مىللەتلەر نەشرىياتىدىن يېڭى كىتاب ئۇچۇرى [ئۇلانما كۆچۈرۈش]

ياخشى گەپ.خوش خەۋەركەن بۇ.مۇبارەك بولسۇن.

ئاپتۇرلاغا مۇبارەك بولسۇن.

ئاپتۇرلاغا مۇبارەك بولسۇن

كىتاپ ئىگىلىرىگە مۇبارەك بولسۇن

مۇبارەك بولسۇن!

قىزلارنىڭ تارتىش كۈچى


قىپقىزىل بىر پارچە گۆشتىنلا ئىبارەتتۇر يۈرەك،
كەسمىسە ئۇنى ئەگەر ئىشقى -
مۇھەببەت قايچىسى.

                   – ئابدۇللا توقاي


1

چۆكۈپ كەتسە كۆزۈڭلەرگە ئەركەكلەر
تاپالمايدۇ قىرغاقنى ئاسان
پارتلاپ تۇرار
يۈرىكىدە بىر
يېرى
ھاياتىغا تېرىپ مالىمان

مەي باغلىغان ئالمىلار سېھرى
سىزار قايتا يىگىت يولىنى.
قوللىرىغا چىقار كۈنۇ - تۈن
ھۆتمە - تۆشۈك بولۇپ كەتكەن بىر
رەسىم
يۈرىكىگە تىقسا قولىنى.

كۆزلەرنى يەپ، جاھاننى يۇتۇپ
نازلانساڭلار تاتلىق جىلۋىدە،
يولۋاسنىمۇ ئۈركۈتكەن يۈرەك
توختاپ قالار ئۈركۈپ
چىپپىدە

سىلەر بىر ئوت
ئوتتەك يۈرەكلەرنى كۆيدۈرگەن پىژ - پىژ
سىلەر بىر ئوق
ئوقتەك ئەركەكلەرگە ئېتىلغان ۋىژ - ۋىژ

گۈل ئېغىز تويمايدۇ ئەركەكلەرنى يەپ
يەم بولۇشقا رازىدۇر ئەرلەر
شۇ ئېغىزنىڭ
تەمىنى ئىستەپ


2
ئاتۇشنىڭ يولى يامان،
توشۇيدۇ ئوتۇن - سامان.
نادان بالىلار بىلمەيدۇ
ھەممىدىن كۆيۈك يامان.
- ئۇيغۇر خەلق قوشىقى

كېتىۋېتىپ خىرامان
پۇتلىشىدۇ غەمسىز كۆزلىرىڭ
خۇمار كۆزگە، شەھلا كۆزگە، ئوت كۆزگە.
ساقايتماقنىڭ يوقتۇر چارىسى
كۆزلىرىڭگە
ئاشۇ كۆزنى سۈرمەكتىن ئۆزگە

ئوت كىشنەيدۇ يايلىنى سوزۇپ
ئېتىلىدۇ ئاڭا پەرۋانە
كۆيۈۋېرەر ئوت ھامان
ئوتنى ئۇلغايتىدۇ پەرۋانە ھەرئان
ئوت ئاقىدۇ تومۇرلاردا شارقىراپ
كۆز چاقىدۇ ئالتۇن ھەسسە پارقىراپ

ئوغىدىن ئاچچىق ئاشىقلىق...
بالدىن تاتلىق ئاشىقلىق...

ئاشىقلىق
بولىۋەرمەس ھەر كىمگە نېسىپ
شۇنداق بىر گۆش ئاشىق يۈرىكى
تومۇزدىمۇ كەتمەيدۇ سېسىپ
چۈنكى ئاشىقنىڭ
ھەر بىر كۈنى تومۇزدۇز تومۇز
تېنى، ئۈنى تومۇزدۇز تومۇز

باغلىۋالغان غايىب قول
كۆرۈنمەس يىپتا
يۈرىكىنىڭ بېغىشىنى ئاشىقنىڭ
تامار ئۇندىن ئاشىق سىمىلداپ.
ئاشىق يۈرىكى - لەگلەك
تارتىپ تۇرار ئۇنى مەشۇق ۋىسالى
ئاشىق يۈرىكىنىڭ ئەڭ - ئەڭ مەركىزى
غەليانلارنى قۇسار
قىمىلداپ

كىرىۋالار خىيالىڭغا شۇ كۆزلەر
ۋىروستەك
سېزىكتەك
كېزىكتەك
راكتەك...


