1. ئايالىڭىز ئالدىڭىزدا يىغلىسا ، نىمە سەۋەبتىن بولۇشتىن قەتئىينەزەر ، ئۇنى چىڭ قۇچاقلاپ قويۇڭ ، قارشلىق قىلسىمۇ يەنىلا قۇچاقلاڭ ، ئۈستەلگە بېشىنى قويغاندىن قوينىڭىزدا تەسەللىي تاپقىنى ياخشى .

2. ئەگەر ئايالىڭىز سىزگە باتناپ ، سىز بىلەن كارى بولمىسا ، ئۇنى دورىماڭ ، بۇ ۋاقىتتا « يۈزى قېلىنلىق» روھىنى جارى قىلدۇرمىسىڭىز ياخشىلىنىپ قېلىش ئۈچۈن يەنىمۇ ئۇزۇن ۋاقىت ھەم زېھنىڭىز سەرپ بولىدۇ .

3. ئەگەر ئايالىڭىز سۆزىڭىزنى ئاڭلىماي ، بۇرۇلۇپ كېتىپ قالسا ، چوقۇم كەينىدىن قوغلاڭ ، ئەگەر ئۇنى يەنىلا ياخشى كۆرسىڭىز ، يالغۇز ماڭسا قانداق خاتىرجەم بولىسىز .

4. ئەگەر ئايالىڭىز« سىز كېتىڭ ، سىز بىلەن كارىم يوق» دىسە ھەرگىز ئىشەنمەڭ ، چۈنكى بۇنداق ئەھۋالدا ئاياللارنىڭ تىلى بىلەن دىلى بىردەك بولمايدۇ ، ئەمەلىيەتتە بۇ ئۇنىڭ سىزگە ئەڭ ئېھتىياجلىق ۋاقتى .

5.ئەگەر ئايالىڭىز خاپا بولۇپ قالسا ، كەيپىياتىم ياخشى ئەمەس ، تاماق يىگۈم يوق دىسە ، ھەرگىز ئۇنىڭدىن نېمە قىلغۇڭىز بار ؟ نېمە يىگۈڭىز بار دەپ سورىماڭ . ئۇ چوقۇم ھېچنىمە لازىم ئەمەس دەيدۇ . سىز يەنىلا ئۇ ئەڭ ياخشى كۆرىدىغان يېمەكلىكىنى چىرايىلىق ئوراپ ئېلىپ كەلسىڭىز ، ئازراق ۋاقىتتىن كېيىن كەيىپياتى ئوڭشىلىپ قالغاندىن كېيىن چوقۇم يەيدۇ . بىراق ئۇنىڭغا ئوخشاش سىز يېمىسىڭىز مەنمۇ يىمەيمەن ئولتۇرماڭ .

6. ئەگەر ئايالىڭىز سىزگە بەك قاتتىق گەپ قىلىپ سالسا ، ئۈچ سېكونت گەپ قىلماي تۇرۇڭ ، ئاندىن ئۇنىڭ مۈرىسىدىن قۇچاقلاپ ، كۈلۈپ تۇرۇپ « خوتۇن گەپ قىلغان ئاۋازىڭىز بەك يېقىملىق جۇمۇ » دىسىڭىز ئايالىڭز چوقۇم ئۆزىنى تۇتىۋالالماي كۈلىۋېتىدۇ .

7. ئايالىڭىزنى قەدىرلەڭ ، ئۇنىڭغا لازىمىلىق نەرسىلەرنى بەك مۇرەككەپ دەپ ئويلىماڭ ، ئەمەلىيەتتە ئاياللارغا لازىمى ئىنتايىن ئاددى .

8. ئۇ سىز بىلەن ئۇرۇشۇپ قالسا راستىنلا بىر ئىش بولغىنىنى بىلدۈرمەيدۇ ، بەلكى زېرىكىشنى تۈگىتىش ئۈچۈن سىزگە ئەركىلىگۈسى كەلگىنىنى بىلدۈرىدۇ .

