ئاي يۇرۇتقان كىچە

بۇ يازمىنى ئاخىرىدا   bagyar تەھرىرلىگەن. ۋاقتى  2013-7-22 12:12  

   -قاراپ تۇرماي پۇلنى ئېلىپ چىق.بېرىدىغان باشقا نەرسەڭ بولسىمۇ بولىدۇ.
   -يىزا باشلىقى، ماڭا  ئىككى كۇن مۆھلەت بەرسىلە.مەن ئىككى كۇندىن كيىن ئاپىرىپ بىرەي ماقۇلمۇ؟
    -غېنىجان،دەپتەرگە قاراپ باقە سايىت ئىمام ئائىلىسى تۆۋەن تۇرمۇش كاپالىتىدىن بەھرىمەن بولامدىكەن؟ئۇ ئۆزىنىڭ تۇغىنى  ماڭىمۇ قارىتىۋاتاتتى.دەپتەرگە قاراپ باقسام سايىت ئىمام ئائىلسى بارئىكەن.
   -سايىتكا،سىزمۇ تەتۇرلۇك قىلماي،پۇل بولسا ئېلىپ چىقىڭ.ھېلى بىكار تۇۋەن تۇرمۇش كاپالىتى پۇلىڭىزنى توختىتىۋىتىمز.بۇ توغرىسىدا يىزىلىق ھۆكۇمەتنىڭ ئېنىق ئۇقتۇرۇشى بار.كىيىن ئۆزىڭىز ئىڭەكىنى سىلاپ «ئەستا » دەپ ئولتۇرغاننىڭ پايدىسى يوق. سايىتكامنىڭ چىرايى شۇ ھامان ئۆڭۇپ كەتتى.
   -سىزدىن خوش بولۇپ قالاي يىزا باشلىقى،ئۇنداق قىلمىساڭلار.ئىككى بالام ئالى مەكتەپتە ئوقۇيدۇ.ئۇ پۇلنى تۇتىۋالساڭلار مەن قانداق قىلمەن؟باللارنى قانداق ئوقۇتىمەن؟سايىتكام يىغلامسىراپ يالۋۇرۇشقا بالشلىدى.
    -ئەمىسە، ئاۋۇ، ئوغلىقىڭىنى بىزگە بېىرپ تۆت كۇندىن كىيىن قالغان پۇلنى ئاپىرىپ بەر.
      قاسىم ئېلى گەپنىڭ ئاخىرى تۇگگىچە قوتانغا سەكىرىپ كىرىپ ئوغلاقنى تۇتۇپ چىقىتى.سايىتكام ئۇنىڭ ئالدىغا يۇگرەپ باردىيۇ،غىڭ قىلالمدى.چۈنكى يىزا باشلىقى ئۇنىڭىغا مىختەك قادىلىپ تۇرغانىدى.بىچارە ئوغلاق ئىگىسىدىن ئايرىلشقا قىيمىغاندەك،بىر نەچچىنى ئېچىنىشلىق مەرەپ توختاپ قالدى.قاسىم ئېلى بىچارە ئوغلاقنى تۆت پۇتىدىن باغلاپ ماشىنغا باستى.
    -پۇلنى چوقۇم تۆت كۇندىن كيىن ئاپىرىپ بەر،بولمىسا ئۆزۇڭگە ياخشى بولمايدۇ.يىزا باشلىقى شۇنداق دېگەچ ماشىنىنى قوزغىدى.
     سايىتكامنىڭ  نىمە ئويلاردا بولۇپ قالغانلىقىنى بىلمىدىم.ماشىنىدا كىتىۋاتىمەن.ئاجايىپ بىر ھېستا بولۇپ قالدىم.بىزنىڭ بۇنداق قىلغىنىمىزنىڭ ئوغرىلىق ياكى بۇلاڭچىلىقتىن نىمە پەرقى؟ھەي! بىچارە دېھقان ئاشۇ ئوغلاقنى نىمە ئارزۇلار بىلەن باققان بولغىيدىڭ؟
    -بۇنداقلارغىچۇ! غېنىجان مۇشۇنداق قىلمىساق بوينىمىزغا مىنىمىز دەيدۇ.شۇڭا بۇلارنى مۇشۇنداق سەگىتىپ قويمىساق بولمايدۇ.يىزا باشلىقى مېنى ئۆزىنىڭ كىچىكىگە باشلاۋاتاتتى.
