سېنىڭ يازغان ھېلىقى خېتىڭ [ئۇلانما كۆچۈرۈش]

بۇ شىئىرىڭىزنى ھەجەپ ياقتۇرىمەن سائادەت ھەدە.

ھەجەپمۇ تاتلىق شېئىركەن بۇ  ساقلىۋېلىشقا ئەرزىگۈدەكلا ...ھارماڭ  ھەدە

      سېنىڭ يازغان ھېلىقى خېتىڭ



     سېنىڭ يازغان ھېلىقى خېتىڭ
     قىلالمايدۇ  مېنى پەرىشان.
     سېنى ئەمدى سۆيمەيمەن دەپسەن،
     بىراق  شۇنچە ئۇزۇن يېزىلغان.

      ئون ئىككى بەت شۇنچە زىچ،قويۇق،
      كەملىق قىلار دىسىمۇ داستان.
      جۇدالاشسا كىشىلەر راستىن
      بۇنچە سوزۇپ يازماس ھېچقاچان.


       شائىر ۋە يازغۇچى مۇھەمەد ئىمىننىڭ تەرجىمىسىدە شۇنداق تەرجىمە قىلىنغىنى يادىمدا قاپتۇ.1987-يىللىرى  
     شىنجاڭ ئونۋېرسىتىتىدا يۇقۇرقى شئېىر بىزگە يادا بولۇپ كەتكەن ئىدى.ھازىرغىچە ئېسىمدە قاپتۇ.شۇ بويىچە يوللاپ قويدۇم.سۆز شەكلى ئوخشىمىسىمۇ مەنادىن چىقىپ كەتمەسلىك تەرجىمىدە كۆرۈلىدۇ.يۇقۇرقى تەرجىمە شەكلىمۇ ياخشى چىقىپتۇ.

سېنىڭ يازغان ھېلىقى خېتىڭ (ئامىنە ئابدۇۋايىت)

(ھىنرىخ ھېينى ئىزىدىن)



سېنىڭ يازغان ھېلىقى خېتىڭ ،

ئەلبومومدا ساقلاقلىق تېخى.

نەچچە ئون يىل ئۆتكەن بىلەنمو،

خەت يەنىلا بۇرىنقى پېتى.



ئۇنۇت دەپسەن ئاشو خېتىڭدا،

مەنمو ئەمدى ئونىتاي دەپسەن،

ھاياتىمنى يېڭىدىن باشلاپ،

يېڭىياچە يول تۇتاي دەپسەن.



خەتتە شۇنداق دىگەن بىلەنمو،

ئونتۇپ كېتىش ئەمەسكەن ئاسان.

سۆزسىز قويغان چېكىتلىرىڭدىن،

سۆيگو تىلەپ تۇرمامدو ھىجران.



2011-10-27-ئاقتو

سىڭلىم بو خەت مەڭگو مۇشۇنداق داۋاملىشىدىغان خەت.

سىزگە بەخىت تىلەيمەن.

سالام سىڭلىم سائادەت،
خەت يېزىپسىز كارامەت.
ئوخشاش چىقتى تۇيغۇمىز،
تىرىشايلى داۋامەت.

       گېنىرىخ گېينىنىڭ "سېنىڭ يازغان ھېلىقى خېتىڭ" ناملىق شېئىرى __ مەشھۇر چەتئەل شائىرلىرىنىڭ شېئىرلىرىدىن تاللاپ مۇھەممەد ئىمىن تەرجىمە قىلغان ۋە 1985-يىلى نەشر قىلدۇرغان "غەزنە گىرۋەكلىرى" ناملىق ئۇيغۇرچە توپلامدىن ئورۇن ئالغان بولۇپ، توردىشىمىز ئەزىز ھېيىت كۈن يوللىغىنى توغرا.
      شېئىرىيەتكە ئىشتىياق باغلىغان دوستلارنىڭ بۇ توپلامنى تېپىپ، توپلامدىن ئورۇن ئالغان پوشكىن، سېرگىي يېسىنىن، گېنىرىخ گېينى، شېللىر، ماياكوۋىسكىي قاتارلىقلارنىڭ شېئىرلىرىنى ئوقۇپ چىقىشىنى تەۋىسسىيە قىلىمەن.
      تۆۋەندە مەن تورداشلارنىڭ ھوزۇرىغا ئەنگىلىيەلىك شائىر شېللىرنىڭ شۇ توپلامدىن ئورۇن ئالغان "سۆيگۈ پەلسەپىسى" ناملىق شېئىرىنى سۇندۇم.
     
