ئاقسۇدا مەرھۇم مامۇتجان دۇۋۇت ۋاپاتىنىڭ 10يىللىغى خاتىرلەندى [ئۇلانما كۆچۈرۈش]

بۇ پائالىيەتنى تەشكىللىگەن ئابلىز ئوسمان قاتارلىق پىداكارلارغا، بۇ تېمىنى يوللىغان ئەزىز ئەيساغا ۋە ئەينى چاغدا كىتابقا تەييارلانغان ئەسەرلەرنى خالىس نىيەت بىلەن مۇنبەرگە يوللىغان دىلىستانغا مىننەتدارلىغىمنى بىلدۈرىمەن. ئەجرىڭلارغا كۆپ رەھمەت!
مەرھۇم ئاخىرەتتە ياخشىلار قاتارىدا بولغۇسى.

مەرھومنىڭ ياتقان يېرى جەننەت بولغاي! ئۇنىڭ ئۇيغۇر ئەدەبىياتىغا قوشقان تۆھپىسى ئۇنتۇلمايدۇ!

         ئەھمىيەتلىك يىغىلىش بوپتۇ، مەرھۇمنىڭ نامى مەڭگۈ ئۆچمەيدۇ، ئۇيغۇر ئەدەبىياتىنىڭ تەرەققىياتى ئۈچۈن سىڭدۈرگەن ئەجرى ئۇنتۇلمايدۇ. مۇشۇنداق ئەھمىيەتلىك پائالىيەتنى تەشكىللىگۈچىلەرگە تەشەككۈر!

مەرھۇم -مامۇتجان داۋۇت  ئەدەبىياتىمىزنىڭ ھەقىقى ئىچ كۆيەر قوللىغۇچىسى ئىدى. ئۇنىڭ نامى ئەدەبىيات مۇنبىرىمىزدە مەڭگۈ يادلانغۇسى.      مەرھۇمنى قانچە خاتىرلىسەك ئەرزىيدۇ... ئاللا  جەننەت ئاتا قىلار...

        مەرھۇم مامۇتجان داۋۇت ھايات ۋاقىتتىكى مۇناسىۋەتلىك يېزىلمىلاردىن مەرھۇمنىڭ ھەقىقىي بىر پەزىلەت ئىگىسى ئىكەنلىكىنى بىلگەن ئىدىم.كېيىن يازغۇچى ئابباس مۇنىياز ئەپەندىممۇ بۇ ھەقتە ماقالە يازغان.بۇ قېتىمقى پائالىيەتتە ئابباس مۇنىياز ئەپەندىم كۆرۈنمەيدىيا؟

راس  ،تارىتقان رەسىملەر كۆپ ئىدى ....ئابدۇرىشت ؛- مەن يوللاي دىدى ،يوللاپ بەرسەم مۇشۇنچىلىك يوللاپتۇ  ...مەنمۇ  يوللاپ قۇيۇشنى ئۈتۈندىم  بولمىسا  ....ئۈزۈم يوللاپ  قويسام  بۇلىدىغان  ئوخشايدۇ بۇ يازمىنى ئاخىرىدا   ئەزىز ئەيسا تەھرىرلىگەن. ۋاقتى  2012-4-14 13:37  

       دىلىستان 5-قەۋەتكە سىز يوللىغان ئۇستاز مۇتەللىپ ئىسكەندەر فارابىينىڭ «كۆمۈلگەن ئارمان» ناملىق داستانى 2012-يىل 10-يانۋار كۈنى تاماملىنىپ، «كۈسەن مەدەنىيىتى» ژۇرنىلىنىڭ 2011-يىللىق 1-سانىدا ئېلان قىلىنغانمۇ؟
       «كۈسەن مەدەنىيىتى» پۈتمىگەن ئەسەرنىمۇ بىر يىل بۇرۇن زاكاز قىلىپ بېسىۋەرمەيدىغاندۇ؟ بۇ يازمىنى ئاخىرىدا   ئۆزيول تەھرىرلىگەن. ۋاقتى  2012-4-18 13:03  

مەرھۇمنىڭ ياتقان يېرى جەنئەت بولسۇن، ئۇنىڭ نامى مەڭگو ئۆچمەيدۇ

بۇ تولىمۇ ئەھمىيەتلىك پائالىيەت بولۇپتۇ. ئەپسۇس  ئەدەبىيات ئۈچۈن قەلبى ئاتەش مەرھۇمنىڭ ئۆمرى بەكمۇ قىسقا بولۇپ قالغىنىغا ھەركىم ئېچىنىدۇ.
بۇ يازمىنى ئاخىرىدا   پاتىگۈل نىياز تەھرىرلىگەن. ۋاقتى  2012-4-18 18:36  

ناھايىتى ئەھمىيەتلىك پائالىيەت بوپتۇ  . مەرھۇمنىڭ ياتقان يېرى جەننەتتە بولغاي ! ئەجىر  ئۇنتۇلماستۇر .

