ئۈمىد ناخشىسى

(ئۈمىد) · ۋاقتى: 2013-4-26 16:16:13


	ئۈمىد ناخشىسى ياسىنجان ئىمىن( ئۈمىد) ئۈمىد -ئۇ ساھىلدا ئۇنتۇلغان كومپاس بىر بالا تاساددىپ ئۇچرىتىپ قالغان. خىرۇستال يۈزىدە دېڭىز جىلۋىسى، يېپ- يېڭى بىر قىرغاق چاقنار بىپايان... ئۈمىد- ئۇ ياپ- يېشىل بىر تۈپ كۆك قۇمۇش بارخانلار باغرىدا ئۆسكەن باراخسان. ياپرىغى كۆزىدىن ئۆتەر مەنزىلگە، سەرسان روھ چۆلىدە چاڭقىغان كارۋان... ئۈمىد -ئۇ غۇبارسىز ، كەپسىز شوخ گۈدەك، تال چىۋىق ئات مىنىپ قىيغېتىپ ماڭغان. چاڭ- توپا تۇزىغان ئىزىدىن پەۋەس، ئارمانلار قۇش بولۇپ ئۇچار كۆك تامان.... ئۈمىد -ئۇ ئالتۇن كۈز، زۇمرەت باھاردا ھالاللاپ سېلىنغان تۇپراقتـىكى دان. قەھرىتان سوغوقتىن پىژغىرىمغىچە، يىلتىزغا تامچىلاپ سىڭىدۇ دېھقان... ماڭلايدىن سىرغىغان كۈمۈشتەك تەردە، يېلىنجاپ تۇرىدۇ ئالتۇن چەش-خامان... ئۈمىد- ئۇ ئىنساننىڭ روھىغا باھار، ھەمەلدە قىرلاردىن خۇشبۇي ئېچىلغان. ئۈمىد-ئۇ مېھىرلىك كۆكلەم يامغۇرى، تالجىققان دىللارغا سىمىلداپ ياغقان... ئۈمىد- ئۇ جەڭچىدىن ئاققان قىزىل قان، ۋەتەن!- دەپ جەڭگاھقا يۇلقۇنىدۇ جان. ئۇپۇققا چەكچەيگەن -قاتقان كۆزىدىن، يۇلتۇز بوپ چاراقلاپ ئۆرلەيدۇ ئارمان... كىشنەيدۇ دۇلدۇلى تاغلاردىن ئەكسىپ، شەمشىرى تىغىدا چاقنار سۈزۈك تاڭ... ئۈنەر ئۇ قەبرىدىن قۇياش بىلەن تەڭ، ھەر باھار يەلپۈنۈپ گۈلگۈن-شادىمان...... ئۈمىد-ئۇ بىر دەستە جىمىرلىغان نۇر پازىلنىڭ قەلبىدە بىر جۈملە ئىمان. ئۈمىد-ئۇ مۇدھىشتىن ئېچىلغان رۈجەك، ئۈمىدسىز كاللا ئۇ قاراڭغۇ زىندان... ئۈمىدسىز -يېشىڭ قان، ئارمانلىرىڭ كۈل، ئۈمىدسىز -قىشىڭ جۇت، يازلىرىڭ خازان. مېھنەت قىل ھىممىتىڭ باغقا ئايلانسۇن، ئۈمىدسىز غاپىلغا قاراڭغۇ جاھان.... (2008-يىلى دەلۋە11-كۈنى.) ئۇچتۇرپان. مەنبە: ئاقسۇگېزىتى.2013-يىل4-ئاينىڭ22-كۈنىدىكى سان-<<جەنۇب شامىلى>>ئەدەىبىي بېتىدىن ئېلىندى. بۇ يازمىنى ئاخىرىدا ھەبىبۇللا مىجىت تەھرىرلىگەن. ۋاقتى 2013-4-26 17:58

شۈكران · ۋاقتى: 2013-4-26 18:50:13


	سۈزۈك شېئىركەن. ئاپتۇرنىڭ ھېسلىرى ئۆركەشلىگەي!

gultikin · ۋاقتى: 2013-4-26 22:51:41


	ئۈمۈدلۈك قەلبىڭىزدىن پۈتۈلگەن ئۈمۈدلىك قۇرلىرىڭىزغا بارىكاللا!

