توپچىلار قىسمىنىڭ باشلىقى ئىستىھكامغا توپلارنىڭ نىقاپلىنىش ئەھۋالىنى تەكشۈرگىلى بېرىپتۇ.
ئۇ بىر زەمبىرەكنىڭ ئورنىغا بارسا بىر نەچچە ئەسكەر چاتقاللىقنىڭ ئىچىدە بىر نەرسە ئىزدەپ يۈرگىدەك.
ـ سىلەر نىمە ئىزدەۋاتىسىلەر دەپتۇ ئۇ
- دوكلات باشلىق - دەپتۇ ئەسكەرلەر، - تۈنۈگۈنتوپلارنى بەك ياخشى مۇستەھكەم نىقاپلاپتىكەنمىز، ئۆزىمىزمۇ تاپالمايۋاتىمىز.
***********************

بازار باشلىقى بازار بويىچە ئېچىلغان ئەسكەر قوبۇل قىلىش يىغىنىدا ئەسكەر ئالىدىغان كوماندىر بىلەن بىللە سۆزلەپ:
ـ ئارمىيە دىگەن چوڭ بىر مەكتەپ، بۇ مەكتەپ ناپاك كىشىلەرنى پاكلاشتۇرىدۇ، ئىرادىسى ئاجىز كىشىلەرنى ئىرادىسى كۈچلۈك كىشىلەرگە ئايلاندۇرىدۇ. كىشىلەرنىڭ كاللىسىدىكى ساغلام بولمىغان ئىدىيىلەرنى تازىلايدۇ- دەپتۇ.
-ئەتىسى بازاردىكى ئەسكەر قوبۇللاش ئورنىغا نۇرغۇن ئادەم كەپتۇ، بۇنىڭدىن خوشال بولغان ئەسكەر ئالىدىغان كوماندىر ئۇلارنىڭ ئالدىغا بېرىپتۇ.
ـ كوماندىر- دەپتۇ ئۇلار - ئەگەر ئەسكەر بولغانننىڭ ئەشۇنداق پايدىسى بولىدىغان بولسا، بىزنىڭ بازار باشلىقىنى ئېلىپ كېتىڭ.
******************

بىر قېتىملىق چوڭ جەڭدە نۇرغۇن ئەسكەر يارىلىنىپتۇ، بىر باشلىق ئۇلارنى يوقلاپ بېرىپتۇ.
ـ باشلىق دەپتۇ بىر جەڭچى - مەن بۇ جەڭدە ئاجايىپ باتۇرلۇق كۆرسەتتىم.
ـ ھە - دەپتۇ باشلىق ـ قانداق باتۇرلۇق كۆرسەتتىڭ؟
ـ دۈشمەنگە باتۇرلۇق بىلەن ھۇجۇم قىلىپ، كەم دىگندە ئۇلاردىن ئونىنىڭ پۇت قوللىرىنى چانىۋەتتىم .-، دەپتۇ ئەسكەر ئۆزىدىن پەخىرلىنىپ.
ـ نىمىشقا كاللىسىنى چانىماي پۇت قولىنى چانىدىڭ؟-دەپتۇ باشلىق ئەجەپلىنىپ.
ـ مەن دۈشمەنلەرنىڭ ئالدىغا بارغاندا ، كاللىسىنى بىرسى ئېلىپ بوپتىكەن.
*****************

يېڭى ئەسكەرلەر دۈشمەننىڭ قوراللىرىنى تارتىۋېلىش بويىچە مەشق ئېلىپ بېرىپتۇ.
مەشقتىن كېيىن كوماندىر ئۇلاردىن:
ـ ئەگە سىلەر كېچىدە ئۆزۈڭلار يالغۇز بىر كۆۋرۈكنى قوغداپ قوراللىق پوستا تۇرغان بولساڭلار، قۇرۇق قول دۈشمەن تۇيۇقسىز ھۇجۇم قىلىپ قالسا سىلەر قانداق قىلىسىلەر؟ ـ دەپ سوراپتۇ.
ـ مېنىڭچە دەاپتۇ بىر يېڭى ئەسكەر سەل ئويلىنىۋالغاندى كېيىن ، - ئالدى بىلەن قولىمىزدىكى قورالنى سۇغا تاشلىۋېتىشىمىز كېرەك، مۇشۇنداق قىلساق دۈشمەن قورالنى ئېلىۋالىمەن دەپ بىزنى ئۆلتۈرۈپ يۈرمەيدۇ.