[ھىلال]ئىككى تال يوپۇرماق [ئۇلانما كۆچۈرۈش]

                                                              1


       ئارمانلىرىمنى  ئېغىر،تولىمۇ ھارغىن ئاياقلىرىمغا پايانداز قىلىپ كېتىۋاتىمەن.ئەتراپتىكى جىمجىتلىقنى پەقەت قۇشلارنىڭ يېقىملىق سايراشلىرىلا بۇزۇپ تۇراتتى.ھەممە ياق گۈل-چېچەككە پۈركەنگەن  باھار پەسلىدە چاچلىرىمنى،ئاپئاق شايى كۆڭلىكىمنى  سۆيۈۋاتقىنى قۇياشنىڭ ھارارەتلىك نۇرلىرى بولماستىن سېنىڭ تىۋىشسىز يوپۇرۇپ كېلىۋاتقان ھەسرىتىڭ ئىدى...
  گۈللەرنىڭ  خۈشبۇي ھىدى سېنىڭ تىنىقلىرىڭنى،قۇشلارنىڭ يېقىملىق سايراشلىرى سېنىڭ مۇلايىم،يېقىملىق ئاۋازىڭنى ئەسلىتەلمىدى.
بىلەلمىدىم،مەن سېنى،تەنھا شىۋىرلاشلىرىڭنى،گۈللەرنىڭ ھىدىدەك يەڭگىل،خۈشبۇي ھىدلىرىڭنى  تېپىشىم ئۈچۈن
ماڭا تولىمۇ يېقىنلا يەردە تۇرغان زىمىستانغا باغرىمنى يېقىشىم كېرەكمۇ؟!...


                                                                        2


كۆزلىرىمغا ياش تامچىلىرى چىرايلىق
مۇنچاقلىرىنى ئاسقان ئاشۇ پەيتتە سېنىڭ مېنى يەنە بىر قېتىم،بوشقىنا ئاۋازدا تاتلىق چاقىرىشىڭنى ئويلاپ قالدىم.ئاشۇ تاتلىق چاقىرىش ئىچىدىكى تاتلىقلاردىن مۇزلاۋاتقان بەدىنىمگە ھارارەت،تىترەۋاتقان لەۋلىرىمدە تەبەسسۈم پارلاتقۇم بار ئىدى.يېنىمدىلا پەيدا بولىۋاتقان نىگاھىڭ مېنى بۇ ئىنتىلىشلىرىمنى بوغۇپ قويۇشقا يول قويماۋاتاتتى.سېنى سېغىنىۋاتاتتىم،سېنى شادلىققا چۆمگەن،ھېچنېمىدىن خەۋەرسىز  دوستلىرىمدىن،ئاسماندا لەيلەپ يۈرگەن بۇلۇتلاردىنمۇ قىزغانغۇم كېلىۋاتاتتى.چاچلىرىمنى ئويناۋاتقان تاغ شامىلىنى سېنىڭ قوللىرىڭ دەپ قىياس قىلىۋاتاتتىم.ياق!شۇ تاپتىكى قىياسىمدا قوللىرىڭ چاچلىرىمنى ئەمەس،يۈرىكىمنى ئويناۋاتاتتى دېسەم بەكرەك توغرا بولاتتى.يېلىنىشتا تىكىلگەن كۆزلىرىمنى سەن كۆرمەسكە سالدىڭ.مەن ساڭا ئەڭ مۇھتاج بولغان،غېرىبلىق ماڭا گۈگۈم پەردىسىدەك يوپۇرۇپ كېلىۋاتغاندا يۇمران ئاۋازىڭ،يېقىملىق چاقىرىشلىرىڭنىڭ قاناتلىرىغا مېنى مىنگەشتۈرۈپ بۇ جىمجىت تەنھالىق باياۋانىدىن  ئېلىپ كېتەلمىدىڭ.   بىلەمتىڭ،ئاشۇ چاغدىكى يالغۇزلۇقۇمنى؟پىغانلىرىم ھۈركىگەن قۇشتەك تەن دەرىخىمدىن ئېتىلىپ چىقتى.ئۇنى تەنھالىق ئەركىلىتىپ سۆيدى...




                 

تەنھالىق ئىز سالغان كەچمىشلەردە  ئۈنسىز نىدالار تىنىمسىز لەيلەيدۇ ، ئاشۇ يۇمشاق ئاياغلىرىڭىز بىلەن ،بۈگۈن كىچە مىنىڭ پىنھانلىرىمدا مىڭىپ ئۆتۈپسىز ،روھ باياۋانلىرىدا ئىيتىلغان ناخشىلار مەيلى قانچىلىك سۈزۈك بولمىسۇن ئۇ سىزنىڭ ئەسلىملىرىڭىزنى غۇۋالاشتۇرالمايدۇ .
بۈگۈنكىدەك جىمجىتلىق ئىچىدە سىزنىڭ تىۋىشلىرىڭىزغا ھەردەم قۇلاق سالماقتىمەن دوستۇم !!!

