىغان، توۋااااا

مودەن

	ۋاي ئاللا مۇشۇنداقمۇ يامان قىزلار بارمىدۇ بۇ جاھاندا........