گ.م.ماھى · ۋاقتى: 2013-4-26 23:14:56


	ئۈمىدلىك بولسىلا ئادەم ھەر بىر باسقان قەدىمىدىن گۈل ئېچىلدۇرالايدۇ. بۇ شېئىرىڭىزنىڭ مۇۋەپپەقىيىتى بىلەن سىزنى تەبرىكلەيمەن.

ئا.ساۋۇت ئاچارى · ۋاقتى: 2013-4-27 14:10:24


	ئۈمىد ‹‹ئۈمىد ناخشىسى›› ناملىق بۇ شېئىرىڭىز ناھايىتى ياخشى يېزىلىپتۇ.مەيلى مەزمۇن ياكى ئىپادىلەش ئۇسۇلىڭىزدىن شۇنداق سۆيۈندۈم.ھارمىغايسىز.

ئۆزيول · ۋاقتى: 2013-4-27 23:11:16


	ئۈمىد-ئۇ مۇدھىشتىن ئېچىلغان رۈجەك، ئۈمىدسىز كاللا ئۇ قاراڭغۇ زىندان... مىسرالىرىڭىزدىن سۆيۈندۈم، بەرىكەتلىك بولۇڭ.

(ئۈمىد) · ۋاقتى: 2013-5-4 01:45:29


	ئىزگۈ تىلەكلىرىڭىزلار بىرگە بولسۇن ، قېرىنداشلىرىم... ئەتە ئۆلىدىغاندەك ئەمەس- بايرام بولىدىغاندەك ياشاش ھەممىمىزگە نېسىپ بولغاي،.. سۈزۇك قەلبىڭىزلارغا ئۈمىد ھەردەم يار بولغاي.. بۇ يازمىنى ئاخىرىدا (ئۈمىد) تەھرىرلىگەن. ۋاقتى 2013-11-16 03:01

تۇختەم · ۋاقتى: 2013-10-8 21:27:14


	ئاجايىپ مىسرالار بۇپتۇ.راس ئۈمۈتسىز ئادەم بۇ دۇنيانى ئۈزىگە زىندان قىلىدۇ.ئۈمۈتۋار ئادەمنىڭ كۈنلىرى مەنالارغا تۇلغان بۇلىدۇ،ھەربىر كۈننى،ھەربىر تاڭنى يېڭى بىر رۇھ،يېڭى بىر قىياپەت بىلەن كۈتىۋالىدۇ.ھەركىم بۇلسا ئۈمۈتتىن ئايرىلمىسۇن،ئۈمۈت دىگەن ئىنسانغا قانات!

ئۈمىدجان قادىرى · ۋاقتى: 2013-10-8 22:15:55


	شېئىرىڭىزدىن سۆيۈندۈم،رەھمەت سىزگە.

سۇمەييە · ۋاقتى: 2013-11-14 23:16:16


	شېئىرىڭىزدىن ناھايتى سۇيۇندۇم، ئىجادىيىتىڭىزگە ئۇتۇق تىلەيمەن.

(ئۈمىد) · ۋاقتى: 2013-11-16 02:51:43


	رەھمەت،.... بۇ يازمىنى ئاخىرىدا (ئۈمىد) تەھرىرلىگەن. ۋاقتى 2013-11-16 02:54

sahar · ۋاقتى: 2013-12-21 16:20:10


	ئۈمىدنىڭ ئۈمىد جىلۋە قىلغان سەتىرلىرىگە قۇتلار ياققاي!

تۇرپان · ۋاقتى: 2014-5-3 00:42:17


	ئاجايىپ مىسرالىرىڭىزدىن ھوزورلاندىم رەھمەت سىزگە