ت.س.يالپۇز: بوسۇغامغا چوغ تاشلىماي كەت

تۇرسۇنگۈل ساۋۇت · ۋاقتى: 2012-4-3 20:55:24


	بوسۇغامغا چوغ تاشلىماي كەت تۇرسۇنگۈل ساۋۇت يالپۇز جېنىم ساڭا يىغلاپ باقمىدىم، قىلغۇم كەلمەي ھەسرەتنى كۆرەك. كۆز ياشلارنى يۇتۇشقا كۆنۈك، ئىسسىق قۇمدەك مېھىرلىك يۈرەك، بوسۇغامغا چوغ تاشلىماي كەت، ھايات گاھى ۋاز كېچىش دېمەك. دېرىزەمدە تۈنەپ قاپتۇ ئاي، بۇرۇنقىدەك قىلىپ بەرمەس ناز، شاماللارنىڭ تىنىقىدا دەرد، قىلغان بىلەن ھەر ياندا پەرۋاز. كۆرۈنىدۇ كۆزۈمگە ھەممە، تۈلكە جىندەك شاللاق ۋە رەڭۋاز. كۆندۈم قىسمەت زەنجىرلىرىگە، مۇز گۈلىدەك بولسىمۇ سوغۇق. رەقىب ئەمەس،كۆيگەن جەڭچىمەن، ئاتتىم ساڭا ئىشقىمنى قىپ ئوق. ھايات ماڭا گۈل تۇتتى دەيمەن، نېسىۋەمدىن قالساممۇ قۇرۇق. كىملەر كۆيەر كېچىدە تەكرار ، ئاقتى كىمنىڭ يۇلتۇزى شۇ تاپ. ئەزرائىلغا يۈكۈنگۈم كەلمەس، مەن ھاياتقا ئاشىق بىر بىتاب. قايماق سالغان چايكەنغۇ دەيمەن، سۆيۈپ قالسا لېۋىمگە ئاپتاپ. تىۋىشىڭنى ئاڭلىسام سەھەر، بۈگۈن يارغا توي بوپتۇ دەيمەن. غەم تېشىدا ئېزىلىپ تۇرۇپ، ئەجەب سېنىڭ غېمىڭنى يەيمەن. تۈنلىرىڭنى قالدۇرغىن ماڭا ، سېنى گۈزەل تاڭدا كۈرەيمەن 2012-يىل ئاپىرىل شەھىرى ئونسۇ بۇ يازمىنى ئاخىرىدا Erchin تەھرىرلىگەن. ۋاقتى 2014-2-10 00:14

گۆھەر ئابلا · ۋاقتى: 2012-4-3 23:08:44


	جېنىم ساڭا يىغلاپ باقمىدىم، قىلغۇم كەلمەي ھەسرەتنى كۆرەك. كۆز ياشلارنى يۇتۇشقا كۆنۈك، ئىسسىق قۇمدەك مېھىرلىك يۈرەك، بوسۇغامغا چوغ تاشلىماي كەت، ھايات گاھى ۋاز كېچىش دېمەك. ھېلىقى، كېلەر بولساڭ بۈگۈن كەل يايرىم ، تاڭدا كەلسەڭ بۇ چىرايىم يوق دىگەن ناخشا ئىسىمگە كەپ قالدى . سىزگە ساقلىق ، قەلەمگە بەرىكەت تىلەيمەن . بۇ يازمىنى ئاخىرىدا گۆھەر ئابلا تەھرىرلىگەن. ۋاقتى 2012-4-3 23:48

گۈلخان · ۋاقتى: 2012-4-3 23:14:06


	گۆھەر ئابلا يوللىغان ۋاقتى 2012-4-3 23:08 جېنىم ساڭا يىغلاپ باقمىدىم، قىلغۇم كەلمەي ھەسرەتنى كۆ ... «ساقلىق»دېمەكچىمۇ -يا؟

گۆھەر ئابلا · ۋاقتى: 2012-4-3 23:48:06


	شۇنداق ئىدى ، مەن ئۆزگەرتىپ قويدۇم رەھمەت سىزگە گۈلخان .

