پاكلىنىش

ئارسلان

	پاكلىنىش كاماندىروپكىدىن قايتىپ ئۆيگە كەلدىم . بۈگۈن نىمىشقىدۇ  ئاياق تىۋىشىمنى ئاڭلاپلا ئالدىمغا چىقىپ قارشى ئالىدىغان قاپقارا كۆزلىرىڭنىڭ ئوتلۇق بېقىشىنى كۈرەلمىدىم . قان ... كىرىپلا كۆرگىنىم شۇ بولدى . بىزنى مامۇق تۈشەكلىرى بىلەن شىرىن چۈشلەر قوينىغا باشلايدىغان قار چىچىكىدەك ئاپئاق كىرلىك تاشلانغان كارىۋاتتا  ئۇستا ئويمىچىنىڭ قولىدىن چىققان قاشتېشىى ھەيكەلدەك قېپقىزىل قان ئىچىدە سۇنايلىنىپ ياتاتتىڭ . چىرايىڭ سۈزۈلگەن ، يۇمۇلمىغان كۆزلىرىڭدە قانداقتۇر خاتىرجەملىك ، رازىمەنلىك ئىپادىسى ... ساڭا ئاتاپ ئەكەلگەن سوۋغىتىم قۇلۇمدىن چۈشۈپ كەتتى . ئەتە تويىمىزنىڭ1 يىللىق خاتىرە كۈنى ، يەنە سېنىڭ تۇغۇلغان كۈنۈڭ ئەمەسمىتى؟ ئېسىمنى يىغىپ ساڭا تاشلاندىم .  يىپى ئۈزۈلگەن مۇنچاقتەك تۈكۈلۈۋاتقان كۆز ياشلىرىم  مۇزلىغان چىھرىڭگە توختاۋسىز چۈشمەكتە. ئېيتقىنا مەن قانداق قىلاي؟ سىزدىن ئايرىلالمايمەن .... ۋەدە قەسەملىرىڭنى شۇنچە ئاسان ئۇنۇتتۇڭمۇ؟ سەن نىمانچە تاش يۈرەك ، نىمانچە ۋاپاسىز سەن؟ ... نىدالىرىم  يالغۇزلۇق ئۇشقىرتقان تۆت تامنىڭ ئىچىدە لەيلەپ قالدى . ئۆي ئىچىگە زولمەتلىك قاراڭغۇلۇق يېيىلىپ ، ئۇرىدەك كۆزلىرىدىن قىپقىزىل ئوت يېنىپ تۇرىدىغان يىرگىنىشلىك بىر ئالۋاستى ئارىدەك قوللىرىنى سۇزۇپ قاتىل...سەن قاتىل دەپ بۇغۇق ئاۋازى بىلەن پەرياد كۆتۈرگىنىچە كانىيىمدىن سىقتى . يا ... ئاۋازىم بۇغۇلۇپ ، كۆزلىرىمگە قاراڭغۇلۇق تىقىلدى . قوللىرىم نىمىنىدۇ ئىزدەيتتى ، كۆزلىرىم نىمىگىدۇ تەلپۇنەتتى . ماغدۇرسىز ئاياقلىرىم تاغ ئاستىدا قالغاندەك ئېغىرلىشىپ كەتكەن تىنىمنى كۈتۈرۈشكە ئاجىزلىق قىلىپ تىترەۋاتاتتى . بېشىمنى كۆكرىكىڭگە قويدۇم . تەن قەپىزىڭدىن ئايرىلىپ كۆكتە پەرۋاز قىلىۋاتقان روھىڭ ، قايتىدىن ساڭا ھاياتلىق بەخىش ئىتىدىغاندەك قوللىرىڭنى چىڭ تۇتۇپ ساڭا يەنىمۇ بەكرەك يېپىشتىم . كۆزلىرىم ئىختىيارسىز يۇمۇلىۋاتىدۇ . ئىھتىمال سەن بىلەن چۈش باغچىسىدا كۈرۈشۈشكە ئالدىراۋاتسا كىرەك .... كۈزۈمنى ئاچتىم ، قان پۇراپ تۇرغان ئۆيدە يەنە شۇ بايىقى مەنزىرە . كۆزلىرىم يەنە ياشقا تولدى . يۈرىكىم ئوقيا تەككەن ئاھۇنىڭ ، قۇربانلىق قىلىنىش ئالدىدا تۇرغان بىچارە قۇزىنىڭ تىپىرلىشىدەك ئارامسىزلىنىشقا باشلىدى . ئىشەنمەيمەن . بەلكىم مىنىڭ روھىي ھالىتىمنىڭ قانداق بۇلىشىنى كۈرۈش ئۈچۈن ئەتەي شۇنداق يېتىۋالغانسەن ، ساڭا بولغان مۇھەببىتىمنىڭ قانچىلىك دەرىجىدە ئىكەنلىكىنى سىناۋاتقانسەن .ئۇنداق قىلماي كۈزۈڭنى ئاچ ، جاراھەتلەنگەن قەلبىم ئەكسىنى تاپسۇن . بىزنىڭ تۇنجى ئۇچراشقان ۋاقتىمىز ئىسىڭدە بارمۇ ؟ دولقۇنسىمان چاچلىرىڭ ، ئانار دانىسى پاتۇرۇپ قويغاندەك چىرايلىق يىمىرىلگەن لەۋلىرىڭ ، داغ چىكىتتن خالىي سۈزۈك يۈزلىرىڭ ... تىللىرىمنى كالۋالاشتۇرۇپ ، مىنى ئۇڭايسىزلىقتا قويغانىدى . سۇنئى تاغلادىن نازغىپ چۈشۈۋاتقان سۇلار . سۇ بېتىنى سۇيۇۋاتقان تالى مەجنۇنلار ، ھۆپپىدە ئېچىلىپ كەتكەن رەڭگارەڭ گۈللەر ... بىزگە مەسلىكى كەلگەندەك لەرزان شامالدا ئويناقشىپ تۇراتتى . شۇ كۈنى ئۈزەمنى بېشىمغا ھۇمايۇننىڭ تاجىنى كەيگەندەك شۇنچىلىك بەخىتىيار ھىس قىلدىم . سەن بارلىقىڭ بىلەن مىنىڭ ئىدىڭ ....  ئەجىبا ، بۇلار كەلمەسكە كەتكەنمىدۇ ؟   ئۆينى مالىمان قىلىۋەتتىم . سىنىڭ مىنى تاشلاپ كىتىشىڭگە سەۋەپ ئىزدىدىم . نە بىرەر ئىمزايىڭ قۇيۇلغان خەت ، نە سىنى بۇنچىلىك تەلۋىلىك قىلىشقا مەجبۇرلايدىغان ھېچنىمە تېپىلمىدى . جىنايەتكارسەن . ئۈزۈڭنىلا ئەمەس ، مىنىمۇ ئۆلتۈردۈڭ . قەلبى ئۆلگەن ئادەمنىڭ بۇ دۇنيادا ھايات يۈرىشىگە قانداقمۇ ئىمكان بولسۇن ؟ ماڭا بەرگەن جاۋابىڭ مىنى بەكمۇ ئۈمىتسىزلەندۈردى . ئېيتقىنا مەنمۇ تۇمۇرۇمنى كىسەيمۇ ؟ بىنادىن ئۈزەمنى ئېتىۋالايمۇ ... بۈگۈن سىنىڭ يىگىرمە نەزىرىڭنى بەردۇق.. .. مىھمانلار ئۇزاشتى . ئويدە  تەنھا ھۇقۇشتەك قالدىم . تاملارمۇ ، ئوي جاھازلىرىمۇ ، سۇسىراپ بەرگلىرى سارغىيىشقا باشلىغان گۈللەرمۇ ... ئېغىر قايغۇغا چۈمگەن . سىرتقا چىقالمايمەن . غەيۋەت-شىكايەتنىڭ ئوبىكتى مەن بۇپ قالغان . باشقىلارغا قارىيالمايمەن ، نەپرەتلىك كۆزلەر ماڭا تىكىلگەن . ئاتا-ئاناڭنىڭ ئوغىدەك سۆزلىرى ئىنى سىڭىللىرىڭنىڭ  قۇپاللارچە دۈشكەللەشلىرى كەچكۈز ياپرىقىدەك قورۇلۇپ ، سايىدا ئوسكەن نىمجان كۆكتاتتەك بۇپقالغان ماغدۇرسىز تىنىمنى يەنىمۇ خانىۋەيران قىلماقتا . ئۇلار دىمىسىمۇ سىنىڭ قاتىلىڭ بەلكىم مەندۇرمەن . شۇنداق بولمىسا سەن ئەشۇ ماماتلىق يۇلىنى تاللايتىڭمۇ ؟ كۆزلىرىم چوڭايتىلىپ رامكىغا ئېلىنغان تويلۇق سۈرىتىمىزگە چۈشتى . قوللىرىم  بەللىرىڭنى چىرماۋاتقان ، قىيا بېقىپ تۇرغان شەھلا كۆزلىرىڭدە بەخىت جىلۋىسى .... شۇ ۋاقىتتىكى ‹‹ مۇشۇنداق قېتىپ قېلىشقا رازىمەن ›› دىگەنلىرىم ، سىنىڭ ‹‹ دىققىتىمنى بۆلمەڭە ، رەسىمگە سەت چۈشۈپ قالىمەن ›› دەپ شىۋىرلاشلىرىڭ يەنە قۇلاق تۈۋىمدە جاراڭلىدى . راستىمىنى ئېيتاي ، كۆز ياشلىرىم قۇرۇپ كىتىپتۇ . بىراق سەن قالدۇرغان ئازاپلار يۈرۈكۈمدىن زەررىچە كۈتۈرۈلگىنى يوق . ئۈزەمنى زادىلا ئىشەندۈرەلمىدىم مىنى تاشلاپ كەتكىنىڭگە ...  كىيىملىرىڭدىن ھىدىڭنى پۇرايمەن ، كۆزلىرىم قۇلۇڭ تەككەنلىكى نەرسىلەردىن سىمايىڭنى ئىزدەيدۇ . ھېلىقى ئالۋاستى بولسا ھىڭگاڭ چىشلىرىنى كۆرسىتىپ ‹‹ ئۇ كەتتى ، سىنى تاشلاپ كەتتى ›› دەپ يەنە شۇ بۇغۇق ئاۋازى بىلەن پەريات كۈتۈرمەكتە .   بولدى قىلمايمەن ، چۇقۇم تاپىمەن . مەندىن نەپرەتلەنگەن بولساڭمۇ ، سىنىڭ ئۇ يولنى تاللىمايدىغانلىقىڭغا يۈرۈكۈم گۇۋاھلىق بىرىپ تۇرىدۇ . پاك مۇھەببىتىڭ ، غۇبارسىز قەلبىڭ ئۈلۈمۈڭ توغرىسىدىكى بىمەنە خىياللىرىمنى بىتچىت قىلىدۇ . مۇشۇ ئۆيدە ، بىزنىڭ كىچىككىنە دۇنيارىمىزدا چۇقۇم بىر مەخپىيەتلىك بار . سەزمىگەندىمەن ، جىن چىراقتەك نۇرسىز پىلىلداپ قالغان كۆزلىرىم كۆرمىگەندۇ ... داۋامى بار

