يۇمۇر

بىزنىڭ ئۆيگە بىر تىلەمچى كىرىپتۇ،يانچۇقۇمنى ئاختۇرسام ئاران بەش موچەن پارچە پۇل چىقتى،تىلەمچىگە سۇنسام،ماڭا بىر ئالىيىۋېتىپ:
—ئۇكام،مەن بۇيەرگە بەش يۈەنگە تاكسىغا ئولتۇرۇپ كەلسەم،سىز ماڭا بەش موچەن بەرسىڭىز گۇڭ كۆتىرەمدا؟—دەيدۇ.

   مەن قەشقەرگە ئوقۇشقا بارىدىغاندا دوسلىرىمدىن قەشقەرلىكلەرنىڭ گېپى بەك ئۆتكۈر دەپ ئاڭلىغانتىم،شۇڭا قەشقەرگە بېرىپ بىرمەزگىلگىچە گەپ-سۆزۈمگە بەك دىققەت قىلدىم.بىركۈنى ئاشخانىغا كىرىپ سۇيۇقئاش بۇيرۇتتۇم،تەلەپپۇزۇمدىنلا يەرلىك ئەمەسلىكىمنى بىلىۋالدى دەپ ئويلىدىم.تاماق چىققاندا ياقا-يۇرتلۇقلار تاماقنى كالىدەكلا يەيدىكەن دەپ قالمىسۇن دەپ ‹‹بىسمىللا ھىر رەھمانىر رەھىم››نى ئۈنلۈك ئاۋازدا بىر دەۋىتىپ تاماققا باقاي دەپ تۇرسام،يېنىمدىن ئۈتۈپ كىتىۋاتقان مۇلازىم:
  ـ‹‹ھېلىمۇ سۇيۇقئاش بۇيرۇتۇپتىكەنلا،لەغمەن، پولا بۇيرۇتقان بولسىلا ئاۋال ئىككى رەكەت ناماز ئوقىۋېتىپ ئاندىن تاماققا باقاكەنلا›› - دەيدۇ.

قەشقەرگە كاماندۇرۇپكىغا  بېرىپ، كىچىكرەك بىر ئاشپۇزۇلغا كىرىپ قالدىم. مۇلازىمغا لەغمەن بۇيرۇتسام بىر دەمدىلا بىر تەخسە لەغمەننى ئالدىمغا ئەكەلدى. ئالدىمدىكى تاماق ئۈستىلىگە قارىسام ئاچچىقسۇ-لازا يوق ئىكەن. لەغمەنگە ئاچچىقسۇ-لازا سېلىپ يىيىشنى ياخشى كۆرىدىغان ئادىتىم بولغانلىغى ئۈچۈن مۇلازىمغا -ئاچچىقسۇ-لازا بولسا ئەكىلىپ بىرىڭ- دىدىم .
ئۇ ئۈندىمەي قېشىمدىن كىتىپ قالدى. خېلى ساقلىغان بولساممۇ ئەكەلمىدى. مۇلازىمنى يەنە چاقىرىپ يەنە ئاچچىقسۇ-لازانىڭ گىپىنى قىلدىم. مۇلازىم گەپ قىلماي قېشىمدىن كىتىپ قالدى. لىكىن يەنىلا ئەكىلىپ بەرمىدى. ئالدىمدىكى بىر تەخسە لەغمەن سوۋۇپ،قېتىپ قالدى. ئاچچىغىم كىلىپ مۇلازىمغا ۋاقىرىدىم
-ھەي تاڭجاڭ قېنى مەن سورىغان ئاچچىقسۇ-لازا؟!....
پۇكەيدە ئولتۇرغان ئاشپۇزۇل خۇجايىنى ماڭا بىر قارىۋىتىپ ، مۇلازىمغا ئۈنلۈك ئاۋازدا.
-ھەي شاگىرت....! ... ماڭ جۇگۇ..... ما مىھمانغا ئۇدۇلىمىزدىكى راڭپىزىخانىدىن ئىككى كويلۇق لەڭپۇڭ ئەكىرىپ بەر!....- دىمەسمۇ...........


بۇ يازمىنى ئاخىرىدا   تاشيولچى تەھرىرلىگەن. ۋاقتى  2013-6-10 12:33  

بىر ئايال دۇكانغا كېرىپ بەش-ئالتە تۇخۇم سېتىۋېلىپ ئالدىراشلا چىقىپ كېتىپتۇ. ئارىدىن ئازراق ۋاقىت ئۆتۈپ ھېلىقى ئايال ئالدىغا پەرتۇق تارتقان ھالدا چىرايى ئۆمسىلە دۇكانغا كىرىپتۇ ھەم دۇكاندارغا كايىپتۇ:
ئايال: قانداق تىجارەت قىلىدىغان ئادەم سىز؟ تاماققا جىددىي لازىم بولۇپ چىققان ئىدىم، چىنىگە چېقىپ قارىسام ئىچىدىن چۈجە چىقتى...
دۇكاندار: چېچىلماڭ ئاچا، دانىسى بەش موچەنلىك تۇخۇمنىڭ ئىچىدىن چۈجە چىقماي، سىزنىڭچە تۆگە چىقسا بولامتى؟...

رەھمەت. قىرىنداشلارنى كۈلكە دورىسىغا.

ياخشى يۇمۇريازغىنىڭىزغا مۇبارەك