قەشقەرلىق ئايال(ئاۋازلىق) [ئۇلانما كۆچۈرۈش]

سىزگىمۇ سالام بولسۇن، زەيتۇنەم! بۇ داستان ئەسلىدىمۇ ياخشى يېزىلىپتىكەن. مەن بىرنەچچە يىل ئىلگىرى تۇنجى ئوقىغان چېغىمدىلا ماڭا تەسىر قىلغان. بۇ قېتىمقى كۇرسانتلار ئارىسىدا ئادالەت ئابدۇرېھىممۇ بار ئىكەن، تىزىملىكتىن ئىسمىنى كۆرۈپلا ئەينى ۋاقىتتىكى «قەشقەرلىك ئايال» ئېسىمدىن كەچتى. بۇدا قايتا ئوقىغاندا يەنىلا ئوخشاش تەسىر قىلدى(گەرچە يۇقۇرىدا تورداشلار ئېيتىپ ئۆتكەندەك، ئىملا خاتالىقى تۈپەيلىدىن، داستاننىڭ ئەسلى مەزمۇنى ۋە مەزمۇنغا ماس ھېسسىياتنى ئاۋاز ئارقىلىق دەل جايىدا ئىپادىلەشكە تەسىر يەتكۈزگەن بولسىمۇ) ۋە كاللامدا نۇرغۇن خىياللار  پەيدا بولدى . مەن «بېيجىڭ: ئەدەبىيات بۆشىكىدە» تېمىسىدا شائىر  روزى گۈلباي ئاكىمىزنىڭ رۇبائىلىرىنى قېتىپ ، ئۇ يەردىكى بارلىق دىلكەشلەرگە كىچىككىنە بولسىمۇ ئىلھام بېرىش ۋە ئۇلارغا سالام يوللاش ئىستىكىدە ، مۇنبەرداشلارغا سۇنغان ئىدۇق.  بۇ داستاننىڭ قىممىتىنى تونۇپ يەتكەن، ۋۇجۇتقا چىقىشقا ياردەم بەرگەن، تېمىغا قاتناشقان  بارلىق دىلكەشلەرگە ئالى ئېھتىرام بىلدۈرىمەن!
                ھۆرمەت بىلەن: تۇنساگۈل بارات ئەلقىزى

گۇللەر خىجىل رۇخسارىڭىزدىن،
بۇلبۇل چاندى زۇبانىڭىزدىن .
گۇللەرنىڭ بەرگىگە كەتتى قېتىلىپ،
مەست بولوپ ئاچىڭىز  ئاۋازىڭىزدىن.

سىڭلىم تۇنۇساگۇل ئاۋازىڭىزغا كۆز تەگمىسۇن!!

  
گۇللەر خىجىل رۇخسارىڭىزدىن،
بۇلبۇل چاندى زۇبانىڭىزدىن .
گۇللەرنىڭ بەرگىگە كەتتى قېتىلىپ،
مەست بولوپ ئاچىڭىز  ئاۋازىڭىزدىن

داستاننىڭ ئاپتۇرغا سالامەتلىك،قەلىمىگە قۇت ، ئائىلىسىگە بەخىت، ئىشلىرىغا ئاسانلىق، ئېجادىيىتىگە بەرىكەت ،ئاۋازلاشتۇرغۇچىلارغا شەرەپ يار بولغاي

   داستاننىڭ مۇۋەپپەقىيىتىدىن مەنمۇ سۆيۈنۈش ھېس قىلدىم، ياش يازغۇچى، شائىرە ئادالەت ئابدۇرېھىمنىڭ ئىجادىي ئىزدىنىشلىرى يەنىمۇ نۇسرەتلىك بولسۇن.
   جانلىق دېكلىماتسىيە ئارقىلىق، بۇ داستاننىڭ شۆھرىتىنى ئاشۇرغان تۇنساگۈل بارات ئەلقىزىنىڭ داۋاملىق سالامەت بولۇشىغا، تاغ سۇلىرىدەك سۈزۈك ھەم ئويناق ئاۋازىنىڭ يەنىمۇ جاراڭلاپ تۇرۇشىغا سەمىمىي تىلەكداشمەن.

دوستۇم ئادالەت،داستانىڭىزغا مۇبارەك بولسۇن!سىزگە سالامەتلىك،قەلىمىڭىزگە بەركەت تىلەيمەن.تاغتۇرادا سىز ماڭا سوۋغا قىلغان ھېلىقى پۇراقلىق ئەنبەرنى پات-پات ھىدلاپ سىزنى ئەسلەۋاتىمەن!

ئادالەت ئابدۇرېھىم ناخشا تېكىستلىرى

تەكلىماكان 1


تەكلىماكان سەن ئەبەدىي تۈگىمەس ناخشا،
ۋاراقلىسا ئاخىرلاشماس  تەخىرسىز  كىتاب.
پايانىڭ يوق دېڭىز، ئاسمان، ئالەمسەن ھەتتا
سىرلىق ھايات رىسالىسى ،ئاۋازسىز خىتاب.


تەكلىماكان -ئۆلمەس شەھەر سېھىرلىك ئالەم،
تەكتىمىزدىن سىردىشىشقا كەتمەس تەرجمان .
قۇچاقلىغان ھاياتلىقنى ئۇنىڭدىكى تەم.
يىلتىزىمىز كۆكلەيدىغان قاناتلىق ئارمان.

تەكلىماكان 2


قۇم دېڭىزى ئۇپۇققا تۇتاش
دولقۇنىڭغا تارىخ پۈتۈلگەن.
قۇم ئوردا، قۇم يېزىق ، قۇم رەسىم .
دولقۇنلارنىڭ ئاستىغا چۆككەن


بوۋام تۇتقان ئالتۇن ساپ خەنجەر
ئارالدىكى پارخوت ئاستىدا
مومام تىككەن زەر يىپ كەشتىلەر
قۇم قىزىغا نۇرلار تارىىتار

ئەي بەڭباش كاراپ
توختاپ قالماي دولقۇن يار بىر پەس.
قۇم دېڭىزنىڭ ئاستىدۇر شەھەر
پەرۋازىڭدىن ئالىدۇ نەپەس.
ئەي بەڭباش كاراپ
ۋەتەن سۆيگۈسىدە ئادەم مۇقەددەس!

  تارىم ۋادىسى

  ؟(ناخشا تېكىستى)

چۆمۈلگۈڭ، ئوينىغىڭ، يايرىغىڭ كېلەر،
ئەلۋەك سۇلارنى كۆرسەڭ سەن ئەگەر
گۈزەللىك ئانىسى-
                          تارىم ۋادىسى
دولقۇنلار قىرغاققا چاچراتقاندا زەر



ياپيېشىل يايلاقنىڭ سۈتى بېھىساپ،
يايلايدۇ يىلقىلار، قويلار، پادىلار.
ئېكىنلار ئەمگەكتىن كۈلىدۇ ياشناپ،
تارىمنىڭ مېھرىدە يايرايدۇ دىللار.


ئانىلار ئانىسى، سۈتلەر ئوغۇزى-
سېنىڭدە.
              ھاياتنى ياشناتقان تارىم
مىليۇن يىل تەشەككۈر ئېيتىدۇ ساڭا.
مىليۇن دىل يۈرەكتىن قىلىدۇ تازىم.

بۇ يازمىنى ئاخىرىدا   ئادالەت تەھرىرلىگەن. ۋاقتى  2012-8-4 20:02