ئايدار-ئىپپەت ئاچقۇچى

Aydar

	ھە....ئۇمۇ راست، ئاداش....

Aydar

	بىر دەمدىن كېيىن، ھېلىقى ئادەملەر قايتتى، لېكىن مېھمانخانىدىن ئىككى ئادەمنىڭ پاراڭلاشقان ئاۋازى ئاڭلىنىپ تۇراتتى. تازىلىق ئۆيىگە كىرىشنى ئويلىغان بولساممۇ، چىقىشقا پتىنالمىدىم. شۇ چاغدا ئالىيە ھوجىرىدىن چىقىپ كەتتى، -غوپۇرجان ئاكا، ياخشى تۇردىڭىزمۇ؟ بايام كىرسەم ئادەم جىق، سالام قىلىپ بولالمىدىم. -ۋاي-ۋۇي سىڭىل، ياخشى تۇردىڭىزمۇ؟ يوقاپ كەتمەڭ، ئاكىڭىزنى سېغىندۇرۇپ. مەن بۇ گەپتىن چۆچۈپ كەتتىم. شۇ ئارىلىقتا ئالىيە كىرىپ كەلدى. - مەن ئاۋۇ ئۆيگە كىرىپ ئۇخلايمەن، سىز موشۇ يەردە ئۇخلاۋىرىڭ –ھە، پەرىدە. ئالىيە ماڭا پىسسىڭڭىدە كۈلۈپ قويدى. مەن ئۇنىڭغا نىمىلەرنىدۇ دىمەكچى بولغاندىم، ئۇ ماڭا پەرۋا قىلمايلا چىقىپ كەتتى.نىمىشقا ئالىيەنىڭ كەينىگە كىرگەندىمەن؟ بىرەر ئىش چىقىپ قالسا قانداقمۇ قىلارمەن ؟ غەمگە پېتىپ ئولتۇرۇپ كەتتىم، بۇ يەردىن كېتىپ نەگە بېرىشنى بىلمەيتتىم، كۆز ئالدىم قاپقاراڭغۇ، نىمانچە ئەخمەقتىمەن-ھە؟ باشقىلار مېنى قەستلىسىمۇ بىلمەپتىمەن، ئالىيە ماڭا نىمىشقا ئۆچلۈك قىلىدىغاندۇ؟ ئالىيە نەگە كەتكەندۇ؟ ئورنۇمدىن تۇرۇپ ئىشىكنى ئاستا ئاچتىم. ئۆينىڭ ئىچىدە مېھمانخانىدىكى تىلىۋىزۇر ئاۋازىدىن باشقا ئاۋاز يوق. تازىلىق ئۆيىگە كىردىم. تازىلىق ئۆيى قالايماقان، تەرەت توڭى قېشىغا ئىشلىتىپ بولۇنغان تازىلىق قەغەزلىرى دۆۋىلەگلىك بولۇپ، ئادەمنى كۆڭلىنى ئېلىشتۇراتتى. -ئالىيە، ئالىيە-مەن پەس ئاۋازدا ئۇنى چاقىردىم، ئۇنى چاقىرىپ نىمە قىلىدىغانلىقىمنىمۇ بىلمەيتتىم، - ئالىيە ماۋۇ ھوجىرىدا، ئۇخلاۋاتىدۇ، سىز نىمىشقا ئۇخلىمىدىڭىز؟ -مېھمانخانىنىڭ ئىشىكى ئېچىلىپ ئىگىز بويلۇق، تاقىر باش بىرەيلەن ئىشىككە يۆلەنگىنىچە تۇراتتى. مەن چۆچۈپ كەتتىم، ئۇنىڭغا قاراپ نىمە دىيىشنى بىلمەيلا قالدىم، -مەكىلىڭە، ئۇيقۇڭىز كەلمىگەن بولسا بۇ يەرگە كىرىپ تېلىۋىزۇر كۆرەيلى، ئۇ مېنى تارتىپلا مېھمانخانىغا ئەكىردى. مېھمانخانا يامان ئەمەس زىننەتلەنگەن، دىۋانلارمۇ بىر قەدەر يېڭى ئىدى. -چاي ئىچەمسىز، تاتلىق قىز؟ -ياق، -ئەمەلىيەتتە تاماقلىرىم قۇرۇپ، يۈرىكىم سېلىپ كېتىۋاتاتتى. بەلكىم ئازراق چاي ئىچكەن بولسام قورقۇنۇچۇم بېسىلار بولغىدىمىكىن. -ھە تاتلىق قىز، قۇرقۇپ كىتىۋاتامسىز؟ ئالىيە ياخشى ساۋاغدىشىمدىن بىرنى ئەكىلىمەن دىسە، ئىش كۆرگەنلىرىدىن ئەكەلسە كىرەك دەپتىمەن. ئەپتىڭىزگە قاراپ مەنمۇ قورقۇپ كىتىۋاتىمەن. ئۇ ئۈستەل ئاستىدىن ھاراق بوتۇلكىسىنى ئالدى-دە، رومكىغا قويۇپ ئىچىشكە باشلىدى. ئۈستەلدە تېخى بىر نەچچە قورۇمىمۇ تۇراتتى. -ئىچىپ باقامسىز؟ ئاق ھاراق ئىچسىڭىز مېيروڭ قىلىدۇ. ب -ياق، مەن ئىچىپ باقمىغان. مەن...مەن ئاۋۇ ئۆيگە چىقىپ ئۇخلايمىكى. -تاتلىق قىز، مەن بۈگۈن سىزنى ئوبدان رازى قىلىمەن، ئاڭلىسام نامرات ئوقۇغۇچىكەنسىز. ئوقۇش پۇلىڭىزنى مەن كۆتىرىمەن، كىيىم-كىچەك ئېلىپ بىرىمەن، مەكتەپتە خانىشلاردەك ياشايسىز. - ياق، ماڭا كىرەك ئەمەس، جىيەنىڭىزگە بىرىڭ. -جىيەنىڭىز؟ كىمۇ ئۇ؟ -ئالىيە سىزنى تاغام دىگەنتىغيۇ؟ - ئۇ پاسكىنا مېنى تېخى تاغام دىدىمۇ؟ ۇ بىر دەم ئولتۇرۇپ كەتتى، ئاندىن : -ھە، مەيلى نىمە دىسە دىسۇن، -دەپلا تېلىۋىزۇرنىڭ ئاستىدىكى ۋس د غا بىر دەينى سالدى. تېلىۋىزۇردىكى كۆرۈنۈشلەرنى كۆرۈپ تېنىم لاغىلداپ تىتىرەپ كەتتى. بۇ بىر ھاياسىز دەي ئىدى. بىر قاراپلا ئورنۇمدىن تۇرۇپ كەتتىم. -نەگە بارىسىز؟ سىزنى دەپ ئاغىنىلىرىمنىمۇ كەتكۈزىۋەتتىم، ئۇ بىر چامداپلا ئىشىكنى توسىۋالدى. -مەن ياتاققا كەتسەممىكىن. ئاكا ئۇنداق قىلماڭ، ئالىيە مېنى تاغاملارنىڭكىگە ئاپىرىمەن دەپ ئەكەلگەن، مەن كىتەي. -بۇ كېچىدە نەگىمۇ بارارسىز تاتلىق قىز، بۈگۈن كىچىنى بىللە ئۆتكۈزەيلى، قارىڭە، ئالىيە ھازىر بەخىتنىڭ پەيزىنى سۈرىۋاتىدۇ. مەنمۇ سىزنى شۇنداق كاتتا تۇرمۇشتا ياشايدىغان قىلىمەن. كېلىڭە. –ئۇ شۇنداق دەپلا قولۇمدىن تۇتۇپ مېنى قۇچاقلىمىقچى بولدى، مەن ئۇنىڭ تىنىقىدىن كېلىۋاتقان ھاراق، تاماكا ھىدىنى، بەدىنىدىن كېلىۋاتقان سېسىق تەر پۇرىقىدىن سەسكىنىپ ھۆ قىلىپ قۇسىۋەتكىلى تاس قالدىم. -مېنى قويىۋىتىڭ، ۋاقىرايمەن. -ۋاقىراڭ، تازا ۋاقىراڭ، شۇنداق قىلسىڭىز بەك پەيزى بولىدۇ. -ئاكا، سىزنىڭمۇ قىزلىرىڭىز باردۇ-ھە؟ -قىزلىرىڭىز؟ بار، بەك جىق، ھەر كۈنى كېلىپ ماڭا ھەمراھ بولىدۇ، كېلىڭە، جېنىم، ئەمدى نازلانماڭ، ئاچچىقىم كېلىپ قالىدۇ ھېلى بىكار... -ئالىيە! ئالىيە، نەگە كىرىۋالدىڭ، چىقە ماياققا، مېنى قانداق نەس باسقۇر يەرگە ئېلىپ كەلدىڭ؟! چىقە ماياققا. ھۇ ئۆلگۈر. -ئالىيە ئاللىقاچان ‹‹يۇلتۇز ›› مېھمانخانىسىغا كەتتى. سېنى ماڭا قويۇپ قويدى. -ئاكا، ئۇنداق قىلماڭ، بالىلىرىڭىز باردۇ؟ -بالا؟! مەن توي قىلمىسام نەدىكى بالىكەن ئۇ؟ -ئۇنداق قىلماڭ، ئاكا، مېنى كەتكىلى قويۇڭ، چاڭ قىلىپ تەگكەن شاپىلاقتىن كۆزلىرىمدىن ئوت چاقناپ كەتتى. ئۇ مېنىڭ چېچىمدىن سۆرەپ ماڭدى. مۇنداق تىركىشىۋەرسەم بولمايدىغانلىقىنى بىلىپ، ئۇنىڭغا يالۋۇرۇشقا ئۆتتۈم. داۋامى بار...

