rasheedنىڭ بىر پاچە خېتى

ئابدۇرەشىد مۇھەممەتئىمىن رېئال مەسىلىنى ئوتتۇرىغا قويۇپتۇ.
ئەيبۇ، ئابدۇرېشىت ئېلى، ئەركزات...قاتارلىقلار مەن دېمەكچى بولغاننى دەپ بوپتۇ.
قوشۇمچە قىلىدىغىنىم: باشقۇرغۇچىلار تەرتىپكە سېلىنغاندىن كېيىن باشقۇرغۇچى بولغان  بەزى يېڭى، تەجرىبىسىز باشقۇرغۇچىلارنىڭ تۈزۈمنى ئۆلۈك چۈشىنىۋېلىشى، بەزى ئاپتورلارغا ھۆرمەتسىزلىك بىلەن قوپال تېگىشى، تەخەللۇسى ھەممىگە تونۇشلۇق بولسىمۇ، ئۆز ئىسىمىنى  يېزىشنى تەلەپ قىلىپ تۇرىۋېلىپ، ئاپتورلارغا بېسىم ئېلىپ كېلىشى، بىر باشقۇرغۇچى ئۆچۈرگەن ناچار تېمىنى ئەخلەتخانىدىن قايتا ئەسلىگە كەلتۈرۈش، باشقۇرغۇچىلارنى زىددىيەتكە سېلىش، پېشقەدەم باشقۇرغۇچىلارغا بۇيرۇقۋازلىق قىلىش، باشقۇرغۇچىلار  توپىدىكى ئۇچۇرلارنى، ۋە تېمىنى ئۆچۈرگەن باشقۇرغۇچىنىڭ كىملىكىنى ئاپتورلارغا ئاشكارىلاپ زىددىيەت سېلىشى...تەك ناچار قىلىقلار تورىمىزنىڭ نورمال تەتەققىياتىنى چەكلەپ قويۇۋاتماقتا. باشقۇرغۇچىلارنىڭ مۇشۇ جەھەتتە دىققەت قىلىشىنى، بەزى ئاپتورلارنىڭ تورغا سۈپەتلىك ئەسەرلەرنى يوللىشىنى، تېمىسى ئۆچۈرۈلگەندە، سەۋەبىنى ئۆزىدىنمۇ ئىزدەپ بېقىپ، ئۇششۇقلۇق-كۆكەمىلىكتىن ساقلىنىشىنى ئۈمىد قىلىمەن.
بۇ يازمىنى ئاخىرىدا   Erchin تەھرىرلىگەن. ۋاقتى  2013-4-29 11:38  

  يېڭىلىقمۇ بىر مەزگىل ئۆتسە كونىراپ كىشىنىڭ قىزىقىشى سۇسلاپ قالىدۇ،باشقۇرغۇچىلار  ئەسەرلەرنى تەستىقلاپ مۇنبەرگە چىقىرىش بىلەنلا چەكلىنىپ قالماي، ئاپتۇرلار بولسۇن ياكى ئوقۇرمەنلەر بولسۇن قىزىقىشىنى قوزغاپ پىكىر قاتناشتۇرغۇدەك يېڭىلىقلارنى مەيدانغا كەلتۈرۈشى كېرەك.ھېچ بولمىسا ئابدۇرەشىد ئېيتقاندەك مەلۇم ئەسەرلەر ھەققىدە قاراتمىلىق ھالدا بەس-مۇنازىرىگە ئۇيۇشتۇرۇش،مەلۇم ئەسەرلەرنى مەلۇم بىرخىل شەكىللەردە مۇنبەر ئەزالىرى ئارىسىدا باھالاپ دەرىجىگە ئايرىش ،ياكى مۇنبەردىكى ئاپتۇرلارنى  مەلۇم بىر تېمىدا ئەسەر يېزىشقا تەشكىللەش،يەنە داڭلىقلىرىمىزدىن ئىمكانىيىتى يار بېرىدىغانلاردىن بەزىلىرىنى مۇنبەرگە تەكلىپ قىلىپ ئۆز ئەسەرلىرى بولامدۇ ياكى باشقا تېمىدىكى قىزىق نۇقتىلار ھەققىدە (ئەدەبىيات دائىرسىدىكى)سۆھبەت ،پىكىر ئالماشتۇرۇشلارغا ئۇيۇشتۇرۇش...دېگەندەك بەزى جەلب قىلارلىق ئىشلارنى قىلىپ مۇنبىرىمىزدە بىر قىزغىن ،ئاۋات مەنزىرىنى شەكىللەندۈرىشىمىز كېرەك ئىدى.يەنە ئەسەر تەستىقلاش ئۆتكىلىنى چىڭ تۇتۇپ ،ئىملاسىنى ناچار،ھېچبىر نېمىسىدە يېڭىلىقى يوق ئەسەرلەرنى قەتئىي تەستىقلىمىسا بولاتتى.مېنىڭ بىرەر پارچە ئەسىرىم تەستىقلانمىسىمۇ(ئەلۋەتتە بۇنى ئارزۇ قىلمايمەن)مەيلىكى سۈپىتى تۆۋەن ئەسەرلەرنىڭ خۇددى كۈزدىكى سارغىيىپ تۆكۈلگەن غازاڭلار ھەممە يەرنى ياپقاندەك مۇنبەرگە توشۇپ كېتىشى كىشىنى ئەپسۇسلاندۇرىدۇ.

