ئوسمان قاۋۇل: نورۇزنامە

ئوسمان قاۋۇل
                        
                                   نورۇزنامە

               
                    نورۇز كەلدى، دىل كۈلدى، شادلىنىشتى ھەممە جان،
                   ئادەۋەتلەر يۇيۇلدى، يايراپ گۈل، قۇش بار جاھان.
                   تەڭرىتاغنىڭ ئېتىكى ئەگىز بىلەن ياشاردى،
                   ساما سالدى جۇڭغارمۇ كىرسىز بولدى كۆك- ئاسمان.
                   قاراڭ ئەنە ئەتراپتا بەيگە، ئوغلاق، سارغايدى-
                   چېلىش، نەغمە، نورۇزلۇق ھەممە نەرسە تەل شۇئان.
                   كۈندە نورۇز بولسىدى دېيىشتى چوڭ- كىچىكلەر،
                   بۇ ئارمانلىق كۈن تۇغدى مىڭلاپ قىسسەيۇ داستان.  
                   خاسىيىتى ئۇنىڭكى تۈمەن جاننى شاد ئەتتى،
                   چاچتى خۇشبۇي ھىدىنى سەبدە بىلەن گۈلرەيھان.
                   كۈن كۆز قىسىپ بۇ گۈزەل ۋادا ئۈچۈن ھەر باھار،
                   ئەلۋەك نۇردىن زېمىننى قىلدى چەكسىز پاراۋان.
                   نەزەر سېلىڭ قايانغا كۈلكە چىراي، شوخ ناۋا،
                   تەڭكەش بولۇپ ئاۋامغا نەزم پۈتتى بۇ ئوسمان.

                                                             2016-يىل 18- مارت

بۇ سوۋغىدىن بارچە ئەھلى نورۇز سۆيۈنگۈسى!

بۇ سوۋغىڭىزدىن بارچە قەلبلەر بايراملىق شاتلىققا چۆمگۈسى،رەھمەت!

                             كىلاسسىكلار نورۇز  ھەققىدە:

                        تۇغاردىن ئېسە كەلدى باھار يەلى،
                        ئاجۇن بېزەشكە ئاچتى جەننەت يولى.
                        ياشىق ياندى بولغاي يانا ئورنىغا،
                        بالىق قۇيرۇقىدىن قوزى بۇرنىغا.
                        يازىق، تاغ، قىر، ئورمان تۆشەندى يېپىپ،
                        تۈزەندى قولى، قاشى كۆك- ئال كىيىپ.
                                                         -يۈسۈپ خاس ھاجىپ

                   كۈن ھەمەلگە كىردى ئەرسە كەلدى ئالەم نورۇزى،
                   كەچتى بەھمەن زەمھەرىر قىش قالمادى قارى- بۇزى.
                   كۈن كېلەر مىڭ كۆركى ئارتىپ، تىرىلۇر ئۆلمىش جاھان،
                   تاڭ بەدىزلەپ نەقشى بىرلە بىزەنۇر بۇ يەر يۈزى.
                   تاڭ ئاتاردا تۆت سەرىدىن ئەسنەيۇر بادى سابا،
                   كىك تۈزەر كىندىك يىپارتەك يىدلانۇر يابان يۈزى.
                                                                       -رابغوزى

                 
                   مۇۋافىق كىيدىلەر بولمىش مەگەر نورۇز ئىلە بەيرەم،
                   چىمەن سەرۋى ياشىل خىلئەت مېنىڭ سەرۋى راۋانىم ھەم.
                   ۋەسىل ئارا كۆردۈم، تەڭ ئىمىش بويىيۇ ساچى،
                   تۈن-كۈن تەڭ ئىكەن زاھىر ئولۇر بولدى چۇ نورۇز.
                   ئەي يۈزۈڭ باغى نەسىمىدە ھەۋايى نورۇز،
                   لەئلى تاجىڭ بولۇپ ئول باغدا بوستان ئەفرۇز.
                   زۇلفۇ رۇخسار ئىلە كامىمغا مېنى يەتكۈزسەڭ،
                   ھەر تۈنۈڭ قەدىر ئۇلۇبان، ھەر كۈنۈڭ بولسۇن نورۇز.
                                                                    -  ئەلىشىر نەۋائى

مەنىۋى سوۋغىڭىزغا رەھمەت .ھەممىمىزنىڭ قەلبىگە نورۇز شاتلىقى ئاتا قىلدىڭىز .

توقسۇندا چىچەك بايرىمى

ۋىلىقلاپ كۈلدى زىمىن يايرىدى يۈرەك .
يايرىغان يۈرەكتە ئارزۇ-ئارمان ،تىلەك .
ئارزۇ-ئارمانغا غەيرەت-شىجائەت كېرەك ،
ھەمدەم بولسلا بۇندا قاۋۇل جۈپ بىلەك .

نورۇزنامىدىن ھۇزۇرلاندىم .