    -شۇ مۇشۇنداق قىلمىساق پۇلنى ۋاقتىدا يىغقىلى بولمايدۇ.ئۇنىڭ ئۇستىگە ئۇلارنى مۇشۇنداق چۆچۇتمىسەك بولمايدۇ.بۇنى چۆجىنى ئۆلتۇرۇپ،توخۇغا  ئىبىرەت قىلىش دەيمىز.ئەمدى دېھقانلار تۇرلۇك يىغىلدىغان پۇللارنى ئۆزى ئەكلىپ بىرىدۇ.قاسىم ئېلى ئۇستاسىياساتۋازلاردەك ،سۆزلەپ مېنىمۇ بۇ ئىشقا قىلماقچى بولىۋاتاتتى.كۆڭلۇم چىۋىن يەۋالغان ئادەمدەك بىئارام بولۇپ،يۇزۇم چاقىرىلمىغان يەرگە بېرىپ قالغان مىھماندەك چىملداۋاتاتتى.ئۇ ئىككىسى ھەدەپ ئۆزىنىڭ بۇ قىلمىشغا پەتىۋا بىرىشىپ ،ئۆزلىرىنى ئالدىشىۋاتاتتى.كۆز ئالدىمدا ئىككى تۇلكە يايلاقتا تىنەپ قالغان كىيككە قان تامچىپ تۇرغان ئېغىزلىرىنى يالاشقىنىچە خىرىس قىلۋاتاتتى.
    كەچتەيىزىدىكى بارلىق كادىرلار يىغىلىپ ھېلىقى ئوغلاقنى «كاۋاپ قىلىپ يەيلى» دەپ ئولتۇرساق،ناھىيدىن كىچىلىك نۆۋەتچىلىك  ئەھۋالىنى تەكشۇرۇپ كىلىپ قالدى ئىمام يىزا باشلىقى ئۆزىگە خاس بولمىغان بىر خىل چاققانلىق بىلەن ئورنىدىن تۇرۇپ:
   -كامىل شۇجى،كىلىڭ«ياخشى مىھمان ئاش ئۇستىگە كىلەر» دېگەندەك بۇ بىر چىشلەم لوقمىدا سىزنىڭمۇ رىسقىڭىز بار ئىكەن.دەپ ئۇنى تۆرىگە تەكلىپ قىلدى  باشقىلارمۇ ئورنىمزدىن تۇرشۇپ ئۇنى بىر ئېغىزدىن مەدھىيلەپ تۆرىگە ئولتۇرغۇزدۇق.ئۇ ھەممەيلەنگە بىر قۇر نەزەر تاشلىۋىتىپ كۆرسەتكەن جايغا كىلىپ ئولتۇردى.قاسىم ئېلى كاۋاپنىڭ ياخشى پىشقان يېردىن ئىككى زىخ ئېلىپ كىلۋىدى،يىزا باشلىقى ئۇنىڭدىن ئېلىۋېلىپ،ئىگىلىپ تۇرۇپ شامىل شۇجىنىڭ ئالدىغا قويدى:
    -شۇجى، بايا  كەنىتلەرگە پۇل يىغقىلى چىققان بىر دېھقان بويۇنتاۋلىق قىلىپ،پۇلنى بەرمىگەندى.قارىسام قورۇسىدا قارا بىر ئوغلاق چېپىپ يۇرۇيدۇ.«ماشىننىڭ بارغان كىراسىغا سۇندۇرىمەن» دەپ ئېلىپ كەلگەن.كادىرلار«قورسىقىمىز ئېچىپ كەتتى ئوغلاقنى يىسەك» دېگەن.شۇنىڭ بىلەن ھەممەيلەن  يىغلىپ ئولتۇرغانىدۇق.يىزا باشلىقى بۇگۈنكى ئولتۇرۇشنىڭ بېشى ئۆزى ئىكەنلىكىنى پەش قىلىش ئارقىلىق،ئۇنىڭ ئىشەنچىسىگە ئېرىشىپ،ئۆزىنىڭ دۇمبىقىنىڭ ئاۋازىنى تېخىمۇ جاراڭلىق  چىقارماقچىدى.