ئەرچىنكامنىڭ پىكىرىنى ئاخىرغىچە قوللايمەن، مەنمۇ بىر نەچچە قىتىم  بىر قىسىم باشقۇرغۇچىلارنىڭ تەھدىتىگە ئۇچىراپ كەلدىم، مىنىڭ ئوتۈنۈشۈم يازغۇچىلار تورىغا قابىليەتلىك، سەمىمى، يىراقنى كۆرەر، مەسئولىيەتچان باشقۇرغۇچىلار قايتىدىن سايلاپ چىقىلسا  مۇنبەرنىڭ بۇنىڭدىن كىيىنكى تەرەققىياتىدا تېخىمۇ زور يۈكسىلىش بارلىققا كېلەتتى

ئىملاسى توغرا بولمىغان ئەسەرنى قۇبۇللىماسلىق، ئانا تىلىمىزنىڭ شان- شەرىپى ئۈچۈن بولسا بۇ قوللاشقا تېگىشلىك مەسىلە. سەۋىيەسى تۆۋەن ئەسەرنى تەستىقلىماسلىققا كەلسەك، بۇ توغرا بولماسمىكىن. قىزغىنلىق دېگەن ھەۋەسكارلارنىڭ قېنىدا چاپچىپ تۇرىدىغان نەرسە،مۇنبەردە  قىزغىن كەيپىيات شەكىللەندۈرۈش ئۈچۈن بەك ناچارلىرىنى شاللىۋەتسەكمۇ، ئىزدىنىش خاراكتىرىدىكى بىر قەدەر ياخشى بولغان ئەسەرلەر ۋە شۇ خۇسۇستىكى يېتەكلەش خاراكتىرلىك ئىنكاس، تەكلىپلەر مۇنبەرنىڭ تەرەققىياتى ئۈچۈنلا ئەمەس ئاپتۇرلار قوشۇنىمىزنىڭ تەرەققىياتى ئۈچۈنمۇ پايدىلىق. شاكال بولمىسا مېغىز نە قىلسۇن؟ سەت بولمىسا سەتەڭ قانداق جۇلالانسۇن؟ يۈكسەك چوققىلارغا پاكار دۆمبەللەرگە دەسسەپ چىقىپ ئۆرلەيدىغان گەپ.

رەشىد ناھايتى ئورۇنلۇق ھەم نازۇك بىر مەسلىنى ئوتتۇرغا  قويۇپتۇ . زادى بىر قىسىم مۇھەرىرلەرنى تەڭشەيدىغان يەرگىمۇ
كەلدى ئەيبو ئاكا .ئۇشبۇ ۋەجىدىن مەنمۇ ئازاراق پىكىرمنى قالدۇرۇپ قوياي .

