“«يازغۇچىلار ئاۋازى!» 8- سان : ئاۋازلىق [ئۇلانما كۆچۈرۈش]

ئاۋازىڭىز يېقىملىق،
بۇلبۇل تىلى يېگەنمو؟
دىكتۇرلۇكنى كەسپ قىپ،
پۇلدار بولاي دېگەنمو؟

ئاۋازىڭىز يېقىملىق،
ئاڭلاپ -ئاڭلاپ قانمايمەن.
سېغىنىشتىن ئوت بولوپ،
دىدارىڭىز ئويلايمەن.


رەخمەت جېنىم سىڭلىم !!!سىز بىزنى خۇش قىلدىڭىز ئاللا سىزنى خۇش قىلسۇن!!!

ئەسىرى ئاۋازغا ئېلىنغان ئايال ئاپتۇرلارنى چىن دىلىمدىن تەبرىكلەيمەن!

ئەسسالامۇ ئەلەيكۇم تۇنساگۈل!
ئۇزۇن بوپتىكەن مۇنبەرنى تۈزۈكرەك ئولتۇرۇپ كۆرمىگىلى، بايا  كوت-كوتنى ئېچىپلا بىرسىنىڭ يوللاپ بەرگەن ئادرىسىنى تاپشۇرىۋالدىم. ئادرىسنى ئالدىراپ چەكتىم ۋە ھەيران قالدىم. مېنىڭ ئىسمىم بىلەن سىزنىڭ يېقىملىق ئاۋازىڭىز گىرەلىشىپ كەتكەن شۇ دەقىقىدە ئاجايىپ بىر خىل مۇرەككەپ تۇيغۇ ۋۇجۇدۇمنى چىرمىۋالدى. ئەڭ ئاۋال ئېسىمدە تولىمۇ غۇۋا قالغان خاتىرەمدىكى ئۇ گەپلەر ۋە شېئىرلارنى نەدىن ئالغاندۇ دەپ ئويلىدىم، ئارقىدىن...
خېلى يىللار ئىلگىرى يېزىلغان بۇ ئىككى پارچە شېئىرىمغا جان بەرگەن تاتلىق ئاۋازىڭىزغا رەھمەت! ئىشىنىمەنكى، بىر كۈنلەردە چوقۇم سىزگىمۇ گۈزەل، ياپيېشىل تۇيغۇلارنى بېرەلەيمەن.  

رەھمەت، سىزنىڭمۇ ياخشىراق پىشىپ ، تېزراق بۇ سەپكە قېتىلىشىڭىزنى ئۈمىت قىلىمەن. يەنە سەل غەيرەت قىلىڭ

ئەسسالامۇئەلەيكۇم قەدىرلىك رۇقىيە:
  ئالدى بىلەن ئۇ ئىككى پارچە شېئىرىڭىزنى ياقتۇرغىنىڭزدىن سۆيۈندۈم، ئەمما  مەلۇم سەۋەپلەر تۈپەيلىدىن ، ئۇزۇندڭن بۇيان مۇنبەرگە كىرەلمەي  دوستانە مۇھەببەتكە لىق تولغان ئىنكاسىڭىزنى ۋاقتىدا كۆرۈپ جاۋاپ يازالماي قالغىنىمدىن ھەم ئۆكۈندۈم ھەم خىجىل بولدۇم. خاتىرىڭىزگە يازغان ئۇ سۆزىڭىزنى مەنمۇ ياقتۇرغىنىم ئۈچۈن، توختىماي تىرىشچانلىق كۆرسىتىۋاتقىنىڭىزغا بولغان قايىللىق ۋە ھۆرمىتىمنى   ئىپادىلەش ھەم ئوقۇرمەنلەرگە بەرگەن ۋەدىڭىزنى ئۆزىڭىزگە يەنە بىر قتېىم ئەسلىتىش ئۈچۈن، شېئىرىڭىزنىڭ بېشىغا ئەپ قويغان ئىدىم.
    كۆپىنچە ۋاقىتلاردا دوستلارنىڭ ئىنكاسلىرىغا ۋاقتىدا ئۇچۇر قايتۇرۇش ئىمكانىيىتىم بولماي  قالىدىكەن .   كۈنلەرنىڭ بىرىدە غۇلاچلىرىمىزنى كەڭ ئېچىپ ، قىزغىن كۆرىشىدىغان چاغلىرىمىزمۇ كەپ قالار. سىز ۋە بارلىق ئەزىىز دوستلارنىڭ، شۇنداقلا تېمىغا قاتناشقان، تەييارلىغان ئەسەرلەرنى ياقتۇرغان ۋە سەمىمىي تىلەكلەرنى قالدۇرغان بارلىق مۇنبەرداشلارغا چىن دىلىمدىن سەمىمىي سالام ئېيتىمەن!

ھەممىڭلارغا يەنە بىر قېتىم رەھمەت!

  ئىزچىل قوللاۋاتقان، قاراشلىرىنى يەتكۈزىۋاتقان ۋە ئەسەرلەرنى ياقتۇرۇپ ئاڭلاپ كېلىۋاتقان بارلىق   ئەزىزلەرگە ئالى ئېھتىرام بىلدۈرىمەن !
   
                                ھۆرمەت بىلەن: تۇنساگۈل بارات ئەلقىزى