ياخشى سۆز ئاڭلامسىز ..

peacelife212

	1.رامىزان مەزگىلىدە، ئەتىگىنى ئۇخلاپ قېلىپ، مەسىلەن زولۇق ۋاقتى 3تىن 26 بولسا، سىز 3 تىن 30 ياكى 20 لەر ئۆتكەندە ئويغاندىڭىز، لېكىن، ناماز بامداتقا ئازراق ۋاقىت بار، بۇ چاغدا سىز كېچىكىپ قاپتىمەن دىمەستىن، ئىككىلىك بىر نەرسىلەرنى يەپ، ئاغزىڭىزنى چايقاپ، داۋاملىق روزا تۇتىشىڭىز كېرەك.  نىيەت قىلىشىڭىز كېرەك. 2. ئەگەر سىز رامىزان مەزگىلىدە ئۇخلاپ قېلىپ، بەزىدە ئۇخلاۋېرىپ، كۈن چىقىپ كەتكەن بولسا، ياكى سائەت 4 تىن ئېشىپ كەتكەن بولسا، سىز بىۋاستە ،ھىچنىمە يىمەستىن، ئاغزىڭىزنى چايقاپ روزىنى تۇتۇسىز، بۇ چاغدا بىر نەرسە يەپ تۇتسام بولىتى دەپ، ئاغزىڭىزغا بىر نەرسە سالسىڭىز، توغرا بولمايدۇ. مەنبە: 2011-يىل 8-ئاينىڭ 5-كۈنىدىكى ئۈرۈمچى جىگدىلىك مەسجىتى ئىمامىنىڭ خۇتبىسى

مەرۋەرى

	تۈنۈگۈن مەن كېچىلىك ئىسمىدا ئىشلىگەچكە، سەھەردە چوڭ قىزىم دادىسى بىلەن زوھورلۇقنى يەپ بولۇپلا نىيەت قىلمايلا  ئۇخلاپ قاپتۇ، سائەت9.30لاردا ماڭا تېلىفۇن قىپتۇ، ئاپا سىز كۈندە دەپ تۇرغاچقا نىيەت قىلىپ ياتاتتىم، بۈگۈن ئۇنۇتۇپ قاپتىمەن، روزا تۇتقان بولامدىم ياكى تۇتمىغان بولامدىم دەپ، مەن قىزىم ئەلۋەتتە تۇتۇقان بولىسىز، چۈنكى سىزنىڭ روزىنى تۇتۇش ئۈچۈن تۇرغانلىقىڭىزنىڭ ئۆزى نىيەت شۇڭا تۇتقان بولىسىز دىدىم، دىمەك مۇشۇنداق كىچىك ئىشلاردا قانداق قىلىشنى بىلمەيدىغان ياشلىرىمىز خېلى نۇرغۇن، شۇڭا مۇشۇنداق ئەھمىيەتلىك، پايدىلىنىش قىممىتى بار سۆزلەرنى يوللاپ تۇرساڭلار ساۋابى بولاتتى. رەھمەت تىنچ تۇرمۇش قېرىندىشىم، ئاللاھ بۇ ياخشى ئىشىڭىزنىڭ ساۋابىمىنى، ئەجرىنى بېرەر!

xakilat

	روزىنىڭ خاسيىتى بىلەن مانا مۇشۇنداق يېرىم كېچىلەردە ئېرىنمەي تۇرۇپ تاماق ئېتمىز، بۈگۈن ئىپتار ۋاقتى ئاز قالغاندا قارىسام كوچىلاردا ھەقسىز ئىپتارلىق قوغۇن تاۋوزلارنى تىزۋېتىپتۇ، مەھەللىدىن بىر چوڭراق تاۋۇزنى ئالسام 14 كويلۇق كەپتۇ، دىمەك روزىنىڭ خاسيىتى بىلەن شۇ باقاللار بۇنداق 14 كويدىن نەچچىسىنىڭ مېھرىدىن كېچىدىكەن، يەنە كېلىپ ئۆزى كۆرمىگن، تونۇمايدىغان  كىشىلەر ئۈچۈن .   بۇ ئىشنى كۆرۈپ شۇنداق سۆيۈندۈم. لېكىن مۇشۇنداق ئۇلۇغ ئاي ئۇلۇغ كۈندە ھاراق ئىچىپ مەست دەلدەڭشىپ يۈرگەن ئادەملەرنىمۇ كۆردۈم، كۆڭلۈم شۇنداقمۇ يېرىم بولدى. يەنە تېخى يول بويىدىكى ئاممىۋى ھاجەتخانىلاردا تەپ تارتماي تامكا چېكىۋاتقان قىزلىرىمىزنى كۆرۈپ تېخىمۇ بىئارام بولدۇم، باشقا ۋاقىتلاردىغۇ بوپتۇ بۇلارنىڭ ئەركىنلىكى دەيلى بۈگۈنچۇ، ئەتىچۇ..... پەقەت مۇشۇ بىر ئايغۇ. تۇرۇپلا  ئۈرۈمچىدەك چوڭ شەھەر پەقەت ئازغىنە قېرىنداشلىرىمىزنىڭ ئىبادىتى  دۇۋاسى بىلەن مۇشۇنچىلىك تۇرۋېتىپتۇ دەپ ئويلاپ قالدىم. روزىنىغۇ تۇتماڭ  لېكىن شۇ ھارام نەرسىلەردىن مۇشۇ ئۇلۇغ كۈنلەردە نېرىراق تۇرسىڭىز بولمامدۇ قېرىندىشىم

anar

	يول بويىدىكى ئىپتارلىق يىمەكلىكلەرنى تىزىپ قويغان دۇكانلارغا ئىچ -ئىچىمدىن سۆيۈنۈپ كېتىمەن دىسە ... تېنچ تۇرمۇشنىڭ ھەر جۈمەدىن كېيىن شۇنداق ياخشى سۆزلىرىنى ساقلاپ ئوقۇيدىغان بوپ قالدىم ھازىر

anar

	ئېسىمگە  نەئىمە ئىككىمىزنىڭ ئىككى يىل بۇرۇن روزا تۇتقىنىمىزدىكى گۆشنان ۋەقەسى كېلىپ قالدى دىسە ..

