باغرىمدا تۆك يېشىڭنى

بولمىسا گەر ھېچكىم يېنىڭدا،
سەن ئازابنى يۇتقان چېغىڭدا.
سۆيۈلۈشنى ئىزدىسەڭ شۇ دەم،
دوستلىرىڭنى تاپالمىساڭ ھەم.
قېچىپ كەتسەڭ مۆكەلمەي بىراق،
كېچىلىرى قىينىسا پىراق.
تەقدىرىڭدىن بولما پەرىشان،
ئەركىنلىك ئۇ ھەممىدىن ئوبدان.
كېرەك بولسا يىغلىماق گۈزەل،
باغرىم ئاچاي يېنىمغىلا كەل.
تەسەللىگە بولغاندا ھاجەت،
توڭلاتقاندا يۈرىكىڭنى دەرت.
مەن سۆيۈشنى بىلدۈرۈپ قوياي،
ئاسمىنىڭغا چىقمىغاندا ئاي.
جەننەت ئۇمۇ بولسا مىڭ قەدەم،
كۈنلىرىڭدە بولاي ساڭا جەم.
كەچلەر سوغۇق بولسا ھەم دەرتلىك،
كۈنلىرىڭ شاد قىلماي قىلچىلىك.
يېنىڭدا مەن بولاي تائابەت،
مۆكۈشنى سەن ئويلىما پەقەت.
كېرەك بولسا يىغلىماق گۈزەل،
باغرىم ئاچاي يېنىمغىلا كەل.
تەسەللىگە بولغاندا ھاجەت،
توڭلاتقاندا يۈرىكىڭنى دەرت،
سۆيۈش ئۈچۈن بەر ماڭا پۇرسەت.
كېرەك بولسا يىغلىماق گۈزەل،
باغرىم ئاچاي يېنىمغىلا كەل.
تەسەللىگە بولغاندا ھاجەت،
توڭلاتقاندا يۈرىكىڭنى دەرت،
سۆيۈش ئۈچۈن بەر ماڭا پۇرسەت.
سۆيۈپ ئالاي سېنى قەدىرلەپ،
سۆيۈپ ئالاي سېنى قەدىرلەپ،
سۆيۈپ ئالاي سېنى قەدىرلەپ.
ئېنگلىزچە «Cry On My Shoulder» دېگەن ناخشىنىڭ تېكستىدىن تەرجىمە قىلىندى.

تەرجىمە ئۆزىڭىز يازغاندەك راۋان، پاساھەتلىك چىقىپتۇ...

تەرجىمە تىلى راۋان چىقىپتۇ ، ئاشىقنىڭ يۈرىكى «مانا مەن » دەپ تۇرغىدەكلا ... رەھمەت ، قېنى ناخشىسى ؟ مىنىڭ ناخشىسىنىمۇ ئاڭلىغۇم كىلىۋاتىدۇ ...چۇقۇم لىرىكىلىق ناخشا....

تارىمدىكى شېئىرلىرىڭىزنى ئۇقۇپ، شۇنداق ھوزۇر ئالدىم، ئۈزۈلمەي ئېقىۋاتقان سۇدەك سۈزۈك ھەم شئېرىي راۋانلىق مېىنى ئىخىيارسىز شئېر ئىچىگە باشلاپ كىردى، سىزنى ئارتۇق ماختىمايمەن، لېكىن سىزنىڭ شېئريەتكە ئاشىق ئىكەنلىكىڭىزنى، بۇ سادىقلىق سىزنى نۇرانە مەنزىلگە باشلاپ مېڭىۋاتقانلىقىنى بىلىمەن. يوللىرىڭىز گۈزەل بولسۇن!

ئۇستازىم شېئىرلىرىڭىزنى ئۇقۇپ شۇنداق ھوزۇر ئالدىم، تەرجىمە راۋان،  پاساھەتلىك چىقىپتۇ  ،يوللىرىڭىز گۈزەل بولسۇن،قەلىمىڭىزگە كۆز تەگمىسۇن ،سىزگە ئۇتۇق تىلەيمەن!!!!!!!!!!!!!!!

تەسەللىگە بولغاندا ھاجەت،
توڭلاتقاندا يۈرىكىڭنى دەرت،
سۆيۈش ئۈچۈن بەر ماڭا پۇرسەت
........................................
نىمە دىگەن ئىسىل  مىسرالار  بۇ ؟  خۇددى  مىنى  يازغاندەكلا؟  كىم ئوقۇسا  شۇنى  يازغاندەكلا ؟

ھەقىقەتەن تىلى راۋان تەرجىمە بوپتۇ، بىر لىرىك ناخشىدەك.