ئايدار--يەتتە قىز قەلئەسىدىكى ئاجايىپ كەچۈرمىشلەر

قەھۋە

	مۇشۇ ئايدار خان، ئادەمنى تولا تەلمۈرتۈپ ئەمدى ئىنكاس يازمىغۇچە كۆرەلمەس قىلىپ قويۇپتۇ. ئۆيلىرىدىكىلەرنىمۇ ئاشۇنداق تەلمۈرۈتۈپ يۈرىيدىغان ئوخشىماملا؟ قارىغاندا قىزبالا چاغلىرىدا يىگىتلەرنى قوغلىتىپ ئارام بەرمەيدىغان چاغلىرى با-ھە!

مەرۋەرى

	Coffee بۇ يازمىنى 2010-يىلى 9-ئاينىڭ 5-كۈنى 12:53 دە يوللىغان مۇشۇ ئايدار خان، ئادەمنى تولا تەلمۈرتۈپ ئەمدى ئىنكاس يازمىغۇچە كۆرەلمەس قىلىپ قويۇپتۇ. ئۆيلىرىدىكىلەرنىمۇ ئ ... مۇشۇنداق قىلىش ئارقىلىق كۆرگۈچىلەرنىڭ قىزغىنلىقىنى ۋە كىرۋاتقان يېڭى تورداشلارنىڭ قىزىقىشىنى ئاشۇرۇش، بۇنداق بولغاندا مۇنبەرنىڭ قىزغىنلىقى يۇقۇرى كۆتۈرىلىدۇ. ئايدار قىزنىڭ ياش ۋاقتىنى قەتئى سوراپ قالماڭ قەھۋە بىكار مەن ئايقى چىقماس ھېكايىدىن بىرنى باشلاپ سالىمەن ھى ھى ھى ھى

ماھىتابان

	نىمىشقا ئىنكاس قايتۇرمىساق كۆرەلمەيمىز بۇ تېمىنى ئەمدىغۇ كۆرەرمەن

قەھۋە

	مەرۋەرى، باشلاڭە زادى، بەك پەيزى توقۇيسىز سىز!     بۇ يەتتە يىگىتمۇ بوشاڭكەن ئەينا. يەنە ساقلاشقا تاقىتى چىدىماي قايتىپ كەتكىنى نېمىسى. ھېچ بولمىغاندا ماۋۇ سايەنى دەيمىنا. توۋا، ئاتايىن كېلىپمۇ بىر ئېغىز گەپ قىلىپ قويماي كېتىپ قالغىنىنى!

saye

	Coffee بۇ يازمىنى 2010-يىلى 9-ئاينىڭ 5-كۈنى 14:48 دە يوللىغان مەرۋەرى، باشلاڭە زادى، بەك پەيزى توقۇيسىز سىز!     بۇ يەتتە يىگىتمۇ بوشاڭكەن ئەينا. يەنە ساقلاشقا تاقىت ... سۆزسىز ياندىن يېنىڭدىن، يۈرەكنى ئەزگەن ئەلەم. سۆزلىرىمنى دىگۈزمىگەن، سىياھ بىلەن "قەلەم !" ... ئايلا قىزىمنىڭ قەلىمىدە يېزىلىۋاتقان قىسسە دەڭە. چۈشتە ئايلا قىزىمىزغا كۆپ ئارقا ئىشىك قىلىپ كەتتىم مېنى قەھۋە بىلەن ئازراق باغلاپ قويسىڭىز بولاتتى دەپ...دىمىسىمۇ ئىككىمىزنىڭ بۇ ئوبرازى ئۆھھۆ دەپ بولغۇچە ئۆتەپ كىتىدىكەن ھە. چىدايلى ئەمدى. بىزنىڭمۇ ھىكايىمىز باردەك كەينىدە چىققۇدەك. بۇ مەخپىي جۇمۇ.