3
جاندىن كەچمىگىچە جانانغا يەتمەس.
- ئۇيغۇر خەلق ماقالى

ئەي قىزلار
تۇغقىنىڭلار بالىلا ئەمەس
يۇرت - يۇرتلارنى كۆيدۈرگەن بالا
شۇ سەۋەبتىن تالاي ئەركەكنىڭ
داستانلىرى قالدىغۇ چالا

ئويۇڭلاردا يۈرگەن يات سايە
تۇز سېپىدۇ يارا يۈرەككە
دۇنيا كۆرۈنىدۇ مەجنۇنىڭلارغا
ئوخشاپ سۇ قاچىلانغان ئەبجەق سېۋەتكە

ئەركەكلەرگە ئېلىپ كېلەر سېھرىڭلار
بىردە جەننەت، بىردە قىيامەت
كۆرەر جاھان قىپقىزىل قاننى
كۆلەڭگەڭلەردىن تۇغۇلار ئاپەت

سۆيگۈ كۆرسىتىدۇ دۇنيانى گۈلدەك...
سۆيگۈ كۆرسىتىدۇ دۇنيانى كۈلدەك...


يېسىنىنىن①
ئوتتۇز
ياشتا يىقىلدى يەرگە
ئوتتۇز يەتتىنچى باھارىدا
ماياكوۋىسكى②
چۆمۈلدى قىز ئۈچۈن ئاخىرقى تەرگە
ئەجەل شەربىتىنى سۇندىغۇ جاھان
روسنى مىسرالارغا تىزغان پۇشكىنغا - ③
ئوتتۇز سەككىز
ياشلىق تەنھا گۆھەرگە...
قىزلار، قىزلار، ھەي ئوماق قىزلارئەرلەر ئۈچۈن تۇغىدۇ مەككە
كۆزۈڭلاردىن كۆكلىگەن ئىزلار...
چىققۇم كېلەر دوئىلغا ھامان
ھەر بىرىڭلار ئۈچۈن بىر قەپەس
ئەمما
بۇ ياۋروپا ئەمەس
بۇ ئوتتۇرا ئەسىر ئەمەس


ئىزاھلار:
① يېسىنىن (1895 - 1925) رۇس شائىرى، مۇھەببەتتىكى ئوڭۇشسىزلىق ۋە چۈشكۈنلۇك سەۋەبىدىن ئۆزىنى ئۆلتۈرۈۋالغان.
② ماياكوۋىسكى (1893 - 1930) رۇس شائىرى، سۆيگۈدە چۈشكۈنلىشىپ ئۆلۈۋالغان.
③ پوشكىن (1799 - 1837) رۇس شائىرى، سۆيگىنى ناتالىيە ئۈچۈن دانتىس ئىسىملىك ئوفىتسىر بىلەن چۈشكەن دوئىلدا جان ئۈزگەن.

2006 - يىل 2 - ئاينىڭ 14 - كۈنى، كورلا

قىزلارنىڭ تارتىش كۈچى


قىپقىزىل بىر پارچە گۆشتىنلا ئىبارەتتۇر يۈرەك،
كەسمىسە ئۇنى ئەگەر ئىشقى -
مۇھەببەت قايچىسى.

