يېۋگىنى يېۋ توشىنكو :ياق، ماڭا كېرەك ئەمەس ...

يېۋگىنى يېۋ توشىنكو 1933-يىلى ئېركوتىسكى ئوبلاستىدا تۇغۇلغان. «كەلگۈسىنىڭ رازۋېدچىكلىرى»، «ۋەدە»، «ئالما»، «پىياز ۋە لىدا»، «قول سىلكىش»، «نازاكەت»، «ئاق قارلار» ناملىق شېئىر ۋە داستانلار توپلىمى نەشىر قىلىنغان.

ياق، ماڭا كېرەك ئەمەس ...

ياق، ماڭا كېرەك ئەمەس، يېرىمتە نەرسەڭ!
ئاسمان پۈتۈن بولسۇن، پۈتۈن بولسۇن يەر.
دېڭىزمۇ، دەريامۇ، نېمىكى بەرسەڭ،
تاغلار تىزمىسىنىمۇ ماڭا بۆلمەي بەر.

ياق، ھايات ئاتىما ماڭا بىر ئۈلۈش،
بەرگىنىڭ پۈتۈن بولسۇن، ئالىمەن دەرھال.
يېرىم بەختنىمۇ خالىمايمەن مەن،
يېرىم غېمىڭنىمۇ ئۆزۈڭ ئېلىپ قال.

قولۇڭدا ئۈزۈك دەپ ئاتالغان نەرسە
ئۇچار يۇلتۇزدەك ئاجىز ۋە ھارغىن.
يۈزۈڭگە يېپىشىپ ياستۇقتا تۇرسا ...
پەقەت شۇ ياستۇقنىڭ يېرىمىنى بەرگىن.

«ئەدەبىي تەرجىمىلەر»ژۇرنىلىنىڭ 2013-يىللىق 4-سانىدىن ئېلىندى.

ئالدى بىلەن يۇقارقى شىئېرنى كۆپچىلىككە سۇنغان رەشىدگە رەھمەت!

بۇ تىما ئۇلۇشكۈن يوللانغان ئىكەن. مەن تىمىلار قاتارىغا قاراپ چىقتىم، بىرگە تەستىقلانغان تىمىلار قاتارىدا بۇ تىمنىڭ كۆرۇلۇش سانى ئەڭ تۆۋەن ئىكەن. دىمەك تىما قاتارىدىكى يېۋگىنى يېۋ توشىنكو : ياق، ماڭا كېرەك ئەمەس ... دىگەن ماۋزۇنى كۆرۇپلا بۇ تىمىغا كىرمىگەن ئەدىبىيات ئاشنالىرى بىر گۈزەل شىئېردىن بەدىي زوق ئىلىشتىن مەھرۇم بولۇپلا قالماي كۆپ سانلىق ئۇيغۇر شائېرلىرىنىڭ بىكىنمىلىك، قالاقلىق، چەتكە قىقىش، مەنسىتمەسلىك، ۋە بىر قاتار ناچار  ئىرادىسىنى ئىپادىلەپ ئۇيغۇر شىئېريىتىنىڭ،  ئۆزىنى شائېر دەپ قارىغانلارنىڭ شىئېرىيەت توغۇرلۇق قايتىدىن ئويلىنىشقا سەۋەب تىپىپ بىرىپتۇ. شىئېرىيەت توغۇرلۇق قايتا ئويلانماسلىققا باھانىڭىز بارمۇ؟

ئۇستاز ئابدۇرسۇل ئۆمەرنىڭ تېنىگە سالامەتلىك ۋە ئىجادىيىتىگە ئۇتۇق تىلەيمەن ،يوللۇغۇچىغا تەشەككۇر ، تەرجىمىسى  ياخشى چىقىپتۇ . بۇ يازمىنى ئاخىرىدا   ھەدىيە ھەبىبۇل تەھرىرلىگەن. ۋاقتى  2013-5-12 18:35  

تەشەككۇر  ، تەشەككۇر .