1-ئەسەرلەر ھەپتىدە بىر ياكى ئىككى قېتىم تەستىقلانسا ، چۇنكى خېلى بىرقىسىم مۇنازىرە
قىلىش ئەھمىيتى بار ئەسەرلەرمۇ نەچچە سائەتنىڭ ئىچىدە ئارقا بەتكە ئۆتۇپ قېلۋاتىدۇ .
2-ئەسەرلەرنى سەل تاللاپراق تەستىقلانسا ،  بىر قىسىم ناچار قىلچىلىك قىممىتى يوق
ئەسەرلەرمۇ يازغۇچىلارمۇنبرىدە نامايەن بولۋاتىدۇ .
3-يوللىغان ئەسەرلەرنى شۇ پېتى يوللىماي مۇھەرىرلەر ئىمكان بار تەھرىرلەش ئېلىپ بارسا
4-تەھىرىرلەر بىرقېتىم ئسلاھ قىلىنسا ، تەھىرىر،مۇھەرىر بولغۇچى مېنىڭچە بولغاندا ‹ب›
تەرەپتە تۇرشى كېرەك . ئالدىراپ ئەسەرلەرگە ،ئاپتۇرلارغا قالايمىقان باھا بەرمىسە.

بۇ پىكىرلەرنى چوقۇم قوللاش كېرەك ! چۈنكى بۇ «يازغۇچىلار » تورى بولغاندىكىن ،  «يازغۇچىلار»  دېگەن نامغا ماس كەلسە بولاتتى ...
بەزىدە بىرمۇنچە جاپا تەرتىپ ئەسەر يوللىسا بىردەمدىلا ئارقا بەتكە ئۆتۈپ كەتكەن ...يەنە بەزىدە .....
ئىشقىلىپ ئەسەرلەرنى ۋاقىت بويىچە تەستىقلىسا بولاتتى . مەلۇم  ئەسەرنى يوللىغاندىكىن ئۇ مۇنبەردە بەلگىلىك ۋاقىت تۇرسا ، ئاندىن تەرتىپ بويىچە يوللانغان ئەسەرلەرنى تەستىقلاپ ، ئەسەرلەرنىڭ كۆرۈلۈش قىممىتى ئاشۇرۇلسا ....!!!



بۇ يازمىنى ئاخىرىدا   ئا.ئابدۇرېھىم تەھرىرلىگەن. ۋاقتى  2013-4-29 15:14  

ئەسەر يوللاش ۋە ئەسەر تەستىقلاشتا ئەڭ ئەھمىيەت بېرىشكە تېگىشلىكى شۇكى: «شىنجاڭ يازغۇچىلار تورى» دېگەن بۇ نامنى مۇقەددەس بىلىش ۋە مەتبۇئات بىلەن ئوخشاش مۇئامىلە قىلىش!!!   بۇ يازمىنى ئاخىرىدا   ئە.خ.ئەرتېكىن تەھرىرلىگەن. ۋاقتى  2013-4-29 19:58  

ئەيبۇ ئەينى يىللىرى «ئىلى دەرياسى» ژۇرنىلىنىڭ   ئەتراپىدا بىر تۈركۈم ياخشى قەلەمكەشلەرنىڭ بارلىققا كىلىشىگە كۆپ ئەجىر قىلغان ئۇستاز ئىدى.مىنىڭچە ئۇ ھازىر تىخىمۇ پىشتى.شۇڭا مەن بۇ تور بىتىدىن ئۈمۈدۋار. ئىشلار ياخشى بوپ كېتىدۇ.بىراق باشقۇرغۇچىلارغا ئاۋاراچىلىق تېپىپ بېرىدىغان   گۇرۇھۋازلىقتىن ئىبارەت قورساق ئۇرۇشىمۇ ئېغىركەن .بۇ يەردە نىمە تالىشىمىز ؟ كىم ئاۋام كۆڭلىگە يېقىنلاشسا،تۇلپارى يۈگۈرۈك،قەلىمى كۈچلۈك بولسا شۇنىڭغا ئالقىش ياڭراتساق بولىدۇ ئەمەسمۇ....