                   – ئابدۇللا توقاي


1

چۆكۈپ كەتسە كۆزۈڭلەرگە ئەركەكلەر
تاپالمايدۇ قىرغاقنى ئاسان
پارتلاپ تۇرار
يۈرىكىدە بىر
يېرى
ھاياتىغا تېرىپ مالىمان

مەي باغلىغان ئالمىلار سېھرى
سىزار قايتا يىگىت يولىنى.
قوللىرىغا چىقار كۈنۇ - تۈن
ھۆتمە - تۆشۈك بولۇپ كەتكەن بىر
رەسىم
يۈرىكىگە تىقسا قولىنى.

كۆزلەرنى يەپ، جاھاننى يۇتۇپ
نازلانساڭلار تاتلىق جىلۋىدە،
يولۋاسنىمۇ ئۈركۈتكەن يۈرەك
توختاپ قالار ئۈركۈپ
چىپپىدە

سىلەر بىر ئوت
ئوتتەك يۈرەكلەرنى كۆيدۈرگەن پىژ - پىژ
سىلەر بىر ئوق
ئوقتەك ئەركەكلەرگە ئېتىلغان ۋىژ - ۋىژ

گۈل ئېغىز تويمايدۇ ئەركەكلەرنى يەپ
يەم بولۇشقا رازىدۇر ئەرلەر
شۇ ئېغىزنىڭ
تەمىنى ئىستەپ


2
ئاتۇشنىڭ يولى يامان،
توشۇيدۇ ئوتۇن - سامان.
نادان بالىلار بىلمەيدۇ
ھەممىدىن كۆيۈك يامان.
- ئۇيغۇر خەلق قوشىقى

كېتىۋېتىپ خىرامان
پۇتلىشىدۇ غەمسىز كۆزلىرىڭ
خۇمار كۆزگە، شەھلا كۆزگە، ئوت كۆزگە.
ساقايتماقنىڭ يوقتۇر چارىسى
كۆزلىرىڭگە
ئاشۇ كۆزنى سۈرمەكتىن ئۆزگە

ئوت كىشنەيدۇ يايلىنى سوزۇپ
ئېتىلىدۇ ئاڭا پەرۋانە
كۆيۈۋېرەر ئوت ھامان
ئوتنى ئۇلغايتىدۇ پەرۋانە ھەرئان
ئوت ئاقىدۇ تومۇرلاردا شارقىراپ
كۆز چاقىدۇ ئالتۇن ھەسسە پارقىراپ

ئوغىدىن ئاچچىق ئاشىقلىق...
بالدىن تاتلىق ئاشىقلىق...

ئاشىقلىق
بولىۋەرمەس ھەر كىمگە نېسىپ
شۇنداق بىر گۆش ئاشىق يۈرىكى
تومۇزدىمۇ كەتمەيدۇ سېسىپ
چۈنكى ئاشىقنىڭ
ھەر بىر كۈنى تومۇزدۇز تومۇز
تېنى، ئۈنى تومۇزدۇز تومۇز

باغلىۋالغان غايىب قول
كۆرۈنمەس يىپتا
يۈرىكىنىڭ بېغىشىنى ئاشىقنىڭ
تامار ئۇندىن ئاشىق سىمىلداپ.
ئاشىق يۈرىكى - لەگلەك
تارتىپ تۇرار ئۇنى مەشۇق ۋىسالى
ئاشىق يۈرىكىنىڭ ئەڭ - ئەڭ مەركىزى
غەليانلارنى قۇسار
قىمىلداپ

كىرىۋالار خىيالىڭغا شۇ كۆزلەر
ۋىروستەك
سېزىكتەك
كېزىكتەك
راكتەك...


3
جاندىن كەچمىگىچە جانانغا يەتمەس.
- ئۇيغۇر خەلق ماقالى

ئەي قىزلار
تۇغقىنىڭلار بالىلا ئەمەس
يۇرت - يۇرتلارنى كۆيدۈرگەن بالا
شۇ سەۋەبتىن تالاي ئەركەكنىڭ
داستانلىرى قالدىغۇ چالا

ئويۇڭلاردا يۈرگەن يات سايە
تۇز سېپىدۇ يارا يۈرەككە
دۇنيا كۆرۈنىدۇ مەجنۇنىڭلارغا
ئوخشاپ سۇ قاچىلانغان ئەبجەق سېۋەتكە

ئەركەكلەرگە ئېلىپ كېلەر سېھرىڭلار
بىردە جەننەت، بىردە قىيامەت
كۆرەر جاھان قىپقىزىل قاننى
كۆلەڭگەڭلەردىن تۇغۇلار ئاپەت

سۆيگۈ كۆرسىتىدۇ دۇنيانى گۈلدەك...
سۆيگۈ كۆرسىتىدۇ دۇنيانى كۈلدەك...