جۇلالىق

	ئىپلاس ئەخلاقلىق بىر قىزنى نابۇت قىلىدىغان بولدى.:@

مەرۋەرى

	جۇلالىق بۇ يازمىنى 2010-يىلى 9-ئاينىڭ 4-كۈنى 15:21 دە يوللىغان ئىپلاس ئەخلاقلىق بىر قىزنى نابۇت قىلىدىغان بولدى.:@ پەرىدە ئۇنداق ئاجىز قىز ئەمەس سىڭلىم ئالدىراپ نابۇت بولمايدۇ داۋامىنى ئوقۇڭ!

saye

	ئادەمنىڭ تازا جىددىلىشىۋاتقان يېرىگە كەلدى. قىز بالىنىڭ كۈچىگە نىمىگە يىتەتتى. ئاۋۇ ئادەمنىڭ بىر ئىنسابى كېلىپ قالسا بولىتى. :L

jahandar

	ئاخىرىغا بەكلا قىزىقىپ قالدىم، قىز بالىنىڭ ھەقىقى دوستى بولمايدۇ دىگەن بىكار ئەمەستە....

ئايدىل

	ئەجەپ جىددىيلىشىپ كەتتىم، بۇنى ئوقۇپ مېنىڭ بېشىمدىن ئۆتكەن بىر ئىش ئېسىمگە كېلىپ قالدى، شۇ چاغدا ئاشۇ ئاق كۆڭۈل مۇئەلىم بولمىغان بولسا بۈگۈن مەن بۇنداق خاتىرجەم ئولتۇرالمىغان بولاتتىم.

gulchin

	بىر تىنىقتا ھىكايىنىمۇ ، ئىنكاسلارنىمۇ ئوقۇۋەتتىم .....نىمە جىددىيچىلىك بۇ ؟ داۋامى قېنى :Q

Aydar

	داۋامى يېزىلىپ تۇرۇتۇ.

saye

	پەرىدەدىن ئەنسىرەپ ئۇيقۇم كەلمەيۋاتىدۇ. بىر خەۋىرىنى بېرىۋېتىڭە شۇ قىزنى...نەدىلىكىنى دەپ بېرىڭ بولمىسا. دىككىدە ئەكىلىۋالاي مۇنبىرىمىزگە .