سالام ئۆز يول! خاتالىقنى تۈزىتىپ قويدۇم، خىجالەتمەن...

ئەسسالامۇئەلەيكۇم دوستلار، ئۆتكەن قېتىم مامۇتجان داۋۇت ۋاپاتى مۇناسىۋىتى بىلەن يوللانغان ئەسەرلەر قاتارىدا يەنە بىر دوستىمىزنىڭ مامۇتجانغا بېغىشلىغان يۈرەك سۆزلىرى يوللانماي قالغان ئىكەن، ئۇنىمۇ يوللاپ قويدۇم. بۇ ئەسەرنىڭ ئاپتورى ئەخمەتجان سادىقنىڭ توغرا چۈشىنىشىنى ئۈمىد قىلىمەن.


مەرسىيە
(مەرھۇم دوستۇم مامۇتجان داۋۇت خاتىرىسگە)


ئەخمەتجان سادىق

تەنھا قالدىم ئالەم يۈكىدەك
ئالتۇن سۇمرۇغ كەتكەندە ئۇچۇپ
لىكىن گەۋدە بولسىمۇ باشقا
يۈرۈكىمىز كەتكەن تۇتۇشۇپ

شەكلەنمىگىن بېغىڭ(گۈلزار)ىڭ
بۇلبۇللارنىڭ روھىغا ھەمدەم.
ئەكس سادا قايتۇرار ئۈنۈڭ،
تەڭرىتاغدەك كۆڭۈلدە ھەردەم.

ئۆتۈپ ۋاقىت، ئۈتىدۇ بەلكى،
ئەجەل ئوقى ۋۇجۇتنى تېشىپ.
رازى ئىدىم بىر گۆرگە قويسا،
ئەت - ئۇستىخان كەتسە چىرمىشىپ.


2001 – يلى 3 – ئاينىڭ 31 - كۈنى



مامۇتجاننى كۆردۇم چۈشۈمدە

(مەرھۇم دوستۇم مامۇتجان داۋۇت ۋاپاتىنىڭ ئون يىللىقىغا بېغشلايمەن)

چۈشلىرىمگە پەيشەنبە سەھەر،
كىرىپ قاپتۇ دوستۇم مامۇتجان،
پلىسىراتتىن شامالدەك ئۆتۈپ،
كۆز ئالدىمدا بۇپتمىش ئايان،

كۈلۈمسىرەپ پەرشتە سۈپەت،
- يۇقلاپ كەپسەن دوستۇم دېگىدەك.
بىلسەڭ: دۇنيا- ئۆتەڭ، بىز- كارۋان،
بەر ھەق ئكەن تۇغۇلۇپ ئۆلمەك.

قوللىرىمنى تۇتۇپ ئۇ يەنە،
كۆز تەگمىسۇن ساڭا دېگۈدەك.
تاغلىرىڭدا ئەگىمدۇ بۈركۈت،
ئېچىلدىمۇ بېغىڭدا چېچەك.

بېقىپ يەنە كۈزۈمگە ئوتلۇق،
ھاللاندىمۇ دېگۈدەك دېھقان.
چىن ھەقىقەت دېھقان بولماق تەس،
سېكىرتارمۇ تۇردىمۇ ئامان.

تىنچلىقمۇ دەپ سورايمىش يەنە،
تىلى رايىش كۈسەنلىك دوسلار،
ئەخمەت كېبر، ئەھەد داۋۇتقا،
كالتە تۇننى جۈپ كەيدۈرۈڭلار.

كۆزلىرىمگە قاراپ مەنىلىك،
باشقلارمۇ بارمۇ دېگىدەك،
ئارىمىزدىن چقتىمۇ لۇتۇن،
ئۆتكۈر، زوردۇن، مەمتىمىن زىرەك.

دەرمىش يەنە خىزىر سۈپەتتە،
باش كۈتۈرسۇن بىزدىنمۇ سەردار.
يول بېرىشتۇر ھايات ھېكمىتى،
مەرىت- سېخىغا ئالەم قەرىزدار.


ئىناق ئۆتسۇن دوستلار دېگۈدەك،
ساراي نەدە بولمىسا تۈۋرۈك.
قەبرە، ھەيكەل تىكلىگەن پۇلغا،
زاۋۇت، مەكتەپ، ياساڭلار كۆۋرۈك.