يېسىنىنىن①
ئوتتۇز
ياشتا يىقىلدى يەرگە
ئوتتۇز يەتتىنچى باھارىدا
ماياكوۋىسكى②
چۆمۈلدى قىز ئۈچۈن ئاخىرقى تەرگە
ئەجەل شەربىتىنى سۇندىغۇ جاھان
روسنى مىسرالارغا تىزغان پۇشكىنغا - ③
ئوتتۇز سەككىز
ياشلىق تەنھا گۆھەرگە...
قىزلار، قىزلار، ھەي ئوماق قىزلارئەرلەر ئۈچۈن تۇغىدۇ مەككە
كۆزۈڭلاردىن كۆكلىگەن ئىزلار...
چىققۇم كېلەر دوئىلغا ھامان
ھەر بىرىڭلار ئۈچۈن بىر قەپەس
ئەمما
بۇ ياۋروپا ئەمەس
بۇ ئوتتۇرا ئەسىر ئەمەس


ئىزاھلار:
① يېسىنىن (1895 - 1925) رۇس شائىرى، مۇھەببەتتىكى ئوڭۇشسىزلىق ۋە چۈشكۈنلۇك سەۋەبىدىن ئۆزىنى ئۆلتۈرۈۋالغان.
② ماياكوۋىسكى (1893 - 1930) رۇس شائىرى، سۆيگۈدە چۈشكۈنلىشىپ ئۆلۈۋالغان.
③ پوشكىن (1799 - 1837) رۇس شائىرى، سۆيگىنى ناتالىيە ئۈچۈن دانتىس ئىسىملىك ئوفىتسىر بىلەن چۈشكەن دوئىلدا جان ئۈزگەن.

2006 - يىل 2 - ئاينىڭ 14 - كۈنى، كورلا

كىتاب ئاپتۇر،تەرجىمانلىرىغا ئاپىرىن!

كىتابى روياپقا چىققان ئاپتۇرلارغا مۇبارەك بولسۇن .

بۇ رومان كىتابخانىغا تېزراق كەلسىچۇ، بىر قىسىم كىتابلار مۇنبەردە ئېلان قىلىنغىنى بىلەن كەلمەيدىكەن.

ئۆمەرجان مۇھەممەتئېمىننىڭ ‹‹ قىزلارنىڭ تارتىش كۈچى ›› ناملىق شىئېرلار توپلىمىنىڭ نەشىر قىلىنغانلىقىنى مۇبارەكلەيمەن .

    ئابدۇقادىر جالالىددىن ئەپەندى بۇ يىل نەشىر قىلىنغان <مەۋجۈدلۇق تەشنالىقى > ناملىق كىتاۋىدا<< ھايۋانلار قورۇقى>> ناملىق ئەسەرنى ئالاھىدە تىلغا ئالغان ھەم بۇ ئەسەردىن نۇرغۇنلىغان مەنىۋى تىندۇرمىلارغا، دونياۋى چۈشەنچىلەرگە ئىگە بولغانلىقىنى قەيىت قىلغان،شۇنداقلا قىسقىچە مەزمۇنىدىن ئىخلاسمەن ئوقۇرمەنلىرىنى خەۋەردار قلغان ئىدى. مەن بۇ كىتابقا بەكراق قىزىقىۋاتىمەن. ئەسەرنىڭ ۋە تەرجىماننىڭ بىزنى نائۈمىد قويمايدىغانلىقىغا ئىشىنىمەن!....