      ئۇنىڭ بايانىنى ئاڭلىغان شۇجى تەخسىگە ئۇزتۇپ بولغان قولىنى تارتىۋالدى.
      -نىمە ؟ سىلەرنىڭ بۇ نىمە قىلغىنىڭلار؟ ھەممەيلەن ئۇنىڭ ئاغزىغا قاراشتۇق،-سىلەر خىزمەتنى دېھقانلەرنى  مۇشۇنداق قاقشىتىپ ئىشلەمسىلەر؟ئۇ دېھقاننىڭ ئۆيىدە نىمشقا پۇل يوق ئىكەن؟قايسىڭلار ئۇلارنىڭ ئەھۋالىنى ئىگىلەپ باقتىڭلار؟سىلەرنى پارتىيە ھۆكۇمەت ئەتىۋارلاپ ئىشلتىۋاتسا،سىلەر مۇشۇنداق جاۋاپ بىرەمسىلەر؟ سىلەرنىڭ ۋەھشى يىرىتقۇچتىن نىمە پەرقىڭلار؟قاسىم ئېلى ئۆزىنى ئاللىبۇرۇن دالدىغا ئېلىپ بولغانىدى.ھەممەيلەن بىر ماڭا،بىر يىزا باشلىقىغا قارىشاتتى.
    يىزا باشلىقنىڭ سىكۇنىت ئالدىدىكى مەغرۇر ھالتى يوقالغانىدى.ئۇ سۇغا چۇشۇپ كەتكەن ئوغرى مۇشۇكتەك  تۇگۈلۈپ كەتتى.ئەتىراپتىكلەردىن بىرەر يانتاياق چىقىپ قالاېمىكىن دېگەن ئۇمۇدتە ھەممەيلەنگە بىچارىلەرچە قارايتى،.ىچىمدىن شۇنداق بىر مەسخىلىك كۇلكە كۆتۇلدىكى،ئۆزۇمنى ئاران تۇتۋېلىپ،-ئۇ دېھقاننىڭ ئىككى بالىسى ئالى مەكتەپتە ئوقۇيدىكەن.بار پۇلىنىباللارنىڭ ئوقۇشى ئۇچۈن ئىشلىتىۋەتكەنىكەن.دېدىم دادىلىق بىلەن.يىز باشلىقى ماڭا غەزەپ ئارىلاش ھومىيىپ قاراپ قويدى.