مەرۋەرى

	كەلگەن قەدىىمىڭىزگە مۇبارەك ئارىسلان! تېما ئۆز ئىجادىيىتىڭىز بولسا ئەسكەرتىپ قويغان بولسىڭىز!

باتۇرچەۋەنداز

	داۋامنى ساقلايمىز، ھارمىغايسىز ئارسىلان ئەپەندى

ئارسلان

	مەنبە-ئۈزۈم ، كەچۇرۇڭ ، ئۇنتۇپ قاپتىمەن .

گۇلخان

	ئارسلان،يىڭى تىمىڭىزغا مۇبارەك! ئىنسان روھى پات-پات پاكلىنىشقا مۇھتاج،ئەمما  پاكلىنىش تەس.لېكىن چۇقۇم پاكلىنىنىش كىرەك. داۋامىغا بەك ئىنتىزار قىلىۋەتمىگەيسىز!

مەرۋەرى

	داۋامىنى قاچانراق يوللايسىز:P

ئارسلان

	مەرۋەرى يوللىغان ۋاقتى  2012-يىلى 3-ئاينىڭ 17-كۈنى 21:36 داۋامىنى قاچانراق يوللايسىز نۇرۇزلۇق مۇكاپاتنى ماڭا بەرگەندە ..:lol

مەرۋەرى

	ئارسلان يوللىغان ۋاقتى  2012-يىلى 3-ئاينىڭ 17-كۈنى 21:37 نۇرۇزلۇق مۇكاپاتنى ماڭا بەرگەندە .. :L ھوقۇق ئەزالاردا

قەھۋە

	قەدەم مەرھابا ئارسىلان!   ئوبدان يېزىپ قويىدىكەنسىز، مەن ئەسەرنىڭ ئىچىگە كىرىپلا كېتىپتىمەن. يۈرەكلىرىم ئىغىر تىنىپ، ئازابلىق بىر خىل ھالەت شەكىللەندى...مۇھەببەتلىك تېما مەڭگۈ ئۈزۈلمەيدىغان تېمىكەن. داۋاملىق تىرىشىڭ!   تەكلىۋىم: ئەسەر يازغاندا يەرلىك شىۋىڭىزنى ئارىلاشتۇرۇپ قويماي، ئورتاق شىۋە بىلەن يازسىڭىز. ئىملاغا دېققەت قىلسىڭىز.  ژانىرى ھىكايىمۇ؟؟؟   داۋامىغا تەشنامىز!:victory:

ئارسلان

	قەھۋە يوللىغان ۋاقتى  2012-يىلى 3-ئاينىڭ 17-كۈنى 22:03 قەدەم مەرھابا ئارسىلان!   ئوبدان يېزىپ قويىدىكەنسىز، م ... ياقتۇرغىنىڭىزغا رەھمەت ، ھىكايە .