پاكلىنىش

Aydar

	تىلى بەك ياخشى چىقىپتۇ. داۋامىغا تەشنابىز.....

مەرۋەرى

	قېنى داۋامىنى ئوقۇي، قارىغاندا بۇ سىرلىق خاتىرە بارلىق سىرلارنى يېشىدىغان ئوخشايدۇ

باتۇرچەۋەنداز

	داۋامى قانچە سىرلىقتۇ

مودەن

	بەك  ياخشى  يېزىپسڭز  داۋامىغا  بەكلا  قىزىقىپ  كېتىۋاتىمەن.شۇ قوللىرىڭىز  ھارمىسۇن.....تىزىراق  بولۇڭ.

peacelife212

	ۋاقىت ئىچىدىن ۋاقىت چىقىرىپ داۋامىنى بىر يېزىۋېتىڭە

ئارسلان

	داۋامى ئۆيدىكى تىلىفۇننىڭ سايرىشىدىن يۈرىكىم سۇ ئىدى . خاتا ئۇرۇلغان تىلىفۇنلار كۆپەيگەنسىرى ، مەندىكى ئەنسىزچىلىكلەر تېخىمۇ كۈچىيىپ ئۈزەمنى ئالدىڭدا گۇناھكاردەك ھىس قىلاتتىم . دەي دىسەم تىلىم ، دىمەي دىسەم دىلىم كۈيەتتى. سىنىڭ ماڭا بولغان ئەقىدەڭدىن شۇبھىلەنمىسەممۇ سەن يەنىلا ئەركىشى بولغاچقا قەلبىڭدە ماڭا نىسبەتەن گۇمانىي تۇيغۇلارنىڭ سايە تاشلاپ قېلىشىدىن ۋاھىم يەيتتىم . مەن خۇددى ئىككى تاشنىڭ ئارىلىقىدا قېلىپ ماڭارغا يول تاپالمايۋاتقان ئازغۇن يولۇچىدەك ھەممىنى ئىچىمگە يۇتۇشقا مەجبۇر ئىدىم . ئۇنىڭ بىلەن كۆزىمىز ئۇچرىشىپ قالغان ئاشۇ دەقىقىدىن باشلاپ ، تىنچ ئۆتۈۋاتقان كۈنلىرىم ئۇچۇق ئاسماندا چاقماق چاققاندەك، چېقىندىغان نۇر تالالىرى جىسمىمنى كۆيدۈرۈپ كۈل قىلىۋىتىدىغاندەك ئۆز رېتىمىنى يۇقۇتۇشقا باشلىدى. مەن ئۇ كۆزلەردىن تولىمۇ قورقاتتىم . سىياھدەك قاپقارا قارچۇقلاردا ئادەمنى ۋەھىمىگە سالىدىغان زەھەرخەندىلىك چاقناپ تۇراتتى . قاتتۇرۇپ كىيىۋالغان كاستىيۇم-بۇرۇلكىلىرى، يالتىراپ تۇرىدىغان شىبلىتلىرى ،تۈجۈپىلەپ چىگىلگەن گالىستۇكلىرىدىن ئۇنىڭ مەن نەپەس ئېلىۋاتقان مۇشۇ شەھەردە ياشاۋاتقانلىقىنى قىياس قىلغىلى بولاتتى. ئۇ مىنىڭ ئۇنۋىرسىتىتتا بىرگە ئوقۇغان ساۋاقدىشىم ئىدى. قاملاشقان قەددى-قامىتى، ئۆتكۈر زېھنى بىلەن سىنىپتىكى نەچچىلىگەن قىزلارنىڭ يۈرىكىگە ئوت سېلىپمۇ ئۈلگۈرگەنىدى. ئۇنىڭ ئۇزۇندىن-ئۇزۇنغا سوزۇلغان مۇھەببەت مەكتۇپلىرى كىتاپلىرىمنىڭ قاتلىرىدا پات-پاتلا پەيدا بولۇپ قالاتتى. مەجنۇنلارچە مۇھەببىتى مىنى تولىمۇ بىئارام قىلاتتى . سۆيگەن يىگىتىم بارلىقىنى ، ئۇنىڭ ئۈچۈن جىنىم