       -ھەر قايسىڭدا ۋىجىدان دېگەن نىمە بارمۇ؟ئاشۇ بىچارە دېھقاندا ھەرقايسىڭنىڭ ئاداۋىتى بارمىدى؟ئۇنىڭ بالىلىرىنى تار لىۋىگە ئىتىترگۇدەك.مۇشۇندا چەت نامرات يىزىدا بىر دېھقان ئىككى بالىسىنى ئالى مەكتەپتە ئوقۇتىۋېتىپتۇ،ھەر قايسىڭ ئۇنىڭغا ياردەم بەرمەكتە يوق،ئۇنى پۇتلاشساڭ قانداق بولىدۇ؟ئاشۇ بىچارە دېھقانلار  ھەر قايسىڭنىڭ قېرىندىشى  ئۆز مىللىتىڭ ئەمەسمۇ؟مۇشۇنداق قىلشساڭ خەلىققە يۇز كىلىشەلەمسەن؟ئەڭ ئەقەللىيسى ئۆزۇڭنىڭ ۋىجىدانىڭغا يۇز كىلشەلەمسەن؟ھەر قايسىڭنىڭ ئالدىدا بويۇن قىسىپ تۇرغان ئاشۇ بىچارە دېھقانلارنىڭ ئازغىنە يىرىدىن باشقا نىمىسى بار؟ئۆزۇڭنىڭ قېرىندىشى ئۆزۇڭنىڭ مىللىتى بولغان شۇ دېھقانلارنى قانخورلارچە شوراشساڭ،سەنلەرنى نىمىگە ئوخشاتقىلى بولسۇن؟ئۆزۇڭنىڭ يۇرۇتڭدىن چىققان بىر دېھقان ئىككى بالىسىنى ئالى مەكتەپتە ئوقۇتىۋېتىپتۇ.ئۇنىڭغا ياردەم بەرمەكتە يوق غاجاشساڭ.مۇشۇ يەردە ئولتۇرغانلارنىڭ قايسىڭنىڭ بالىسى ئالى مەكتەپتە ئوقۇيدۇ؟سەنلەرنىڭغۇ،ئانچە-مۇنچە مۇئاشىڭ بار.بىراق دېھقانلارنىڭچۇ!سىز مېنىڭ ماشىنامدا بېرىپ شۇ دېھقاننى ئېلىپ كىلىڭ.ئۇنىڭ بىلەن ئۆزۇم سۆزلىشىمەن.دېدى شۇجى  بىر ھازا ئىسىلىپ تۇرۇپ سۆزلىگەندىن  كىيىن.   بۇ يازمىنى ئاخىرىدا   م.ق.غەرىبى تەھرىرلىگەن. ۋاقتى  2013-7-24 18:02  

    خەنزۇ شوپۇر ئەتىمالىم مېنى خەنزۇچە بىلمەيدۇ.دەپ ئويلىغان بولسا كىرەك،يولبۇيى ماڭا گەپ قىلمىدى.مەن ماڭدىغان يولنى دەپ بەردىم.بارساق سايىتكام ئاينىڭ يۇرۇقىدا بىدە توغراۋاتقانىكەن.
   -سايىتكا،ناھىيدىن باشلىق كەلدى.ئۇلار سىز بىلەن كۆرۇشمەكچى.بولۇڭ ماشىنىغا چىقىڭ.دېيشىمگە سايىتكام يالۋۇرۇپ تۇرۇپ:
   -ئوبدان ئۇكام ئۇ باشلىققا مېنى يوقكەن دەپ قويۇڭ.مېنىڭ ئەھۋالىم بايقى.مەندە بىر تىيىن پۇل يوق.بالا ئوقۇتقانغا سازايى قىلدۇرۋەتمەڭلار يەنە.ئۇنىڭ گەپلىرى تىترەپ-تىترەپ چىقاتتى.
   -ئەستا،سايىتكا ئۇ باشلىق سىزدىن پۇل ئالغىلى كەلمەپتۇ.بايىقى ئوغلىقىڭىزنى كادىرلار يىغىلىشىپ ئولتۇرۇپ «يەيلى» دەپ تۇرساق،دەل شۇ چاغداناھىيىدىن باشلىق كىلىپ قالدى.ئىشنىڭ تېگى تەكتىنى بىلىپ مېنى سىزنى ئېلىپ كىلىشكە ئەۋەتتى.ھېچ بولمىسا ئوغلىقىڭىزنىڭ پۇلىنىمۇ بولسا يىغىپ بىرەر.ئۇ باشلىق سىزنىڭ ئەھۋالىڭىزنى ئۇقۈپ ھېسداشلىق قىلدى. بارمىسىڭىز بەك سەت تۇرىدۇ.بېرىپ دەردىڭىزنى بولسىمۇ دېيۋېلىڭ.
   -بوپتۇ ئۇكام،ئۇنداق بولسا باراي.ئۇ توغراپ بولغان بىدىنى ئېشكىگە تاشلاپ بېرىپ،دەرۋازىغا قۇلۇپ سېلىپ بولۇپ ماشىنىغا چىقتى.