مەسىلە ئەتراپلىق مۇلاھىزە قىلنىپتۇ.تور ياخشىلانسا،ئەسەر ھەققىدىكى مۇلاھىزە جانلانسا نېمە دېگەن ياخشى.

ھەممەيلەنگە سالام!
مەن بۇ خەتنى بۇ قېتىم ئۈرۈمچىدىن قايتىپ كەلگەندىن كېيىن ئەيبۇ ئاكامغا تورىمىز ھەققىدە  كۆڭلۈمدە ئويلىغانلىرىمنى دەۋىلىش ئۈچۈن يازغان ئىدىم. مۇنبەرگە يوللىنىدىغانلىقىنى ئويلاپمۇ باقمىغان ئىكەنمەن. بۇمۇ بىر ھېسابتا ياخشى بوپتۇ. مەسىلىنى تەڭ بايقاپ، تەڭ ھەل قىلساق تېخىمۇ ياخشى بولىشى مۇمكىن.
مەن ئويلايمەن: بەلكىم مۇنبىرىمىزدىكى سەمىمىي تورداشلارنىڭ ئارىسىدا يەنە تورىمىز ئۈچۈن ئەمەلىي ئىش قىلالايدىغانلار ئاز ئەمەس. شۇڭا بۇنى ئۆزىمىزنىڭ ئىشى دەپ قاراپ، سۈپەتلىك، ساپالىق، ئىللىق بولغان بىر ئەدەبىيات سەھنىسىنى مەيدانغا كەلتۈرۈش ئۈچۈن تېرىشساق ھەممىمىزگە ياخشى. ھەممىمىز «ئۇنداق قىلسا ياخشى بولىدۇ، بۇنداق قىلسا ياخشى بولاتتى» دېگەن مەسلىھەتتىن كۆرە ئەمەلىي ھالدا «مەن نېمە قىلىپ بېرەلەيمەن؟» دېگەن سۇئالنى ئۆزىمىزدىن بىر سوراپ، قىلالىغىنىمىز بويىچە ياخشى ئەمەللىرىمىزنى داۋاملاشتۇرساق ئاندىن ھەممىمىز ياخشى كۆرىدىغان تور ئەدەبىياتى سۇپىسى ھازىر بولاتتى.