Aydar

	5 سامسىپەز جىدەلنى يۆلەپ تۇرۇپ ئاغىزىغا ئىككى تال سامسا سالدى، جىدەل تاماق ئىتەلمىگەچكە، قوسىقى ئاچ ئىدى، ئۇ بىر ئاماللاپ سامسىنى يۇتۇپ، تونۇر بېشىدىكى چاينى ئىچىپ، شۇ يەردىلا ئۇيقۇغا كەتتى. -مېھمان، -دېدى سامسىپەز دەسلەپ قىلغان پۇلنى بىرەمىكى دەپ، لېكىن جىدەلدىن تاما كۈتتى، لېكىن جىدەل ئۇ يەردە ئۇيقۇدىن ئويغانمىدى. -ھەي، بۇ كۈنلەر نىمە بوپ كەتتى؟ يەيدىغاننى يەپ بولۇپلا ئۇخلايدىكەن ما ئوغۇل بالا ئەكەك. ھويىت تۇرسىلا دەيمەن، كىنۇ باشلىنىپ كەتتى. جىدەل كۆزىنى ئاچتى ۋە سامسىپەزنى كۆرۈپ، يانچۇقىنى مالتىلاپ، ئايدار مەلىكە بەرگەن قەلئە دوللىرىنى سامسىپەزگە ئۇزاتتى. سامسىپەز پۇلنى ئېلىپ بىر دەم ئاپتاپقا تۇتۇپ تۇرغاندىن كېيىن: -يائاللا، نىمىشقا گەپ قىلمايلا ئۇخلايدىكىن دىسەم چەتئەللىككەن ئەمەسما، بۇ تاشقى پىرۋۇتنى قاچان بۇ يەرنىڭ پۇلىغا ئالماشتۇرامەن؟ بوپتۇ، تورغا چىقىپ پۇل ئالماشتۇرۇش نىسبىتى ئۆسكەندە ئاندىن ئالماشتۇرايچۇ. -ئۇستاز، ساخاۋەتچىم، بۇ قەيەر؟ -ھويىت، سىلى نوم ئالغىلى ماڭغان تاڭسىڭ ئوخشىماملا؟ مەن ساخاۋەتچى ئەمەس. سامسىپەز بولىمەن. -ھە...ئى يەردە سامسا ياقىدىغان سامسىپەزما؟ ما سامسىخاناڭ قايسى شەھەرگە جايلاشقان ؟ -يەتتە ئوغۇل قەلئەسى دەپ ئاڭلىغانما ھەۋە، شۇ يەردە. -ۋاييەي، قىزلارنىڭ قەلئەسىگە كەلدىممىكىن دىسەم، ئوغۇللارنىڭ قېشىغا كەپ قاپتىمەنغۇ. جىدەل ئورنىدىن تۇرۇشقا تىرىشتىيۇ، ئورنىدىن تۇرالماي، ئىشىكىنىڭ ئالدىغا- باۋما-7---356 دەپ تاختا قادىغان بىر ئىشەك ھارۋىسىنى كىرا قىلىپ، قەلئەنى ئايلىنىپ يۈرۈپ كەتتى. ئەرۋاھ شۇ ماڭغىنىچە غەم بېسىپ سارايغا كىرىپ كەلدى، قالغان بەشەيلەن چوغدان قېشىدا زەپەر تۇتۇپ كەلگەن توشقاننى كاۋاپ قىلىپ يەپ ئولتۇراتتى. -كەل، سەنلا كامتىڭ، -دېدى سايە مېھرىبانلىق بىلەن .-جاننى ئۇنداق قىيناش ياخشى ئىش ئەمەس، ئۇ قىزغا جادۇ قىلىنىپتۇ، ھەمىمىز ئامال ئويلاۋاتىمىز، ما كاۋابتىن بىر تال يەپباقسىنا... ئەرۋاھ ئۈندىمەي كېلىپ كاۋابتىن بىر تال يىدى، سايە ئۇنىڭ ھالىنى كۆرۈپ، بولغان ئەھۋاللارنى سورىدى. ئەرۋاھنىڭ بايانىنى ئاڭلىغان سايە: -ھەببەللى، ئۇ كىيىكنىڭ جىدەلنىڭ ھويلىسىغا كىرىپ كىتىشى ۋە شۇ يەردە يوقاپ كېتىشى مۇھىم بىر ئىشتىن دىرەك بىرىدۇ، قېنى ئۇ جىدەل؟ شۇنىڭدىن سوراپ باقايلى. ئۇلار سىرتقا چىقىپ جىدەلنى ئىزدىدى، دەل شۇ چاغدا سامسىپەز پۇلنى سىيلاپ، ئۇنىڭ قىممىتىنى ھېسابلاپ ئولتۇراتتى. -ۋۇي، بۇ قىزلار قەلئەسىنىڭ پۇلىغۇ، بۇنى نەدىن تاپتىڭ؟ -بايام سېنىڭ ئاق ئېتىڭ ئەكەلگەن چەتئەللىك مېھمان بەردى. -ھە...دىمەك جىدەل قىزلار بىلەن تونۇشىدىكەندە، ئۇنى تېخىمۇ ئىزدەش زۆرۈر. ئۇ قېنى؟ -بايام باۋما-7--- 365نومۇرلۇق ئىشەك ھارۋىسىغا ئولتۇرۇپ كەتكەن ئىدى. -بۇنى ھەجەپ ئىسىڭدە تۇتىۋاپسەنغۇ؟ -پۇلى جا چىقىپ قالسا ئىزدەپ بارارمەن دەپ ...-سامسىپەز گەدىنىنى قاشىلىدى. سايە يېنىدىكى ياغاچ تېلىفۇنىنى چىقىرىپ، قاتناش سارىيىغا تېلىفۇن قىلىپ، يوقىرىقى نومۇردىكى ھارۋىنى ئىزدەشنى تاپلىدى، ئۇلار دەرھال سۈنئىي ھەمرادىن ئۇرۇن بەلگىلەش سېستىمىسى ئارقىلىق، ئۇ ئىشەك ھارۋىسىنىڭ ئاھ قىزلار يولى بىلەن يېشىل كۆڭلەك يولى كىسىشكەن 134-نومۇرلۇق ئەگىمدە ئىكەنلىكىنى، ئۈستىدىكى مېھمانىڭ پۇلى يوق، شۇ يەردە جىدەللىشىپ تۇرغانلىقىنى، مېھماننىڭ پۇتىنىڭ سۇنۇقلىقىنى دەپ بەردى. ئۇلار ئاتلىرىنى مىنىشىپ جىدەلنى ئىزدەپ ماڭدى. ئۇلار جىدەلنى تېپىپ، ئۇنىڭ قاتناش پۇلى 1.5 يىگىتلەر قەلئەسى مارىكىنى تۆلەپ ئۇنى ئاتنىڭ كەينىدىكى چانىغا ئولتۇرغۇزۇپ قايتۇرۇپ كەلدى. جىدەل سارايغا كېلىپ، ئوبدان تاماقلانغاندىن كېيىن، بىر ئىستاكان يالقۇنتاغ پىۋىسىنى ئىچىپ بولۇپ، قولىنىڭ كەينى بىلەن ئاغىزىنى سۈرتتى-دە، يىغلاپ كەتتى. -ھەممىنى قىلغان مەن، بىر ئوبدان سارايدا ياشىماي، پارنىك ياساپ كۆكتات تېرىيمەن دىگەن مەن كالۋا، شۇ يەردە يۈرۈپ بەك بىچارە بوپ كەتتىم، قىزلار قەسىرىدىكى ئىسمىنى ئۆزۈممۇ بىلمەيدىغان بىر قىزغا جادۇ قىلىپ ئۇنى ياتقۇزۇپ قويدۇم، ئۇنىڭ ئۈستىگە سەپكۈن يۈزلۈك قىزغا كۆيۈپ قېلىپ، پۇتۇمنى سۇندۇرۇپ ياتتىم. ‹‹چاڭ ›› قىلىپ تەگكەن كاچاتتىن جىدەلنىڭ ئۈنى ئۆچۈپ كەتتى. ئۇ ئاستا بارماقلىرى ئارىسىدىن قارىۋىدى، غەزەپتىن كۆكىرىپ كەتكەن قىسمەت قارىمنى كۆردى.

