سۆيگۈ تىلسىمى ( نەسىر) [ئۇلانما كۆچۈرۈش]

سۆيگۈ تىلسىمى

ئەزىز ئىمىر يانغىن

يامغۇرلۇق گۇگۇمغا سىڭىپ كەتكەن قەدەملىرىڭدە دۇنيا مۇسىبەتكە غەرق بولدى . خىرەلەشكەن ئۆتمۈشنىڭ ئازابلىق كوچىسىدا يەنە شۇ كونا ناخشا ، ناخشا ئىچىدە ئىككىمىز . سەن ئۈچۈن پىراق چىكىۋاتقان مەن ، پەرۋاسىز كىتىۋاتقان سەن . كۆڭلۈمنىڭ ساڭا ئاتالغان سۆيگۈسىدەك بۇلدۇقلاپ چىقىۋاتقان بۇلاق بۇيىدا لەۋلەرنىڭ تەشنالىق ئۇچۇشلىرى ، تەڭرىنى تەسىرلەندۇرىدىغان قەسەملىك ئەھدىلەر ...
ھاياتىم باغ ئىدى ، سەن باغۋەن بۇلۇپ كۆڭۈل بېغىمنى سانسىز ، رەڭدار ، خۇشپۇراق گۈللەر بىلەن بىزىگەن ئىدىڭ . سەن بىلەن يۈرگەن دەملەردە ئەتراپىمنى ھەرزامان رەڭدار گۈللەر ئوراپ تۇراتتى . بىز بەخت قۇشىغا ئايلىنىپ چىمەنلەر ئارىسىدا ئەركىن پەرۋاز قىلاتتۇق . مانا شۇ ئەسلىمىلەر يىراق ئۆتمۈش ئىچىدە يەنىلا رەڭگىنى يوقاتماپتۇ . ھەرقېتىم بىز تۇنجى كۈرىشكەندىكى ئىللىق چىھرىڭ كۆز ئالدىمغا كەلسە ، ياشلىقنىڭ ئويناق ھىسلىرى كەيپىدە ھاياتقا بولغان تەلپۈنۈشلىرىم، سۆيگۈگە بولغان ئوتتەك تەشنالىقىم ۋۇجۇدۇمنى لەرزىگە كەلتۈرىدۇ . قاش قارىيىشى بىلەن ھۈپپىدە ئېچىلغان ناماز شام گۈللەر ئارىسىدىكى ئويغاق چۈشلىرىم خىيال جەننىتىمنىڭ ئالتۇن دەرۋازىسىنى ئاچىدۇ .
تىنىقى قۇشۇلمىغان سۆيگۈمىز ئىككىمىزنىڭ ئارىسىغا ئالتۇندىن پۈتكەن يادىنامە قۇيىدۇ . بىز ھېيت -بايرام ، قۇتلۇق كۈنلەردە تېلفۇننىڭ كۆزىگە كۈرۈنمەس دولقۇنلىرى ئارقىلىق بۈگۈنكىدەك دىدارلىشىپ تۇرىمىز . سەن ھامان كۆز ئالدىمدا ، پات -پات تۇقۇمىچى يۇلتۇزدىن ، لەھەل يۇلتۇزدىن سېنى سوراپ جاۋاھىرەت چېچىلغان كۆك دۇنياسىدىن سېنى ئىزدەيمەن . سېنى ئىزدەشلىرىم ،سېغىنىشلىرىم بىلەنلا بوران -چاقماقلار ئارىسىدا قالىمەن . زىمىن تىترەپ دەھشەتلىك زىلزىلە ئىچىدە كۆز ئاچقان چاغدا سىنى ھەسرەت بىلەن ئەسكە ئالىمەن . دېرىزەم سىرتىدىن ئاڭلىنىۋاتقان ، ئۇنتۇلغان ئايرىلىش گۇدۇكى يۈرەكتىن قان ئاقتۇرىدۇ . لاۋا ۋاراقلاۋاتقان نىپىز لەۋلەرنىڭ ھىدى ھېلىھىمۇ ماڭا يېڭىچە ھايات بەخشەندە قىلىدۇ . قوللىرىڭ سىلكىنىشلىرىدە پۈتۈن ئالەم ماتەمگە چۆمگەن ، چاناقلىرىڭ لەملىنىپ ، ئەتراپ يامغۇرلۇق تۈن ئىچىگە غەرق بولغان ئەمەسمىدى ؟ چىدام - سۆيگۈ دىمەكتۇر . سېغىنىشلىرىم ئىچىدە كۈتمەكتىمەن . ئاھ ، لەۋلەرنىڭ ئۇچرىشىشلىرىدا كۆزلىرىڭنى ھىم يۇمىۋالغىنىڭنىڭ ۋەجى نىمىدىن جېنىم ؟ سېنى كۈتىۋاتىمەن ، بەرق ئۇرىۋاتقان ھاياجىنىم ئىچىدە سەن كۆز ئالدىمدا ، مەن سېنىڭ چوغدەك قىزىق قوللىرىڭنى تۇتۇپ كەلگۈسى ھايات يۇلىمىزنىڭ يېڭى تاغلىرىنى چۈشىمەكتىمەن ...

