ئەنۋەر جۇلا: يېڭى چۆچەك

ئە.جۇلا · ۋاقتى: 2016-3-23 15:54:58


	‏يېڭى چۆچەك ئەنۋەر جۇلا تېكىنلەرنى ساياقلىق كوچىسىغا باشلىغان، قىزلارنىڭ كۆزى ئەمەسمۇ چۆچەكلەردە... بىزمۇ دەسلەپ قىزلارنىڭ كۆزىگە كۆيگەن، سۆيگۈ ھېكايىلىرىمىزدىن پۈتۈلەر قىسسە ... قىزىل ئىشتانلىق بىر قىز ئۆتتى كوچىدىن، ياشلىق جەزىبىسى جىرىڭلاپ تۆكۈلۈپ. ئەستىلىك كۆلچەكلىرىم چالغىنىپ كەتتى، چىرايلىق كۆزلىرىگە بىر قاراپ سېلىپ... ۋاي، بىر مەن ئەمەس بويۇن تولغاپ قارىغان، كەم دېگەندە ئون ئەركەكنى قىلدى سەراسىم. ئەجەپكى، قىز كۆزىدىن مەڭدىگەن بولسام، ئالامان ساغرىسىغا كۆز ئەتتى تەسلىم. 2016-يىل 22-مارت، چۈش. ‏

ئەزىز ھېيت كۈن · ۋاقتى: 2016-3-24 20:29:18


	"ئادەم ھاياتى ئېقىن سۇغا ئوخشايدۇ" ناملىق مۇھاكىمىلىق نەسىرنى مەن ئىككى يىل ئاۋال كۆرگەندىلا قايىل بولغان. بولۇپمۇ پەلسەپىۋىيلىكىنىڭ كۈچلۈكلىكىگە ئاپىرىن ئېيتقان. يۇقۇرىقى شېئىرمۇ خېلى ئۇتۇقلۇق چىقىپتۇ. گەرچە ئەقلىيلىقتىن تەل-تۆكۈس ئاجراپ كەتمىگەن بولسىمۇ شېئىرىي مۇھىت ۋە ئوبرازنىڭ تاللىنىشى ناھايىتى ياخشى بوپتۇ. قاپىيە ۋە ۋەزىنگە قارىغاندا ئىستىتىك ئۈنۈم-قىممەتنىڭ يارىتىلىشى تېخىمۇ مۇھىم.يۇقۇرىقى شېئىر ئوقۇرمەنگە زوق بېرىش ئالاھىدىلىكىگە ئىگە بولغان. قاپىيە قوغلىشىپ يېزىلغان شېئىرىي شەكىلدىكى گەپلەردىن يۈز ھەسسە ياخشى چىقىپتۇ. مۇشۇ مۇنبەردە ماۋزۇ،شەكىل،ۋەزىن،قاپىيە ئۆلچىمىگە تولۇق چۈشىدىغان ئەمما كونا گەپنى قايتا قايتا چاينايدىغان شېئىرسىمان ياكى شېئىرىي شەكىلدە ئېيتىلغان گەپلەر زور سالماقنى ئىگىللەيدۇ. يۇقۇرىقى شېئىر ئىنتايىن نادىر شېئىرغا كىرمەيدۇ. لېكىن ۋەزىن،قاپىيەلىك قۇرۇق گەپتىن ئەۋزەل. جۇلانىڭ ئىنكاس يوللاپ ۋاقتىنى ئىسراپ قىلغىنىدىن تېما يوللاشقا ئۆتكىنى ياخشى بوپتۇ.

ئەرتېكىن · ۋاقتى: 2016-3-25 10:23:04


	كۆڭلۈمدىكى گەپنى قىلسام، بۇ شېئىرنى ئوقۇپ ئىمىن ئەھمىدىنىڭ شېئىرىنى ئوقۇۋاتقاندەك تۇيغۇغا كېلىپ قالدىم.

تۆرىبەگ قىزى · ۋاقتى: 2016-3-25 18:52:46


	«جۇلا»لىق قىزكەندە ئەنۋەر ئاكا شېئىرىڭىزدىكى. قىزىل ئىشتان كىيمەي قىزىل كۆينەك كىيىپ چىققان بولسا ماۋۇ تاتلىق مىسرالىرىڭىز يەنە بىر نەچچە كۇبلىت ئۇزىرايتتى چوقۇم!

ARMAN · ۋاقتى: 2016-3-25 19:07:17


	يازايلى،«...ئايال»دەپ،«...قىز»دەپ تۇختىماي يازايلى...