    دوستىمىز ئوتتۇرىغا قويغان مەسىلىلەر ھەقىقەتەن ئومۇمىيۈزلۈك مەۋجۇت. بۇ مەسىلىلەرنى باشقۇرغۇچىلارمۇ، ئەزالىرىمىزمۇ قۇبۇل قىلىپ،ئۇيغۇر تور ئەدەبىيات-سەنئىتىنىڭ ساغلام ۋە ئىزچىل تەرەققىياتى ئۈچۈن، تۈزۈتۈشكە تىگىشلىك تەرەپلەرنى ھەقىقەتەن تۈپتىن تۈزىتىش كېرەك. بۇ كۆپچىلىكنىڭ ھەممىسىنىڭ كۆڭلىگە ياقىدىغان ئارزۇ-ئۈمىد ۋە تەكلىپ پىكىر.
لېكىن، بۇ تېما ئاستىغا يېزىلغان ئىنكاسلاردىكى پىكىرلەرلەردىن قارىغاندا، مەسىلەر باشقۇرغۇچىلارنى تېز-تېز ئالماشتۇرۇش بىلەنلا ھەل بولىدىغان مەسىلە ئەمەس. چۈنكى باشقۇرغۇچىلارمۇ باشقۇرلۇپ، تەشكىللىنىپ، يىتەكلىنىپ تۇرىدۇ، ھەتتا باشقۇرغۇچىلارنىڭ ئۆزىمۇ ئۆزىدە مەلۇم مەسئۇلىيەتنىڭ بارلىقىنى بىلىدۇ. دوستىمىز ئابدۇرېشىتمۇ ئۆزىدىكى مۇشۇ مەسئۇلىيەت، مۇنبەرگە بولغان مۇھەببەت يۈزىسىدىن مۇشۇ خەتنى يازغان. گەپ، مۇشۇ مەسئۇلىيەتنى ھەقىقى تونۇپ يىتىش، خالىس، ئادىل، لىللا خىزمەت قىلىش خالاس.
  ئەمدى «خەت» ۋە ئىنكاسلاردا ئوتتۇرىغا قويۇلغان «يېڭىچە ئەسەرلەر» مەسىلىسىگە كەلسەك، مۇنبەرگە ئەسەر يېزىپ يوللاۋاتقان ھەرقانداق بىر قىزغىن ئاپتۇرىمىز ئۆزىنىڭ ئەسىرىنى «كونىچە ئەسەر»دەپ قارىمايدۇ. بەلكى «يېڭىدىن ئىجاد قىلدىم، يېڭى يازدىم»دەپ قاراپ يوللايدۇ. بۇيەردىكى گەپ، يوللانغان ياكى يېزىلغان ئەسەرنىڭ خاراكتېرى، ئۇسلۇبى، شەكلى، مەزمۇنى، ئىپادىلەش ماھارىتى...قاتارلىق جەھەتلەردىكى ئۆزگىچىلىكىگە قارىتىلسا كېرە. ئەمما مۇنبىرىمىزگە «يېڭىچە ئەسەر»دېگەن قاراش بىلەن يوللانغان ئەسەرلەرنىڭ نەرى، قايسى نېمىسى يېڭىچە؟! توغرا، بەلكىم باشقۇرغۇچىلار «يېڭىچە ئەسەر»لەرنىڭ ھەممىسى بايقاپ كېتەلمىگەندۇ. لېكىن مېنىڭچە ئەسەر ھەممەجەھەتتىن ھەقىقەتەن «يېڭىچە»بولسا، باشقۇرغۇچىلار ھەرگىز ئۇئەسەرگە باشقىچە نەزەر بىلەن قارىمايدۇ، بەلكىم قارىمىدى.
    «ياخشى ئەسەر»، «سۈپەتلىك ئەسەر»لەر توغرىسىدىكى گەپلەرگىمۇ يۇقاردىكىگە ئوخشاش قاراشقا بولىدۇ. يەتنىلا ھېچكىم ئۆزىنىڭ ئىجاد قىلغان ئەسىرىنى سۈپەتسىز ئەسەر، ناچار ئەسەر دەپ قارىمايدۇ. باشقۇرغۇچىلارمۇ سۈپەتلىك ئەسەرلەرنى ھەرگىز قالدۇرۇپ قويمايدۇ.
   بۇيەردە كۆپچىلىكنىڭ ئورتاق ئۈمىدى، يەنە شۇ كۆپچىلىك سۈپەتلىك، ياخشى ئەسەرلەرنى ئىجاد قىلسا، ياخشى، سۈپەتلىك ئەسەرلىرىنى مۇشۇ مۇنبىرىمىزگە يوللاپ بەرسە. ياخشى ئەسەرلەر ئارقىلىق مۇنبىرىمىزنىڭ ئىناۋىتى ئۆسىدۇ، نوپۇزى، قىممىتى تىكلىنىدۇ.
   تەھرىرلەش مەسىلىسىگە كەلسەك، مۇنبىرىمىزدىكى زور كۆپچىلىك ئاپتۇرلىرىمىز ئەسەرلىرىنى ئۆزى سۈپەتلىك تەھىرىرلەپ، ئوبدان رەتلەپ يوللايدۇ. ئاز بىر قىسىملار يېزىپلا ئەۋەتىدۇ، بۇنىڭغا ھەر ئىككى تەرەپ تەڭلا تىرىشچانلىق كۆرسىتىشى كېرەك.
   ئەمدى مېنىڭمۇ پىكىرىم بار: مۇنبىرىمىز قايتا ئېچىلغاندىن كېيىن، ئابدۇرېشت ئېيتقاندەك بىر قىسىم مۆتىۋەر يازغۇچى، شائىرلىرىمىز مۇنبىرىمىزنى تەرك ئەتتى، بۇنىڭدىكى سەۋەپنى مەيلى كىمدىن ئىزدىشىمىزدىن قەتئىي نەزەر، مۇنبىرىمىزدە ئېلان قىلىنىۋاتقان ئەسەرلەر ئاساسەن شېئىرلاردىن ئىبارەت بولدى. كۈندە يۈزلەپ ئېلان قىلىنىۋاتقان شېئىرلارنىڭ قانچىلىكىنىڭ سۈپەتلىك، ياخشى ئەسەرلەر ئىكەنلىكى كۆپچىلىككە ئايان.
   مۇنبەردە يەنە كۆپلىگەن سەھىپىلەر تەسىس قىلىنغان: مەسىلەن، مەن باشقۇرغۇچىلىققا بېكىتىلگەن؛« سۆھبەت - خاتىرىلەر »، « كىلاسسىك ئەدەبىيات »،« تۈرك تىلى ئەدەبىياتى »،« ئەرەب _ پارس ئەدەبىياتى »،« ئەبجەش يازمىلار »،« ئوقۇرمەنلەر چايخانىسى »،« مەدەنىيەت - سەنئەت »،« تارىخ - پەلسەپە »،« تەھرىر، تەرجىمە تەتقىقاتى »،« يەر-جاي ناملىرى تەتقىقاتى »...قاتارلىق سەھىپىلەرگە قانچىلىك ئەسەر يوللاندى، كىملەر بۇ جەھەتتە تىرىشچانلىق كۆرسەتتى؟ راستىنى دېسەم، مۇنبەرنىڭ يېڭى باشقۇرغۇچىلىرى رەتلەنگەن 2-ئايدىن ھازىرغىچە مۇشۇ سەھىپىلەرگە ئەڭ كۆپ بولغاندا 5 پارچە ئەسەر يوللاندى، بەزى سەھىپىلەرگە 0 ئەسەر يوللاندى. بۇنى نېمە دەيمىز؟ بۇنى كىمدىن كۆرىمىز. بۇ سەھىپىلەرگە يوللىنىدىغان ياخشى، يېڭىچە، سۈپەتلىك ئەسەرلەر قېنى؟ ئەجەبا باشقا مۇنبەرلەرگە مۇشۇ سەھىپىلەرگە ماس، ياخشى، سۈپەتلىك ئەسەرلەر ئېلان قىلىنىۋاتىدىغۇ؟! بۇ قانداق ئىش؟!
     يەنە، «سەھنە ۋە ئىكران»، «كومپىيۇتېر بىلىملىرى»...قاتارلىق سەھىپىلەرگە يوللانغان ئەسەرلەر يوق دېيەرلىك. تەرجىمىگە تايىنىدىغان سەھىپىلەر، چەتئەل ئەدەبىياتى مۇھاكىمە قىلىنىدىغان سەھىپىلەرنىڭ ئەسەرلىرى قانچىلىك يېڭى، سۈپىتى قانچىلىك يۇقۇرى بولدى؟! مۇنبەردىكى بارچە ئەزالىرىمىز مۇشۇ مەسىلىلەرگىمۇ كۆڭۈل بۆلىشى، بەزى مەسىلىلەرنى ئۆزىدىنمۇ ئىزدىشى كېرەك.
   گەرچە مۇنبىرىمىز ئەدەبىيات مۇنبىرى، يازغۇچىلار مۇنبىرى بولسىمۇ، لېكىن تور-ئېنتېرنت تۈپ خاراكتېرىدىن ئېلىپ ئېيتقاندا، يېڭى ئۇچۇرلار، قىممىتى بولغان ماتېرىياللار بىلەن نامايان بولىدۇ. ھەرگىزمۇ ئىنكاس كۆزنىكىگە بىۋاستە، نەچچە مىنۇت ئىچىدىلا يېزىلغان شېئىرلار بىلەن تورنىڭ قىزىغىغان، قىزىمىغانلىقىنى ئۆلچىگىلى بولمايدۇ.
  