   كەلسەك بارلىق كادىرلار سالپىيپ ئولتۇرۇشۇپتۇ.شۇجى سايىتكامنى كۆرۇپلا ئورنىدىن تۇرۇپ ئۇنىڭغا سالام قىلدى؛
   -كەلسىلە،ئاكا،سالامەت تۇرۋاتاملا؟باللارنىڭ ئوقۇشى قانداقراق؟قىينىلىپ قالمايۋاتقانسىز؟دەپ ئۇنىڭىدىن ئەھۋال سوراپ ئورۇندۇققا تەكلىپ قىلدى.
    سايىتكام بۇ ئەھۋالنى كۆرۇپ پۇتۇنلەي مەڭدەپلا قالدى.ئۇ خۇددى نىپىز مۇز ئۇستىدە مېڭىۋاتقان ئادەمدەك ئاۋايلاپ كىلىپ شۇجىنىڭ قېشىدا ئولتۇردى.
   -قېنى ئۆزىڭىزنىڭ ئوغلىقى  بولغاندىكىن تارتىنماي بەھۇزۇر ئېلىڭ.ئوغلىقىڭىزنى سىزنىڭ ئۆيىڭىزدىن كىم قانداق ئېلىپ كەتكەن بولسا،شۇنداق تۆلەپ بېرىدۇ.بىز كادىرلارغا ھېچقاچان ئۇنداق بەلگىلىمە چىقىرىپ بەرگەن ئەمەس.سىز خاتىرجەم بولۇڭ.مېنىڭمۇ ئىككى بالام ئالى مەكتەپتە ئوقۇيدۇ.بالا ئوقۇتۇشنىڭ،بولۇپمۇ سىلەردەك دېھقانلارنىڭ بالا ئوقۇتۇشنىڭ قانچىلىك قىيىن ئىكەنلىكنى مەن چۇشىنىمەن.بايا سىزنىڭ پۇلنى نىمشقا بىرەلمىگەنلىكىڭىزنى ئاڭلىدىم.ھەرقانچە قىيىنچىلىق تارتسىڭىزمۇ،باللارنى ئوقۇشسىز قويماڭ.باللار ئوقۇش بىلەنلا كىلەچىكىنى تاپالايدۇ.سىلەرنىڭ بۇنداق چەت،يىراق يىزدىن ئىختىساسلىق  كىشلەر چىقسۇن.يۇرۇتۇڭلار گۇللەنسۇن.بالىلرىڭىزنى ئوقۇتۇشتىن غەم قىلماڭ.مانا مەن سىزگە ياردەم بىرىمەن.باللارنى ئوقۇشتىن توختىتپ قويماڭ.
    دېھقانلارنىڭ كۆڭلى شۇنداق نازۇك بولامدۇ قانداق؟ سايىتكامنىڭ گەپ سۆزلىرى ھاياجانلانغانلىقتىن تىترەپ ئاران چىقاتتى.ئۇ شۇجىنىڭ قولىنى تۇتۇپ تۇرۇپ؛
   - سىلىگەرەھمەت شۇجى،باللارنى ئۆزۇم  ئوقۇتۇپ كىتەلەيمەن.
   -سىز تۆۋەن تۇرمۇش كاپالىتىدىن بەھرىمەن بولامسىز؟ سوردى شۇجى.
   -شۇنداق.ئوقۇۋاتقان ئىككى بالام بەھرىمەن بولاتتى..بۇ يەردىكى كادىرلار «تۆۋەن تۇرمۇش كاپالىتى پۇلىڭىزنى تۇرلۇك ھەقلەرگە تۇتۇپ قالدۇق.باللىرىڭىز تۆۋەن تۇرمۇش كاپالىتى سىياسىتىگە ئاساسەن مەكتەپتىن تۇرلۇك ئىتىبارلارغا ئېرىشكەندىكىن بولدى» دەپ  ھازىرغىچە پۇل بەرمىدى دېدى.شۇجى ئەتىراپىدىكىلەرگە شۇنداقمۇ دېگەن مەنىدە بىر قاراپ قويدى.