دىلداش · ۋاقتى: 2012-4-4 12:36:14


	ئېلھاملىرىڭىز ئۈزۈلمىگەي!

ablipiz idiris · ۋاقتى: 2012-4-4 12:49:36


	تېتىمىلىق شېئىرلىرىڭىزنى داۋاملىق يوللاپ تۇرۇڭ.

پىنھانە · ۋاقتى: 2012-4-4 15:57:14


	بۇسۇغامغا چوغ تاشلىماي كەت . . . بۇ مىسرا ماڭا بەك ياقتى ! ‹بۇسۇغامغا چوغ تاشلىماي كەت ، ھايات گاھى ۋاز كىچىش دىمەك . › سۆيگىن سۈيۈل ، كىتەر چاققىچە ئۇنتۇلمىسۇن دۇئايى تىلەك .

nurdin · ۋاقتى: 2012-4-4 16:08:10


	شېئىر ياخشى يېزىلپتۇ.ھۇزۇرلاندىم.

سائادەت ساتتار · ۋاقتى: 2012-4-4 16:30:34


	بۇسۇغامغا چوغ تاشلىماي كەت، ئوت ئىچىدە قالمىسۇن خانەم. قۇلىقىڭغا يەتمىسۇن ھەرگىز، پىنھاندىكى ئاھۇ-زار، نالەم.

تۇرسۇنگۈل ساۋۇت · ۋاقتى: 2012-4-4 16:43:29


	تېمىنى ياقتۇرۇپ كۆرگەن بارلىق ئەزىزلەرگە رەھمەت.بۇنىڭدىن كېيىن يازمىلىرىمنى مۇشۇ تېما ئاستىغا يىغىپ ،كۆڭۈل ئارامىڭلارغا سۇنۇشۇمغا ئىجازەت بەرگەيسىلەر.

مۇنەۋۋەر ئابدۇق · ۋاقتى: 2012-4-4 17:17:59


	شېىر مىسرالىرىدىن يۈرەك تېۋىشىڭىزنى ئاڭلىغاندەك بولۇۋاتىمەن، نىمىشقا شېىرغا بۇنچە قىزىقىدىغىنىمنى ئەمدى چۇشەنگەندەك قىلدىم ، سىزگە ئاللاھىمدىن ساقلىق ،ئامانلىق ،خاتىرجەملىك تىلەيمەن دوستۇم!

سائادەت ساتتار · ۋاقتى: 2012-4-4 18:07:10


	تۇرسۇنگۈل ساۋۇت يوللىغان ۋاقتى 2012-4-4 16:43 تېمىنى ياقتۇرۇپ كۆرگەن بارلىق ئەزىزلەرگە رەھمەت.بۇنىڭ ... تېتىملىق يازمىلىرىڭىزدىن داۋاملىق ھوزۇرلىنىشنى كۈتىمىز تۇرسۇنگۈل.

سائادەت ساتتار · ۋاقتى: 2012-4-4 18:07:52


	مۇنەۋۋەر ئابدۇق يوللىغان ۋاقتى 2012-4-4 17:17 شېىر مىسرالىرىدىن يۈرەك تېۋىشىڭىزنى ئاڭلىغاندەك بولۇ ... بۇ سۆرەتنى بەك ياقتۇردۇم مۇنەۋۋەر رۇخسىتىڭىزسىزلا ساقلىۋالدىم.

ئەمەتجان يۈسۈپ · ۋاقتى: 2012-4-4 18:37:18


	''بوسۇغامغا چوغ تاشلىماي كەت'' -ماۋزۇنىڭ ئۆزىلا كىشىگە ئۆزگىچە تۇيغۇ بېرىدىكەن.

پىنھانە · ۋاقتى: 2012-4-4 20:22:44


	سائادەت ساتتار يوللىغان ۋاقتى 2012-4-4 16:30 بۇسۇغامغا چوغ تاشلىماي كەت، ئوت ئىچىدە قالمىسۇن خانەم. ... سائادەت ساتتارغا : پىنھاندىكى ئاھۇ _ زار ، نالەم ، چۈكەر قەلبىم تەكتىگە ئەبەت . كەلسەڭ كەلگىن قايتار چېغىڭدا ، بۇسۇغامغا چوغ تاشلىماي كەت .