شىرىن ھىجران [ئۇلانما كۆچۈرۈش]

يۈرىكىمنىڭ پىنھانلىرىدىن ،
سېنى ئىزدەپ باقتىم نەچچەرەت .
ئۇچراتقىنىم تاتلىق ئەسلىمە ،
تاپالمىدىم سېنى بىر نۆۋەت .

چۆللىرىڭگە چىراغلار ياقسام ،
مىھرىمىزدىن نۇرلانسا جاھان .
يوللىرىڭنى گۈلگە تولدۇرسام ،
كۈلەرمىدى يۈرەكتەئارمان .

تەسەلللىنى كۈتمەيمەن سەندىن ،
كۈلۈپ تۇرۇپ خوش دىيەلەيمەن .
ئاشۇ شىرىن خىيال قوينىدىن ،
مەغرۇرانەبەخىت ئىزدەيمەن .

پايانى يوق كۈتۈش دېڭىزى ،
قىرغىقىدا يۈرەرسەن بەلكىم .
سەن ئۇچراتقان شۇ شاۋقۇنلارنى ،
مەڭگۈ ئىزدەپ تاپالماس ھېچكىم.

دولقۇنلارغا ئۇرۇلسام تاڭدا ،
تامچىلاردا سېنىڭ ھىدىڭ بار .
گۇگۇمدىكى ياپراق لىۋىدە ،
ئوقۇپ باقسام سېنىڭ ئېتىڭ بار،


ئەسلەپ باقساق كەينىگە قاراپ ،
كۈلكىلەردە پارلار مىڭ ئارمان .
ۋىسالنىلا تاتلىق دىگەن كىم ،
مىھىر بولسا ھەم شىرىن ھىجران.

ئاشۇ شىرىن ھىجران قوينىدا ،
تەكرارلىنار سەمىمىي دۇئا .
مەيلى قىسمەت ئاقسۇن قاياققا ،
قۇت –ياخشىلىق يار بولسۇن ساڭا .

دەرۋەقە، مۇھەببەت ئازابلىق بولغىنى ئۈچۈنلا شېرىن بولىدۇ.

مۇھەببەتلىك مىسرالىرىڭىز ئۈزۈلمىسۇن..

ئازابلارغا دۇچار بۇ يۈرەك،
كەلدى خورلۇق ماڭىلا يېقىن.
بەزەن شاقىراپ يامغۇرلا ياغسا،
بەزەن سوقۇپ ئۆتۈدۈ چېقىن.
تەقدىرىم كاج قالدىم قىرغاقتا،
سىنى ئېلىپ كەتتىغۇ ئېقىن.
ھىجران بىلەن ئۆتەي سېغىنىپ.
كەلسە ئۆلۈم يەنە بىر قېتىم.
ئاھ.....

تامچىلاردا سىنىڭ ھىدىڭ بار ،
شاماللاردا يۇمران ئاۋازىڭ ،
دىلىمدىكى بارچە ھەسرەتنى ،
ئۆزۈڭ تەنھا ئۇقۇپ تۈگەتتىڭ .

ئىككىمىزنىڭ ھەسرىتى ئىچرە ،
ئاھ ئۇزاردى نىمانچە بۇ يول ،
چاقىرىمەن ئىسمىڭنى ئاستا ،
شامالدەكلا ئۇزاتقانچە قول .

لەۋلەر يىغلار دىللار ھەسرەتتە ،
ئۇنتۇلۇدۇ ھەممە ئىھتىمال .
ئۆچۈرگۈم يوق گۈلگۈن ھىسلارنى ،
پەقەت سىنى قىلىمەن خىيال