   -نىمە شۇنداق ئىشلارمۇ بارمۇ تېخى؟ سىز خاترجەم بولۇڭ.يېقىندا يۇقىرىدىن يىز-كەنىت كادىرلىرىنىڭ خىزمەت ئىستىلى،پاكلىق ئىستىلى،تۇرمۇش ئىستىلى توغرىسىدا تەكشۇرۇش گۇرۇپپىسى چۇشۇرۇلىدۇ.شۇ چاغدا نىمە دېيشىدىكەنمىز قېنى ؟ سىزنىڭ نەچچە پۇل قەرىزىڭىز بارئىدى؟
   -بىر مىڭ يەتتە يۇەن.ئۇ خېلى دادىللىشىپ قالغانىدى.
   -مۇشۇ ئولتۇرغان بارلىق كادىرلار سىزنىڭ ئۇ پۇلىڭىزنى تۆلەيدۇ.بوغالتىر سايىتكامغا پۇلنى تۆلۇپ بولغانىلىق توغرىسىدا ھۆججەت بەر.ئاندىن ھەربىر ئادەمدىن ئەللىك يۇەندىن يىغ.سەنلەرنى كىم دېھقانلارنىڭ مېلىنى خالىغانچە ئېلىۋالسۇن دەپتۇ.
   -شۇجى بۇنداق قىلساق...كىكەچلىدى.ياسىن بوغالتىر.
   -ئۆزۇڭ يىغامسەن ياكى مەن يىغايمۇ؟
   -ھەممەيلەن غىڭ قىلماي پۇلنى تۆلىدۇق.بوغالتىر سايىتكامغا ھۆججەت يېزىپ  بەردى.
   -بۇنىڭدىن كىيىن قانداق قىيىنچىلىق بولسا،مېنى ئىزدەڭ.مېنىڭ سىز دېمەتلىك بىر ئاكام بار ئىدى.ئۇ «ئىككى بالامنى ئالى مەكتەپتە ئوقۇتىمەن» دەپ تارتمىغان جاپاسى قالمىغان.ئېتىز-ئېرىق ئىشلىرىدىن بىكار بولسا،قۇرلۇش ئورۇنلىرىدا ئىشلەپ پۇل تېپىپ باللىرىنى ئوقۇتىۋاتقانىدى.«ئۇكام سەن ھۆكۇمەت ئىشىنى قىلدىغان ئادەم.ئۆزۇڭنى پاك تۇتساڭ،دېھقانلارغا كۆپرەك كۆڭۇل بۆلسەڭ، مەن شۇنىڭىدىن رازى.بىز  دېھقانلار بىر ئۆمۇر  پاك،ھالال ياشاپ ئۆمىرىمىزنىڭ ئاخىرىدا ھېچقانداق يار-يۆلەكسىز قېلىپ ئۆتۇپ كىتىمىز.سەن بولساڭمۇ دېھقانلارنىڭ ھالىغا  يەتكىن».دەپ مېنىڭ ياردىمىمنى ھەرگىز قوبۇل قىلمايتى.بۇ يىل يازدا قۇرلۇش ئورنىدا ئىشلەۋېتىپ،بېشىغا تۆمۇر جازا چۈشۈپ كىتىپ قازا قىلدى.بايا سىزنىڭ ئەھۋالىڭىزنى ئاڭلاپ چېچىلىپ قالدىم.ئۇنىڭ سۆزلىرىنى ئاڭلاپ،ئۇنىڭىغا ھېسداشلىقىم قوزغىلىپ قالدى.ھەممەيلەن قاققان قۇزۇقتەك تۇرشاتتى.-ئاكا،ئۆزىڭىزنى كۆپ ئاسىراڭ.ئۇ شۇنداق دەپلا سىرتقا يۇگىردى.بىر-بىرلەپ ئۇنىڭ كەينىدىن چىقتۇق.ئۇ نېراقتىكى بىر تۈپ قاپاقتىرەك تۇۋىدە بوقۇلداپ يىغلىغىنىچە ئولتۇراتتى.