سالام ،يانغىن !ياخشى چىقىپتۇ ،قۇت تىلەيمەن

مۇزىكىغا سىڭىپ كەتكەن لىرىك ھىسلىرىڭىز غا قوشۇلۇپ ئىختىيارسىز يىراقلارغا كىتىۋاتىمەن.........

توغرا، ياخشى چىقپتۇ. بۇ نەسىرلەرنى مەنمۇ ياقتۇرۇپ ئوقۇدۇم.

سەھەردە   كاكۇك سايرىغاندا  ئويغاندىم ، بېغىمىزدىكى  چېچەك ئاچقان ئۈرۈك  بۈگۈن كاكۇكنىڭ ئاۋازى   بىلەن  تېخىمۇ گۈزەل كۈرۈندى .  مانا شۇنداق  گۈزەل تۇيغۇ بىلەن ئالدىراشلىق ئىچىدە بۈگۈنگە كىرىپ كەلگەن ئىدىم .  كەچلىكىمگە  ئاشۇ چېچەكلىك  قورايمىزدا  ئانامغا ھەمرا  بۇلۇپ قالغان  ئەزگۈ تېلەكلىرىمدەك مۇڭلۇق  ، كاككۇكنىڭ  سەھەردىكى ئاشۇ ئاۋازىدەك  يىقىملىق ،  چېچەكلەردەك گۈزەل   بۇ قۇرلار مېنى كېچىنىڭ تېنچلىقىغا  يىتىلەپ ماڭدى . سىزگە  تەشەككۇر .
         ھەدىڭىز : گۈلباھار

تىلىڭىز ئۆتكۈر جۇمۇ يانغىن.بەكمۇ لەرزان ،يېقىشلىق چىقىپتۇ.

نەسىر تىلى لىرىك يىقىملىق چىقىپتۇ بەكمۇ ياقتۇردۇم ئىنىم !

   ئۇ بىر كېچە ئىدى .
تۈن تىۋىشلىرى  مېنىڭ رېياللىقنىڭ يەنە بىر يۈزىدە  تۇرۋاتقىنىمغا شاھىت بولدى .
ئۇ ھاياتلىق بىلەن ماماتلىقنىڭ  كېسىشكەن  ئورنىدىكى  ھەقىقى مەۋجۇتلىق ئىدى .
تۈننىڭ شىكايەتلىرى مىڭ بىر كېچەنىڭ داستانىنى پۈتتى . تۈننىڭ تىۋىشلىرى بىر ھاياتلىقنى   توپتوغرا ئوتتۇز يەتتە يىل ئالدىدى  .
مەن   پەقەت ئۈزۈم بۇلۇپ ئويغانغىنىمدا ، چەكسىز كەتكەن  قۇملۇقتا  ئۈزۈمنى  يالغۇز ھالدا كۆردۈم .
-ئادەملەر قېنى؟
-ھەممىسى  توغراققا ئايلاندى .
- مەن تۈن قوينىدا  كۆرگەن  ھېلىقى ئادەملەرچۇ ؟
-  ئۇلار  تۈن مەزگىلىدە  يەنە پەيدا  بۇلىدۇ . ئەمما سېنىڭ كۆز ئالدىڭدىكى  ھەقىقى ئادەملەر .
ئاۋاز    قۇم ئاستىدىن تىترەپ تىترەپ چىقاتتى . مەنمۇ توغراققا،  ئۇنىڭ ئالتۇن رەڭ  ياپراقلىرىرىغا ئايلىنىىشىم كېرەك ئىدى .  مەن ئالدىمغا قاراپ  چەكسىز كەتكەن  تەكتى  ماكان تامان  ئېچىلغان بىر يولغا قاراپ  يۈرۈپ كەتتىم .