ياخشى پىكىرلەر ئوتتۇرىغا قۇيۇلۇپتۇ، مۇمكىن بولسا ئەسەر تاللاش ئۆتكىلىگە ئالاھىدە ئەھمىيەت بىرىلسە، شاكال ئەسەرلەر تەستىقلانمىسا دىگەن ئومىدىم بار، شۇنداق بولغاندا   نۇپۇزلۇق قەلەم ساھىپلىرنىڭ قەدىمنى مۇنبەرگە جەلىپ قىلغىلى بۇلىدۇ.ئۇندىن باشقا  «خانتەڭرى تور ژورنىلى» نىڭ  تۇنجى سان چىقىرىلغاندا تەسىرى بەك ياخشى بولغان. قالدىسىنى باشقۇرغۇچىلار  يەنىمۇ ئويلىشىپ باقسا، بىز ئۇلارنىڭ تۇر بەتنى يىڭىچە قىياپەتكە يۈزلەندۇرەلەيدىغانلىقىغا ئىشىنىمز .يەنە قەلىمى تاۋلانغان قەلەم ساھىبلىرىمۇ ياخشى ئەسەرلىرىنى مۇنبەرگە سۇنۇشتىن ئايانمىسا دىگەن ئۇمىدىم بار . بولسا ئازراق پۇل يىغىش قىلساقمۇ مەيلى « مۇكاپاتلىق تىما »  ياكى   قەلەم ھەققى بىرلىدىغان «نادىر تىما»سەھىپىسى    تەسىس قىلساق    تور بەت يەنىمۇ جانلىنامدىكىن دىگەن ئومىتتىمەن.  

