قار لىرىكىسى [ئۇلانما كۆچۈرۈش]

خىياللىرىم ئاسماندىن چۈشۈپ،

چېچىلماقتا ھەر يان،  ھەر تامان.

يىغىۋېلىپ ئەنە نەۋرىلەر ،

ياساپ بوۋاي، قىلىدۇ سالام.



تۇمۇزغىلار تاپان  ئاستىدا،

دەزمال سالدى نائىلاج ئۈمىد.

ئىرادەمگە خۇرۇچلار تەڭشەپ،

ئەگىپ ماڭدىم، سەن بۇنى ئۇنۇت.



ئىزلىرىمدىن نوسخىلار ئېلىپ،

رازۋېتىكا قىلدى غەمسىز تۇيغۇنى.

يۇپۇرماقتىن قەبرىلەر  ياساپ،

دەپنە قىلدى قىشلىق ئۇيقۇنى.



قىلىۋالغان شاخلارنى قونداق،

پەسىللەرنىڭ  گىرىم مودىلى.

ھەممە ياقلار شۇنداق گۈزەلدۇر،

تەبىئەتنىڭ قىشلىق موزىيى.

شۇنداق، ئادەم كۆپ ھاللاردا تەبىئەت ھادىسىلىرىدىن ئاجىز.

‹‹قار لېرىكىسى›› كەچمىشلەرنى ئويغىتىپ، ‹‹ۋىسالسىز سۆيگىنىڭ چۈشلىرى تاتلىق›› خىيالى پەرۋازغا تەمشەلدۈردى...

دۈۋۋەتلىرىڭىزگە ئالتۇن رەڭ تولۇپ تۇرسۇن...چاپچىقان قەلەم تۇلپارىڭىز چۇراپ تۇرسۇن...

رەھمەت سىزگە... ئەگەر مەن خاتالاشمىسام سىز ‹‹كۆيۈكتاغ›› دىكى ‹‹كېن››(خاتالاشمىغان بولسام) بولىسىزغۇ دەيمەن؟
بولسا غەزەل-نەزمىلىرىڭىزدىنمۇ ئورتاق ھوزۇرلانغايمىز.

سەھەر مۇڭلىرىغا دېرىزە گۇۋاھ،
سوغۇق نەقش بېسىپ سۆيۈپ قويىدۇ.


   قار ھەقىقەتەن رومانتىك بىر تەبىئەت ھادىسىمۇ ياكى كىشىلەرقاردا رومانتىكلىشىپ كېتەمدىغاندۇ؟! لىرىكىلىرىڭىز ئوبدان چىقىپتۇ.

   ھەئە... مەن شۇ. يېقىننىڭ ياقى قولۇمغا قەلەم ئالسام ئەسكى تىراكتۇردا ئولتۇرغاندەك تىترەيدىغان بولۇپ قالدىم... بۇ ھەرگىز سەكتىنىڭ ئالامىتى ئەمەس، بەلكى يېڭى سەھىپە ئېچىلغاندىن كېيىنكى ‹‹يازغۇچىلار تورى››دىكى ئاتاق- نامى بار قەلەمدارلارنىڭ لەۋھەسىدىن ئەيمىنىش ۋە ھېتىرقاش بولسا كېرەك...

كۆنۈپ قالىمىز.....

   ئۇنىڭ ئۈستىگە ئەشۇ باش سۆرىتىم بىلەن تالا- تۇزگە چىقىشتىنمۇ ئۇيۇلىدىغان بولۇپ قالدىم... ھە دىسىلا : ‹‹ئەمگەك قىلىپ ھالال ياشىساڭ بولماسمۇ ؟  ›› دېگەن گەپلا... بۇ توردىمۇ شۇنداق ئازار بەرگۈچىلەر چىقىپ قالمىغاي...

سائادەتنىڭ شېئىرىدىن ھوزۇرلانغاچ بۇ ئىنكاسلارنى ئوقۇپ ئەجەپ بەك كۈلۈپ كەتتىم، بولۇپمۇ ئاۋۇ مۇھەممەد بارخاننىڭ ئىنكاسىغا

‹‹جۇلدۇر كېپەن ئىچىدە، ئەنگۈشتەردەك ئىنسان بار›› دىگەن ناخشىنى توۋلاپ ،مۇنبەر زىيارىتىڭىزنى باشلاۋېرىڭ. بۇ يەردە ئاز بولمىغان‹‹سەدىقە››لەرگە ئېرىشەلەيدىغىنىمىزغا ئىشىنىمەن. بۇ يازمىنى ئاخىرىدا   سائادەت ساتتار تەھرىرلىگەن. ۋاقتى  2012-4-15 02:13