ئۆزيول: شېئىردىكى غېرىبلىق

ئۆزيول · ۋاقتى: 2013-7-10 10:26:00


	شېئىردىكى غېرىبلىق مۇختار داۋۇت تاملارنىڭ ئېتىدەك تۇرار قاغجىراپ، قىزىلگۈل بەرگىدە ئېچىلغان ھىجران. قېرىغان دەرەخنىڭ قوۋزاقلىرىدەك، يالىڭاچ تۇرىدۇ نازۇك ھاياجان. سۆزلەردىن پىچىلغان جۇلالىق تونلار، نەلەردە يۈرگەندۇر سولۇپ نائىلاج. ئۇ ئەسلى مىسرالار نازاكىتىدۇر، شاھلارنىڭ تەختىدە يالتىرىغان تاج. قۇرغاقلىق دىللارنى قىلىدۇ بەتتام، نېرۋىنىڭ ۋەزنىدە مىڭ پاتمان ئەلەم. ئايلانسا ياپيېشىل شېئىر دەرىخىگە، خۇشپۇراق چاچاتتى بىزدىكى قەلەم. تىلىمدا پايانسىز پاساھەت ياتار، قاپلاشتى غېرىپلىق دىلغا نىھايەت، ئېھ مېنىڭ يېزىقىم چاچار قېنىنى، سۆزلەرنىڭ ۋەزنىدە بار دەپ ھىدايەت! 2012-يىل27-ئاپرېل،ئۇچتۇرپان بۇ يازمىنى ئاخىرىدا ARKZAT تەھرىرلىگەن. ۋاقتى 2013-7-10 10:38

مۇڭلان · ۋاقتى: 2013-7-10 11:51:09


	تېتىملىق شېئىرىڭىزدىن ھوزۇرلاندىم. ئىجادىيىتىڭىزگە بەرىكەت تىلەيمەن. بۇ يازمىنى ئاخىرىدا مۇڭلان تەھرىرلىگەن. ۋاقتى 2013-7-10 11:51

تۆتتاش · ۋاقتى: 2013-7-10 12:49:56


	1- كوبلىتنىڭ 2- مىسراسىنى ئازراق ئۆزگەرتىش كېرەكمۇ قانداق؟ بۇ يازمىنى ئاخىرىدا ئابلا راخمان تەھرىرلىگەن. ۋاقتى 2013-7-10 12:50

ي.ت.توغراق · ۋاقتى: 2013-7-10 14:26:46


	ئېھ مېنىڭ يېزىقىم چاچار قېنىنى، سۆزلەرنىڭ ۋەزنىدە بار دەپ ھىدايەت! يۇقىرىقى مىسرالار ماڭا بەكلا يارىدى

شوخ · ۋاقتى: 2013-7-10 14:45:53


	«ئايلانسا ياپيېشىل شېئىر دەرىخىگە، خۇشپۇراق چاچاتتى بىزدىكى قەلەم. » مۇنۇ مەزمۇنلار بەكمۇ مەزمۇنلۇق ،پاساھەتلىك چىقىپتۇ ،شئېىرىي قابىليىتىڭىزگە كۆز تەگمىسۇن !! مېنىڭچە ئۆزگەرتىش ھاجەتسىز ! ئوخشىتىشلار ئارقىلىق شائىر ئۆز ھېسسىياتىنى جانلىق ئىپادىلىگەن ، شائىرىمىز بۇ جەھەتتە ئۆزىگە تەلەپنى بەك قاتتىق قۇيىدۇ !

yalguzak · ۋاقتى: 2013-7-10 14:55:04


	ئەسەرلىرىدىن ھوزۇرلاندىم،قەلەم تۇلپارلىرى داۋاملىق چاپچىپ تۇرغاي.

مۇنەۋۋەر ئابدۇق · ۋاقتى: 2013-7-10 15:40:10


	كەم كۇتىسىز تولۇق يىزىلغان شېئىركەن، رەت-رەت ئوقۇپ چىقتىم، ھەم ئاپتورنىڭ شېئىر تىلىدىكى ئىپادىلەش ماھارىتىدىن ھاياجانلاندىم! ھەقىقەتەن ئېسىل بىر شېئىر ئوقۇدۇم،سىزگە ئۇتۇقلار يار بولسۇن!!!

ئاينۇرى · ۋاقتى: 2013-7-10 15:45:02


	ئايلانسا ياپيېشىل شېئىر دەرىخىگە، خۇشپۇراق چاچاتتى بىزدىكى قەلەم. ئىسل مىسرالار بۇ يازمىنى ئاخىرىدا ئاينۇرى تەھرىرلىگەن. ۋاقتى 2013-7-10 17:24

پەرىدە توختاخۇن · ۋاقتى: 2013-7-11 00:23:55


	شىئېرىڭىزدىن ھوزۇرلاندىم ئىجادىيىتىڭىز تېىىمۇ بەركەتلىك بولغاي.

دېھقانى · ۋاقتى: 2013-7-11 11:04:52


	شئېرىڭىز ھەقىقەتەن ئىسىل چىقىپتۇ، قۇلىڭىزغا دەرىت بەرمىسۇن ئاكا، قەلىمىڭىز بەركەتلىك بولسۇن!

ئەرتېكىن · ۋاقتى: 2013-7-11 11:46:48


	مۇنبەر ئارقىلىق دىققىتىمىزگە ئىسىل بىر شېئىرىڭىزنى سۇنغانلىغىڭىز ئۈچۈن رەھمەت!

ئۆزيول · ۋاقتى: 2013-7-12 12:52:05


	ئاددىي يازمامغا نەزەرىنى ئاغدۇرۇپ، يۇقىرىدا ماڭا سەمىمىي تىلەك ۋە پىكىرلەرنى بەرگەن قەدىردانلارغا سەمىمىي تەشەككۈر. تەنقىدىي ياردىمىڭلار بولسىمۇ ئايىمىغايسىزلەر، ئەزىزلەر!

تۇرسۇنگۈل ئەمەت · ۋاقتى: 2013-7-12 14:30:35


	شئىرىڭىزنى ئوقۇپ سۆيۈندۈم .بەركەتلىك بولۇڭ.

قەلئە · ۋاقتى: 2013-7-16 19:37:55


	ھەقىقەتەن يۇقىرى ماھارەت بىلەن يېزىلىپتۇ! شېئىردىكى ئالتۇندەك نۇر چېچىپ تۇرىدىغان تىل ئىپادىلەش ئۇسۇلى مىنى بەكمۇ جەلىپ قىلدى، تالانتىڭىزغا ئاپىرىن!

تۇختەم · ۋاقتى: 2013-12-18 14:11:02


	شئېرىڭىزنى سۈيۈنۈش ئىچىدە ئۇقۇپ چىقتىم..........