فوند تەسىس قىلساقمۇ بۇلاتتى. ھەمىمىز ئىزدىنىپ باقساق بەلكىم ساخاۋەتچى بايلار،  مەرىپەتپەرۋەر كارخانىچىلىىرىمىز بۇ ئىشقا ياردەم قىلىپ قېلىشى مۇمكىن ئىدى. بۇ يازمىنى ئاخىرىدا   bagyar تەھرىرلىگەن. ۋاقتى  2013-5-2 23:06  

ئىسلاھ قىلىشقا تىگىشلىكلىرىنى چوقۇن دادىللىق بىلەن ئىسلاھ قىلىش، ئەمما چوقۇم سوغۇققانلىق بىلەن مۇئامىلە قىلىپ، يەتتە ئۆلچەپ بىر كېسىش كېرەك. ئۇستازلارنىڭ بۇ تېمىدىكى پىكىر يېڭىلىقلىرىدىن خۇشال بولدۇم. بۇ يازمىنى ئاخىرىدا   bagyar تەھرىرلىگەن. ۋاقتى  2013-5-2 23:07  

بۇ يازمىنى ئاخىرىدا   سائادەت ساتتار تەھرىرلىگەن. ۋاقتى  2013-5-2 18:25  

   ئايتۇغ، مېنىڭچە مۇنبەر مەسئۇللىرىنىڭ ئەستايىدىل ئويلىنىشى ئارقىلىق مەسئۇل مۇھەررىرلىكتىن ئىبارەت بۇ شەرەپلىك، خالىس ۋەزىپىگە نائىل بولغان ئىكەنسىز، ئالدىراپ بەل قويىۋەتمىسىڭىز.
   ئاخىرىدا ئۆزۈم ئۇزۇن يىللاردىن بۇيان ئىزچىل ئۆزۈمگە پىچىرلاپ كېلىۋاتقان فرانسىيىلىك ( مەن توردا ئىمزا ئورنىدا ئىشلىتىپ كەلگەن ) بىر پەيلاسوپنىڭ بىر جۈملە ھىكمىتىنى سىزگە ھەدىيە قىلاي:
     
                                ھەقىقەت مەشئىلى كۆپ ھاللاردا كۆتۈرگۈچىنىڭ قولىنى كۆيدۈرىدۇ! بۇ يازمىنى ئاخىرىدا   ئۈمىدى تەھرىرلىگەن. ۋاقتى  2013-5-2 19:32