ھىسلىرىڭىز زىيادە بولغاي

كەچكۈزنى قۇغاق شامىلى ئاداققى يۇپۇرماقلارنى چۆرگىلىتىپ ئوينىماقتا. ئاياق ئاستىدا خازان بولۇۋاتقان يوپۇرماقلار قەدەملىرىمگە ئگىشىپ كىرىسلىماقتا. ئالۋاستىنىڭ شىۋىرلاشلىرىدەك ھۇشقۇيتىۋاتقان شامال تاتلىق خىياللىمغا
بەرھەم بەرمەكتە. قانداق قىلىمەن، سىنىڭدىن ئايرىلىپ قالغىلى يىل توشتى،رەھىمسىز ئەجەل سىنىڭ ئالتۇندەك ياشلىقىڭنى خازان ئەتتى.شۇندىن بىرى ھايات باھارىم كەچكۈزگە ئالمىشىپ مىنى ئۈنسىز ئزاپلارغا غەرق قىلدى. دىلبىرىم سەن بولغان بولساڭ مىنىڭ بۇ ھاياتىمدا تۈمەنخىل گۈللەر خۇشھىد چېچىپ بەرق ئۇرماسمىدى.... بۇ يازمىنى ئاخىرىدا   arku تەھرىرلىگەن. ۋاقتى  2012-4-8 13:19  

مۇنبەرگە ( يېڭىچە ھوسۇل بىلەن ) قايتىپ كەلگەنلىكىڭىزگە مۇبارەك بولسۇن!

پىغانغا تولغان لىرىك كۈي بوپتۇ ، ئازاپ تۆكۈلسىمۇ شۇنچە يقىشلىق ...سالاملار بولسۇن .

ئەشۇ دەقىقىلەردە يۈرەك تىۋىشلىرىڭدىن ئىسيان كۆتۈرگەن روھ غەليانلىرىم كۆزلىرىرىڭگە ئۈنسىز سۈكۈتنىلا بېرىپ ياپراقتەك تىترەپ تۇراتتىم. تۈتۈنلەپ كۆيىۋاتقان جىسمىمدا ساڭا قول ئۇزرتقىدەك ماغدۇر يوق ئىدى .سەن ئاستا يېنىمدىن ئايرىلغاندا ئەبەدىلىككە مەھكۇملانغان چىدىغۇسىز تەنھالىق قانلىرىم بىلەن قېتىلىپ تومۇرۇمدا ئېقىۋاتقاندەك تۇيۇلدى. لىكىن تەنھالىق ھەر ئىككىمىزنىڭ مەڭگۈلۈك چۈشى ئەمەسلىگىنى ھەر ئىككىمىز بىلمەيتتۇق ....

ئاي،ئۈستۈمگە قونغان قار گۈللىرى سېنىڭ مېنىڭ نەزىرىمدىكى پەرىشتە سۈپەت سىيمايىڭنى سىزىپ چىقتى.ئاق ئەتىرگۈلگە ئوخشاش پاك،زىبا تۇرقۇڭ،غۈنچە لەۋلىرىڭدە كۈلىۋاتقان تەبەسسۇمىڭ سېنى تۈنجى  كۆرگەندىلا ئەقلىمدىن ئايرىغان ئىدى.شۇنىڭدىن بۇيان مەن خىيالىي دۇنياغا ئەسىر بولۇپ ياشاپ كەلدىم.خىياللىرىمدا سېنى قۇچاقلاپ،سېنى كۆرۈپ،ساڭا يۈرەكتىكى سىرلىرىمنى،ساڭا دىمەكچى بولغان لىكىن دىيەلمىگەن سۆزلىرىمنى قۈلاقلىرىڭغا پىچىرلاپ كەلدىم.شۇنىڭدىنلا مەجروھ تېنىمگە مادار تېپىپ غۇۋا بىر ئۈمىدتە ياشاپ كەلدىم...سەن قەلبىمدىكى يىگانە ئاي،پەرىشتەمسەن،مەلىكەم!

پاھ!نىمە دىگەن رومانتىك ؟
ھەممەيلەن گۈل كەلتۈرۈپتۇ يا.....
مەن پەقەت يازالمايمەنكەن مۇنداق رومانتىك تۇيغۇلارنى.