تەسەددۇق ئىكەنلىكىنى چۈشەندۈرۈپ بولالماي بەزىدە تېرىكىپ كېتەتتىم. بىراق ئۇ ئىلمان سۇدەك مۇئامىلەمنى، مەنسىتمەسلەرچە قاراشلىرىمنى پىسەنىتىگە ئالماي كەينىمدىن يۈرگىنى يۈرگەن ئىدى. ئۇنى ئازدەپ نەچچە كۈندە بىر ھاراق ئىچىۋېلىپ ياتىقىم ئالدىدا ئەرۋاھلاردەك چۆرگىلەپ يۈرىشى مىنى بىزار قىلاتتى. ئۇقۇش پۈتتۈرۈپ خوشلىشىش زىياپىتى قىلدۇق . قىزلار ئۆكسۈپ يىغلاشماقتا، ئوغۇللار ئازاپ ئىچىدە قەدەھ سوقۇشتۇرماقتا. ياڭراتقۇدىن چىقىۋاتقان مىسكىن كۈيلەر نەچچە يىل بىر قازاننىڭ تامىقىنى يەپ بىر تۇققاندەك ئىجىل بولۇپ كەتكەن يۈرەكلەرگە  تېخىمۇ مۇڭ قوشۇپ بوشلۇقلارغا سىڭىشمەكتە. ئۇ مېنى تانسىغا تارتتى. يىغىدىن قىزارغان، ئۈمىدسىزلىك يېغىپ تۇرغان كۆزلەرگە قاراپ تۇنجى قېتىم ئىتائەتمەنلىك بىلەن ئورنۇمدىن تۇردۇم، ئۇنىڭ كەيىپچىلىكتە كالامپايلاشقان قەدەملىرىگە تەسلىكتە ماسلىشىپ ئايلانماقتىمەن. ھەر قېتىم ئايلانغىنىمدا تەرەپ-تەرەپتىن چېلىقىۋاتقان ساۋاقداشلىرىمنىڭ ئايرىلىش ئالدىدىكى  مىسكىن روھىي ھالەتلىرىدىن قەلبىم پارە-پارە بولماقتا. مەن ئۈچۈن شۇنچىلىك ئۇزۇن بىلىنگەن مۇزىكىمۇ ئاخىرى تۈگىدى. ئۇنىڭ قولۇمدىن چىڭلا تۇتۇۋېلىپ بىگىزدەك تىكىلگەن كۆزلىرىدىن بەدىنىم سىقىراپ كەتتى.< مەن چوقۇم مۇرادىمغا يىتىمەن> دەپ قۇلىقىمغا شىۋىرلىشىدىن ئەندىكىپ ئۇنىڭدىن ئاجرىدىم-دە،  باغلاقتىن بوشانغان قوزىدەك ئۆزەمنى قىزلارنىڭ ئارىسىغا ئاتتم ... تويىمىزدىن كېيىنكى بەختلىك مىنۇتلار ئۇنى كۆڭۈل ئېكرانىمدىن پاك-پاكىزە سۈپۈرۈپ تاشلىغانىدى. ھېچكىمنىڭ تۇرمۇشىمىزغا سىڭىپ كىرىشىنى خالىمايتتىم. نەزىرىمدە پەقەت  سەن بىلەن ئىككىمىزلا بىر-بىرىمىزگە مەنسۈپ ئىدۇق، بىرىمىزسىز بىرىمىزنىڭ بەختىنى قىياس قىلالمايتتۇق. سېنى شۇنچىلىك سۆيەتتىمكى سېنى ماڭا ئاتا قىلغان ئىگەمگە كۈندە يۈزلەرچە تەشەككۈر ئېيتتاتتىم . ئەشۇ يامغۇرلۇق كۈن ، تەقدىرنىڭ ماڭا رەھىمسىزلەرچە قىلغان چاقچىقى بولسا كىرەك. ئىشتىن چۈشۈپ شارقىراپ قۇيۇلۇۋاتقان يامغۇردا تاكسى توسۇيالماي كوچا ئاپتۇبوس بېكىتىگە كەلگۈچە سۇغا چۈشكەن مۆشۈكتەك بولۇپ ، تەنلىرىمنىڭ ياپراقتەك