saye

	ۋاھ ئاخىرى چىقىپتۇ دە... قىسسەنىڭ مونۇ قىسمى ئادەمنىڭ يۈرىگىنى جىغغىدە قىلىپ قويىدىكەن. ئاھ قىزلار يولى، يېشىل كۆينەك، ئەگمە . . .  مونۇ تەسىۋىرلەردىن كۆز ئالدىمغا كۈمۈش رەڭ يىپەكتىن يۇمشاققىنە ئۇخلاش كىيىمى كەيگەن  بىر نازىنىن قىز كېلىۋاتىدۇ. بىر چاغلاردا باغرىمنىڭ بىر باش رەسىمى بولىدىغان،ئەشۇنداق ئاسما ئۇخلاش كىيىمى كىيىم كۆلچەككە قارۋاتقان سىزما رەسىم ئىدى. ئۇھ. نىمىلەرنى دەپ كەتتىم. ئاخىرىنى تېزراق ھە . ئالامەت يېرىگە كەلدى. قىسمەت قارىمنىڭ ئاچچىقلىنىشىدىكى سەۋەب جىدەل جادىنىڭ قىزلارنى ئەپسۇن قىلىشىلا ئەمەس ھەقىچان. قارىغاندا جىدەلنىڭ ئوغۇللار قەلئەسى بىلەن ئازراق باغلىنىشلىقى بارمۇ قانداق؟ [ saye بۇ يازمىنى  2010-يىلى 9-ئاينىڭ 5-كۈنى 16:26  دە تەھرىرلىگەن. ]

jahandar

	مانا جىدەل...

sakina

	مەن كۆرسەم بولاتتى .

Aydar

	جىدەل بۇنى كۆرسە چىچاڭشىپ كىتىدىغان بولدىدە.....