ئايدار-ئىپپەت ئاچقۇچى

جۇلالىق

	مارۇژنىدا چاتاق بولمىغىيدى؟ دورا سېلىۋەتكەن بولمىسۇن يەنە؟:(

قەھۋە

	ئايدار خانقىز، داۋاملىق يېزىڭە. كۆپچىلىك  بۇ ئەسەرنى ئەلكۈيىدىكى گۈزەل 3.8نىڭ "ئاھ،تۇرمۇش" ناملىق ئەسىرىگە قىززىققاندەكلا قىزىقىپ ئوقۇپ كەتسۇن. (ئەگەر كۆڭلىڭىزگە كەلمىسە بىر تەكلىۋىم: ۋەقەلىكنى سەل تەرتىپلىك ئىپادىلىسىڭىز قانداق؟ بايانلار ئالمىشىپ قالغاندەك تۇيغۇ بېرىدىكەن):handshake

saye

	ماروژنىنى ئاشخانا ئىچىدىن ئېلىپ چىقىدۇ. پەرىدە بۇ ئارىلىقتا سىرتقا چىقىپ كىرگەن ئىش يوقكەن. دىمەك ئۇنىڭ كۆزىچىلا دورا سېلىۋېتىشى مۇمكىن ئەمەس. ئەمدىكى گەپ گالنى مايلاپ، ئادەمگەرچىلىك قىلىشنىڭ كەينىدە زادى قانداق سىر يوشۇرۇنغان. بۇنى بىلىپ بېقىش ئۈچۈن كۆپچىلىكنىڭ دىققەت نەزىرى يەنىلا تېمىمىزدا بولسۇن ! :D

Aydar

	قەھۋە خېنىم: گەرچە سىلەردەك يازالمىساممۇ تىرىشىۋاتىمەن. تەنقىدىي پىكىر بولسا بىرىپ تۇراسىلە.

مەرۋەرى

	Aydar بۇ يازمىنى 2010-يىلى 9-ئاينىڭ 3-كۈنى 16:41 دە يوللىغان قەھۋە خېنىم: گەرچە سىلەردەك يازالمىساممۇ تىرىشىۋاتىمەن. تەنقىدىي پىكىر بولسا بىرىپ تۇراسىلە. ئادىشىم ئۇنچە كەمتەر بولمىڭە بولدى~ داۋامى چىققاندا چۈشىنىۋالىمىز ئۆزىمىز ;P