نەسىرگە ئامراق بوپ قالدىم بۇ مۇنبەردىكى نەسىرلەرنى ئوقۇپ يۈرۈپ ياخشى يىزىپسىز يانغىن مۇزىكىمۇ مۇڭكەن !

ھاياتلىقتىن ماماتلىققا قەدەر ھايات -مامات ئالمىشىپ تۇرىدۇ،تۇرمۇشتىن بىزار بولغان كىشىلەر :<تۇرمۇشنىڭ ھىچقانداق قىززىقى يوق>دەيدۇ،تۇرمۇشنى قىزغىن سۆيىدىغانلار:<تۇرمۇش نىمىدىگەن گۇزەل> دەيدۇ،تۇرمۇشنى تىزگىنلىۋالغان كىشىلەر بولسا :<ياشىدۇق ،مۇھەببەتلەشتۇق ،تۇرمۇشنىڭ پەيزىنى سۇردۇق >دەيدۇ  تۇرمۇش-سۆيۇش دىمەكتۇر .ھەقىقى سۆيگۈگە ئىرىشكەن كىشىلەر ئەلۋەتتە تۇرمۇشنى قىزغىن سۆيىدۇ.مۇھەببەت مەڭگۇلۇك تىما ،كىشىلەرنى مەس قىلىدۇ ،قوغلىتىدۇ ۋە ئىنتىلدۇرىدۇ .شىكسىپىر :<مۇھەببەت گۇللەرنىڭ دالدىسىدىكى تاتلىق پىچىرلاش ئەمەس ،شاپتۇلزارلىقلاردىكى شىرىن -شىكەر سۆزلەرمۇ ئەمەس ،ئاسان تۆكىلىدىغان كۆز يشىمۇ ئەمەس ،مەجبۇرى بويسۇندۇرۇش تىخىمۇ ئەمەس،مۇھەببەت ئورتاق ئاساسقا قۇرىلىدىغان ھېسىيات >دىگەن ھەرقانداق بىر ئىنسان مۇھەببەتكە تەشنا ،شۇنداقلا ھەقىقى مۇھەببەتكە ئىرىشىكە ھەقلىق .ئۇنداقتا ھەقىقى مۇھەببەت دىگەن نىمە؟  ھەقىقى مۇھەببەت -ئاتا قىلىش ۋە كۆڭۇل بۆلۈش؛ھەقىقى مۇھەببەت-ئادەمنى ئۆزىگە ئىشەندۇرۇش ۋە مۇستەققىل قىلىش ؛ھەقىقى مۇھەببەت-كەڭ قورساقلىق ۋە چۇشىنىش ؛ھەقىقى مۇھەببەت -ھۆرمەت قىلىش ؛ھەقىقى مۇھەببەت -تۇراقلىق بۇلىشتىن ئىبارەت .مانا مۇشۇنداق ھەقىقى مۇھەببەتلا ئادەمنى چىن دىلىدىن كۇلدۇرىدۇ.خوشال قىلىدۇ،بەخىتلىك قىلىدۇ،جاپادىمۇ،ھالاۋەتتىمۇ ،ئازاپ-ئۇقۇبەتتىمۇ ،مۇۋەپپىقىيەتلەردىمۇ بىللە بۇلۇپ ،مۇھەببەت ئاتا قىلىش -بۇ سىلەرنىڭ كىشىلىك تۇرمۇشۇڭلار ۋە ھاياتىڭلارنىڭ پۈتكۇل ئەھمىيىتى بۇلۇپ ھىساپلىنىدۇ.