              سۆيگۈ پەلسەپىسى

              شېللېر (ئەنگىلىيە)

                    __ 1 __
        تاغ بۇلىقى قوشۇلىدۇ دەرياغا،
        دەريا يەنا دېڭىز تامان ئاقىدۇ.
        شوخ شاماللار سۈركۈلۈشۈپ سامادا،
        شېرىن ئىشقىي كۆزى بىلەن باقىدۇ.

        كۈرمىڭ شەيئى بىر مۇقەددەس قانۇنغا،
        قىلىپ ئەمەل باش قوشۇشار قېتىلىپ.
        تەنھا نەرسە يوق جاھاندا جۇپتى بار،
        كېتەلمەيمىز نېچۈن بىزلا چېتىلىپ.

                      ـــ 2 ـــ
        سۆيەر كۆكنى ھەيۋەتلىك تاغ چوققىسى،
        قۇچاقلىشار دولقۇنلارمۇ سىردىشىپ.
        كەمسىتىلسە ئەگەر ئاكا - ئىنىسى،
        كەچۈرمەيدۇ ھەمشىرىلەر قېيدىشىپ.

        قۇياش نۇرى باغاش ئېتەر زېمىننى،
        ئاي شولىسى ئوينار دېڭىز - دەريادا.
        نە قىممىتى بارچە شېرىن لەززەتنىڭ،
        سەن سۆيمىسەڭ ماڭا كۆيۈپ ناۋادا؟! . . .

يالقۇنجان ياقۇپنىڭمۇ  گېنىرىخ گېينىنىڭ "سېنىڭ يازغان ھېلىقى خېتىڭ"غا تەقلىد قىلىپ يازغان شېئىرى بار ئىدى. ئۇمۇ سائادەتنىڭكىدەك ياخشى چىقىپتىكەن.

تېمامغا قەدەم تەشرىپ قىلغان بارلىق دوستلارغا رەھمەت.
ئۆز يول، ئەزىز ھېيت كۈن...ئەجرىڭلارغا ۋە سەمىمىيىتىڭلارغا تەشەككۈر.
مەن شۇ ناملىق شېئىرنى خېلى ئۇزۇن يادلاپ يۈرۈپ يۇقىرقى مىسرالارنى تىزىپ باققان ئىدىم. ئىشىنىمەنكى مەن ۋە دوستۇم ئامىنەدەك ئورتاق ھىستا، بۇ تېمىنى چۆرىدەپ باققانلار ئاز بولمىسا كېرەك. ‹‹يار قولىغا تەگمىگەن پۈتۈكلەر›› تالاي‹‹تۈگىمەس ناخشا›› لار بىزگە ھەرۋاقىت يېڭىچە ‹‹خەت››لەرنى يازدۇرغۇسى....

سائادەتنىڭ  ھازىر جاۋابلىقى ئادەمنى كۆيدۈرىدۇ، ئۇنىڭ مۆمىنجان ئېيتقان ‹گەپ بولۇپتۇ› دېگەن ناخشىنىڭ تېكىستىغا تەقلىد قىلغان شېئىرىنى ئوقۇپ بەك كۈلۈپ كەتكەن ئىدىم. بۇ ‹خەت›مۇ بەك ياخشى چىقىپتۇ.

ئەڭ ئاستىنقى قەۋەت تارتمىدىن تېپىۋالدىم بىر
                                                    پارچە خەتنى،

يىگىرمە ئالتە يىل مۇقەددەم تۇنجى قېتىم
                                              تاپشۇرۋالغان.

قولۇمدا ھېلىھەم تۇرماقتا ھاسىراپ شۇ خەت،
                          ئالاقزەدىلىك ئىچرە يېزىلغان.
.....

                             تۇماس ترانسترومېر (سىۋېيتىسىيە)

سائادەت مۇبارەك بولسۇن! شىنجاڭ يازغۇچىلار جەمىيىتىنىڭ ئەزاسى بوپسىز.

ساجىدە، چىن مودەن، رەھمەت سىلەرگە! سەمىمى سونۇلغان، مىھىرلىك قوللاردىن ئالغان ئىللىقلىق  ھەردەم ئالغا بېسىشقا تۈرتكە بولغۇسى.