مەرۋەرى

	anar يوللانغان ۋاقتى  2011-يىلى 8-ئاينىڭ 10-كۈنى 10:05 ئېسىمگە  نەئىمە ئىككىمىزنىڭ ئىككى يىل بۇرۇن روزا تۇتق ... نەئىمەنىغۇ بوپتۇ دەيلى، سىز نىمە بولغان بولغۇيتىڭىز ئۇ چاغدا

anar

	مەرۋەرى يوللانغان ۋاقتى  2011-يىلى 8-ئاينىڭ 10-كۈنى 10:35 نەئىمەنىغۇ بوپتۇ دەيلى، سىز نىمە بولغان بولغۇيتىڭىز  ... شۇنى دەڭە ...ئىككىمىز بەك جاپادا قالغان ئۇ كۈنى ،ھەر خىل قىيمىلىق قىلىپ دەڭە تېخى

جۇلالىق

	بۇ يىل ھاۋا ئاجايىپ ئىسسىدى دېسە، ئىپتار ۋاقتى بولۇپ بولغىچە ئادەمنىڭ ئېغىزىدا نەم قالمايدۇ. ئاللاھ ئەجرىمىزنى بېرەر. ھەر كۈنى سوھۇرلۇق ئېتىشكە تۇرۇپ بولۇپ ئۇيقۇمغا قانماي يەنە بىردەم ئۇخلىۋالىمەن. نېمە دېگەن شېرىن ئۇيقۇلار...... باشقا ۋاقىتلاردا يىراقلارغا قېچىپ كېتىدىغان ئۇيقۇنىڭ شۇنچە كەلگىنىنى دەيمەن. شەيتاننىڭ ئازدۇرۇشلىرىنىڭ كۆپلىكى.

مەرۋەرى

	ئۇنى بۇر دىمەڭ، سائەتنى بېسىۋېتىپ بەش مىنۇت يېتۋالسام قانداق بولۇر دەپ ئويلىشىپ كېتىمەن

peacelife212

	ئېغىزدا بەك نەم قالمىسا، تاھارەت ئالغاندا، ئېغىزغا سۇ ئېلىپ ، 3 قېتىم، تۈكۈرۋەتسە بولىدۇ،غەر غەر قىلمايدۇ، ئېغىزغا سۇ ئېلىپ،چايقاپلا، تۇكۇرۋەتسە بولىدۇ،ئىچىۋىتىشكە بولمايدۇ، يەنى گالدىن ئۈتۈپ كەتسە بولمايدۇ،تاساددىپى ئۈتۈپ كەتسە، قايتىدىن نىيەت قىلىش كېرەك روزىغا. روزىنى بۇزۇشقا بولمايدۇ . ئاندىن، تۈكۈرۈك مەسىلىسى، شۆلگەينى چۇقۇم تۇكۇرۋېتىش كېرەك، ئۇنى يۈتۈشكە بولمايدۇ، مەسىلەن، بىر نەرسىنى يىگۈسى كېلىپ، مەسىلەن راڭپىزا، لەڭپۇڭلارنى كۈرۈپ، ئېغىزغا سۇ كەلسە، شۆلگەي كەلسە، بۇنداق چاغدا چۇقۇم تۈكۈرۋەتمىسە بولمايدۇ، ئەمما، ئادەتتىكى تەبىئى تۈكۈرۈكنى تۈكۈرۈشنىڭ ھاجىتى يوق. شۆلگەي، سېرىق سۇ، قان،زەرداپ، يىرىك، قۇسۇق بولمىسىلا.       بۇ قېتىمقى جۈمەدە، سۆزلىگەنلىرى :  روزا تۇتمىغانلار ياكى تۇتالمىغانلار، روزىدارلارنىڭ ئالدىدا كۆرسىتىپ تۇرۇپ، سۇ ئىچىشكە، تاماق يىيىشكە، مىۋە-چىۋە يىيىشكە بولمايدۇ.روزا تۇتقانلار، ئاتا ئانىلار، بىلمىگەنلەرگە، پەرزەنتلىرىڭلارغا دەڭلار، ئۇلار كوچىدا ئاشكارا سۇ ئىچىپ، بىر نەرسە يەپ ماڭمىسۇن. دىققەت قىلسۇن، ئۇلۇغ ئاينىڭ ھۆرمىتىنى قىلسۇن.   ئاندىن، ناماز ئوقۇغاندا چۇقۇم، ئادەم، ھايۋاننىڭ سۈرىتى بار نەرسىلەرنى كەيمەسلىك كېرەك، بۇنداق ناماز قۇبۇل بولمايدۇ، پەرىشتە سۈرەت بار ئۆيگە كىرمەيدۇ، جانلىق نەرسىلەرنىڭ سۈرىتى بار ئۆيگە .   مەزمۇن جىق بولمىغاچقا، ئىكاس شەكلىدە يېزىلدى.