(ئاھۇ) پىراق

ئاھۇ

	چىمەنگۈل ئاۋۇت پىراق (مەرھۇم ئىمىن تۇرسۇن بوۋامنىڭ ھۆرمىتىگە بېغىشلايمەن.) قار يېغىۋاتىدۇ... مەن بوۋامنىڭ ياشاڭغىرىغان كۆزلىرىگە قارىدىم. يىغلىغىنىمنى بىلىندۈرمەي دەپ بۇ غېرىپ ئۆينىڭ تاملىرىغا تۇمان بولۇپ تارىدىم... _ تۇيۇمدا كەيگەن تاشكەنت بۆكىنى، ياشلىقىمدىكى شىم كەمزۇلنى، كېچىدەك قارا يىپەك گالاستۇكۇمنى، ياقۇت كۆزلۈك قىسقۇچنى... سىز بىلەن توي قىلىدىغان، ئۆزىڭىز ياخشى كۆرىدىغان ھېلىقى يىگىتكە ئارمىغان قىلىمەن، سىلەر ئۇنى مەن قەدىرلىگەندەك قەدىرلەيسىلەر بۇنى بىلىمەن... بوۋام توختىماي سۆزلەۋاتىدۇ، ئۆتكەن ئۆمرىدىن نېمىلەرنىدۇر ئىزدەۋاتىدۇ. چۆچەكلەردە. يېرىلىڭ تاشىم دېسە، تاشمۇ يېرىلاتتى. مانا مەن بۈگۈن يېرىل يۈرىكىم دېدىم، يۈرىكىم يېرىلمىدى. مېنىڭ پەريادىم ئاپئاق قارغىمۇ بىلىنمىدى. يۈكۈنۈپ تۇرۇپ ئۇنىڭ قوللىرىنى سىيلىدىم، بىزنىڭ تويىمىز بولىدىغان كۈننى قانچە سورىسىمۇ دېمىدىم. بىزنىڭ تويىمىز بولىدۇ، شۇ كۈنى قىسمەت بورىنى ئۆزىنى تاملارغا ئۇرىدۇ. ئۇ مېنىۋالغان رىيازەت دۇلدۇلى، سېلى بەرگەن مۇھەببەتنى يۈدۈپ كىشنەيدۇ. ئۇنىڭ كەڭ ئالقانلىرى، قەھىرلىك كۆزلىرى، مېھىرلىك سۆزلىرى، مېنى يىغىدىن توختىتىدۇ، شامال قايرىغان يېشىل رومىلىم، ئۇنىڭ ئېتىنى ئۈركىتىدۇ.... بىزنىىڭ تويىمىز بولىدۇ، بىزنىڭ ئۆيىمىز بولىدۇ، بىزنىڭ كەڭ ئېتىزىمىز بولىدۇ، بىزنىڭ كەڭ ئاسمىنىمىز بولىدۇ. ئۇ يېنىمدا ئولتۇرۇپ، يەنە ماڭا خەت يازىدۇ. بالىلىرىمىز يۈرىكىمىزنى قازىدۇ.... بوۋام كۆلۈمسىرىگىنىچە ئۇخلاپ قالدى، مەن ئىشىكنى ئاۋايلاپ يېپىپ چىقىپ كەتتىم. سېنى سېغىنغان يۈرىكىمنى باھار قالغاچلىرىغا دان ئەتتىم!

مەرۋەرى

	ئاھۇ، ئالىمنىڭ ۋاپاتى، ھەممەيلەن ئۈچۈن بىر يوقۇتۇش بولدى، مەرھۇمنىڭ ياتقان يېرى جەنەتتە بولغاي!

kizilgul

	بۇ ئۇلۇغ بوۋىمىز بىھىشكە كەتتى، ئادەملىك يولىنى ئۆگىتىپ كەتتى. تارىخنىڭ بېتىگە مەڭگۈلۈك سىڭىپ، ئاقارغان تاڭلارنى ئەسلىتىپ كەتتى. سالام ،ئاھۇ سىڭلىم!ئۆزىڭىزنى ئاسرىغايسىز.    كەتكەننىڭ كەينىدىن كەتكىلى بولماس، ئۆلۈمنىڭ سىرىنى يەشكىلى بولماس. نە ئامال ،بۇ ھايات شۇنچىلىك سىرلىق، ئارزۇ كۆپ،دەرمانسىز يەتكىلى بوماس.

sukut

	مەرھۇمنىڭ ھايات كەچمىشلىرى،ئەجرۇھېكمەتلىرى....نىڭ بەرىكىتى كىيىنكىلەرگە بولغاي. ئاھۇ،ئازاپ بىلەن مۇھەببەتنىڭ قۇدرىتى مىسرالىرىڭىزدىن تۆكۈلۈپ تۇرۇپتۇ....

hilal

	ئۈزەممۇ ئېغىر بىر ھالدا بولغانلىقىم ئۈچۈن سىزگە تەسەللىي بىرىشكە ئاجىزلىق قىلىۋاتىمەن ......بوۋىمىزنىڭ ياتقان يىرى جەننەت بولغاي ....

جۇلالىق

	مەرھۇمنى ئەسلەپ تۇرىمىز! ئاھۇ ھەدىمىزنىڭ قەلىمىگە بەرىكەتلەر بولسۇن.

guldana

	ئەجەپ ياخشى يېزىلغان شېركەن، بۇ مەرھۇمغا جەننەت ماكان نىسىپ بولسۇن

otkankunlar

	قانداق چىداپ يۈرۇيدىكىن يۈرۇگۇم، ئالەم كەبى بىر ھەسرەتنى سىڭدۇرۇپ. يۈلتۇز ئېقىپ چۈشكىنىدە زىمىنگە، زىمىن قانداق چىدىدىكىن تەۋرىنىپ. شائىر ئىدىڭ ئالىم ئىدىڭ ئۇيغۇرنىڭ، سەن ھاياتقا مەنا بەرگەن باشقىدىن. ئاخىرىنى كىيىن يازاي..........كەچۇروڭلار!