ــــــــــــــ چىرنىشىۋېسكى





قۇلاق تۈۋىمدە مۇڭلۇق بىر سادا،مەنمۇ ئاستاغىنە جۆر بولدۇم .قەلبىم لەرزىگە كىلىپ ۋۇجۇدۇم تىترەپ كەتتى.كۆز چاناقلىرىمغا ياشلارنىڭ ئولىشىپ كەتكىنىنىمۇ ھەم سەزمەي قاپتىمەن.
مۇڭلارمۇ ئەزگىنى مېنى،ناخشىدىكى قۇرلارمۇ يىغلاتقېنى ياكى.تاڭ سەھەردە دەرىزەمدىن سەلكىن شاماللارغا ئەگىشىپ ھەر كۈنى كىرىدىغان سېنىڭ ھىدلىرىڭ بۇرنۇمغا پۇرىغاندەك بولغىنىمۇ ياكى....ھېچ بىلمىدىم ،بىراق مەن بىرلا نەرسىگە كۆنۈك.سېنى ئەسلەش  مىنىڭ بىردىنبىر  خۇشاللىقىم.
سېغىندىم سىنىڭ تاتلىق ئەركىلىتىشلىرىڭنى،سېغىندىم مېنى تىرىكتۇرۇشلىرىڭىنى،سېغىندىم تاتلىققىنا پىچىرلاشلىرىڭنى.
گۈزەل ئەسلىمىلىرىم ماڭا كۈچ ،سېنىڭ سېغىندىم دىيىشلىرىڭ ماڭا مەدەت.مېنىڭ ساڭا كۆيگىنىم ھەقىقەت،سېىنىڭ ماڭا ئاشىقلىقىڭ ھاياتىمنىڭ ئەڭ گۈزەل يارقىنلىقىڭ نامايەندىسى.شۇنىڭ ئۈچۈن مەن تۇلىمۇ بەخىتلىك..سېنې ئەسلەشمۇ ،سېغىنىشمۇ مەن ئۈچۈن بىر ھۇزۇر.

                         يانغىن ئۇكامنىڭ مېنى مۇڭلارغا  جۆر قىلدۇرغان لىرىكىسىغا تەشەككۈر....

نەسىر خۇددى شېرى ئەسەرگە ئوخشاشلا لېرىكلىق ئىپادلەش يولىنىڭ بىرخىل شەكلى .
نەسىرچىلىك بوشلىقىمىز ئۈچۈن يېڭى تېمىلارنىڭ روياپقا چىقىشىنى ئۈممۈت قىلىمەن .
يانغىن ئىنىمىزنىڭ تىل ئىپادلەش ماھارىتى كىشىنى ئۈمۈتلەندۈرىدۇ .
  ئىپىكىلىق نەسىرلەرگىمۇ يۈرۈش قىلىڭ ئۇكام ،نەسىرنىڭ بىرخىل تۈرى بىلەن چەكلەنمەڭ بۇ مېنىڭ سەمىمى تەكلىپىم.

ھەدىلىرىمنىڭ تېمامغا كىرگىنىدىن تۇلىمۇ خۇرسەن بولدۇم . ھەم ماڭا بەرگەن سەمىمىي تەكلىپلىرىڭلارنى قۇبۇل قىلدىم . بۇ ھەقتە يەنىمۇ يىتەكلىشىڭلارغا ، پەرۋىشىڭلارغا موھتاجمەن . سىلەرگە چەكسىز بەخت تىلەيمەن !

سۇسىز قۇرۇق دەريا پايانسىز چۆللۈكتە چاڭقىغان ھالدا ھالسىزلىنىپ سۇزۇلۇپ ياتىدۇ . يىلبۇيى باغرى قانمىغان بۇ چۆللۈكتە قاچان ،كىملەرنىڭ ئاياغ ئىزى قالدۇرۇپ كەتكىنىدىن بىرەر نىشاننى تېپىشمۇ تەس . ناگان -ناگاندا <<تاراسلاپ >>يېغىپ قالىدىغان ئالدامچى تەبىئەت رەھمىتى بىر پەستىلا ئۆز سېخىيلىقىغا تىنىقلىرى بىلەن تۇۋاق يېپىپ كىتىپ قالىدۇ . سۇسىز دەريا ئۇھ ئارلاشقان تىنىقلىرى بىلەن پىژغىرىم ئىسىقتا قىينىلىپ ھالسىرايدۇ ، تارتىمىلىق ئۆتمۈشنى چۈشەيدۇ ، جۆيلۈيدۇ :
-كېلىڭلار ئەزىزلىرىم ، مانا مۇشۇ باغرىمغا سىلەرنىڭ كىندىك قېنىڭلار تۆكۈلگەن :قايسى بوران سىلەرنى چېكەتكە ماكانلىغان ، پاقا ئۇۋىلىغان يەرلەرگە ئاپىرىپ شورىدى ؟!
ئۇ جۆيلۈيدۇ ، ئەتىنىڭ ئەتىسىنى كۈتۈپ ، تۈنۈگۈنىنى چۈشەپ ...