رەھبەرلىك سەنئىتى ( فىليەتون)

رەھبەرلىك سەنئىتى ( فىليەتون)
شاڭ يۈباۋ
ئابدۇقەييۇم سامساق پاكزات تەرجىمىسى

ئۈچ دېرىكتور ئۆز بۆلۈملىرىگە  قايتىپ يىغىننىڭ روھىنى يەتكۈزۈپتۇ.
ئا دېرىكتور ئۆز بۆلۈمىگە قايتىپ كەلگەندىن كېيىن، خىزمەتچىلىرىگە :« بۇ يىللىق كىرىم ئانچە ياخشى ئەمەس ، يېڭى يىلدا ھېچقانداق تەمىنات بېرىلمەيدۇ» دەپتۇ.
ھەممە خىزمەتچىلەر دېرىكتور ئالدىدا سالپىيىشىپ ئولتۇرغان بولسا ، كەينىدىن نارازى بولۇشۇپتۇ.
ب درىكتور بۆلۈمىگە قايتىپ بارغاندىن كېيىن ، خىزمەتچىلىرىگە :« بۇ يىللىق كىرىم ئانچە ياخشى ئەمەس، يېڭى يىلدا ھېچقانداق تەمىنات بېرىلمەيدۇ. يۇقىرىدىن يەنە خادىم  قىسقارتىدىغانلىقىنى ئېيتقانىدى، مېنىڭ كۈچىشىم بىلەن ئاخىرىدا خادىم قىسقارتمايدىغان بولدى.»
خىزمەتچىلەرنىڭ يۈزلىرىدە خوشاللىق ھەم مىننەتدارلىق جىلمىيىپتۇ.
س دېرىكتور بۆلۈمگە قايتقاندىن كېيىن، خىزمەتچىلىرىگە:« بۇ يىللىق كىرىم ئانچە ياخشى بولمىدى، يېڭى يىلدا ھېقانداق تەمىنات بېرىلمەيدۇ، يۇقىرىدىن تېخى خادىم قىسقارتماقچى بولىۋاتىدۇ.» شۇنداق دەپ بولۇپلا ،  س دېرىكتور بېشىنى بۇراپلا چىقىپ كېتىپتۇ.
بارلىق خىزمەتچىلەر بىردىنلا خۇدۇكسىرەپتۇ ۋە شۇ كۈنى كەچ س دېرىكتورغا قىزىل بولاق سوۋغا قىلىشىپتۇ.
مەنبە: فىليەتۇنلار ئايلىق ژورنىلىدىن .
بۇ يازمىنى ئاخىرىدا   پاكزات تەھرىرلىگەن. ۋاقتى  2013-6-5 01:27  

بالىلىق ۋاقتىمدا ئوقۇغان «گاۋ يۈباۋ» رومانىنىڭ ئاپتورى- گاۋ يۈباۋ شۇمىكىنە؟

ئەمەس ،ئەمەس ،  ئىسمى خاتا يېزىلىپ قاپتۇ . ئەسلى گاۋ يۈ باۋ ئەمەس ، شاڭ يۈ باۋكەن، كۆز توت بولغان بىلەن چوڭ چاتاق چىقىپتۇ ئەمەسمۇ ، ئۆزگەرتىۋېتەي. ئەرچىنكا. كەچۈرۈڭ.

ھەقىقەتەن ئىسىل ئەسەركەن...

ئېزىز مۇئەللىمنىڭ دېگىنى بويىچە  بىر  ئوقۇسام راستكەن، يالغىنى يوق

تۇرمۇشتىكى سەنئەتكارلارنىڭ ئوبرازى ئوبدان يورۇتۇلغان ئەسەر ئىكەن .