   -ئۇكام،كۆڭۇللىرىنى بۇزمىسىلا. ئاللاھ ئاكىللىرىغا شۇنچىلىك ئۆمۇر بىرىپتىكەن.«بەندە ئۆلمەس،رىسقى تۇگمەس» دەپتىكەن.ئاكىللىرىنىڭ رىسقى شۇنچىلىك ئوخشايدۇ. ياراتقان ئىگەم ھەممەيلەنگە سەۋىر ئاتا قىلسۇن.دەپ ئۇنى يۆلەپ تۇرغۇدى.ئىككىسى بىر-بىرنىڭ قولىنى تۇتۇشۇپ خېلى ئۇزاق تۇرۇشتى.
   -كەچ بولۇپ كەتتى.مەن ماڭاي.بايا ھەممىڭلارغا چېچىلىپ قالدىم.مۇشۇنداق ئىشلارنى ئاڭلىساملا ئاكام يادىمغا كىلىپ قالىدۇ.ئۇنىڭغا نىمىشقىمۇ كۆپرەك ياردەم بەرمىگەندىمەن. دەپ ئۆز-ئۆزۇمگە ئۆكۇنۇپ كىتىمەن.سىلەرمۇ ئارام ئېلىڭلار.شۇجى شۇنداق دەپ ماشىنا تەرەپكە ماڭدى.
    -ئەمىسە ئاۋايلاپ ماڭسىلا شۇجى، ۋاقتىم بولسا سىلىنى يوقلاپ بارىمەن.خوش خۇداغا ئامانەت.دېدى سايتىكام.
   -بولىدۇ،يوقلاپ بارسىلا ،سىلىنى قارشى ئالىمەن.شۇجى شۇنداق دېگەچ تېلفۇن نۇمىرىنى يېزىپ سايىتكامغا بەردى.
    ھەممەيلەن ئۇنىڭغا  بىر ئېغىزدىن ئامان-ئېسەنلىك تىلەپ شۇجىنى يولغا سېلىپ قويدۇق.ماشىنا بىزدىن يىراقلىغانسىرى بىر خىل مىھىر-مۇھەببەتنىڭ بۇ يەردە بىخ سۇرىۋاتقانلىقىنى ھېس قىلىۋاتاتتىم.
   -سايىتكا ماشىنغا چىقسىلا، مەن سىلىنى ئۆيلىرىگە ئاپرىپ قوياي.ئەسلىدە ھايات دېگەن شۇنچىكلىكلا ئىكەن.شۇجى مېنىڭ روھىمدىكى ئۆسمىنى ئېلىۋەتتى.يىزا باشلىقىنىڭ ئاۋازى كۆكتىكى جىمىرلاپ تۇرغان يۇلتۇزلارنى خوش قىلىۋەتكەن بولسا كىرەك.يۇلتۇزلار تېخىمۇ نۇرلۇق چاقناپ كەتكەنىدى.تۇمان ئارسىغا  مۆككەن ئايمۇ خۇشال بولغاندەك،تېخىمۇ نۇرلۇق بولۇپ ئەتىراپنى كۇندۇزدەك يۇرىتىۋەتكەنىدى.مۇزلاشقا باشلىغان تىنىم خېللا ئىللىپ قالغانىدى.ماشىنا سۇتتەك ئايدىڭدا كىتىۋاتاتتى.كۆكتىكى ئاي مۇھەببەتلىك سىمالىرى بىلەن توپىلىق يوللارنى يۇرتۇپ كىشلەرنىڭ يۇزلىرىنى مۇھەببەت نۇرلىرى بىلەن سىلايتى. بۇ يازمىنى ئاخىرىدا   م.ق.غەرىبى تەھرىرلىگەن. ۋاقتى  2013-8-2 11:07