تىترەۋاتقىنى، كىمىدۇر بىرىنىڭ ھۆل بولۇپ كېتىپسىز دەپ بېشىمغا يامغۇرلۇق تۇتقىنى غىل-پال ئىسىمدە تۇرۇپتۇ. رەھمەت ئېيتقاچ ئاستا بۇرۇلدۇم. بۇرۇلدىميۇ ، يېغىۋاتقان يامغۇر تۇيۇقسز مۆلدۈرگە ئايلانغاندەك ئەسلىدىنلا تىترەۋاتقان جىسمىمگە دەقىقە ئىچىدە زىمىستان سوغۇقى يامراپ كەتتى. كۈلكىگىمۇ ، مىننەتدارلىققىمۇ ئوخشىمايدىغان ئىپادە بىلەن سۇسلا باش لىڭشىتىپ قويۇپ ، ئېغىر تىنىپ پۇشۇلداپ توختىغان ئاپتۇبۇسنىڭ تۇتقۇچىغا ياماشتىم. <چوقۇم مۇرادىمغا يىتىمەن> دېگەن بىر ئاۋاز قۇلاق تۈۋىمدە يەنە جاراڭلىغاندەك بولدى. ئەشۇ كۈندىن باشلاپ ئۇ ئاپتۇبوس بېكىتىدە مېنى كۈتۈپ تۇرغاندەك پات-پاتلا پەيدا بولۇپ قالىدىغان بولۇپ قالدى . ئۆزەمنى پەرۋاسىز تۇتۇشقا جان-جەھلىم بىلەن تىرىشاتتىم. ئۇنىڭ ماڭا كۆز ئۈزمەي قاراپ تۇرۇۋاتقانلىقىنى سېزەتتىم . بۇنداق تەكرار ئۇچرىشىش كۆپەيگەنگەنسىرى، قەلپ قەسىرىمنى چۇل-چۇل قىلىپ ئەمدى بىنا بولغان مۇھەببەت قەسىرىمنى كۇمپەيكۇم قىلىۋېتىدىغاندەك بىر خىل ۋەھىمە قەلبىمدە چاياندەك قۇترايتتى. يېنىمدا سىنىڭدەك تاغدەك يۆلەنچۈكۈم تۇرسىمۇ بىراق ئاياللىق يۈرىكىم ئاشۇ قورقۇنچنىڭ تەسىرىدىن ئازات بولالمايۋاتاتتى.   بەزىدە تەگمىگەن تاياققا ۋاي،  دىگەندەك ئۆزەمنىڭ بىمەنە خىيالىمدىن ئاچچىقىم كېلەتتى . بەلكى ئۇ ئاللىقاچان ئۆي-ئوچاقلىق بولۇپ كەتكەندۇ، ماڭىدىغان يولىمىز بىر بولسا كىرەك، دىگەن ئويلار بىلەن ئۆزەمنى ئەركىن تۇتۇشقا تىرىشاتتىم. بىراق قول تېلىفۇنىمغا تۇيۇقسىز كەلگەن قىسقا ئۇچۇر ، سىزىمىمنىڭ خاتا ئەمەسلىكىنى ھىس قىلدۇرغان ئەشۇ ۋاقىتتا تېلىفۇننىڭ قولۇمدىن قانداقلارچە چۈشۈپ كەتكىنىنىمۇ بىلەلمەي قالدىم . داۋامى بار

باتۇرچەۋەنداز

	يەنە تەققەزامىز ئاخىرغا

گۈلسەنەم

	بۇ مۇرادىغا يەتكەن بىلەن قىزنىڭ جېنىغا زامىن بولىدىكەندە، ماۋۇ ئېرىمۇ نىمە قىلغان بولغۇيتتى شۇنچىلىك دەككە- دۈككىدە يۈرسىمۇ سەزمەي،قارىغاندا كاماندورۇپكىغا جىق چىقىدىغان بىرسى ئوخشايدۇ

مىلودىيە

	بىر دەمدىلا تۈگەپ كەتتىبارغانسېرى ياخشى چىقىۋاتىدۇ.داۋامىنى تېزراق يېزىشىڭىزنى كۈتىمەن.ھارماڭ!

مودەن

	داۋامىنى   ساقلايمىز