قىزلىرىمنى يوقلاپ قۇيۇڭلار،
بالىلارمۇ ئۆتسۇن ئۆم-ئىناق.
نەۋرىلەرنىڭ جۈپ كۈزىدىمۇ،
مھرىبانلىق چاقنىسۇن پارلاق.

مەھبۇبەممۇ تېخى ياش مەزلۇم،
ئۈچ قىزىممۇ ئىدى بەك گۈدەك،
باشلىرىنى ئوڭلاپ قويۇڭلار،
ئۇچراپ قالسا ئىمانلىق ئەركەك.

تاپىلارمىش يەنە مامۇتجان،
مېنى تۇلا يوقلاپ يۈرمەڭلار.
ئەخمەت تۇمۇر، زاھىررلار كەلدى،
قالغىنىڭلار كېيىن كېلڭلار.

سەيلە قىلىپ جەننەت  بېغىدا،
يۈرەر ئىمىش بىزنىڭ مامۇتجان.
ئاكا-ئۇكا مۇسا باي بىلەن،
مۇنارلاردا توۋلايمىش ئەزان.

ئابدۇخالىق، مەمتىل ئەپەندى،
مامۇتجاننى سوراپ يۈرگىدەك.
بىزنىڭ ئەلدە مۇشۇ كۈندىمۇ،
بارمۇ دەيمىش مۇشۇنداق ئەركەك.

كىرىپ ئالغاچ چۈشۈمگە دوستۇم،
ھۆركىرىدۇم تاغدىكى شىردەك.
چۈنكى ماڭا كەلگەن قوش ماتەم ،
ھىچ كىشىگە كەلمىسە كېرەك.

بۇ دۇنياغا سەن كەبى ئەركەك،
ئەمدى قايتا كەلمىسە كېرەك.
بۈركۈت ئىدىم سۇندى جۈپ قانات،
ئەمدى سەۋرىم يەتمىسە كېرەك.

پۇل بەرسەممۇ كۈندە سائىلغا،
ئەيىبىمنى ئېيتمىسا كېرەك.
كۆز يېشىنىڭ بۇلاقلىرىدا
يۇيۇنماقتا بۇ مەينەت يۈرەك.

چۈشكە كىرىپ تۇرغاچ مامۇتجان،
ھۆركىرىدۇق تاغدىكى شىردەك.
كۆز ياش بىلەن يۇيىنار بەلكىم،
شەخسيەتچى بۇ مەينەت يۈرەك.

ئۇنى كۆرۈپ سېغنىش ئىچرە،
داغلاندى دىل ئوتلۇق ئەلەمدە.
ئون يىل ئۈتۈپ كەتسىمۇ بىراق،
نامى يەنە كۈيدە، قەلەمدە.




2012 – يىلى 1 – ئاينىڭ 5 – كۈنى (پەيشەنبە)








بۇ يازمىنى ئاخىرىدا   dilistan تەھرىرلىگەن. ۋاقتى  2012-4-18 19:36  

مةرھۇمنىڭ ياتقان جايى جةننةتتة بولغاي. گۈلشةن خانىمغا ۋة ئۇماق قىزلىرىغا سالامةتلىك، خاتىرجةملىك،ئاسايىشلىق تىلةيمةن. بۇ يازمىنى ئاخىرىدا   ئا.ئا.سةئىدى تەھرىرلىگەن. ۋاقتى  2012-4-24 14:22  

مەرھۇم مامۇتجان داۋۇت ئەدىپلەر بىلەن ئوخشاش ئورۇنغا قويۇلىشى كېرەك.چۈنكى ئۇ ئەسەر يازمىغان بولسىمۇ ئۇلۇغ ئىش قىلدى ۋە ئۇلۇغ ئىشنىڭ باشلامچىسى بولدى.مېنىڭچە ئۇنىڭ نامىدا خاتىرە سارىيى سېلىنىشى ئۇنداق قىلىش مۇمكىن بولمىسا مەرھۇمنى ئەسلەش،تەشۋىق قىلىش،پائالىيىتىنى داۋاملاشتۇرۇشقا ۋارىسلىق قىلىش ئۇيۇشمىسى قۇرۇلۇپ ئۇنىڭ روھى ھەر ۋاقىت كىشىلەر قەلبىدە مەۋجۇت بولىدىغان ھالەت شەكىللىنىشى كېرەك.گەرچە مەرھۇم كېتىپ قالغان بولسىمۇ ئۇنىڭ ۋارىسلىرى-سېخى،مەرد  ئەدەبىيات پىداكارلىرى،مەبلەغ سالغۇچىلىرى مەيدانغا كەلمىكى زۈرۈر.