چۇشكۇن (ئامىنە ئابدۇۋايىت) [ئۇلانما كۆچۈرۈش]

ئەپكەلگەنكەن ئوت يۇرەك ئامان(1)،
تىلسىم تاغدىن ئۇرىقى ئىلىپ.
سۇيۇنگەنكەن ئەختەر(2) مەلىكە،
شۇنچە قەيسەر يىگىتنى كۆرۇپ.

چاچقان ئىكەن باياۋان چۆلگە،
چىن سۆيگونىڭ دەلىلى قىلىپ.
ئىچىلغانكەن باياۋاندا گۇل،
موھەببەتتىن كۇچ-قۇۋەت ئېلىپ.

قويغان ئىكەن ئەختەر مەلىكە،
‹‹چۇشكۇن››(3)دىگەن ئىسىمنى گۇلگە.
ئاشو گۇلنىڭ خىسلىتى بىلەن ،
پامىر خەلقى چىققانكەن ھۆرگە.

چۇشكۇن گۇلنىڭ شاپائىتىدىن،
يەتكەن ئىكەن مۇراتقا ئامان.
تىنىچ تۇرمۇش ئۆتكۇزۇش ئۇچۇن،
تۇتقان ئىكەن يايلاقنى ماكان.

خىسلىتى بار بەكمو ئۆزگىچە،
دېمە ئۇنى ياۋا تاغ گۇلى.
پاك موھەببەت سىموۋولى بوپ،
ئىچىلغانكەن شو يىپەك يولى.

زىننەت بىرىپ تاققا يايلاققا،
ئىچىلىپتو چۇشكۇن گۇللىرى.
ئەتىۋالاپ سۇمبۇل چىچىغا ،
قىسىۋاپتو تاغنىڭ ھۆرلىرى.

تويماي قاراپ گۇلنىڭ ھۆسنىگە،
زوقۇم كېلىپ يۇرەك سۇيۇندى.
سۆسۇن رەڭلىك غۇنچە بەرگىدە،
‹‹ئامان بىلەن ئەختەر››كۆرۇندى.

(1)چۇشكۇن –تاغدا ئۆسىدىغان تاغ گۇلى

(1)،(2)كىشى ئىسىملىرى
ئىلاۋە
تۇمۇر داۋامەتنىڭ تاشقۇرغاندا يىزىلغان ‹‹ئامان بىلەن ئەختەر››دىگەن داستانىدا تېخىمو ئوچۇق شەرھىلەنگەن.



2012-4-8-ئاقتو

شېئىرىڭىزنى قايتا-قايتا 3 قېتىم ئۇقۇپ ئاران چۈشەندىم،ئامان بىلەن ئەختەر مەلىكە  پامىر خەلقىنىڭ رىۋايەتلەردىكى ئاشىق-مەشۇقلىرى ئوخشىمامدۇ؟
ياخشى يىزىپسىز.يەنە  ئازراق داۋاملاشتۇرغان بولسىڭىز بەك ياخشى بۇلاتتىكەن. بۇ يازمىنى ئاخىرىدا   tikan تەھرىرلىگەن. ۋاقتى  2012-4-8 23:56  

پامىر يايلاقلىرىدا ئېچىلىپ كەتكەن چۇشكۇن گۈللىرىنى كۆرگەندەك بولدۇم. تاتلىق ئىپادىلەشلىرىڭىزگە ھەۋىسىم كىلىدۇ ئامىنە. تېخىمۇ بەركەتلىك بولۇڭ.
ئەتراپىڭىزدىكى ‹‹ ئامان››،‹‹ئەختەر››...لەرگە مەندىن سالام بولسۇن.

      سىڭلىم ئامىنە، بۇ رىۋايەت تۈسىنى ئالغان تېما ئوخشىمامدۇ؟ ئەگەر شۇنداق بولغىنىدا، ئاۋۇ باياننى ئۆزگەرتىپ تەسۋىر قوشۇپ يۇغۇرسىڭىز ئوبدانلا بىر باللادا چىقىدىغاندەك تۇرىدۇ. ئويلىشىپ باقارسىز!

ئامىنەنىڭ تىرىشچانلىقىغا ئىچىم كۆيىدۇ،  ئابدۇرېھىم زۇنۇن مۇئەللىمنىڭ دېگىنى بويىچە قايتا بىر ئىشلەپ باققان بولسىڭىز راستىنلا تېخىمۇ ئېسىل بىر باللادا پۈتەركەن، سىز قىلالايسىز ئامىنە، قايتا ئىشلەپ بېقىڭە تاجىكىم.

چۇشكۇن ئەمەس تۈشكۈندۇ؟مەن پەرق ئېتەلمىدىممۇ يە؟ ئالمىلىقتا شۇنداق دەمدۇ يە؟بىز بالىلىق چاغلىرىمىزدا يايلاققا چىققاندائۈزىمىز دەپ تىكەنلىرىنى قولىمىزغا سانجىۋالاتتۇق. بىزنىڭ كەنىتكە قاراشلىق يايلاقنىڭ بىر يېرىدە بەك جىق بولغاچقائۇ يەر "تۈشكۈن ئېغىل"دەپ ئاتىلاتتى،ئۇ يەردە سېغىن تۇتىدىغانلار ئارچا ئوتىنىنى ئەكىلىشكە ۋاقتى يەتمىسە چوڭىيىپ،قۇرۇغان تۈشكۈن ئوتونلىرىنى قالايتتى. ياكى بىزنىڭ كەنىتتىكلەر خاتا ئاتىغاندىمىزمۇ؟ بۇ يازمىنى ئاخىرىدا   ئايبۈۋى تەھرىرلىگەن. ۋاقتى  2012-4-9 03:50  

رەخمەت ئەزىزلىرىم .دوستانە پىكىرىڭلاردىن سۆيۇندۇم.

سىڭلىم ئايبۇۋى
چۇشكۇن ئەمەس تۈشكۈندۇ؟مەن پەرق ئېتەلمىدىممۇ يە؟ ئالمىلىقتا شۇنداق دەمدۇ يە؟

ئالمىلىق بىلەن تارنىڭ (بىر يۇرت بولسىمو)تەلەپپۇزى تارىختىن بۇيان بىر-بىرىگە ئوخشىمايدو.مېنىڭ تىلىم ئالمىلىقتا چىققان.
چۇشكۇن-غېرىپ ،بىچارە دىگەن مەنىنى بىلدىرىدو.بو گۇلمو تەنھا بولغاچقا چۇشكۇن دەپ ئاتىلىپ كەلگەن .
سىلەرنىڭ قانداق ئاتىشىڭلارنى بىلمەيدىكەنمەن.

مەن سىزنىڭ شېئىرلىرىڭىزنى ئوقۇشقا ئامراق ، ئىجادىيەتلىرىڭىز ئۇتۇقلۇق بولسۇن.

بالام ئابلىپىز ئىدىرىسباقى

سىز مېنىڭ چوڭ بالام بىلەن تەڭ ئىكەنسىز  شۇڭا سىزنى بالام دەي .
چوقۇم تىرىشىڭ .
مەنمو سىزدىن پەخىرلىنىمەن.بالام!!!