Aydar

	پاراڭلىشىپ كەچ كىرىپ كەتكەنلىكىنى تۇيماپتىمىز، كوچا چىراغلىرى يېقىلغان، كىشىلەر يەنە ئالدىراش ئۆتۈشۈپ تۇراتتى، دېرىزىدىن سىرتقا قاراپ ئولتۇرۇپ، بۇنداق ئاشخانىلاردا تاماق يىيىشنىڭ تولىمۇ راھەتلىكىنى ھېس قىلدىم. ‹‹ياخشى ئوقۇپ، ياخشى خىزمەت ئورنىغا ئېرىشىپ، موشۇنداق ئاشخانىلاردا تاماق يىيەلەيدىغان بولسام ›› بۇ خىياللىرىمدىن مەس بولۇپ كۈلۈپ قويدۇم. ئاشخانىدىن چىقتۇق، مەكتەپكە كىتىش ئۈچۈن ئاپتۇبۇستا ئۇزاق مېڭىشقا توغرا كېلەتتى. ئاپتۇبۇس بىكىتىگە ماڭاي دىيىشىمگە ئالىيە قولۇمدىن تۇتىۋالدى. -پەرىدە، بەرىبىر ئىمتىھانلار تۈگىدى، ئەتە تەتىلگە ماڭىمىز، شۇڭا تاغاملارنىڭ ئۆيىدە قونۇپ شۇ يەردىن ئەتە كەتسەك قانداق؟ سىزنى ئاپىرىپ قوياي دىسەم، يالغۇز كېلىشتىن قورقىمەن، سىزنى ئۆزىڭىز يالغۇز يولغا سېلىپ قوياي دىسەم كۆڭلۈم ئۇنىمايدۇ. ماقۇلمۇ؟ بۇنچە كەچتە كىتىشكە كۆزۈم يەتمىدى. ئاشخانىدا ئۈچ سائەتتتىن ئارتۇق ئولتۇرۇپتىمىز. غەپلەت باستى دىگەن شۇدە. ئالىيەنىڭ سۆزىگە ئامالسىز ماقۇل بولدۇم. ئاشخانىنىڭ ئالدىدىن تاكسىغا ئولتۇرۇپ ئۇزاق ئۆتمەيلا بىر ئولتۇراق رايونغا كەلدۇق. ئالىيە مېنى باشلاپ بۇ رايوننىڭ ئەڭ ئىچىدىكى بىر بىنانىڭ تۆتىنچى قەۋىتىگە ئېلىپ كەلدى ۋە ئىشىك قوڭغۇرىقىنى باستى.                                 2 ئىشىك ئېچىلىشى بىلەنلا بۇرنۇمغا ھاراق ۋە تاماكىنىڭ قاڭسىق ھىدى ئۇرۇلدى. ئۆينىڭ ئىچىنى تاماكا ئىسى قاپلىغان، بىر نەچچەيلەننڭ كۈلكە-پاراڭ ئاۋازلىرى ئاڭلىنىپ تۇراتتى. ئىشىكنى ئاچقىنى ئوتتۇرا بوي، بۇرۇتلۇق، سېمىزرەك بىر ئەر كىشى ئىدى. ئۇ ئىككىمىزنىڭ ئۈستى-بېشىغا بىر قارىۋىتىپ -ۋۇي، كىرىڭلار، كىرىڭلار.-دەپ بىزنى تەكلىپ قىلدى. مەن ئالىيەگە ئۈنسىز قاراپ قويدۇم، ئۇ مېنى ئىتتىرىپلا ئۆيگە ئېلىپ كىردى ۋە ئىشىكنىڭ قېشىدىكى ھوجىرا ئۆيگە باشلىدى، بۇ ھوجرا زىننەتلەنمىگەن سىرى چۈشۈپ كەتكەن بىر كارۋات قويۇپ قويۇلغان. كارۋاتتا كىرلەشكەن يوتقان كۆرپە يىغىلغان ئىدى. مەن كارۋات قىرىغا كېلىپ ئاستا ئولتۇردۇم ۋە ئۆينىڭ ئىچىگە سەپسالدىم، ئالىيە چىقىپ كېتىپ، بىر دەمدىن كېيىن قايتىپ كىردى - ھاممام توغقانلارنىڭ ئۆيىگە كىتىپتۇ، بۇ يەردە ئۇخلاۋىرەيلى، تاغامنىڭ ئاغىنىلىرى باركەن. ئۇ ئاشخانىغا چىقىپ بىر چەينەك چاي دەملەپ كىردى ۋە پىيالىلەرنى چايقاپ ماڭا چاي تۇتتى. مەن چاينى ئالغان بولساممۇ، كۆڭلۈم ئارامىدا بولمىغاچقا ئىچكۈم كەلمەي كارۋات قېشىدىكى ئۈستەلگە قويۇپ قويدۇم.

جۇلالىق

	پەرىدەنىڭ ئازاپلىق كۈنلىرى مۇشۇ ئەسكى ئۆيدىن باشلىنىدىغان بولدى.:(

مەرۋەرى

	ئايدار دوستۇم قەلىمىڭىزگە بەركەت تىلەيمەن، بۇ ئاكاش ماڭا  تولا ئۇچرايدۇ :lol

Aydar

	يۈزىگە تۈكۈرۈپ قويۇڭ، كۆرسىڭىز...

مەرۋەرى

	Aydar بۇ يازمىنى 2010-يىلى 9-ئاينىڭ 4-كۈنى 15:06 دە يوللىغان يۈزىگە تۈكۈرۈپ قويۇڭ، كۆرسىڭىز... ئۇنداق ئادەمگە بۇ چىرايلىق ئېغىزىمدىن چىققان، قىممەتلىك تۈكرۈكىمنى ئاۋارە قىلغۇم يوق ئاداش ھى ھى ھى ھى