       ھەممە ئۇيقۇغا كەتكەن بۇ جىمجىت كېچىدە سېنىڭ چېھرىڭنى قىرو بېسىپ كەتكەن كۆڭۈل ئىكرانىمغا سىزىپ،ئۇنىڭدىكى ئازابتىن قات-قات قاتقان مۇز پارچىلىرىنى ئىرىتمەكچى بولىۋاتىمەن.شۇ تاپتا خىيالىي دۇنياسىمدا كۆزلىرىمىز ئەڭ يېقىن ئارىلىقتىن بىر-بىرىگە شۇڭغۇماقتا:يۈرەكلەر رېتىمسىز،ئەتراپتىكى ھەممە نەرسە خۇددى ئۇلارنىڭ سۆھبىتىنى ئاڭلىماقچى بولىۋاتقاندەك سۈكۈتكە چۆكمەكتە...ئاڭلاۋاتىمەن،سېنىڭ يۈرەك تىۋىشىڭنى ئەڭ يېقىن ئارىلىقتىن ئاڭلاۋاتىمەن.مەن بىلدىم،سەنمۇ مېنى سېغىنىۋاتىسەن... بۇ يازمىنى ئاخىرىدا   ھىلال تەھرىرلىگەن. ۋاقتى  2012-4-10 00:09  

چۈشلەر ئالىمىدە ئاخىرقى ئەسلىمىلەر ئۈچۈن تولىمۇ يىگانىمەن ،گىرىمسەن خىياللىرىم ئىچرە مۇلايىم كۆزلىرىڭىنى ھىسلىرىم بىلەن سىلاپ قويىمەن ،گۈل پەسلىدە چىچىەكلەرنىڭ شىۋېرلاشلىرىنى ئاڭلاپ تۇرىمەن ،
تىۋىشلىرىڭ قەلىب پىنھانلىرىنى كىزىپ ئۆتكىندە مەن يەنىلا ئۇيقۇدىن بىدار ،بىلەمسەن شۇندىمۇ ئۇيقۇچان كۆزلىرىڭنى ئۇزاققىچە خىيال قىلدىم .... بۇ يازمىنى ئاخىرىدا   سىرىنگۈل تەھرىرلىگەن. ۋاقتى  2012-4-10 00:21  

سېنىڭ تالاي-تالاي كىچىللىرىڭدە يۇلتۇز بۇلۇپ ئۇيقۇدىن  بىدار مۇڭلانغىنىمدا چۈشلىرىڭنىڭ رۇجەكلىرىدىن مېنى بىرەر رەت ئىزدەپ باقارسەنمۇ ؟  پىنھانلىق ۋە ئىزگۈلۈك ئىچرە ساڭا ئەبەدىيلىك بەخىت تىلەۋاتقان يۈرەك شۇنداق پىچىرلايدۇ:ھەر بىر كېچەڭ شىرىن ھەم خەيرلىك بولسۇن!

شۇ چاغدا قىيالماستىن ئۈنسىز تۆككەن ياشلىرىمدىن كۆز جىيەكلىرىم بوينىڭدىكى قىپقىزىل شارپىدەك قىزىرىپ كەتكەن ئىدى.كەپسىز اماللار كۆڭلىكىڭنىڭ ئېتەكلىرىدىن كىرىپ سنىڭ نازۇك بەدەنلىرىڭنى سىپاپ ئۆتكەندە سېنى قىزغانغانئىدىم.كۆزلىرىڭ،قاش تېشىدەك سۈزۈكلىكىڭ ھېلىھەم يادىمدا،مەلىكەم!

سەن كۆز يەتكۈسىز دېڭىز.لىكىن قاغجىرىغان لىۋىمگە بىر تامچاڭنىمۇ چاچرىتالمايسەن.سەن ئوت دۇنياسى،ۋۇجۇدۇمنى يالقۇنلىرىڭدا كۆيدۈرۈپ پەقەت ئارام بەرمەيسەن.مەن پىغانلىق يېشلىرىم بىلەن ساڭا بولغان ئىشىق ئوتۇمنى ئۆچۈرمەكچى بولىمەن،ھىجران ئازاۋىمغا مەلھەم ئىزدىمەكچى بولىمەن يۇ،لىكىن يەنە يۈرىكىمدىكى ئوتنى كۈچەيتىۋالىمەن.
ئەمدى چۈشەندىم.سەن بۇ ئوتنى سەن ماڭا نازۇكلۇقۇڭ،خۇلقۇڭ،لاتاپىتىڭ بىلەن مەڭگۈلۈك تۇتاشتۇرۇپتىكەنسەن.سىنى كۈتۈۋاتىمەن...ئەلەملىك ئاۋازىمغا ئارىلىشىپ كەتكەن يېلىنىشلىرىم پايانى يوق اسمانلىرىڭدىكى مەغرۇر تەبەسسۇملىرىڭغا يۇغۇرۇلۇپ كەتكەندىمۇ ،كۈتۈشلەرنىڭ ھامان خاتىمىسى بولىدىغانلىقىغا ئىشىنىپ قالىمەن...


ھىلالئاي،نەسىرلىرىڭىز ۋە نەسىرلىرىڭىزدەكلا لىرىك شېئىرلىرىڭىز ئۆكسۈپ قالمىسۇن!