دىلنۇر ياسىن

  دىلنۇر ياسىن، 1964-يىلى 19- يانۋار قاراماي شەھرىدە ئىشچى ئائىلىسىدە تۇغۇلغان. باشلانغۇچ، ئوتتۇرا مەكتەپنى قاراماي ۋە كۇچا نېفىت ئوتتۇرا مەكتەپتە  ئوقۇغان. 1983-يىلىدىن 1985-يىلغىچە قەشقەر سىفەن مەكتەپتە ئوقۇپ، ئوقۇش پۈتتۈرگەندىن كىيىن كۇچا نېفىت ئوتتۇرا مەكتەپتە ئىشلىگەن.1990 –يىلدىن 2007 – يىلغىچە ، قاراماي15-ئوتتۇرا مەكتەپ، قارماي 8-ئوتتۇرا مەكتەپ  ئوقۇتقۇچىلىق قىلغان. ھازىر قاراماي تېلىزىۋىيە ئىستانسىسى مەخسۇس پرۇگرامما بۆلۈمىدە ئىشلىمەكتە
دىلنۇر ياسىن ئەدەبىيات سېپىگە 1985-يىلى «قەشقەر گېزىتى» دە ئېلان قىلىنغان « تۇتاي گۈل دەستە » ناملىق شېئىرى بىلەن كىرىپ كەلگەندىن بۇيان ئاپتۇنۇم رايۇنىمىزدىكى ھەرقايسى مەتبۇئاتلاردا 150 پارچىدىن ئارتۇق شېئىر،نەسىر، پوۋىست ، ھېكايىلىرى ۋە ماقالىلىرى ئېلان قىلىنغان ھەمدە «قۇياش نۇرى ئاستىدا»( قاراماي ئەسەرلىرى) ، « مايبۇلاق ئەدەبىي ئەسەرلىرىدىن تاللانما » قاتارلىق كۆللىكتىپ  تۆت توپلامغا كىرگۈزۈلگەن .«نېفىتچىنىڭ قىزى»،« مېنىڭ ئەجرىم»،« ئىپتىخارىم قاراماي» قاتارلىق ئەسەرلىرى ۋە «ئالا ئەنەكنىڭ بالىسى چار قۇيرۇق»،« توغرا چۈشۈنىسىز»،«چولپان» قاتارلىق ئىتوتلىرى تۈرلۈك مۇكاپاتلارغا ئېرىشكەن.
ئۇ ھازىر قاراماي شەھەرلىك يازغۇچىلار جەمئىيىتى ۋە شىنجاڭ يازغۇچىلار جەمئىيىتىنىڭ ئەزاسى.