9. ئۇرۇشۇپ قالغاندىن كېيىن ئۇنىڭغا ئۆزىنى تۇتىۋېلىشقا ۋاقىت بەرمەڭ ، ئەمەلىيەتتە ئۇ ئۆزىنى تۇتىۋېلىشقا مۇھتاج ئەمەس ، بەلكى ئۇ سىزنىڭ ئۇنىڭغا گەپ قىلىپ تىنچلاندۇرىشىڭىزغا مۇھتاج .

10. ئۇنىڭ يىغلىغۇسى كەلگەندە ئاۋال سەۋەبىنى سورىماڭ ، ھەر قانداق ۋاقىت ھەر قانداق ھالەتتە ئاۋال ئۇنىڭغا بىر مۈرىڭىزنى يۆلىنىشكە بېرىڭ .

11. ئۇ بىر قىسىم ئەمەلىيەتكە ئۇيغۇن كەلمەيدىغان رومانتىكلىقنى ئارزۇ قىلغاندا ، ھەرگىز قوپاللىق بىلەن ئۇنىڭ خىيالىنى بۆلىۋەتمەڭ ، بىلسىڭىز ئارزۇسىمۇ يوق ئايال ئىنتايىن قورقۇنۇشلۇق .

12. ئاياللارنىڭ ھەممىسى سۇدىن تۈزۈلگەن . شۇڭا ئۇنىڭغا قىزغىن مۇئامىلە قىلىڭ ، ئۇنىڭغا سوغوق مۇئامىلە قىلماڭ ، ئەگەر سوغوق مۇئامىلە سەل چەكتىن ئېشىپ كەتسە ئۇنىڭ يۈرىكى مۇز تۇتۇپ كېتىدۇ ، ئاندىن سىزنىمۇ توڭلىتىۋىتىدۇ .

13. ئاياللارنىڭ كۆز يېشىنىڭ ھەممىسىلا قىممەتلىك ئەمەس ، بىراق سىز چوقۇم ھەر بىر قېتىملىق كۆز يېشىنى قىممەتلىك دەپ بىلىشىڭىز كېرەك ، بۇنداق بولغاندا ئۇ خالىغانچە يىغلاۋەرمەيدۇ .

14. ئاياللارنىڭ ھەممىسى ھېسىياتچان كېلىدۇ ، شۇڭا ھەمىشە سىزنىڭ ئەقلىڭىز يەتمەيدىغان ئىشلارنى قىلىپ قويىدۇ ، چۈشەنسىڭىز بۇ ئۇنىڭ كۆيۈنىشىڭىزگە مۇھتاج بولغىنى .

15. ئايالىڭىزنىڭ سىزنى تىللىغىنى سىزنى سۆيگەنلىكى ئۈچۈن ، ئۇرغىنىمۇ يەنىلا سىزنى سۆيگىنى ئۈچۈن . بۇ خىل تەرپلىرى ئەرلەرنىڭ ئىپادىلىشى بىلەن پۈتۈنلەي قارىمۇ قارشى ، بىلىۋالدىڭىز ھە .

16. مۇلايىم ئاياللارنىڭمۇ ئاچچىقى بولىدۇ ، قەيسەر ئايالنىڭمۇ ئاجىزلىقى بولىدۇ ، مۇستەقىل ئاياللارنىڭمۇ يەنە جاھىل تەرەپلىرى بولىدۇ ، سىز ئۇنى ياخشى كۆرۈپ تاللىغان ئىكەنسىز بۇلارنى قوبۇل قىلىڭ ، ئۇنىڭ ھەممە تەرەپلىرىگە كەڭ قورساق بولۇڭ .

17. سۆيۈملۈك ئايالىڭىزغا سوۋغا بېرىڭ ، سىزنىڭ پۇل تېپىشىڭىز نېمە ئۈچۈن ؟ ئەمىلىيەتتە سىزنى ھەقىقىي سۆيىدىغان ئادەم ھەرگىز پۇلىڭىزنى قالايمىقان خەجلىۋەتمەيدۇ . شۇ سىز پىخسىقلىق قىلسىڭىزلا ئۇنىڭ سىز بىلەن قېرىشقۇسى كېلىدۇ .

18. ئۇنى باشقىلار قوغلىشىدۇ ، دىمەك بۇ ئۇنىڭ ناھايىتى جەلىپكار ئىكەنلىكىنى بىلدۈرىدۇ ، بۇنىڭ ئۈچۈن ئورۇنسىز ئاچچىقلاپ ، كۈنلىمەڭ ، ھەم ھەرگىز خاتا چۈشەنمەڭ ، ئەكسچە ئۇنى تېخىمۇ ياخشى كۆرۈپ ، باشقىلاردىن قوغداڭ .

ئاياللار تولىمۇ نازۇك ، دىلى ئاغىرسا باشقىلاردىن بەكىرەك سىزنىڭ تەسەللىرىڭىز ئۇنىڭغا قايتا ئۈمىد بېغىشلىيالايدۇ . ئازاپلىرىنى يوق قىلىۋېتەلەيدۇ ، چېھرىنى كۈلدۈرەلەيدۇ . سىزدىكى پەرۋاسىزلىق ئۇنى گىياھسىز چۆل – جەزىرىلەرگە ئاپىرىپ تاشلايدۇ ، يار – يۆلەكسىز ، يىگانە قالدۇرۇپ قويىدۇ .

بىر چاغلاردا پۈتۈن ئىشتىياقىڭىز بىلەن قوغلاشقان ، ھەتتا ئۆزىڭىزنىڭ سايىسىدىنمۇ قىزغىنىپ تۇرۇپ سۆيگەن ، قىلچىلىك ئازار يېتىشنى خالىمايدىغان ئاتا – ئانىسىنىڭ ئەركە مەلىكىسى ،شۇ سۆيۈملىۈكىڭىز مانا ھازىر سىزنىڭ ئايالىڭىز بولدى . يەنە تېخى باغرىنى يېرىپ تۇرۇپ سىزگە پەرزەنت تۇغۇپ بەردى ، ئائىلىڭىزنى ، پەرزەنتىڭىزنى جېنىدىن ئەزىز كۆردى ، قىيىنچىلىقلارنى تەڭ كۆتۈردى . بەلكى تۇرمۇشنىڭ جاپالىرى ئۇنىڭ بۇرۇنقى گۈزەللىكىنى بارغانسىرى ئاجىزلاشتۇرۇپ ، ئايدەك يۈزىگە يىللارنىڭ ئىزلىرى چۈشكەندۇ ،چۈنكى ۋاقىت ھەممىنى ئېلىپ كېتىدۇ .

ئەجىبا سىز ئۈچۈن ، پەرزەنت ھەم ئائىلە ئۈچۈن شۇنچە تىرىشىۋاتقان بىر نازۇك كۆڭۈلگە ئازراق بولسىمۇ كۆيۈنۈش قولىڭىزدىن كەلمەمدۇ ؟

توغرا مەن ئىشلەپ پۇل تېپىۋاتىمەن ، پۇل تېپىش ئاسان ئەمەسكەن دېيىشىڭىز مۇمكىن . ئايالىڭىزمۇ سىزگە ئوخشاشلا خىزمەت قىلىپ جاپا تارتىۋاتىدىغۇ ؟ بىلسىڭىز پۇل ھەممىگە قادىر ئەمەس ، پۇل بىلەن پەس كۆڭۈللەرنى سېتىۋالغىلى بولسىمۇ سۈزۈك قەلبنى سېتىۋالغىلى بولمايدۇ . شۇڭا پۇل بىلەن كۆڭلىنى ئېلىۋالىمەن دەپمۇ ئويلىماڭ ، ھەر قانداق ئىش ياكى سۆز دەل ۋاقتىدا بولغىنى ياخشى .